Post Tagged with: "Evangelion"

新片突發! 《Evangelion新劇場版:Q》6分鐘影片曝光!
by / on 16/11/2012 at 11:22 pm

新片突發! 《Evangelion新劇場版:Q》6分鐘影片曝光!

聽日日本上映,冇得睇真係好辛苦,信我,睇完呢段最新影片,你會出現流鼻水打喊露等症狀……6分鐘可以話9成時間都精彩,明日香駕駛2號機喺太空玩空戰!嗚!我唔掂喇!摷番套破頂住先!

Read more ›

戲院有相影 《Evangelion新劇場版:Q》貼紙相機
by / on 16/11/2012 at 7:18 pm

戲院有相影 《Evangelion新劇場版:Q》貼紙相機

曾幾何時,影貼紙相真係好興,同女朋友影完貼落手機,簡直係身份象徵。今時今日,我都仲有影貼紙相嘅衝動,不過係同綾波麗、真希波,甚至係同初號機合照……《Evangelion新劇場版:Q》聽日喺日本上,我冇得睇都好緊張,見到日本部份上映戲院仲有EVA影相機玩,合共有17張背景揀,500円一劑……唓!得序同破之嘛,咁渣o架……但係我都想影呀!

Read more ›
初號機 Mark.06 揸筷子食使徒
by / on 15/11/2012 at 11:41 am

初號機 Mark.06 揸筷子食使徒

食麵用筷子、食薯片用筷子、食扒食雪糕食意粉都要用筷子,呢啲咪就係堅持囉!無論你有冇呢份堅持,只要係EVA迷,見到呢兩對筷子(各1575円,11月內推出)都會嚇一跳。嘩!咁大隻初號機同Mark.06喺筷子上面,會唔會太重呢?另外,新產品仲有第5、第6同第10使徒嘅製冰模具(各1050円,發售中),可以整出使徒樣嘅冰、朱古力,甚至啫哩,唔使暴走都食到使徒。

Read more ›
坐初號電車過山車 EVA:Q × FUJI:Q計画再始動!
by / on 14/11/2012 at 4:03 pm

坐初號電車過山車 EVA:Q × FUJI:Q計画再始動!

今個星期六,我會勤啲上網,睇吓有冇人講劇情,係,我以前都好憎人劇透,但今次唔同,《Evangelion新劇場版:Q》喎!我決定犧牲。好喇,個個都乘EVA,一向有乘開嘅富士急亦加碼,將富士急線電車變身成為初號機,再加多個主題過山車!而之前嘅綾波麗主題酒店房、餐廳食品就繼續喺度,入嚟溫故知新啦。

Read more ›
周六日本上映《Evangelion新劇場版:Q》影院產品曝光
by / on 14/11/2012 at 12:01 pm

周六日本上映《Evangelion新劇場版:Q》影院產品曝光

話咁快,今個星期六就係11月17日,對日本EVA迷嚟講係大日子,對香港EVA迷嚟講,係超葡萄嘅日子。如果,你睇埋呢個產品列表,個心會更唔舒服……去日本睇過戲嘅都知,戲院度都會有產品專櫃,可以買到場刊、精品、CD等好嘢,而EVA嘅戲院販賣列表,除咗有爆谷汽水連初號機飲管套餐外,產品更加係超級豐富,就咁快睇一次,都起碼十樣八樣有興趣……好彩!我有朋友呢期去開日本,嘩哈哈哈哈!羡慕我吧!

