Post Tagged with: "香蕉"

【連環圖】日本兔仔食香蕉超開心 笑容超甜Twitter熱傳
by / on 11/03/2018 at 1:19 pm

【連環圖】日本兔仔食香蕉超開心 笑容超甜Twitter熱傳

放假乜嘢壓力都無,食咩都好味過人嘅,好似呢隻日本嘅白兔仔,食香蕉食到由個心度笑出嚟,笑晒口好可愛呀!輯連環圖喺日本Twitter熱傳,大家都讚佢好可愛,無見過兔仔食嘢可以食得咁開心,超治癒,睇完心情都靚晒!

Read more ›

【有片】日本小朋友匿埋角落食香蕉     網民大讚超可愛熱傳
by / on 05/02/2018 at 7:13 am

【有片】日本小朋友匿埋角落食香蕉 網民大讚超可愛熱傳

其實食香蕉係一件好健康嘅事,呢位住喺大阪嘅小朋友偏偏好似偷食零食咁,匿埋喺廚房嘅角落跪喺地下食,之後俾媽咪發現,然後拍極佢都唔應,驚人搶咗佢咁。網民個個留言都話好可愛,但係有無人好似我咁,諗起《咒怨》嘅俊雄?

Read more ›
【有片】香蕉加奇異果再灑水 種出超奇妙品種真定假?
by / on 18/04/2017 at 11:00 am

【有片】香蕉加奇異果再灑水 種出超奇妙品種真定假?

究竟我睇咗啲乜?呢段片喺Twitter好多人分享,影片一開始出現咗一條蕉,切一片出嚟,再切多片奇異果,然後放入泥土入面,定時淋水,3個星期後,居然會生返條蕉出嚟!條蕉切開之後,入面居然係‥‥‥未睇過嘅記住入嚟開吓眼界,睇吓真定假?BTW,放完長假返工係灰啲嘅,睇吓啲無聊嘢輕鬆吓啦。

Read more ›
日本網民雪櫃發現過期5個月爛蕉 發霉變黑似烤茄子
by / on 28/12/2016 at 7:07 am

日本網民雪櫃發現過期5個月爛蕉 發霉變黑似烤茄子

放咗5個月嘅香蕉究竟會係點?有日本網民發現雪櫃放咗條5個月變壞咗嘅香蕉,仲影埋相放上2ch討論區同大家分享。睇相見到條蕉已經完全變黑,有人話好似一道粗嘅眉毛。不過更核突嘅係有人留言話想睇吓入面,樓主唔單止照做,仲開埋閃光燈,有人話效果好似烤茄子,仲叫樓主試食吓,好彩最後樓主好理智咁拒絕咗。食咗佢,相信會屙足幾日幾夜呀。

Read more ›
【Fashion嘅嘢】點解我係一條蕉   西瓜菠蘿行catwalk
by / on 10/10/2016 at 11:47 am

【Fashion嘅嘢】點解我係一條蕉 西瓜菠蘿行catwalk

Fashion嘅嘢真係唔易明。時裝品牌Charlotte Olympia呢輯2017春夏生果裝之前喺倫敦展出,最近傳到去日本,仲喺Twitter好多人RT。今次以生果做主題,模特兒好似玩cosplay咁,變成西瓜、提子、菠蘿同香蕉,睇返扮蕉嗰位,面都黑埋,應該諗極唔明自己行緊catwalk,點解會變咗一條蕉?

Read more ›
【新片速報】喵星人超愛香蕉 攬實唔放Twitter熱傳
by / on 06/07/2016 at 7:15 am

【新片速報】喵星人超愛香蕉 攬實唔放Twitter熱傳

有無人餵過喵星人食香蕉?我淨係記得之前有段片,隻喵星人掂到蕉皮之後彈飛9呎遠,入嚟有回帶。不過今次呢隻喵星人似乎幾鍾意香蕉喎,喺Twitter熱播嘅片見到佢瞓喺堆香蕉入面,攬到實一實,好似全部都係佢嘅咁樣。當有人行近時,佢就出動貓貓拳攻擊,好好笑。不過最好睇係臨尾2秒,佢諗住離開,但係‥‥‥我忍唔住翻睇咗幾次。

Read more ›

有片:核突!慎入!蛛蜘破蕉皮而出!
by / on 11/04/2016 at 9:45 pm

有片:核突!慎入!蛛蜘破蕉皮而出!

「@#[email protected]#[email protected]~~吔蕉喇你。」不嬲都覺得呢句說話惡毒,但估唔到咒人吔蕉真係有機會中毒。初初睇片,見係咁影住隻蕉,仲有少少Out focus添,心諗搞乜呢?睇睇吓,嘩,唔係嘛?近蕉柄附近位置點解郁郁吓,好似有嘢想破蕉皮而出咁嘅?之後,嘩多兩聲,蕉皮硬生生爆開,居然喺裡面「跌」出一隻蜘蛛。你話如果有人食咗呢隻蕉,而呢隻蜘蛛又咁橋有毒的話……我諗起《東成西就》裡面梁朝偉個喇叭嘴。

Read more ›
【神級】香蕉變臉瘋狂玩 龜仙人/斯巴達超搞笑
by / on 09/03/2016 at 7:12 am

【神級】香蕉變臉瘋狂玩 龜仙人/斯巴達超搞笑

日本有雕蕉神人,將香蕉雕成唔同圖案,最近又有人玩,不過唔係雕係用畫筆畫。Vera Wong嚐好將香蕉畫成唔同角色,效果仲好搞笑,角色包括龜仙人、悟空、黑武士、Johnny Depp、潮流教主(真嗰個)、MJ、洛基、Minions、戰狼300嘅斯巴達王、甘道夫‥‥‥都幾雜,但又幾好笑,佢仲話每次畫完影完相之後,佢都會食咗條蕉,好健康。

