Post Tagged with: "jojo"

新片三連發 《JOJO奇妙冒險 All Star Battle》60秒TVCM
by / on 25/03/2013 at 5:07 pm

新片三連發 《JOJO奇妙冒險 All Star Battle》60秒TVCM

8月29日推出嘅PS3《JOJO奇妙冒險 All Star Battle》,仲有成5月個先出,真係有排等。由第1部至最新第8部嘅東方定助都會現身,而且畫面同替身動畫cut-in勁有原著氣勢,JoJo迷必買,再死忠啲,黃金體驗Box都走唔甩……今日官方發佈咗3條TVCM,每條1分鐘,開頭一樣內容唔同,最搞笑係承太郎拎住隻遊戲賣廣告……

Read more ›

今日開訂 有片睇《JoJoveller完全限定畫集》限訂50日 2萬円買個安心
by / on 19/03/2013 at 5:12 pm

今日開訂 有片睇《JoJoveller完全限定畫集》限訂50日 2萬円買個安心

今年《JoJo奇妙冒險》連載25周年,特別多嘢搞,8月有隻PS3遊戲,必訂黃金體驗箱!下個月頭又有件Tee,我都未諗掂點樣搞到手。啱啱又多一樣必入寶物,就係由即日開始至5月開放預訂生產嘅畫集,包括有208頁全彩頁、包括替身資料嘅兩本別冊,仲有兩隻藍光碟,當中一隻記錄日本JoJo展實況,呢隻都想睇啦,第二隻仲正!就係荒木飛呂彥老師製作《JoJo》嘅點滴!加埋超精美包裝,2萬円,求個安心冇得走。如果真係走得甩,下年仲有齋畫集版本,平啲賣8,500円。另外官網除咗有免費Wallpaper下載外,亦有問答遊戲玩,答中抽到就有親筆簽名版畫集,啊啦啊啦啊啦!

Read more ›
新片速報《JoJo奇妙冒險》千值練Iggy 幫你開門口
by / on 06/03/2013 at 2:02 pm

新片速報《JoJo奇妙冒險》千值練Iggy 幫你開門口

呢隻喺第3部極度活躍嘅Iggy,外冷內熱,有義氣能力又無敵。嚟緊5月千值練就會出呢隻Iggy,不過佢唔只係Figure,仲好實用,因為佢個動作就係舉高一隻腳準備小便,而嗰隻腳就可以幫你頂住度門,入嚟仲有介紹影片。賣4,800円,雖然我唔會想長期開住度房門,但我都極想要。

Read more ›
《JoJo奇妙戀愛》 JoJo出PSP乙女向戀愛遊戲!?
by / on 28/02/2013 at 2:44 pm

《JoJo奇妙戀愛》 JoJo出PSP乙女向戀愛遊戲!?

講少少情報先,8月29日推出嗰隻《JOJO奇妙冒險 All Star Battle》黃金體驗特典版,喺日本已經訂到爆晒,問過相熟舖頭,要訂日版都真係冇計,只有等行貨開訂……好喇,呢隻《ときめきジョジョリアル Girl’s Side》就唔關事嘅,以戀愛遊戲為主題,背景係荒木學園高等部(!?),開發商係SPW(スピードワゴン)財團(!!??),20XX年會喺PSP推出,睇到呢度,你都知佢個官網係玩嘢,冇錯,純粹二次創作,但超認真地有官網又有大量設定圖,而且畫風仲好正!如果真係出,唔知佢哋啲替身可唔可以喺情到濃時出現……啊啦啊啦呢?

Read more ›
新片速報《JOJO奇妙冒險 All Star Battle》第4彈PV 替身爆發 東方定助現身
by / on 18/02/2013 at 3:23 pm

新片速報《JOJO奇妙冒險 All Star Battle》第4彈PV 替身爆發 東方定助現身

前兩日報導過日本搞咗個發佈會,現場仲播放咗一段最新PV,今日官方終於擺上網!呢條第4彈最新PV見到第8部主角東方定助現身,仲有使出替身能力嘅遊戲畫面。另外亦有第4部吉良吉影以初回封入特典現身!集合各代主角,呢條片仲有各主角超必特寫!最後唔少得,就係黃金體驗Box介紹啦!8月29日,有排等。