Read more ›
新片速報《Evangelion新劇場版:Q》同場加映《巨神兵東京に現わる 劇場版》
by / on 10/11/2012 at 4:22 pm

新片速報《Evangelion新劇場版:Q》同場加映《巨神兵東京に現わる 劇場版》

講明先,呢條[Evangelion 3.0] you can (not) redo嘅trailer,冇上次嗰條又新EVA又新角色咁震撼,都係剪剪埋埋cut短啲嘅預告,不過臨尾有個小驚喜,就係之前庵野秀明喺東京都現代美術館搞嗰個特撮博物館播嘅《巨神兵》,將會同步喺Q播放時有短編劇場版播放!都好吖!嗚!香港幾時上呀?入嚟睇新片之餘,又係時候回味之前條新預告,我又打喊露同流鼻水喇……

Read more ›

綾波出內衣?愛藏心口裡 驚見Victoria’s Secret
by / on 10/11/2012 at 8:05 am

綾波出內衣?愛藏心口裡 驚見Victoria’s Secret

愛藏心底裡系列之前介紹過EVA X Hello Kitty底褲同埋腰封,全部都係男士專用,女仔呢?或者想買比女朋友嘅男仔點算呢?好彩,啱啱終於見到有女性系列,今次合作單位仲要係高級女性內衣品牌Victoria’s Secret!喺紐約fashion show入面,由超模Jourdan Dunn親身演釋,現場仲有女性恩物Justin Bieber突入。至於套衫,同綾波麗套戰鬥服九成似,不過心口少咗一塊布,變成性感閃bra,搞錯呀,綾波麗無啦啦性感咗,又黑咗!好彩超模完美身形搭夠,算啦原諒你。暫時官方都未公佈會唔會量產,不過就算賣相信都會係天價。

Read more ›
愛在公司裏 《Evangelion X Haruyama》人類老西計劃
by / on 07/11/2012 at 4:04 pm

愛在公司裏 《Evangelion X Haruyama》人類老西計劃

日日著西裝返工,個人真係會好悶,如果你係Eva迷,咁你就係時候將對綾波、真希波、明日香,或者特別啲係對碇真治、初號機嘅愛釋放出嚟,融入日常工作之中。因為新劇場版Q又同男裝Haruyama合作,推出恤衫、領呔、呔夾、恤口鈕,11月5日發售,當中駕駛栓呔夾好正,仲有使徒、絕對領域恤口鈕,啲領呔有EVA味道得嚟,其他人又未必睇得出,絕對可以毒在西裝裏,除非同好,否則未必發現到你嘅愛好!

Read more ›
愛藏心底裏 2 「人類補溫計劃」秋風起扮初號機
by / on 05/11/2012 at 11:00 am

愛藏心底裏 2 「人類補溫計劃」秋風起扮初號機

愛藏心底裏系列第一集就介紹咗EVA X Hello Kitty嘅底褲,嚟到續集,我哋向上移,係腰封。秋風起,以免攝親大家都要小心,唔好冷親肚仔,呢個初號機同二號機嘅腰封我喺玩具日報睇到,係「人類保溫計劃」嘅重要道具,而且實在太有型,唔分享唔得,二號機款賣2,100円,初號機就賣2,340円。我唯一唔明,係點解唔搵個靚女做model示範。

Read more ›
名古屋Parco 《Evangelion 100.0》展覽11/9日開始
by / on 04/11/2012 at 6:27 pm

名古屋Parco 《Evangelion 100.0》展覽11/9日開始

又嚟喇,又係我呢個死忠EVA迷呀,今日睇到日本《Fami通》介紹呢個由11月9日至12月3日喺名古屋PARCO商場西館8樓舉行嘅展覽。名為「EVANGELION100.0」展覽,有嘢睇之餘,喺得商場搞,唔駛你買嘢咩?限定商品同先行發售商品一大群,賣26,250円個單車袋,好彩啲圖案太抽象,我唔中;不過1,050円嘅貼紙同3,675円嘅Tee我就好想要。另外,消息滿3,000円仲有卡送,全13種,非賣品,嘻!唔好玩啦!