Read more ›
日本香蕉刁鑽包裝     貼紙保護揭開有故仔
by / on 17/07/2015 at 7:13 am

日本香蕉刁鑽包裝 貼紙保護揭開有故仔

日本人對香蕉好講究,食得刁鑽,連包裝都靚過人,好似呢梳叫「しあわせバナナ」嘅香蕉,產自菲律賓Mindanao,嚟到日本就用咗好特別嘅包裝,喺蕉嘅表面貼咗張同香蕉一模一樣嘅貼紙,保護隻蕉唔會咁易碰傷或變色(變咗色都唔覺),揭開張貼紙仲會見到入面密密麻麻記載咗得意故事嘅日文字。唔止咁,連裝住梳蕉嘅紙袋都模仿返香蕉葉嘅外觀,將紙袋拆開可以還原變返塊葉,日本人果然細心。

Read more ›
一人一個IG推介    香蕉變馬屁股   猩猩變Headphone
by / on 02/04/2015 at 7:09 am

一人一個IG推介 香蕉變馬屁股 猩猩變Headphone

IG除咗follow朋友,仲可以follow吓啲攝影師或者藝術家,最近我就好鍾意睇呢位Christoph Niemann,佢最鍾意用實物加插畫造成一幅幅好得意嘅作品,之前都有編輯介紹過,最近佢又有新作,用梳蕉變成馬pet pet、用headphone假扮猩猩鼻,仲有較剪、麵包都比佢隨手拎嚟玩,效果好正好神似,有興趣可以follow埋佢嘅IG,因為佢都幾勤力,經常有新作品發佈。

Read more ›
新片速報    東京馬拉松Dole高科技香蕉   邊跑邊顯示心跳?
by / on 25/03/2015 at 7:08 am

新片速報 東京馬拉松Dole高科技香蕉 邊跑邊顯示心跳?

之前都介紹過日本Dole趁2014年東京馬拉松整咗條獎牌香蕉,上面印有完賽時間等資料,好受歡迎。嚟到2015年,Dole又有新嘢發佈,今次佢哋創作咗一條高科技蕉「Wearable Banana」,可以邊跑邊計時速同埋測量心跳再顯示喺蕉面,又可以顯示朋友喺社交平台send出嚟嘅鼓勵留言,完咗仲可以食埋條蕉,有埋片睇似層層,但係諗真啲就覺得有可疑,但係呢,又未到4月1日,究竟係點呢?信唔信?我睇唔透。

Read more ›

網圖分享:中看中吃的香蕉畫
by / on 17/02/2015 at 10:45 pm

網圖分享:中看中吃的香蕉畫

係,食物唔應該用嚟玩嘅,但如果玩完又可以食番落肚,咁又唔同講法。講緊嘅係荷蘭藝術家Stephan Brusche,佢有嘅係天馬行空嘅想像力,以蕉皮作畫布,創作出一系列別出心裁嘅香蕉畫,不論動物、人類、建築物、魔鬼、風景等等,全部都可以喺蕉皮上面清晰顯現,線條仲好密吓添。香蕉畫有乜好?畫完,影完相,可以食埋落肚囉,中看中吃,唔係咩呀?

Read more ›
【有片】自製朱古力夾心香蕉   古怪工具玩蕉法
by / on 13/08/2014 at 7:15 am

【有片】自製朱古力夾心香蕉 古怪工具玩蕉法

雖然唔係新嘢,但我真係唔知食蕉都可以食到咁招積。呢個叫DestapaBanana嘅香蕉糖心製造器,將條香蕉放入去後,可以清空中間位置,方便注入自己鍾意嘅口味,即係話可以自製朱古力夾心香蕉、士多啤梨果醬香蕉等等。聽落似乎幾好玩,不過官方未公佈幾時正式量產,各位鍾意吔蕉嘅朋友,記住繼續留意我哋報導,因為我都有興趣買返個。

Read more ›
香蕉悟空高人現身     最叻玩食物
by / on 29/03/2014 at 1:52 pm

香蕉悟空高人現身 最叻玩食物

之前網上流傳用香蕉砌成嘅悟空超級撒亞人髮型,原來係出自意大利嘅Nadia Luongo手筆,高人即係高人,佢好興用食物砌成人樣,士多啤梨醬、黃糖、意粉、奇異果全部都可以攞嚟玩,好曳,不過又幾有才華。入嚟有大量作品慢慢睇。

Read more ›
香蕉縮骨遮    黃綠兩色任揀
by / on 22/03/2014 at 12:03 pm

香蕉縮骨遮 黃綠兩色任揀

呢把香蕉縮骨遮令我諗起周星馳嘅《國產凌凌漆》,表面睇佢係一條蕉,放喺手袋無乜殺傷力,不過行行吓街突然落雨時,就可以拎條蕉出嚟拆開變成遮,型吖!條蕉仲有黃色同綠色揀,想熟啲定放耐多啲先食隨你鐘意,網上有得訂,二百蚊港紙唔駛,以蕉嚟計係貴咗啲。

Read more ›

人氣話題

14263 views

【2018出GAME表】 7月至8月 [PS4 / XBox One / Switch / PC / 3DS / PS Vita]

10498 views

【多圖】「店員」Twitter出圖 秋葉原「野郎ラーメン」變《閃乱カグラ》主題店

10331 views

冇電話冇相機點算好?圍影Coser奇妙龍

9373 views

【有片】C94 Coser 又嚟《工作細胞》白血球

8405 views

個樽靚喎!Evangelion x 沙嗲王後日始動