Post Tagged with: "龍珠"

獵奇影片 真人版悟空 鬧市搞事出龜波
by / on 21/03/2013 at 11:25 am

獵奇影片 真人版悟空 鬧市搞事出龜波

呢條片係上年年尾出嘅,不過趁《龍珠Z 神與神》新劇場版月尾喺日本上映,我又摷番出嚟Share。其實好無聊,呢條西人扮悟空喺鬧市搞搞震,嚇吓人又企上高位儲元氣玉,不過睇到最後佢出龜波氣功嘅特效,我又忍唔住笑咗出嚟。另外呢個製作單位仲拍過真人《刺客教條》等影片,都幾好笑。

Read more ›

新片速報《龍珠Z 神與神》兔仔勁好揪
by / on 19/03/2013 at 11:31 am

新片速報《龍珠Z 神與神》兔仔勁好揪

3月30日喺日本上映嘅《龍珠Z 神與神》,今日又見到有Movie Clip。今次冇悟空登場,主角好明顯係隻外星兔仔,而呢段影片就係為咗表現佢嘅強,魔童俾佢秒殺,布歐都唔夠佢揪,仲有比達、悟飯都唔夠佢打,不過,佢哋未變超西喎。

Read more ›
三大作品《龍珠》《One Piece》《為食獵人》4月夢幻合演
by / on 18/03/2013 at 12:59 pm

三大作品《龍珠》《One Piece》《為食獵人》4月夢幻合演

勁,今年嘅合作動畫有齊三大人氣作品,包括《龍珠》、《One Piece》同《為食獵人》,內容長達1小時,故事就係講《天下第一競食大會》……分前後兩篇,動畫中會有三大作品嘅大量角色現身,會喺4月7日於日本播放,大家嗰幾日留意吓喇。

Read more ›
現實與幻想 龍珠食品真身登場 龍珠走樣 悟空脫髮
by / on 18/03/2013 at 12:12 pm

現實與幻想 龍珠食品真身登場 龍珠走樣 悟空脫髮

之前報導咗3月30日日本上映嘅新劇場版《龍珠Z 神與神》會喺Mini Stop推出一系列食品,薯條當係超級撒雅人頭髮、龍珠炸薯球、布歐布甸都好正!啱啱正式推出,日本就有傳媒跟進咗,去咗買一大堆食物真身嚟睇睇!雖然冇之前初音肉包咁嚴重,但悟空同比達明顯有中年脫髮危機,薯條唔夠多呀!龍珠薯波都有少少走樣,橢圓形嘅龍珠見過未?講到最像真,都係布歐布甸!

Read more ›
《龍珠Z 神與神》悟空終極形態曝光 + CM第2彈
by / on 17/03/2013 at 11:54 am

《龍珠Z 神與神》悟空終極形態曝光 + CM第2彈

有睇過《龍珠》嘅都知,撒雅人呢個戰鬥民族會遇強越強,唔夠打咩?變超西。再唔夠打咩?變超超西。仲係打唔贏?變超超超西再合體……3月30日喺日本上映嘅最新劇場版《龍珠Z 神與神》有咩新嘢?啱啱就有新造型登場,呢個紅色頭髮紅色眼珠嘅悟空,到底有幾勁?入嚟仲可以睇到原作者鳥山明親繪嘅電影海報。

Read more ›
新片速報 最強對最強《龍珠Z 神與神》IMAX版Trailer
by / on 12/03/2013 at 12:15 pm

新片速報 最強對最強《龍珠Z 神與神》IMAX版Trailer

3月30日,最新劇場版《龍珠Z 神與神》上映!不過係喺日本,唔關香港事,香港方面完全冇消息,都係叠埋心水等出碟算把喇。唉,《One Piece》就有,《龍珠》就冇,即係歧視我哋呢啲中年動畫迷啫?啱啱日本又有新IMAX版Trailer,以前成日有得又唔恨睇,隔咗17年未睇過,又好想入場睇囉!Ka!Me!Ha!Me!Ha!另外,過去17套劇場版喺日本仲會開始配信,日本PSN都好似有喎!

Read more ›

新片速報 KFC X《龍珠 Z 神與神》悟空食炸雞出龜波
by / on 02/03/2013 at 7:22 am

新片速報 KFC X《龍珠 Z 神與神》悟空食炸雞出龜波

隨住《龍珠 Z 神與神》呢套最新劇場版喺日本3月30日上映,之前報導過、同KFC肯德基伯伯嘅Crossover亦正式開始!食雞有水樽送,水樽頂仲有粒發光龍珠!啱啱日本就出咗廣告片,悟空跑住去食炸雞,食完仲無啦啦出龜波氣功……話時話,如果悟空去KFC,食幾多個桶先夠飽呢?

Read more ›
新片速報 《龍珠Z 神與神》最新預告 細蚊伯爺公 打到上太空
by / on 27/02/2013 at 11:03 am

新片速報 《龍珠Z 神與神》最新預告 細蚊伯爺公 打到上太空

唉,《EVA新劇場版:Q》都未有日期,人哋日本4月都出碟啦,唉!仲有一套,係隔咗17年、3月30日喺日本就上映嘅全新一套龍珠Z劇場版《Dragon Ball Z 神與神》,我都勁想睇,但香港又係冇聲氣,睇嚟叠埋心水等出碟算把喇。而電影嘅最新預告就有得睇喇,悟空,真係好有型!

