Post Tagged with: "馬榮成"

有片:超正!聶風火麒麟雕像開箱!
by / on 10/09/2018 at 8:22 pm

有片:超正!聶風火麒麟雕像開箱!

馬榮成喺面書透露,上年10月咁上下開始接受預訂嘅聶風火麒麟雕像,上星期已經開始派貨。家陣有開箱片睇,之前話嘅可拆眼罩普通頭、額頭有麒麟眼嘅入魔頭有找數;揮手刀、反手持刀等姿勢擺到好順滑;頭髮亦做到飄逸感覺,四肢比例唔錯;座下隻火麒麟亦做得好有氣勢,係唔知點解火麒麟身體唔做成火紅色,取而代之卻係類似鱷魚身體咁嘅顏色。整體嚟講,水準係好高嘅,一定吸睛,如果我可以擁有就好咯。

Read more ›

馬Sir死忠Fans留意!動漫節2018搞《風雲歲月紀念展》!
by / on 24/07/2018 at 8:17 pm

馬Sir死忠Fans留意!動漫節2018搞《風雲歲月紀念展》!

喂,真係唔講唔知,原來動漫節已經舉行咗20年,為一賀呢個里程碑,今年有關方面決定舉辦《風雲歲月紀念展》,即係又關馬榮成事喇。馬榮成喺面書話呢個展覽會展出漫畫、新舊原稿同風雲雕塑,對飲港漫奶水大嘅你我他,點都要捧吓場嘅。咁辦得展覽,當然唔會齋得個睇字,屆時會有《馬榮成‧風雲路》同《2018年風雲水墨畫集》出售,睇啱咯,順便買埋囉。

Read more ›
馬榮成Fans留意 《風雲》威士忌出雄霸同泥菩薩版
by / on 30/03/2018 at 2:30 pm

馬榮成Fans留意 《風雲》威士忌出雄霸同泥菩薩版

即係好賣喇,如果唔係點會添食啫,繼聶風同步驚雲後,《風雲》威士忌再出雄霸同泥菩薩版,《天下》角色眾多,又估唔到馬榮成會揀呢兩個角色喎。兩者同為單一穀物威士忌,我唔識飲酒,唔知酒靚唔靚,但個包裝就一定靚嘞。唔知賣幾多錢呢?不過幾多錢都好,斷估死忠Fans都一定會買。

Read more ›
上官小威《金漫畫》第七至九期開訂
by / on 12/03/2018 at 8:57 pm

上官小威《金漫畫》第七至九期開訂

由上官小威扯頭纜,馬榮成、馮志明同謝志榮編繪嘅《金漫畫》出到第七至九期出版,今次玩贈品版,限100套,送第一、二、三、八期貼紙同《馬榮成漫畫作品回顧》小冊子,售$98。「收藏家港漫專區」開訂,要搶。

Read more ›
馬榮成推出風雲紅酒 $1680送水墨畫集
by / on 17/01/2018 at 7:45 pm

馬榮成推出風雲紅酒 $1680送水墨畫集

之前提過馬榮成會推出紅酒,依家有最新資料,分兩個版本,一,銀版單支裝,有風雲紅酒各一,每支$1100,早訂每支平$300;二,風雲‧金裝紀念禮盒套裝,包風雲紅酒各一,兼送多本水墨畫集《以酒論英雄》,盛惠$1680,限量380套。嗯……我唔識飲酒,唔知酒價,但係本畫集,我是十萬個想要的。

Read more ›
《金漫畫》四至六期$98 幫襯「收藏家港漫專區」送紀念卡
by / on 17/01/2018 at 7:17 pm

《金漫畫》四至六期$98 幫襯「收藏家港漫專區」送紀念卡

首先問一句,你做咗「收藏家港漫專區」會員未?已入會?Good!未入會?唔該快!事關一做會員,再幫襯買《金漫畫》第四至六期($98),即送馬榮成《五兄弟》珍珠紀念卡一大張,物唔輕情義好好好重。限量推出,要買快手。

Read more ›

馬榮成製作單車衫 聶風+步驚雲教你安全知識
by / on 24/12/2017 at 4:47 pm

馬榮成製作單車衫 聶風+步驚雲教你安全知識

之前報導過嘅「上海商業博愛單車百萬行」,請來馬榮成幫手畫宣傳動畫,原來仲唔只咁,馬榮成仲幫手製作咗兩件單車衫,大紅戰衣望落都幾型仔架。另外,佢亦為大會繪畫咗本十幾頁嘅漫畫小冊子,主題係「以風雲的角色介紹單車的安全知識」,哈哈,有幾盞鬼喎。單車我踩得唔叻,但單車衫同小冊子,我想擁有。為善事,大家多多支持呢個活動喇,報導完畢。

Read more ›
上官小威出抱枕/水晶畫板套裝 各限量40套要搶
by / on 07/12/2017 at 7:17 pm

上官小威出抱枕/水晶畫板套裝 各限量40套要搶

正呀喂,搶呀喂,上官小威又有新產品推出嘞,仲一口氣推出兩件套裝添。套裝一,證書加晶螢抱枕,尺寸36cm x 36cm,實用架,不過既係精品,俾著我就買咗都唔捨得用嘞,售$88;套裝二,證書加水晶畫板,畫板係24cm x 27cm馬榮成《五兄弟》畫板,證書之外仲送多張復刻紀念卡添,售$120。各限量40套,唔知點解出得咁少,不過啱嘅,物以罕為貴吖嘛。

Read more ›
馬榮成私人珍藏畫集 漫畫家賜畫幅幅精品
by / on 07/12/2017 at 5:56 pm

馬榮成私人珍藏畫集 漫畫家賜畫幅幅精品

仲記唔記得之前搞到無數港漫迷來回地獄又折返人間、滿懷希望又極度失望嘅所謂馬榮成私人珍藏《天下畫集》?馬榮成本尊剛剛喺面書掟咗幾幅迷漫家嘅賜畫出嚟,真係幅幅都係精品,尤其鍾意馮志明畫嗰幅倒轉聶風,許景琛嘅Q版亦係一絕,佢仲話:「接下來,我希望在這本畫集之中,畫一些自己曾經創作過的故事人物,讓畫集更有紀念的價值。」很想要吧?我唔講大話,我是很想要的,如果呢本畫集可以公開發售的話,唔知又多唔多人捧場?

