Post Tagged with: "飛龍"

別矣《火武耀揚》飛龍!一路好走!
by / on 13/12/2017 at 9:30 pm

別矣《火武耀揚》飛龍!一路好走!

塵歸歸,土歸土,飛龍注定做得一日新記龍頭就收皮,喺今期第947期《火武耀揚》正式魂歸天國,佢同忍哥一Friend番做番好兄弟就要上路,臨死千叮萬囑要忍哥捧丹心上位,唔好俾汗青拖垮新記。兩個大男人攬住喊兼死唔肯放手一幕,睇到我眼濕濕就呃你嘅,但睇到耳仔一熱卻係不爭事實。睇到中段,甚麼胸肺科首席專家、國家級氣功大師、西藏密宗大師齊集醫院,我仲有一絲希冀,希望可以同N年前火武明明已經心臟停頓都唔使死,嗰次係黑骨棠唔畀佢死,一齊捱心臟起搏器強大電流,硬生生將火武帶離鬼門關,可惜今次無呢支歌仔唱……唉!別矣飛龍!一路好走喇!

Read more ›

《火武耀揚》震撼一期 跪求瑞新唔好整死飛龍
by / on 06/12/2017 at 11:01 pm

《火武耀揚》震撼一期 跪求瑞新唔好整死飛龍

久違了的激動,今期第946期《火武耀揚》睇到我好激動,忍哥呢個角色煲咗二十期左右,證明係煲得起嘅。睇完上期,原本諗住死嘅係佢,心底有啲Sad,點知今期一個屈尾十,死嘅居然係飛龍,仲要極諷刺地唔係被鐵頭勇一幫劈死,而係好唔覺意地俾差佬開槍殺死。下期直頭叫〈飛龍歸天〉,唔通大大話話出咗三四百期嘅新記第二把交椅真係要死得咁不明不白?唔知點解,心底下好唔捨得大環山飛龍打柴添。希望喇,我知機會甚渺茫,希望瑞新可以高抬貴手放佢一條生路喇,道理哥一槍爆面都唔死得,照計飛龍都可以嘅啫──呵?

Read more ›
李家鼎突入《火武耀揚》 煮好西畀小喬同飛龍喫
by / on 25/10/2017 at 9:54 pm

李家鼎突入《火武耀揚》 煮好西畀小喬同飛龍喫

《火武耀揚》呢十期八期劇情,都係圍住新記選暫代龍頭嚟講,帶出忍哥呢個角色我Like,汗青係敗家仔黐埋鐵頭勇唔出奇,而小喬係妖女呢條橋亦唔難估,係估唔到大選當前,小喬會同飛龍上醒爺私房菜食好西啫。今期第940期,唔使講到明,都知「醒爺」即係映射緊「鼎爺」李家鼎喇,如此這般小喬食滑飛龍,哄到佢爆湧,都勉強叫合情合理。其實久唔久出吓明星名人都幾過癮,總算畀到啲新鮮感讀者,不過話時話,如果唔好幅幅都用真人相執一執就落稿就更好,畀多啲心機自己勾鼎爺面相,會更加睇得出誠意所在囉。

Read more ›
有片:超強手藝 報紙飛龍之誕生
by / on 10/10/2015 at 3:15 pm

有片:超強手藝 報紙飛龍之誕生

YouTube頻道「GourmetPaperMache」勁呀!如果無睇錯的話,片中人只係單單用報紙、鐵線、膠紙、顏料、黏土、薄布等等材料,就可以製作如此惡形惡相嘅立體飛龍,出嚟嘅效果仲要超靚,不論用色、姿勢、比例、造型、神態皆一絕。尤其個嘴,擘大口見埋舌頭,一隻隻獠牙做得好細緻,真係幾兇狠吓,稱佢為藝術品亦不過。我知,總有人會話其實唔難,我認同一半,實情理論真係唔難,拍埋片可以跟住學,黏黏貼貼綑綑紮紮邊個唔識?不過真正落手落腳做又係另一回事囉。

Read more ›
新片速報《飛竜Strider》開售預告片
by / on 20/02/2014 at 10:16 am

新片速報《飛竜Strider》開售預告片

日本2月22日,歐美就噚日出咗街喇!呢隻陳年街機再移植到超任再出第2集嘅遊戲,終於重生!爬牆飛剷二段跳,有番咁上下年紀,應該好懷念!全新作會有PS3/Xbox360/PC/PS4/Xbox One版本,呢條歐美開售預告片就俾你睇晒進化有幾勁!

