Post Tagged with: "twitter"

【識英雄】Marvel出圖賀《侏羅紀世界》      恐龍拎起《雷神》之鎚
by / on 21/06/2015 at 12:35 pm

【識英雄】Marvel出圖賀《侏羅紀世界》 恐龍拎起《雷神》之鎚

電影《侏羅紀世界》喺美國破埋《復仇者聯盟》嘅開畫票房紀錄,好威威。Marvel Studios唔介意之餘仲好大方,主腦Kevin Feige喺Twitter放咗張賀圖,一班《復仇者聯盟》嘅角色望實騎住恐龍T-Rex嘅男主角Chris Pratt,標題形容《Jurassic World》係「KING!」。睇真啲,隻恐龍手上面仲揸住咗雷神之鎚!張圖由Marvel嘅Andy Park設計,其實以往好多電影人都會識英雄重英雄,出賀稿賀對手套戲收得,入嚟有得回帶睇埋當年史提芬史匹堡賀《星球大戰》大賣嘅廣告稿,好正。

Read more ›

【星期日coser】《LoveLive!》coser網民讚可愛     除下眼鏡後‥‥‥
by / on 07/06/2015 at 11:06 am

【星期日coser】《LoveLive!》coser網民讚可愛 除下眼鏡後‥‥‥

噚日日本網民除咗討論「AKB48第7回選抜総選挙」之外,都熱烈討論緊呢位coser,佢cos緊嘅係《LoveLive!》小泉花陽,即係大家嗌嘅「花陽親」,好多網民都大讚佢可愛,仲讚佢身型肥瘦適中,有人跪求佢嘅twitter,好快手已經有網友搵到佢twitter真身相,原來除咗眼鏡嘅佢都好可愛,同原角色一樣感覺怕怕醜醜,不過個人就認為佢都係戴眼鏡靚啲嘞,你哋點睇?

Read more ›
日本倉鼠超可愛     搞完破壞被鬧賣萌
by / on 06/06/2015 at 12:01 pm

日本倉鼠超可愛 搞完破壞被鬧賣萌

有讀者話我哋成日介紹貓,我哋都有討論過,而家幾乎每日都有喵新聞,無辦法啦佢哋真係太可愛。最近發現其實倉鼠仔都勁得意,好有潛力。好似twitter上面嘅@kawanimals噚日就分享咗右邊呢張倉鼠仔萌爆相,好快已經過千個RT,之後唔覺意我又發現另一個twitter網友@kizao000養咗隻超曳嘅倉鼠仔,成日喺屋企搞破壞,比住人捕獲就賣萌博同情,睇相真係得意到暈。

Read more ›
【雪條合體】日本網民自創冰西瓜    Twitter瘋狂RT
by / on 31/05/2015 at 11:03 am

【雪條合體】日本網民自創冰西瓜 Twitter瘋狂RT

夏天食西瓜最爽,如果係冰西瓜就更加爽。呢個日本網民@ARuFa_FARu自創嘅冰西瓜喺Twitter被瘋狂RT,15小時已經過咗16000個RT,因為佢係由15支西瓜雪條合併而成嘅!佢仲話呢個係佢嘅長年夢想,而家終於可以完成嘞。但係15支雪條,你係咪一次過食得晒架?實肚屙喎!

Read more ›
日本零食背囊Twitter大熱     打開都係零食
by / on 25/05/2015 at 11:43 am

日本零食背囊Twitter大熱 打開都係零食

最近呢張相喺日本Twitter比人瘋狂RT,網友@_muraitoyo_收到朋友送比佢嘅呢個零食背囊做禮物,唔止外圍用零食包住,打開個袋入面仲要全部都係零食,實在太令人感動!真朋友!我最欣賞佢用日本國民級美味棒「うまい棒」做背囊條帶,又方便又有型,揹住佢去行山露營肯定好受朋友歡迎。

Read more ›
【被blcok發狂】燒CD燒相放twitter   上坂堇遇瘋狂粉絲
by / on 25/05/2015 at 11:17 am

【被blcok發狂】燒CD燒相放twitter 上坂堇遇瘋狂粉絲

熱情粉絲有時都幾恐怖。最近日本女聲優上坂堇就遇到狂徒,有位自稱粉絲嘅人喺twitter狂舖自己燒上坂堇嘅CD、簽名版、寫真嘅相,仲將所有CD折成兩半然後舉中指影相。據講佢係因為被上坂堇喺網上block咗而發狂,好多網友就聲討話佢又小氣又變態,我就擔心佢就咁用煮食爐燒相好危險,同埋究竟點解佢好哋哋會比人block咗呢?BTW,狂徒個account已經比人block咗。