Read more ›
挑戰潮人極限 著《Evangelion》皮褸扮二號機
by / on 02/11/2012 at 12:07 pm

挑戰潮人極限 著《Evangelion》皮褸扮二號機

好啦好啦,我應承呢單係今朝最後一單《Evangelion》報導,今次係皮褸,之前出咗初號機,o依家輪到二號機同三號機。Animation Addict Store推出,真皮皮褸,賣59,850円(初號機版61,950円)都算,啲配色先至係潮人宅男嘅最大挑戰,嘻!

Read more ›

《Evangelion新劇場版:Q》 X ANA 新Wallpaper免費登場
by / on 02/11/2012 at 11:36 am

《Evangelion新劇場版:Q》 X ANA 新Wallpaper免費登場

為慶祝新EVA新角色新預告片登場,我決定今日全個上午都係《Evangelion》嘅報導!大家開唔開心?好,唔應我即係開心啦,繼Uniqlo啲衫之後,有唔駛錢嘅,就係ANA網站又有新Wallpaper免費下載,記得嗰陣一開網已經有四張,靚?新呢幾張仲靚呀!

Read more ›
《Evangelion新劇場版:Q》 X Uniqlo 新Tee登場
by / on 02/11/2012 at 11:16 am

《Evangelion新劇場版:Q》 X Uniqlo 新Tee登場

好喇,《Evangelion新劇場版:Q》11月17日喺日本上映有幾大件事,從佢舖天蓋地嘅宣傳都睇到,噚日出咗新宣傳片,全世界都狂share,新EVA,新女角……震撼程度拍得住老細叫你聽日唔駛返工一樣!乘得咁行,服裝品牌Uniqlo當然有份推出新系列,1,500円件,相當唔錯,我尤其鍾意「Q」字一款,真係好Q型,日本就快開賣,香港都應該會有。仲有,官方都公佈咗EVA X Uniqlo X ANA航空嘅4款Tee,不過日本都要應募,唉。

Read more ›
限量1,000架 1/18《Evangelion》NERV官用車發售
by / on 01/11/2012 at 11:03 pm

限量1,000架 1/18《Evangelion》NERV官用車發售

呢部「ヱヴァンゲリヲン新劇場版:破 Nerv Official Business Coupe【NERV官用車(作戦部1課管轄)】」,係第二集裏面,里美車明日香去試三號機嗰架車,亦即係綾波透過電話同明日香講多謝嗰吓。不過,[真係得個望字!係,賣18,900円之嘛,有愛嘅話真係唔算啲咩,但佢限量1,000部,莫講話買,見得到你都時運有番咁上下高。啱啱日本喺10月下旬出咗,香港唔知有冇,有唔應單聲我知……比例係1/18,全長22.3cm,仲包一個明日香同一個葛城美里,唉,入面有日本網站影嘅實物介紹圖,睇咗當買咗啦!

Read more ›
新片速報《Evangelion新劇場版:Q》新角色新機體曝光!!
by / on 01/11/2012 at 8:54 pm

新片速報《Evangelion新劇場版:Q》新角色新機體曝光!!

大鑊!估唔到咁大鑊!11月17日喺日本上映嘅《Evangelion新劇場版:Q》又有新預告片登場,以為都係嗰啲剪剪埋埋炒埋一碟配啲鋼琴聲,點知!有新角色登場!仲有新機體!睇啲配色似係真希波專用,不過個賣相就有啲大鑊,仲有,兩名新女角色登場,到底係咩人!呀呀呀呀呀呀呀呀……點o架香港幾時上呀?我要去日本呀呀呀呀呀呀!12月21日有咩事睇唔到佢,我真係唔眼閉o架!

Read more ›

本週人氣

12528 views

【有片】可愛到癲!「你點解嚟日本?」節目 日本網民狂讚16歲波蘭妹妹

7872 views

【有片】日本狂人搗亂Family Mart 網民:「激似《人中之龍6》!」

7332 views

我就是高達!舞台劇《機動戰士Gundam 00》角色登場

6629 views

日本網民自製「LED眼鏡」 發光效果勁似「碇司令」

6529 views

黃符遮三點 超性感殭濕子Figure