Post Tagged with: "Youtube"

有片:Yeak Looi的靚畫是如何煉成的
by / on 04/09/2018 at 10:00 pm

有片:Yeak Looi的靚畫是如何煉成的

  又係呢個我好喜歡嘅面書朋友仔Yeak Looi,佢喺幾日前開咗個YouTube頻道「Yeak & Soon TWINS ART」,內有佢用iPad Pro創作《龍珠》畫作嘅過程短片,由零到起稿到畫線到著色到陰影到做氣氛到Last修飾,張張靚圖就是如此這般煉成了。支持吓,幫吓手Subscribe唔該。

Read more ›

揭露日本大企業OT問題    YouTube頻道專拍大廈外牆片
by / on 12/07/2018 at 7:19 am

揭露日本大企業OT問題 YouTube頻道專拍大廈外牆片

日本OT文化好嚴重,之前都有員工過勞死嘅新聞。呢個叫Tokyo Worker嘅YouTube頻道,專門拍低大企業入夜之後大廈嘅燈幾點先會熄。佢哋發現Sony、Square Enix、Toyota到夜晚10點幾11點依然著住燈,反而之前有員工自殺嘅廣告公司DENTSU,真係如佢哋所講,10點鐘就熄晒燈,另外仲有講談社、集英社、日航、JTP等等嘅公司,入嚟有片慢慢睇。佢哋話拍嘅片可以幫助啲未入職人士窺探到嗰間公司嘅OT文化,好實用!

Read more ›
集英社推出「漫畫版YouTube」 手機程式免費下載
by / on 10/05/2018 at 7:50 am

集英社推出「漫畫版YouTube」 手機程式免費下載

日本漫畫銷量一直下跌,唔少人都覺得漫畫行業唔能夠與時並進,適應現今嘅網絡時代。最近日本最大嘅漫畫出版社「集英社」推出呢個叫「Jump Rookie」嘅手機App,理念係一個漫畫版嘅YouTube平台,任何人都可以上載自己嘅作品,其他人亦可以入去睇、like、follow同埋俾comment,like數最多理論上就會排名越高越多人睇到,至於廣告費就會100%俾返原作者。好多知名漫畫家都留言支持,包括《One Piece》嘅尾田榮一郎、《龍珠》嘅鳥山明等等。用戶體驗方面,入到個app主要分少年、青年或女性漫畫,香港都下載到,畫面擺位睇得好舒服,識日文嘅朋友可以用吓。

Read more ›
有片:木顏色畫娘娘/達哥/陳柏宇/子華神
by / on 01/05/2018 at 5:15 pm

有片:木顏色畫娘娘/達哥/陳柏宇/子華神

是日推介「Peterpancil小飛俠」,係一個分享Timelapse畫作嘅YouTube頻道,主題係用木顏色畫畫,畫嘅係熟口熟面嘅人物,達哥喇、陳柏宇喇、黃子華喇,曉治積曼喇,咁個人認為畫得最靚嘅係娘娘杜小喬,係畫得幾有仙氣嘅。

Read more ›
有片:超慢鏡睇水果互撞 青紅蘋果互撞似開花
by / on 09/03/2018 at 8:30 pm

有片:超慢鏡睇水果互撞 青紅蘋果互撞似開花

好耐無睇過YouTube頻道「The Slow Mo Guys」影片,今次有慢鏡睇水果撞水果,畫面一樣咁治癒。先嚟試支發射大砲先,就咁向天射,水果係可以射到141咁遠嘅。之後到互撞環節,橙撞橙,橙汁四射;青蘋果撞紅蘋果,撞到好似朵花咁;最勁係青蘋果撞西瓜,爆晒!如果係人頭的話,我諗一樣會爆。

