Post Tagged with: "食譜"

日本網民分享食譜    蕃茄冷盤超簡單Twitter熱傳
by / on 01/07/2018 at 3:52 pm

日本網民分享食譜 蕃茄冷盤超簡單Twitter熱傳

夏天喺屋企口痕痕,日本Twitter最近熱傳呢款小食,超易整又唔會太肥。將一個蕃茄切粒,然後加半茶匙糖、1茶匙醋、少少鹽、2茶匙橄欖油,如果有香菜仲可以灑少少上去,鍾意芝士嘅可以加少少cream cheese,完成品又開胃又好味,啱晒夏天呀!

Read more ›

日本「明太子之日」簡易食譜    電飯煲煮法超美味
by / on 11/01/2018 at 7:59 am

日本「明太子之日」簡易食譜 電飯煲煮法超美味

日本好多特別節日,噚日1月10日就係明太子之日,日本TBS電視節目《マツコの知らない世界》就介紹咗一款明太子食譜,簡單又實用,仲喺Twitter熱傳。首先用電飯煲加水加米,之後落啲明太子醬然後搞勻佢,之後撳掣煮飯,完成後加啲紫菜碎,就成為明太子焗飯嘞。日本好多網民都話想試,各位明太子控快啲試吓啦!

Read more ›
日本網民自創食譜 「芝士湯豆腐」融晒喺口Twitter熱傳
by / on 13/12/2017 at 7:02 am

日本網民自創食譜 「芝士湯豆腐」融晒喺口Twitter熱傳

又有日本人自創超強食譜,今次呢道芝士豆腐菜式好簡單,主要係加大量芝士,仲有少少豆漿,然後焗一焗,造成超軟熟嘅湯豆腐菜式,食嘅時候芝士同豆腐融合埋一齊,網民話好口感超正。想多啲味道仲可以加少少黑椒調味,睇落好易,得閒試吓先!

Read more ›
日本Twitter熱傳電飯煲食譜   「蕃薯飯」睇見都想食
by / on 14/11/2017 at 7:02 am

日本Twitter熱傳電飯煲食譜 「蕃薯飯」睇見都想食

媽媽嘅智慧真係唔可以睇少,最近有日本網民分享咗佢媽咪傳授嘅一道食譜,簡單用電飯煲煮就得嘞。加個蕃薯,然後再加2茶匙豉油、1茶匙清酒同埋糖,之後好似正常咁煲飯,最後將個熟咗嘅蕃薯壓爛,就完成呢道好好味嘅蕃薯飯嘞!好多人都喺Twitter分享,睇完好想試吓呀,媽咪可唔可以煮俾我食?

Read more ›
日本網民分享秘密食譜    「豚肉捲醬油丸子」超美味
by / on 27/06/2017 at 7:58 am

日本網民分享秘密食譜 「豚肉捲醬油丸子」超美味

日本百貨公司都有得買嘅「醬油丸子」好多人鐘意食 ,自製都唔難,網上有好多食譜可以跟住學。最近有日本網民分享佢嘅秘密食譜,原來買啲豚肉捲起串丸子,之後再落鑊煎,完成品好好味!外脆內軟,睇見都有啲肚餓,下次試吓先!

Read more ›
【有片】加拿大IKEA超創意食譜 看圖放材料即捲即煮
by / on 16/06/2017 at 7:48 am

【有片】加拿大IKEA超創意食譜 看圖放材料即捲即煮

唔係最近新不過啱啱先見到,好想分享吓。IKEA嘅瑞士肉丸好多人鍾意食,最近佢哋為加拿大一個廚房活動推出咗本簡易食譜《Cook This Page》,唔係教整肉丸,而係教整其他菜式,但手法就極得意!好似填顏色薄咁,每道菜都有一格格嘅食材圖,想煮就要好似填色咁,喺每格放上相應食材,最後將佢捲埋放入焗爐就得!因為張紙係烤盤紙,用嘅係可食用油墨,所以食落肚都無問題,焗完嘅食品真嘅一樣,手殘都肯定煮到呀!

Read more ›

日本網民自製醬漬三文魚丼 極易整Twitter熱傳
by / on 16/06/2017 at 7:47 am

日本網民自製醬漬三文魚丼 極易整Twitter熱傳

一直都好鍾意食三文魚刺身,最近有日本網民放咗呢張圖上網,自製醬漬三文魚丼!吸引好多人RT。煮法好簡單,將三文魚刺身放入加咗少少芝麻油嘅醬油入面浸30分鐘就得。有人話可浸過夜風味更佳。其實呢個唔係樓主自創嘅,佢都係跟另一位網民學習,今年2月都熱傳過,入嚟有回帶。

Read more ›
日本網民分享創意食譜 煙肉捲拉麵一口小食
by / on 08/06/2017 at 7:43 am

日本網民分享創意食譜 煙肉捲拉麵一口小食

返埋呢兩日就放假,係時候計劃吓週末煮嘢食嘞。最近有日本網民分享咗呢個創意食譜,將一包拉麵一開九,之後再逐個用煙肉捲起,然後放入煎pan煎兩煎,效果似乎唔錯,煎完嘅麵件唔知係咪好似中國菜嘅「兩面黃」咁呢?今個星期試下先!