Read more ›
山月畫友聯展今日開幕 馬榮成連畫框都畫埋
by / on 09/11/2017 at 9:00 am

山月畫友聯展今日開幕 馬榮成連畫框都畫埋

每年一度嘅山月畫友聯展今日開幕,但周四係閒日,我仲要返工,無計,惟有等周六捧場喇。聽講,好多港漫人都喺山月畫室學過畫,所以參展畫家不乏港漫人,肯肯定嘅有馬榮成,佢喺面書留言話:「今日最後交畫的限期前,忽發奇想希望在自己的畫框上塗鴉一番,時間非常趕急,希望能夠盡快完成。」連畫框都咁肯花心思塗鴉,有相為證,手畫真係靚到啪啪聲,咁有誠意,好難唔撐。

Read more ›
展出聶風火麒麟雕像 驗明真身落訂唔遲
by / on 10/10/2017 at 7:31 pm

展出聶風火麒麟雕像 驗明真身落訂唔遲

即係咁喇,雖然這些機會是不屬於我的,但都可以睇咗當買咗嘅啫。講緊嘅係馬榮成推出嘅香港限量紀念版聶風火麒麟雕像,首50個優惠套餐已經售罄,家陣仲有50個名額,仲係心大心細唔知落唔落訂好嘅,不妨去「收藏家港漫專區」驗一驗真身先,有玻璃專櫃展覽咗出嚟,睇啱嘅,咪落訂囉,盛惠$8300。

Read more ›

服! $8300個聶風火麒麟雕像! 8日賣晒50個!
by / on 07/10/2017 at 11:00 am

服! $8300個聶風火麒麟雕像! 8日賣晒50個!

係不得不服嘅,睇番時間,馬榮成喺9月28日出Post公開訂購聶風火麒麟雕像詳細資料,話限量生產100個,頭50個落訂會送多支酒And乜乜物物云云,每個雕像盛惠$8300。算唔算天價,我唔知,亦唔敢評論,只要真心鍾意,就幾多錢都值,我淨係知我都好想要,但這些機會是不屬於我的。而喺10月5日,馬榮成已經出Post話頭50個雕像已經售罄,感謝讀者支持云云。Wow,頭尾不過8日時間,咁快就有人認頭晒,$415000袋袋平安,果然厲害……嗯,各位,不要去羨慕,不要去妒忌。

Read more ›
絕世好劍重鑄成功 步驚雲雕像再次開放
by / on 05/10/2017 at 10:00 am

絕世好劍重鑄成功 步驚雲雕像再次開放

時間過得真係好快,九龍公園漫畫星光大道個步驚雲雕像斷劍,原來已經係7月嘅事,而有關部門做嘢亦俾想像中快,10月頭已經整番好把絕世好劍。馬榮成喺面書登相可以佐證,雕像四周再無圍欄,重新開放俾遊客參觀打卡,恭喜晒。

Read more ›
聶風火麒麟雕像開訂 $8300你買唔買?
by / on 24/09/2017 at 7:00 pm

聶風火麒麟雕像開訂 $8300你買唔買?

嘩,我諗真係要好有愛,先會考慮買呢個聶風雕像,分兩個版本,第一個係「聶風火麒麟套裝」,包雙頭雕、雙地台及兩組替換手,附獨立編號及證書,頭50位訂購送多支風雲白酒同聶風火麒麟3D立體原作者簽名紀念海報一張,而售價係──$8300,係,我無寫錯你無睇錯,係八千三百大元,呢個價簡真係……Fine,平啲嘅有唔包火麒麟嘅「聶風迎風」版本,售$4200。差啲唔記得講,「收藏家港漫專區」同「天下出版社」家陣開訂,馬Sir迷有買趁手喇,嗯……雖然我好想要,但這些機會是不屬於我的。

Read more ›
《小鐵漢》+《風雲徙置區》9月20日獨家開訂
by / on 18/09/2017 at 9:39 pm

《小鐵漢》+《風雲徙置區》9月20日獨家開訂

個零禮拜報導過話上官小威將會復刻馬榮成《小鐵漢》與《風雲徙置區》,依家進一步消息嘞,9月20日正式喺「收藏家港漫專區」獨家開訂。留意番,兩書除普通版外仲有尊貴限量版,限量呀,即係要搶,有買趁手啦老友。

Read more ›

本週人氣

24282 views

千年一遇橋本環奈 肥肥哋好可愛

9177 views

到底係咩?日本Gundam迷發現 元祖高達從未立體化裝備!

6282 views

日本調查 最多人搜尋明日花 松下紗栄子最啱老人家

6127 views

男女性搜尋成人關鍵字係咩?女性第2位竟然係「痴漢」

4867 views

日本網民熱傳Cara Delevingne中性造型 皇室婚禮成焦點