Read more ›
有片:春麗變巨人嬲嬲 唔踢腿都走光
by / on 26/02/2018 at 8:00 pm

有片:春麗變巨人嬲嬲 唔踢腿都走光

春麗有乜大呀?雙大髀好粗大,眼睛好大,身材都應大則大,我諗春麗本人都好滿意。But,如果變成高過雲層飛機大唔過手掌、求其行一步路都唔知踩死幾多人、撥吓手都可以推塌一層樓嘅巨人呢?春麗就皺晒眉頭嘞。原因?呢條由YouTube頻道「Giantess Lover Kitai」製作嘅短片《Giantess chun li growth》畀到答案你,我懷疑係因為身形太巨大,係人岳高頭都可以偷影到裙底春光,走光呀大佬,梗係唔多Like喇。

Read more ›

有片:番梘開窿放銀紙?日本網民教旅遊藏錢秘技!
by / on 10/01/2018 at 7:55 pm

有片:番梘開窿放銀紙?日本網民教旅遊藏錢秘技!

旅行最驚遇到搶劫,YouTube頻道「Benri LifeHack【JapaneseLifehacker】」教咗十招旅行藏錢秘技,一個唔好彩畀人老笠都唔使渣都無。呢十招好聰明,但事先要將紙幣摺好,包括箍喺洗頭水樽蓋內側、連支裝牙膏一齊捲起再夾實個尾、攝喺膠梳柄中心空位、放入細細個拉蓋式薄荷糖盒、捲成圓柱體狀質入潤唇膏、放喺手機同手機殼之間、扮香口膠、放喺鞋墊底踩住、放入已經剪開嘅旅行裝護髮素再Pack番好,不過最厲害都係喺番梘鑽窿,再將銀紙塞入番梘,呢招非常有創意,真係估佢唔到。又,其實唔只旅行啱用,想瞞住另一半收埋私己錢,都Work。

Read more ›
【有片】日本喵星人沉迷上YouTube    後腳伸直好識嘆
by / on 14/11/2017 at 7:08 am

【有片】日本喵星人沉迷上YouTube 後腳伸直好識嘆

小朋友唔好沉迷上網,喵星人都係。呢隻日本喵星人俾主人發現佢喺屋企偷上YouTube,仲睇到好入神,兩隻後腳伸直晒好嘆。至於影片方面,佢就好識揀睇返自己嘅同類喵星人滑翔飛撲入紙箱嘅刺激場面,即係好似我哋睇功夫片啩。BTW,佢屋企仲有另一隻貓,仲有一個B,睇落好熱鬧,入嚟有多啲佢嘅得意相片回帶。

Read more ›
【新片速報】哈利王子被偷爆谷    可愛妹妹做賊仔YouTube熱播
by / on 29/09/2017 at 7:54 am

【新片速報】哈利王子被偷爆谷 可愛妹妹做賊仔YouTube熱播

英國哈利王子最近去咗睇Invictus Games賽事,不過期間就發生咗段小插曲,段片1日喺YouTube已經超過340萬點擊,好誇張。話說坐喺佢旁邊嘅小妹妹趁哈利同朋友傾緊計,不停咁偷佢啲爆谷食,仲越拎越興奮,勁好笑。後來俾王子發現,佢嘅反應俾網民大讚有父愛,入嚟有片睇。 BTW,「Invictus Games」由哈利王子喺2014年創立,主要為世界各地受傷軍人舉辦類似奧運模式嘅運動賽事,件事好有意義,睇嚟王子都係一個暖男。

Read more ›
【新片速報】外國貓奴自製紙箱迷宮 50個紙箱排陣超興奮
by / on 11/08/2017 at 7:07 am

【新片速報】外國貓奴自製紙箱迷宮 50個紙箱排陣超興奮

一個紙箱已經足以令喵星人好`興奮,而家仲要一次過50個,見到都爽死!外國有貓奴用50個紙箱砌成呢個迷宮陣,中間仲有門可以通過每個紙箱,睇片見兩隻喵星人玩得勁開心,不如開返個貓party招咪埋朋友啦。BTW,隻黑貓鐘意反傳統,最終都係喺啲紙箱上面行嚟行去,好古惑。