Read more ›

超皺皮怪手    挑戰人體極限喪浸6小時
by / on 24/05/2015 at 2:29 pm

超皺皮怪手 挑戰人體極限喪浸6小時

細過沖涼沖得耐阿媽就喺門口拍門鬧,我話:「唔係沖咗好耐之嘛」,佢就會拎我隻手嚟睇:「睇吓,洗到皺晒皮仲話唔耐!」不過呢個日本網友「がーひら@低浮上」仲勁,沖到隻手好似生嘢咁。佢首先係因為好奇,想知道隻手浸手最皺可以去到咩程度,於是挑戰浸水3個鐘,出嚟嘅效果已經好驚嚇,但佢唔放棄再挑戰自己,去到6個鐘嘅時候,直情皺到好似中咗劇毒咁,媽呀!鬼呀!

Read more ›
日本網友買錯瓜上網求換      居然有人覆
by / on 22/05/2015 at 7:19 am

日本網友買錯瓜上網求換 居然有人覆

呢個小黃瓜故事好有愛,吸引好多日本Twitter用戶RT。話說日本網民@bocchhi0806有日影咗條青瓜相再放上twitter,話自己唔小心買錯咗大黃瓜,其實係想買小黃瓜(Little Cucumber)先啱,跟手再問有無住喺名古屋嘅網友可以做吓好心同佢交換。點知過咗一陣,真係有人覆佢,網民@sane_haruka仲影咗兩條小黃瓜嘅相,話可以同佢兩條換一條,由於件事太離奇,吸引好多網友喺Twitter度RT。好戲在後頭,樓主就話由於等得太耐,所以太肚餓已經將條瓜煮咗嚟食,而sane就話啲小黃瓜係佢屋企自己種嘅,所以下次有機會都依然想同樓主換瓜‥‥‥

Read more ›
日本最強喵星人     hea坐鋅盆twitter熱爆
by / on 21/05/2015 at 7:06 am

日本最強喵星人 hea坐鋅盆twitter熱爆

喵星人之所以喺網絡上面咁受歡迎,係有原因架,佢哋嘅一舉一動自我得嚟又出人意表,好似喺日本呢兩日最紅就係呢隻灰色貓嘞,張相由主人@kokesukepap放上Twitter,當日佢準備洗碗,點知一行埋去就見到自己隻貓坐喺鋅盆入面,仲要兩隻手吊喺外邊fing fing吓好悠閒,嚇到佢即刻放低碗碟,撲去拎返部相機出嚟影底佢。不過睇嚟喵星人對佢嘅行為似乎無乜反應,btw,乜咁坐舒服啲咩?

Read more ›
日本潮興「貓舌」     飲熱嘢收埋條脷唔怕燙
by / on 13/05/2015 at 7:09 am

日本潮興「貓舌」 飲熱嘢收埋條脷唔怕燙

原來日本形容「猫舌の人」,即係話食嘢飲嘢好怕燙口嘅人,日本有網友睇電視講解「貓舌」,之後cap圖放上Twitter引起好多人討論,節目話原來「貓舌」人喺食嘢飲嘢時,舌頭首先接觸到食物,只要下次將條脷收埋喺牙齒後面,就唔會再咁怕熱嘞。呢位Twitter用戶仲親身試過,發現真係work喎!快啲斟杯熱水試吓啦。

Read more ›
【太真實】日本單身OL漫畫twitter大熱    女網友爆感動
by / on 11/05/2015 at 7:15 am

【太真實】日本單身OL漫畫twitter大熱 女網友爆感動

週末放假一個人夜晚匿喺房玩手機?瞓覺嚇醒一個人眼光光唔知點算?嘗試參加舊同學聚會但一出到去就好後悔?最後仲要發現fb張大合照影唔倒你?呢幾張漫畫近日喺日本Twitter好紅,創作者叫黒川竜浩,由於佢畫出時下單身OL嘅感受,令人越睇越傷心,好多女網友都話感同身受爆感動。我都好有同感,尤其是舊同學聚會嗰幾張圖,同埋,我間房都係咁亂‥‥‥