Read more ›
發佈會續報《JOJO奇妙冒險》4月出Tee送手機App 白金之星在身邊
by / on 17/02/2013 at 7:44 am

發佈會續報《JOJO奇妙冒險》4月出Tee送手機App 白金之星在身邊

PS3隻《JOJO奇妙冒險 All Star Battle》8月29日先出,但4月頭就已經有錢你駛。噚日喺日本舉行嘅發報會中,除咗公佈咗會有埋第8部嘅東方定助參戰,全線8部角色大集結同黃金體驗BOX特典內容外,仲會喺4月頭出一件Tee,遠睇只係普通橫間,但近睇就知啲橫間係由漫畫中嘅聲效文字組合而成,低調地啊啦啊啦。不過最勁係佢會有埋個App俾你裝落手機,只要手機鏡頭對住著住呢件Tee嘅人,就會有識郁嘅白金之星喺身邊現身!5,040円,全國BEAMS、Village Vanguard有賣,無論用咩手段,我都要入手!

Read more ›

8月29日發售《JOJO奇妙冒險 All Star Battle》黃金體驗BOX限定內容公開!
by / on 16/02/2013 at 4:22 pm

8月29日發售《JOJO奇妙冒險 All Star Battle》黃金體驗BOX限定內容公開!

啊啦啊啦啊啦啊啦啊啦啊啦啊啦啊啦,有冇搞錯,8月尾先有得玩?《JOJO奇妙冒險 All Star Battle》今日(16日)喺日本舉行咗個「最高に「ハイ!」ってやつだアアアアアア「ジョジョの奇妙な冒険 オールスターバトル」發表會」,不出所料,公佈咗發售日期同埋特典內容!呢個黃金體驗BOX有承太郎加白金之星Figure,仲有荒木飛呂彦新繪嘅黃金飾板!初回封入特典就有第4部「川尻早人」中咗岸邊露伴替身絕技之後嘅Memo同吉良吉影DLC!另外亦即場發佈咗第4段PV(未有得睇),同埋第8部東方定助參戰!限定版16,980円,走唔甩!走唔甩呀呀呀呀!

Read more ›
1比1承太郎/迪奧現身「Wonder Festival 2013 冬」首展第8部超像可動
by / on 12/02/2013 at 10:29 am

1比1承太郎/迪奧現身「Wonder Festival 2013 冬」首展第8部超像可動

JoJo迷去咗Gucci個廚窗朝聖未?日本嘅「Wonder Festival 2013 冬」裏面一樣有好嘢,就係1比1等身大嘅承太郎同迪奧,雖然冇咗白金之星同世界係差啲,不過見到佢兩個咁靚仔,都想上番注香。實際啲,有新玩具嘅白模登場,首先就係最新第8部主角東方定助嘅超像可動,繼而仲有對成個故事發展有深遠影響嘅1比1「石鬼面」等等,發售日未定,你會唔會買番個放喺屋企?

Read more ›
香港潮聖 JoJo 30周年 X Gucci 現身海港城
by / on 10/02/2013 at 2:52 pm

香港潮聖 JoJo 30周年 X Gucci 現身海港城

一個海港只有一個海港城,可惜已經俾自由人攻陷咗,冇乜嘢都唔會去,經過都唔會停低。之但係,作為JoJo迷嘅我,今個新年點都要出去潮一潮聖!因為之前報導過JoJo 30周年再同Gucci搞聯乘,會將Gucci廚窗加入JoJo角色,呢個活動,亞洲地區都會有,香港都有份!尖沙咀海港城店已經大變身,各位JoJo迷,齊齊去門口嚟個JoJo立,影張靚相呀!

Read more ›
新圖發佈《JOJO奇妙冒險 All Star Battle》2月26日重大發表
by / on 07/02/2013 at 11:51 am

新圖發佈《JOJO奇妙冒險 All Star Battle》2月26日重大發表

由CyberConnect2製作,Namco Bandai推出嘅《JOJO奇妙冒險 All Star Battle》靜咗一排,一直只係話今年內推出嘅呢隻PS3格鬥遊戲,官方話會喺2月26日有衝擊發表,睇個勢,應該點都有發售日期同特典版內容啩!另外日本《Fami通》亦有大量新圖發佈,有第1代JoJo同佢個波紋師父ウィル・A・ツェペリ,仲有出場時雙腳郁唔到嘅第7部主角騎馬現身!

