Post Tagged with: "電話殼"

日本食品電話殼系列 超像真「薬味皿」推出
by / on 06/12/2018 at 8:14 pm

日本食品電話殼系列 超像真「薬味皿」推出

日本呢個食物系列電話殼一向都好像真,今次呢個「食品サンプルカバー 薬味皿」會有iPhone XS/X、iPhone8/7/6s/6兩款,3,800円,建議去日本餐廳食飯時唔好放喺枱面,否則……

Read more ›

【極想要】日本高手製作 超正電話殼
by / on 25/11/2018 at 2:51 pm

【極想要】日本高手製作 超正電話殼

呢個電話殼真係靚,靚得嚟又唔算係好誇張,唔誇張得嚟又好細緻,細緻得嚟又同部Xperia好襯。齒輪加寶石嘅元素,仲有其他作品可以睇埋,好想跟住整。

Read more ›
睇手機扮睇書    日本超強電話套扮文青
by / on 17/04/2018 at 7:03 am

睇手機扮睇書 日本超強電話套扮文青

喺地鐵個個都拎住部手機嘅時候,點樣可以突出自己?日本有人設計咗呢款電話套,表面睇係一本書,但其實係電話套,拎佢出街即時文青味出晒嚟,仲要係日系文青!書名大概係話停止用智能手機睇多啲書咁。賣2916円,5月底發售,iPhone 6~8同Xperia XZ1 Compact都有,入嚟有得訂。

Read more ›
超可愛立體「貓屁屁」電話殼 仲有馬騮/豬/班馬
by / on 16/04/2017 at 11:36 am

超可愛立體「貓屁屁」電話殼 仲有馬騮/豬/班馬

人類真係好變態,鍾意睇喵星人嘅屁屁。最近呢款立體貓屁屁電話殼喺網上好多人討論,作為貓奴,見到應該零抗拒力。有5款毛色,連花巧啲嘅彩虹尾都有。除咗喵星人,仲有狗狗、熊貓、馬騮、班馬、豬,全部都係用個pet pet對住你。唔鍾意電話殼仲可以揀鎖匙扣,一樣款式嘅。價錢方面,電話殼每個HK$281,鎖匙扣HK$200,Etsy有得買,用嚟送俾貓奴最啱。

Read more ›
【堅想要】日本《Star Wars》IC咭套/電話殼 唔駛用電自動發光
by / on 20/06/2016 at 7:13 am

【堅想要】日本《Star Wars》IC咭套/電話殼 唔駛用電自動發光

型到震!星戰迷睇完應該會流晒口水。日本公司Denshi Gihan最近推出嘅《Star Wars》IC咭套同埋iPhone 6/6s電話殼,勁在唔駛用電都識發光。其實呢個直情係塊電路版,個IC咭套可以做到當你過閘嘟咭時會自動著燈,另外個電話殼就會喺接收情況良好時自動著燈,有黑、白、綠三種顏色,唯一最大問題係價錢,IC咭套賣11000円、iPhone 6/6s殼賣15000円起,幾貴。不過當我考慮緊時,就發現最想買嘅白色電話殻已經賣晒,so sad!最後要提吓大家,IC咭暫時測試過日本本地用到識著燈,至於帶到嚟香港仲得唔得?就要博一博嘞。

Read more ›
【有片】超實用 電話殼變自拍棍 「StikBox」賣44美元
by / on 20/12/2015 at 11:52 am

【有片】超實用 電話殼變自拍棍 「StikBox」賣44美元

有時有支自拍棍真係好,尤其係去旅行影景時,不過成日拎住支棍就唔型啦,有啲地方又唔俾帶……咁呢個電話殼就真係幫到手喇。名為「StikBox」,佢個背部就係可以拉出伸展成為一支28.3吋長嘅自拍棍,至於會唔會厚咗好多?厚咗0.6吋,可接受嘅。最後,都係得iPhone6/6S同Plus版本囉。

Read more ›

【超正】蛋黃哥滑溜電話殼 摸住body傾電話
by / on 10/07/2015 at 7:17 am

【超正】蛋黃哥滑溜電話殼 摸住body傾電話

最近全城談論蛋黃哥,朗豪坊日日迫爆人,影完相仲可以去買埋精品,而且貨量都幾齊,可惜唔見呢個iPhone 6殼(4.7吋)吖。呢個殼唔係最新,不過啱啱喺日本網見到,最重要係仲有貨!白色嘅米粒上面攤咗個hea到爆嘅蛋黃哥,而且蛋黃又光又亮,好有質感,同佢個pat pat一樣。另外,講電話時仲可以揸住蛋黃哥個body,嗚呀!淨係咁都值得買啦。價錢3400円,有無朋友住日本可以幫幫手?