Read more ›

搭膊頭摸面珠加微笑 日本Twitter潮興obashot
by / on 29/04/2015 at 1:16 pm

搭膊頭摸面珠加微笑 日本Twitter潮興obashot

先了解基本資料,Obasan(おばさん)係日語,意即「大嬸」,台譯日本漫畫常譯「歐巴桑」,意即「上了年紀的中年女人」,我諗,如果用中文的話,「大媽」呢兩個字應該譯得最傳神,而Obashot,即「Obasan shot」縮寫,意即「日本大嬸影相Pose」。講咁耐為乜?因由日本Twitter用戶呢期潮興Obashot,呢個Trend經有「毒舌王」之稱嘅日本諧星有吉弘行(Hiroiki Ariyoshi)喺Twitter再煲多煲,仲歸納埋十大Pose,包括雙手放前用購買袋遮住下半身、坐地下雙膝靠攏兼向是但一邊擺、背景有花兼越多花越好、戙喺雕塑或人像側邊留影、側頭加古板含蓄微笑、雙手交疊放喺身前、離塊面遠一遠做和平手勢、手肘無支點但又半托腮半摸自己塊面、雙手搭人家膊頭、擺隻貓喺大腿一齊對住鏡頭笑。總結,雖無聊但搞笑最緊要啲Pose容易擺,睇嚟呢股熱潮有排玩。

Read more ›
超正《Star Wars》Emoji     一式三款有得玩
by / on 20/04/2015 at 7:10 am

超正《Star Wars》Emoji 一式三款有得玩

正喎!呢幾個Star Wars嘅emoji一見到已經好想用,有C3PO、白兵同埋BB8,最近喺Star Wars官方嘅Twitter公佈,係佢哋同迪士尼及Lucasfilm合作推出嘅,想用好易,喺twitter照返打#C3PO,就會自動彈出C3PO嘅emoji,如此類推。據講電影《The Force Awakens》推出前仲會有其他角色emoji輪住出場。但係我其實無twitter,不如考慮出埋喺Facebook或者WhatsApp啦。

Read more ›
日本Twitter熱話 家長露兩手 幼稚園表格畫超靚地圖
by / on 09/04/2015 at 12:55 pm

日本Twitter熱話 家長露兩手 幼稚園表格畫超靚地圖

香港嘅家長們幫仔女搵學校,又要練習對答又要英文,家長自己都精神緊張。不過,相信日本呢位家長就唔係為咗爭學位,只係純粹技癢露兩手,喺呢長表格上面畫簡單住所地圖時,畫咗呢張俯瞰地圖,放咗上Twitter兩日就有42,382個RT!

Read more ›
日本學生畫《LoveLive!》串英文生字 古怪學習法Twitter熱傳
by / on 07/04/2015 at 7:33 am

日本學生畫《LoveLive!》串英文生字 古怪學習法Twitter熱傳

最近呢幅圖喺日本Twitter有過萬個RT,相中嘅《LoveLive! 》角色睇真啲係由一組組英文字母串連而成。呢張相由網名叫あ〜やん (@a_yan_nya) 嘅媽咪放上Twitter,佢話呀女為咗背英文生字,於是諗到呢個邊畫公仔邊串字嘅新方法,佢覺得幾得意於是放上網同大家分享,而家已經上傳咗5個角色圖,網民大讚新穎。媽咪仲應網民要求,放埋阿囡嘅製作過程分享吓。原來唔鍾意煮飯嘅佢,為咗氹鍾意動漫嘅囡囡歡心,都試過整動漫便當,入嚟有回帶,而佢本人嘅Twitter背景仲係得意動漫角色,伯母真係幾可愛。

Read more ›

本週人氣

7548 views

《銀魂》完結篇最後畫面 原來……

7056 views

Nintendo Switch Online遊戲列表 20隻經典周三有得玩

6352 views

日本長壽動畫聲優高齡化 列表中大量60歲以上

5921 views

新片速報 陳年街機合作幾打 《Capcom Belt Action Collection》網上連線

4756 views

理想與現實 日本宅男形象圖Twitter熱傳