Read more ›
新片速報《飛竜Strider》敵人好介紹
by / on 24/01/2014 at 11:12 am

新片速報《飛竜Strider》敵人好介紹

《飛竜Strider》喺2月22日返嚟,當年呢隻遊戲嘅街機同家用機版都好正,我都奉獻咗唔少錢俾佢,o依家有新作推出,一定要撐。遊戲會有PS3/Xbox360/PC/PS4/Xbox One版本,可惜冇比較唔知畫面差幾遠……呢條片係官方發佈嘅敵人介紹,我都係唔明,點解唔可以高清少少?

Read more ›

新片速報《飛竜Strider》新片公開 限定版懷舊玩 「東風三姉妹」現身
by / on 19/12/2013 at 3:27 pm

新片速報《飛竜Strider》新片公開 限定版懷舊玩 「東風三姉妹」現身

  如果我話2月22日我唔買人中之龍,反而一定買《飛竜Strider》,你哋會唔會覺得我太冇品味?呢隻橫向動作遊戲絕對係我心頭好,啱啱有新片,除咗有製作人四井浩一出場,仲有「東風三姉妹」,可以睇到限定版內容,我真係好想玩番頭1、2集!

Read more ›
強國寶馬變飛龍     999條蟠龍人手雕
by / on 31/10/2013 at 8:48 am

強國寶馬變飛龍 999條蟠龍人手雕

強國又有新發明,今次係呢架變身「飛龍」嘅金色寶馬Z4!啱啱喺廣州琶洲會展展出,由廣東牙雕民間藝人蘇忠陽同埋19位雕刻工藝大師,用咗3年零6個月時間整成,成架車總共雕咗999條蟠龍,用咗3萬牛腿骨打磨鑲嵌,仲貼咗1999片999足金,勁到連英國《每日郵報》都大篇幅報導。老實,近睇手功真係達神級,但唔知點解,遠睇總係怪怪哋‥‥‥機械嘅嘢我都係唔明o架喇。

Read more ›
新片速報《飛竜Strider》NYCC預告片 新武器飛得起
by / on 09/10/2013 at 10:55 am

新片速報《飛竜Strider》NYCC預告片 新武器飛得起

下年年頭推出嘅PS3/Xbox360/PC/PS4/Xbox One遊戲《飛竜Strider》,係經典動作遊戲系列新作,有一定機齡嘅玩家一定識!今次呢條就係俾美國時間聽日舉行嘅New York Comic Con播放嘅預告片,見到新武器有更多唔同攻擊動作可以做到,而且亦都可以喺空中衝刺,睇落變化多好多,亦都更加耍帥,快啦!

Read more ›
新片速報《飛竜Strider》下年推出 橫向狂劈
by / on 05/09/2013 at 1:42 pm

新片速報《飛竜Strider》下年推出 橫向狂劈

  嗚!好令人懷念呀!1989年推出呢隻Capcom橫向動作遊戲《飛竜Strider》,早前Comic-Con就宣佈咗下年會推出新作,而且仲有PS3/Xbox360/PC/PS4/Xbox One版本。今次官方就發佈咗第1條Trailer,故事係發生喺冥王曆0048年,世界已經被支配,而飛竜所屬嘅組織就當然派出呢位特A級戰士去刺殺壞人啦,不過至於呢個係咪以前個飛竜……

Read more ›
新片速報 經典《飛竜Strider》再臨!新世代主機都有份!
by / on 19/07/2013 at 10:52 am

新片速報 經典《飛竜Strider》再臨!新世代主機都有份!

Capcom超經典動作遊戲《飛竜Strider》!想當年佢嘅多重捲軸背景,加埋超有型忍者主角,令我玩完再玩再玩再玩!雖然難度唔低,但機械同人物設定都好勁!啱啱Comic-Con就公佈咗有新作,2014年年頭會推出,除咗PS3/Xbox360/PC外,PS4/Xbox One都會推出,兩條片,快睇!未知我講緊邊隻嘅,都搵咗段舊作片,回味呀!

Read more ›

網圖分享:啤酒罐砌飛龍,神技!
by / on 12/06/2013 at 2:23 pm

網圖分享:啤酒罐砌飛龍,神技!

無錢買玩具,無緊要,因為只要有創意同手藝,垃圾都可以變玩具,飲完嘅啤酒汽水罐,唔丟,剪剪黐黐,黏黏貼貼,又可以變成小擺設。

Read more ›

本週人氣

7609 views

Nintendo Switch Online遊戲列表 20隻經典周三有得玩

6519 views

新片速報 陳年街機合作幾打 《Capcom Belt Action Collection》網上連線

6248 views

《銀魂》完結篇最後畫面 原來……

6205 views

日本「裝銀仔」神器 網民推介Twitter熱傳

5338 views

機迷出圖 如果出Marvel’s Iron Man遊戲