Read more ›
日本A5和牛電話殼 復仇便當睇見都酸
by / on 23/03/2015 at 7:54 pm

日本A5和牛電話殼 復仇便當睇見都酸

又係呢個專出食物電話殼嘅「Hamee」,今次就有雪花分佈平均,入口即溶有油香嘅A5和牛電話殼,最啱無牛不歡嘅燒肉、邊爐友,賣3,686円,聽講話淥一淥會變熟,買咗嘅唔該試吓。另外亦有魚子飯同復仇便當,即係酸梅多過飯嗰個便當呀,唔好得罪女人呀……

Read more ›
【有片】即影即有電話殼 影完即印 iPhone/Android都有份
by / on 29/01/2015 at 8:01 pm

【有片】即影即有電話殼 影完即印 iPhone/Android都有份

Kickstarter又有好嘢集資,就係呢部「Prynt」電話殼。我哋o依家咁鍾意用電話影相,但要印出嚟就點都要返屋企先搞到,如果電話都可以做到即影即有,招呼朋友,或者同女神玩自拍就梗係贏晒。而且唔只即影即印,就算係嚟自facebook或儲存喺電話嘅相都可以印出嚟,仲可以裝埋個app,scan你影咗嘅相變埋做影片!暫時支援iPhone同Samsung某啲型號。喂!買嚟做情人節禮物好喎!趕唔切啦,o依家俾錢都要等半年呀。

Read more ›
有片    iPhone機殼影相專用     5個鏡頭任扭砌puzzle
by / on 16/01/2015 at 7:02 am

有片 iPhone機殼影相專用 5個鏡頭任扭砌puzzle

呢排iPhone友最期待,梗係日本嗰個可以不停反轉再反轉嘅電話殼,好玩又實用。其實iPhone真係有好多正殼,好似呢個叫Puzlook嘅電話殼,有齊5個鏡頭,魚眼鏡、160度超廣角、1.5x增距鏡等等,用嘅時候就好似細個玩puzzle咁逐格移位,雖然攞咗CES設計獎,不過趕住影相時搵佢就唔多方便。可能有人投訴過,嚟緊將會推出嘅iPhone 6版,5個鏡頭減到得3個,入嚟有片睇,見倒可以裝埋個鏡頭玩手動對焦,好pro,好想駛錢,但係我無iPhone。

Read more ›
吹脹氣球電話套 無分型號多色任擇
by / on 24/11/2014 at 3:00 pm

吹脹氣球電話套 無分型號多色任擇

有啲無聊,但又真係佩服佢咁都諗到。好簡單,只要吹脹個氣球,放你部電話上去,咩型號都得o架!再壓住佢慢慢放氣,咁個氣球就會緊緊咁套住你部電話,顏色選擇好多,下面仲有條嘢俾你吊喺褲頭……入嚟有gif,得喇。

Read more ›

有片 神級電話殼   GSM通話/後備電/雙咭一殼過
by / on 28/10/2014 at 7:15 am

有片 神級電話殼 GSM通話/後備電/雙咭一殼過

除非你鍾意裸跑,否則好多時都會買返個電話殼,有啲殼仲有埋充電功能,不過點都唔夠呢個勁!只得信用咭呎吋,唔只係個殼,仲係一部迷你GSM電話,可以套上部智能手機(包括最新嘅iPhone 6)背面,變成雙面電話,好實用。例如部細機可以透過藍牙連接大機share通訊錄,代接或代打電話,主機無電都唔駛驚,拆開當獨立電話用又夠慳位,撳個掣仲可以轉換成計數機,好古惑。Kickstarter而家集緊資,頭300個$25美金嘅名額已爆,美金$29仲剩28個名額,唔貴,諗得過。

Read more ›
高科技發光電話殼   通知來電/未接訊息
by / on 03/05/2014 at 1:34 pm

高科技發光電話殼 通知來電/未接訊息

電話殼我無用好耐,不過呢個iPhone 5s專用嘅Lunecase機殼似乎幾高科技。佢將日常電話嘅Notification例如來電、SMS訊息,透過殼背嘅亮燈標記顯示,就算反轉部電話擺放,都可以隨時知道有來電或者未讀訊息。勁在唔需要用電都可以發光,因為佢係用通訊過程嘅電磁力發電,唯一唔好嘅地方係當你傾緊電話時,個機殼會顯示電話符號,如果你想扮接電話避開身邊人,就會即時穿崩。而家喺Kickstarter集資中,大約港幣$320就可以投返個。

Read more ›
電話殼銀包尿袋3合1  夠長命叉足3次電
by / on 30/04/2014 at 7:09 am

電話殼銀包尿袋3合1 夠長命叉足3次電

呢個好似手機殼叫Mini嘅產品其實係一個銀包,靚唔靚見仁見智,不過似乎幾實用。因為佢仲一個尿袋!將部手機啪上去就可以叉足三次電,暫時只對應iPhone 5 同埋5s,而且只限送貨至美國本土,開價美金$98,呢個價錢,其實都仲有好多選擇嘅。

Read more ›
啞鈴電話殼 邊Whatsapp邊健身
by / on 26/03/2014 at 5:38 pm

啞鈴電話殼 邊Whatsapp邊健身

你係咪機不離手?長期想睇住個Mon?如果你想一邊玩啞鈴一邊玩電話,呢個電話殼就啱你喇,佢有1kg同1.5kg兩款,雖然好輕,但你要隻手幼吖嘛。呢個「ToneFone」電話殼暫時只有iPhone 5/5s版,賣22.90英磅。

Read more ›

本週人氣

17957 views

【有片】打響頭炮!LoveLive!《スクフェスAC》運行首日 偶像全裸上陣

6449 views

呢個真係要買!《機動戰士Gundam》操作說明書「攬枕」

6023 views

【有片】快狠準!機迷玩音Game未完走開 旁觀者神準掉手套幫手

5978 views

中國版《FGO》女角修正 網民出風險度排行榜

4875 views

【有片】中文字幕《復仇者聯盟4》預告 下年4月上映