Read more ›
有片:Parkour+喪屍圍攻 跳出生天
by / on 17/05/2017 at 10:00 am

有片:Parkour+喪屍圍攻 跳出生天

Parkour影片唔係未睇過,啲景幾靚都好,幾好身手都好,齋跳齋打觔斗始終有啲悶,之所以YouTube頻道「UrbanAmadei」會加入喪屍元素。主觀鏡由頭帶到尾,由住宅單位俾喪屍攻擊開始,一直跳落街、跳樓梯、跳屋頂、跳天橋,最後跳上私家車成功逃走。有故事性,成條片當堂唔同晒,緊張刺激好多,睇嗰個都投入好多,正呀喂。

Read more ›

有片:似異形破體而出 充氣谷爆足球+欖球
by / on 09/02/2017 at 7:45 pm

有片:似異形破體而出 充氣谷爆足球+欖球

YouTube頻道「The Slow Mo Guys」今次簡單啲,玩充氣谷爆足球同欖球。唔知點解爆波個畫面,令我聯想到破人體而出嘅異形,卜一聲,好彩裏面無爆腸,不過爆內膽一樣壯觀。

Read more ›
有片:寶貝寵物蜥蜴呎幾長 著衫/食刺身/攬住訓好爽皮
by / on 09/01/2017 at 8:30 pm

有片:寶貝寵物蜥蜴呎幾長 著衫/食刺身/攬住訓好爽皮

愛無分界限,唔信可以睇睇YouTube頻道「MacGyver the Lizard」,MacGyver係一隻寵物蜥蜴(Argentine Red Tegu lizard),而主人造型就有啲似《IQ博士》裡面嘅草菇。草菇主人聲稱MacGyver就好似一般寵物狗咁,聰明可愛兼識聽自己個名,會跟住佢周圍食玩訓。從短片所見,MacGyver有呎幾長,估計都幾重身,抱上手應該幾攰,不但有衫著,仲有無限量水果食,招積到連刺身都可以擺入口,而伏喺主人膊頭瞇起眼就嚟訓著嘅表情,仲有啲撒嬌Feel添,呢隻蜥蜴真識嘆。

Read more ›
好葡萄!崔成安贈畫劉萬梁師父!
by / on 29/12/2016 at 9:00 am

好葡萄!崔成安贈畫劉萬梁師父!

好葡萄!崔成安對劉萬梁師父真係好,成日畫親筆畫送畀佢,之前已經見過幾幅,啱啱又有兩幅新作嘞,真係羨慕死人。唔係求其亂畫架,幅幅都跟足劉萬梁師父面相畫,姿勢動作固然似,眼神表情亦有神髓,崔成安手畫真係無懈可擊。講番劉萬梁師父,除咗耍雙截棍厲害外,佢仲有一個優點──靚仔!唔係吹水,有相為證,你可以話啲相影得好Chok,但事實係唔係人人都Chok得起;功夫呢?口講無憑,可以上YouTube搵佢啲片睇睇,黑暗中舞螢光雙截棍,堪稱型到一個點。

Read more ›
有片:食波餅五官扭曲!歪嘴歪鼻完全變臉!
by / on 13/12/2016 at 11:00 pm

有片:食波餅五官扭曲!歪嘴歪鼻完全變臉!

好耐無睇過YouTube頻道「The Slow Mo Guys」,今次啲慢鏡頭係好好好好好搞笑嘅,因為有人刻意食波餅!皮球近距離Hit中右邊面頰嘅結果係──先係塊面扁咗,皮膚好似波浪咁震咗幾震,繼而鼻骨好似歪咗向橫擺咗一擺,嘴唇因為衝力硬生生爆開又合番埋,好似走咗位咁……總之就五官完全扭曲,完全變咗另一個人,隔住個Mon都Feel到嗰種痛。

Read more ›

本週人氣

7712 views

《銀魂》完結篇最後畫面 原來……

7188 views

Nintendo Switch Online遊戲列表 20隻經典周三有得玩

6031 views

新片速報 陳年街機合作幾打 《Capcom Belt Action Collection》網上連線

5101 views

日本「裝銀仔」神器 網民推介Twitter熱傳

4858 views

理想與現實 日本宅男形象圖Twitter熱傳