Read more ›
日本網民分享電飯煲食譜 洋蔥雞超美味
by / on 03/06/2017 at 10:48 am

日本網民分享電飯煲食譜 洋蔥雞超美味

好多日本人都鍾意用電飯煲煮嘢食,連蛋糕都整得到,好勁。最近有日本網民分享咗呢個食譜,喺Twitter好多人分享。方法係將一塊雞肉放入電飯煲,之後加大量洋蔥,最後落啲雞湯,然後撳掣開始烹調。完成品睇落好好味!懶懶哋又想自己煮嘢食不妨試吓嘞。

Read more ›
【有片】超邪惡拉絲芝士薯餅    日本「Tasty Japan」簡單食譜勁吸引
by / on 03/01/2017 at 7:11 am

【有片】超邪惡拉絲芝士薯餅 日本「Tasty Japan」簡單食譜勁吸引

一直好少放食譜,不過今次呢個實在太邪惡,又芝士又薯仔,絕對唔可以只有我見到!日本「Tasty Japan」經常拍片教煮食,今次呢個好簡單,5個薯仔切片,之後舖薯仔舖火腿舖芝士,重覆以上步驟,最後灑少少香草,再加啲忌廉然後放入焗爐,完成品邪惡度爆燈,最重要係啲芝士咇晒出嚟,太過份!今晚要試吓!BTW,呢個「Tasty Japan」有超多食譜,全部都好吸引,慎入。

Read more ›
日本網民自創芝士Parma Ham 睇落超正今晚試吓
by / on 21/11/2016 at 7:31 am

日本網民自創芝士Parma Ham 睇落超正今晚試吓

意大利火腿Parma Ham好多人鍾意食,如果將佢夾埋芝士呢?日本twitter有人分享咗呢個自創食譜,仲引嚟勁多人RT。做法好簡單,買包Parma Ham再加包片裝芝士,之後喺保鮮紙上面將食材舖成一條長條形,最後捲捲捲,然後切開一片片,食得!樓主話味道超好,今晚買嚟試吓先!

Read more ›

【有片】七龍珠消暑啫喱波    有得食有得玩唔難整
by / on 16/07/2016 at 11:53 am

【有片】七龍珠消暑啫喱波 有得食有得玩唔難整

之前都見過七龍珠薯仔波、法式焦糖燉蛋,不過講到似,呢個啫喱波絕對無得輸。外國YouTube頻道Aggressive Comix教大家整七龍珠,用車厘茄加個倒模整星星,之後開包橙汁味嘅啫喱粉,雪4個鐘就搞掂,睇落唔難,最繁複係要買嗰個好似扭蛋嘅容器,外國網站有得買,HK$83有4個,有無人想一齊買?

Read more ›
【地獄之門】彩虹Pizza唔開胃 外國網有齊食譜教整
by / on 21/04/2016 at 7:11 am

【地獄之門】彩虹Pizza唔開胃 外國網有齊食譜教整

彩虹蛋糕好多人都食過,雖然靚就係幾靚,不過啲色素咁勁其實都唔係幾開胃。點知最近外國頻道Oh Bite It仲大膽,整咗呢個彩虹pizza出嚟,幾十種色混埋一齊,仲要啲芝士有拉絲效果,睇落好恐怖。網站入面竟然有食譜教你跟住整,我就睇相都覺得飽飽哋,唔駛客氣嘞。

Read more ›
【放閃可恥】情人節食譜煙三文魚變花束 自己整自己食
by / on 14/02/2016 at 12:21 pm

【放閃可恥】情人節食譜煙三文魚變花束 自己整自己食

情人節放閃可恥,不過如果係阿媽整嘅就唔同。呢位新加坡靚媽Li Ming Lee好鍾意整便當比囝囝,而且水準去到專家級數,超靚!佢仲出埋書教大家跟住整。最近情人節佢設計咗幾道菜式,比班豬妹跟住整,好似用煙三文魚捲成嘅花束,喺佢嘅Blog有教學,睇落唔難,應該可以自己整比自己食。或者整比阿媽食。BTW,入嚟有佢之前整嘅便當回顧,蛋黃哥、賤熊、龍貓,全部都靚到好過份。

Read more ›
【可愛】日本女生自創「熊貓珍珠奶茶」 食譜日英並照跟住學
by / on 31/01/2016 at 1:25 pm

【可愛】日本女生自創「熊貓珍珠奶茶」 食譜日英並照跟住學

珍珠奶茶飲得多,熊貓珍珠都係第一次見,由日本女仔Yuki創作嘅熊貓珍珠,唔止日本網有介紹,仲反攻埋去台灣,連台灣人都讚可愛,睇見佢用支粗飲管吸隻熊貓仔出嚟,真係好得意。呢位叫Yuki嘅女仔有自己嘅blog「Yukitchen」,專門教大家整得意食物,包括鬆弛熊丸子串燒、Domo君蛋糕等,全部有晒日文同英文嘅食譜可以跟住整。至於點解身在日本嘅佢會識珍珠奶茶呢?原來佢之前去美國旅行,發現好多當地華人鍾意飲,所以就慢慢鑽研。除咗整嘢食,佢仲係兼職模特兒,鍾意嘅記住Like埋佢FB。

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10807 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10498 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9367 Views