Post Tagged with: "switch"

【今日GIF】任天堂Switch體驗會 囡囡食漢堡食極食唔到
by / on 14/01/2017 at 8:03 pm

【今日GIF】任天堂Switch體驗會 囡囡食漢堡食極食唔到

今次唔同喎,現實真係好過理。任天堂Switch今日同聽日都仲舉行緊體驗會,之前都睇過啲日本傳媒會場試玩片啦,原來仲可以咁玩,因為佢手掣底有鏡頭,可以偵測到鏡頭前嘅動作,例如口擘擘就可以食漢堡。理想中係一位洋人,現實中係一位日本囡囡,但似乎佢無論點食點擘大口都冇反應,好好笑,臨尾求救個樣仲好可愛呀!

Read more ›

哦!呃人!網民發現任天堂新機宣傳 手掣太細加工變長
by / on 14/01/2017 at 7:47 pm

哦!呃人!網民發現任天堂新機宣傳 手掣太細加工變長

其實有冇機迷都有懷疑?就係任天堂個手掣拆開成Joy-Con玩雙打時,會唔會太細?如果有買Mini紅白機嘅,可能就會明,手掣太細真係好難搞。有網民發現,任天堂宣傳時,唔知係咪因為呢個原因,所以將個手掣變長咗,左右cap出嚟再拼一拼都明顯唔同長度,最緊要係嗰粒analog,由圓形變咗橢圓……日本網民仲話佢係「詐欺天堂」。不過其實唔緊要啦,對應Classic掣嘛?同埋o依家有幾可friend同場雙打吖?

Read more ›
【有片】Switch試玩現場 超好玩搾奶小遊戲
by / on 13/01/2017 at 5:46 pm

【有片】Switch試玩現場 超好玩搾奶小遊戲

日本Switch發佈完之後個場任玩,聽日後日仲會開放俾公眾,日本IGN喺現場就試玩咗啲小遊戲拍咗片。呢隻我真心覺得正,就係拆個手掣出嚟玩搾牛奶!示範嗰位又交足戲,任天堂喺呢方面係勁嘅,希望今次再多啲呢類驚喜啦!唔駛吓吓打打殺殺嘅!

Read more ›
【有片】Switch魔鬼功能 電話遙控限制打機時間
by / on 13/01/2017 at 5:07 pm

【有片】Switch魔鬼功能 電話遙控限制打機時間

中午出完大量情報,任天堂官方繼續有新片出,首先係新機Nintendo Switch版《Mario Kart 8 Deluxe》,會有齊DLC同對戰新地圖。另外就係呢個家長控制功能,可以用電話設定每日遊玩時間,即係阿仔喺屋企打緊機,一個鐘就一個鐘,自動熄機真係灰到極限,條片好好笑呀呵?唔好笑呀,你嘅家長未必得你阿爸阿媽嘅……

Read more ›
【有片】3月3日賣約$2000蚊 任天堂Switch有行貨冇區鎖
by / on 13/01/2017 at 1:09 pm

【有片】3月3日賣約$2000蚊 任天堂Switch有行貨冇區鎖

之前啲流出情報錯喎,唔係3月17日呀,係3月3日,早兩星期呀!今次威嘅,因為香港喺首賣日3月3日,同日本一樣都有行貨,而且今次主機係冇區鎖,簡單講,即係你買部中文機,可以玩中文遊戲,仲可以玩埋日版、歐美版遊戲。上網連線對戰,初期會免費提供,之後先會收費。主機價錢方面,29,980円未連稅,即係約2千港幣多啲啦!手掣分拆之後支援體感操控,不過大家期待嘅VR功能就冇講喇。另外發佈會都公佈咗好多遊戲,包括《真‧女神轉生》、《Xenoblade 2》、《Splatoon 2》,不過下一隻大叔遊戲《Super Mario Odyssey》2017年冬先出,可以觀望。如果你有WiiU玩住同日推出嘅《薩爾達傳說》的話。

Read more ›
【要bookmark】下星期五Nintendo Switch網上Live 詳細情報放送
by / on 05/01/2017 at 5:41 pm