Read more ›
J League開咧玩龍珠 新潟天鵝 X 《Dragon Ball Z 神與神》 悟空到場打氣!?
by / on 23/02/2013 at 3:53 pm

J League開咧玩龍珠 新潟天鵝 X 《Dragon Ball Z 神與神》 悟空到場打氣!?

咩都乘得一餐,我就係鍾意日本呢個風氣,即係你鍾意一套動漫,其實真係唔駛慌冇嘢好買。3月30日喺日本上映嘅《Dragon Ball Z 神與神》,係相隔17年再嚟嘅最新龍珠劇場版,咁耐冇見悟空梗係大件事,除咗之前報導過同KFC合作外,仲有同J1球隊「新潟天鵝」合作,球隊就整咗張扮龍珠嘅海報,3月30日對蒲和紅鑽,除咗球隊會用「CHA-LA HEAD-CHA-LA」嚟做主題曲外,仲話悟空會到場打氣添!睇完戲睇波,真係爽!可惜,我喺香港,仲買唔到飛睇曼聯對傑志……

Read more ›
新片速報 《Dragon Ball Z 神與神》電視低清預告片 紀念飲品發售
by / on 22/02/2013 at 10:34 am

新片速報 《Dragon Ball Z 神與神》電視低清預告片 紀念飲品發售

仲有幾日,隔咗17年、3月30日喺日本就上映嘅全新一套龍珠Z劇場版《Dragon Ball Z 神與神》。啱啱就有錄自日本電視節目嘅新片段,好低清,麻麻哋。想等高清片嘅都可以入嚟睇吓由2月25日開始發售嘅紀念飲品,全套12款,每罐110円,去開日本真係想買齊一套……

Read more ›
肯德基 X 《龍珠 Z 神與神》 叔叔變悟空計劃正式始動!
by / on 18/02/2013 at 6:22 pm

肯德基 X 《龍珠 Z 神與神》 叔叔變悟空計劃正式始動!

肯德基變孫悟空,算係Crossover?定係Cosplay?定只屬惡搞?睇番幅相嘅背景,成個公仔又正正經經戙喺日本某間KFC大門口喎,唔似玩嘢喎。其實之前都報導過,不過今次就有肯德基高清圖,由2月15日起,叔叔將會打扮成孫悟空造型,拎住總共七粒龍珠,喺日本七間KFC分店出現。另外仲會推出龍珠特別版套餐,跟餐有有水樽送,個水樽頂仲有粒識發光嘅龍珠,幾精緻,一式七款有齊笛子魔童、莊子等角色,仲計劃整埋特製外賣袋。除此之外,仲加咗啤牌同龍珠棋等精品,官網仲有兩張3月30日上映嘅新劇場版《龍珠Z 神與神》Wallpaper俾大家下載!

Read more ›

肯德基cosplay孫悟空  日本KFC龍珠套餐送水樽
by / on 01/02/2013 at 10:30 am

肯德基cosplay孫悟空 日本KFC龍珠套餐送水樽

肯德基叔叔都算係參與度極高嘅cosplayer,之前扮過EVA-01初號機、女僕等等,最近睇中3月30日日本上映嘅《龍珠Z 神與神》劇場版,由2月15日起,叔叔將會打扮成孫悟空造型,拎住總共七粒龍珠,喺日本七間KFC分店出現。另外仲會推出龍珠特別版套餐,跟餐有有水樽送,個水樽頂仲有粒識發光嘅龍珠,幾精緻,一式七款有齊笛子魔童、莊子等角色,仲計劃整埋特製外賣袋,去開日本一定要朝聖吓。

Read more ›
《龍珠Z》真實版 冇PS冇改圖 名古屋天上現神龍
by / on 15/12/2012 at 4:26 pm

《龍珠Z》真實版 冇PS冇改圖 名古屋天上現神龍

呢張圖,係喺12月11日日本名古屋影到嘅,好多人都懷疑係改圖,實際唔係,日本仲有好多人喺Twitter分享咗,新聞都有講,仲有人依圖勾畫番條龍出嚟。喺日本龍係吉祥嘅象徵,而且臨近日本新年,所以日本名古屋市民都覺得係一個吉兆。計我話,係咪下年3月上嗰套《龍珠Z 神與神》劇場版嘅宣傳呀?

Read more ›
新片速報《龍珠Z 神與神》新預告曝光!「Ka!Me!Ha!Me!Ha!」
by / on 12/12/2012 at 10:54 pm

新片速報《龍珠Z 神與神》新預告曝光!「Ka!Me!Ha!Me!Ha!」

等咗17年終於有新劇場版喺下年3月30日上映,之前海報同條Trailer都睇過喇,終於有番條有睇頭嘅預告片!一眾角色全線回歸,龜仙人、悟飯、悟天、杜拉格斯、界王、無閑、人造人歸位!片段中見到最新敵人嘅特殊能力之外,最後,悟空終於都再次出龜波氣功!好懷念呀呀呀呀呀呀!

Read more ›
新片速報《龍珠 Z》選角有特色
by / on 07/12/2012 at 10:53 am

新片速報《龍珠 Z》選角有特色

《龍珠 Z》好受西人歡迎,拍過無數咁多真人片,荷里活嗰套就夠過癮啦。咁最新呢條由K8K Productions製作嘅fan movie呢?講比達嚟到地球一段,天津飯、餃子、阿樂、無閑等人都有亮相,基本上動作場面同特技都做得唔差,係啲角色麻麻。你睇笛子魔童佢,好鬼得意,之後仲有悟空,有啲似泰國人,Tony Jaa。

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10805 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10498 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9365 Views