Read more ›
今日買書 2月號《Spur》又嚟《JoJo奇妙冒險》X Gucci
by / on 05/01/2013 at 12:45 pm

今日買書 2月號《Spur》又嚟《JoJo奇妙冒險》X Gucci

作為雄糾糾嘅男子漢,走去買女人時裝書?係,為咗《JoJo》,我已經唔係第一次。上年10月號《Spur》有《JoJo》x Gucci特集,仲有第4部岸邊露伴漫畫,我已經獻出第1次;今次2月號,又有特集,係第6部空条承太郎個女空条徐倫做主角,加埋第5部拉鏈人布差拉迪(Bruno Bucciarati),冇得走。唔好睇今期封面唔係《JoJo》乜咁渣喎,其實封面都有乾坤,嗰條拉鏈可以搣開,裏面係拉頁《JoJo》封面!Page One賣$101,《JoJo》迷俾錢啦!

Read more ›

新片速報 《JOJO奇妙冒險 All Star Battle》7部同堂 4分鐘宣傳片
by / on 23/12/2012 at 10:09 am

新片速報 《JOJO奇妙冒險 All Star Battle》7部同堂 4分鐘宣傳片

呢隻2013年發售嘅PS3獨佔格鬥遊戲《JOJO奇妙冒險 All Star Battle》,由CyberConnect2製作,Namco Bandai推出,發售日期係喺2013年內。呢條第3彈「Jump Festa 2013」版官方片有成4分幾鐘,睇晒第1至6部(咦冇咗第7部?)嘅戰鬥場面!臨尾迪奧對承太郎一幕,真係睇幾多次都唔厭,JoJo應該止到痕!

Read more ›
四粒蛋之男 東方定助下年3月發售
by / on 22/11/2012 at 1:49 pm

四粒蛋之男 東方定助下年3月發售

超像不動雖然不可動,但勝在手工好又有齊全個身,嚟緊下年3月中,JoJolion系列新作就係《JoJo奇妙冒險》第八部嘅東方定助現身,呢個有四粒蛋蛋嘅男主角第一次出玩具,真係點都要撐吓!賣6,090円,網友們都係關心會唔會包嗰四粒配件……

Read more ›
大量新圖 《JOJO奇妙冒險 All Star Battle》東方仗助 空条徐倫現身!
by / on 15/11/2012 at 8:00 am

大量新圖 《JOJO奇妙冒險 All Star Battle》東方仗助 空条徐倫現身!

官方都講明,呢隻2013年發售嘅PS3格鬥遊戲《JOJO奇妙冒險 All Star Battle》會有齊第一部至第七部主角登場。由Namco Bandai推出、CyberConnect 2開發,啱啱日本《Fami通》就有大量全新遊戲畫面圖發佈,當中有第4部嘅東方仗助同瘋狂鑽石,仲有佢俾人批評髮型後暴走嘅場面!加埋虹村億泰加轟炸空間,同埋第6部嘅空条徐倫參戰!老實講,徐倫我麻麻,反而期待天氣先生!

Read more ›
雜誌新圖 《JOJO奇妙冒險 All Star Battle》東方仗助參戰
by / on 13/11/2012 at 4:40 pm

雜誌新圖 《JOJO奇妙冒險 All Star Battle》東方仗助參戰

一早都知呢隻2013年發售嘅PS3《JOJO奇妙冒險 All Star Battle》,會有齊第一部至第七部主角登場。由Namco Bandai推出、CyberConnect 2開發,啱啱日本雜誌就刊出咗最新圖,包括第四部嘅東方仗助同瘋狂鑽石,同埋虹村億泰加轟炸空間,加埋第六部嘅空条徐倫參戰!

Read more ›

本週人氣

9721 views

【有片】可愛到癲!「你點解嚟日本?」節目 日本網民狂讚16歲波蘭妹妹

7927 views

日本「裝銀仔」神器 網民推介Twitter熱傳

7533 views

Nintendo Switch Online遊戲列表 20隻經典周三有得玩

6614 views

我就是高達!舞台劇《機動戰士Gundam 00》角色登場

6274 views

機迷出圖 如果出Marvel’s Iron Man遊戲