【要bookmark】下星期五Nintendo Switch網上Live 詳細情報放送

3月出,幾多號?幾錢?有冇區鎖?跟機有咩Game?有冇VR玩?呢啲都係機迷關心嘅。之前已經講話今個月會有新消息,如果你都等緊,咁要bookmark定,下星期五1月13日,日本時間下午1點就會有直播,入嚟有link,bookmark定。

Read more ›

反斗城流出 任天堂新機Switch賣$329.99美元
by / on 14/11/2016 at 10:31 pm

反斗城流出 任天堂新機Switch賣$329.99美元

官方詳細規格、價錢,應該就要等到1月喇,不過有好多傳聞都可信性好高嘅,例如720p multi-touch screen輕觸屏幕,同今次呢個價錢。今次流出嘅網站係玩具反斗城,加上任天堂主機一向都唔會太天價,329.99美元,2000蚊港幣多啲,我覺得好似幾可信。咁如果真係呢個價,你會唔會出機?

Read more ›
【外國消息】原來有輕觸 任天堂Switch屏幕6.2吋720p
by / on 28/10/2016 at 12:32 pm

【外國消息】原來有輕觸 任天堂Switch屏幕6.2吋720p

之前官方預告中,未有顯示新主機嘅屏幕係咪可以輕觸操控,不過據外國網站Eurogamer消息所講,就係可以嘅,而且更加係任天堂主機中首次使用multi-touch screen(之前3DS、WiiU係single-touch)。而呎吋同解像度方面就係6.2吋同720p。咁即係除咗用兩邊Joy Con玩之外,仲可以好似電話、Tablet咁玩,但係,喺屋企插咗部機駁電視出,輕觸操控方面點算呢?

Read more ›
任天堂新機Switch 對應Unreal Engine 4遊戲
by / on 24/10/2016 at 9:15 am

任天堂新機Switch 對應Unreal Engine 4遊戲

任記自己嘅遊戲作品吸引力唔駛懷疑,但要新主機成功,第三廠商嘅支持都好重要啦,之前公開咗嘅廠牌有唔少,睇嚟今次任記都喺呢方面做多咗工夫。啱啱,Unreal Engine 4,即係《Gears of War 4》、《Batman Arkham: VR》呢啲遊戲嘅引擎,官方發佈咗話同任記新機嘅合作關係,話會盡力協助使用UE 4引擎開發遊戲嘅製作單位將遊戲移植到Switch度。

Read more ›
點睇任天堂Switch?網民有圖有片有反應 改裝WiiU、自製PS Switch
by / on 21/10/2016 at 12:14 pm

點睇任天堂Switch?網民有圖有片有反應 改裝WiiU、自製PS Switch

噚晚就睇完Nintendo Switch嘅發佈影片,下年3月出,好多機迷都有自己意見啦,作為打任記日系Game大嘅我哋,點都撐o架啦。不過日本、外國就有好多網民都有反應,多數係話個手掣似狗仔頭,有人仲拆自己部WiiU Gamepad嚟改裝……仲有人自製咗PS Switch同PS Switch Pro……

Read more ›
【有片】任天堂新主機NX公開 下年3月發售叫Nintendo Switch
by / on 20/10/2016 at 10:14 pm

【有片】任天堂新主機NX公開 下年3月發售叫Nintendo Switch

今朝先同朋友傾開任天堂新機今晚有嘢公佈,會唔會好快出,俾佢估中啦,下年3月!NX唔再叫NX,叫Nintendo Switch(ニンテンドースイッチ),玩分體結合,家用機又即係手提機,講真,有少少失望,因為概念同Remote Play都有啲似,而且手提機仲有冇市場呢?反而其實著重番家用玩法係咪好啲?不過都有好嘢嘅,手掣可以拆開再組合或者一個變兩個,拎上飛機當埋平板用又得……講到尾,我好想玩《薩爾達傳說》,但係咪玩WiiU版都得?

Read more ›

本週人氣

7548 views

《銀魂》完結篇最後畫面 原來……

7056 views

Nintendo Switch Online遊戲列表 20隻經典周三有得玩

6352 views

日本長壽動畫聲優高齡化 列表中大量60歲以上

5921 views

新片速報 陳年街機合作幾打 《Capcom Belt Action Collection》網上連線

4756 views

理想與現實 日本宅男形象圖Twitter熱傳