Post Tagged with: "邱福龍"

《山海逆戰》104期特別版開訂 加送3D立體紀念卡
by / on 05/11/2018 at 9:30 pm

《山海逆戰》104期特別版開訂 加送3D立體紀念卡

  加碼呀喂,之前報導過邱福龍第104期《山海逆戰》,會推出天神兵系列特別版第一彈炎帝赤霄,加陣除基本一劍一匙扣一書外,仲額外送多張3D立體紀念卡,全三款原色版、限量版同收藏家版皆維持售價不變,各售$98,「收藏家港漫專區」開訂,要搶喇喂。

Read more ›

買《鐵將縱橫》全17期 送封面貼紙17張
by / on 02/11/2018 at 8:15 pm

買《鐵將縱橫》全17期 送封面貼紙17張

有無撐邱福龍復刻元祖版《鐵將縱橫》?家陣有個好消息,凡去「收藏家港漫專家」一次過購買全17期,即送元祖封面貼紙一套17張。17張呀大佬,好想擁有呀大佬……

Read more ›
炎帝赤宵出鞘 《山海逆戰》104期特別版開訂
by / on 29/10/2018 at 7:54 pm

炎帝赤宵出鞘 《山海逆戰》104期特別版開訂

最新消息,嚟緊第104期《山海逆戰》會出天神兵系列特別版,第一彈係炎帝把赤霄,分原色版500套、限量版200套同收藏家版200套,一劍一匙扣一書,售$98,今日開訂。望相,立立令手工唔錯,值得捧場。

Read more ›
買《山海逆戰》送「狸力」或「白澤」貼紙
by / on 26/10/2018 at 4:41 pm

買《山海逆戰》送「狸力」或「白澤」貼紙

哎吔,呢鋪蝕呀,有謂早買早享受,原來遲買更多享受。依家去「收藏家港漫專區」幫襯《山海逆戰》,不論買普通版定草圖版,即送「狸力」或「白澤」貼紙一張。晨早返工已經買咗書如我者點算好呢?姑且大膽代邱福龍答:「100期話晒都係里程碑,梗要賀一賀佢,買多本儲多本攞埋張貼紙喇。」龍哥,啱唔啱聽?

Read more ›
《山海逆戰》100期出特別版 每套$300限量要搶
by / on 27/09/2018 at 9:00 am

《山海逆戰》100期出特別版 每套$300限量要搶

唔覺唔覺,邱福龍《山海逆戰》原來出到差唔多100期。里程碑,梗要搞吓嘢紀念吓,整番個《山海逆戰》100期龍迷圓滿尊貴限量版,分A同B兩款,各限100套,各附獨立編號證每套$300。三舊水咁貴?睇清楚先唔該,包巨型3D立體勾徹千人陣海報、380mm x 580mm精美印刷海報、電鍍磨沙至尊金卡、全新繪畫封面之山海異獸狸力/白澤尊刊、異獸狸力/白澤紀念貼紙同親筆簽名證書。呢三舊水,抵畀喇。咁平少少都有嘅,有請《山海逆戰100期》紀念版,林業慶畫封面,一專刊一貼紙一3D立體明信片,限量300本,售$38。最緊要捧龍少場,豐儉由人喇。

Read more ›
周勝新作《醒獅》 邱福龍賀圖加持
by / on 26/09/2018 at 9:30 pm

周勝新作《醒獅》 邱福龍賀圖加持

久違了的周勝,有新作《醒獅》推出。故事講乜?只有以下短短簡介:「改編自舞劇、講述南拳與醒獅故事,以傳統港漫高質素方式製作,將香港漫畫風格特色輸出!發揚光大!延續港漫文化!」即係點?即係好老實要睇過先知點,不過一來有邱福龍賀圖加持,二來封面又畫得幾靚仔,三來「周勝」兩個字對我嚟講始終有號召力,所以如無意外都會撐一撐。《醒獅》有兩個版本,劇場版$98、普及版$40,限量500本,「至Goal Club」開售,有買趁手。

Read more ›

Wing Law中秋義賣 邱福龍贈親筆畫表揚
by / on 05/09/2018 at 8:45 pm

Wing Law中秋義賣 邱福龍贈親筆畫表揚

大好人Wing Law又做善事喇,嚟緊會喺「兄弟二手漫畫店」舉辦「關懷弱勢社群·同心同行愛心義賣」,港漫薄裝散書每本$10,日漫套裝漫畫每本$10起。一如以往,籌得善款會捐畀深水埗明哥,惠及基層。好事傳千里,Tommy、鄧達軒、林業慶同邱福龍都贈親筆畫畀Wing Law,以表讚揚,呢啲咪好人有好報囉,請大家多多支持喇喂。另,提埋大家,為環保出一分力,請自備手推車同環保購物袋。

Read more ›
DJ Soda鍾意邱福龍……嘅龍神
by / on 14/07/2018 at 4:35 pm

DJ Soda鍾意邱福龍……嘅龍神

DJ Soda係邱福龍Fans?唔Sure,但肯定DJ Soda好鍾意邱福龍創作嘅龍神;若不,又點會挺晒胸扭晒腰回晒眸露晒長腿同龍神塑像合照?話時話,原來DJ Soda著旗袍都幾好睇,同埋原來早前嚟過香港。

Read more ›
邱福龍復刻元祖版《鐵將縱橫》創刊 送封面貼紙
by / on 13/07/2018 at 10:00 am

邱福龍復刻元祖版《鐵將縱橫》創刊 送封面貼紙

買咗邱福龍復刻元祖版《鐵將縱橫》創刊號未呀?打稿嘅呢刻,新書未上手,心正猶豫緊即時享受喺屋企樓下報攤買吖,定山長水遠走一轉出旺角買。事關「收藏家港漫專區」、「至Goal Club」同Paulshop都會隨書奉送封面貼紙一張,貼紙呢家嘢我不嬲都好Like,好想擁有。

Read more ›
動漫基地換新裝 換邱福龍Q版海報返屋企
by / on 05/06/2018 at 8:03 pm

動漫基地換新裝 換邱福龍Q版海報返屋企

死喇,好驚派晒呀,呢個禮拜尾一定要去灣仔走一趟。事關動漫基地換新裝,中庭打卡位多咗張由邱福龍繪畫嘅巨型海報,裡面有15個Q版本地武俠漫畫角色,好鬼死正斗。影完相,只要答中問題,仲可以攞埋同大海報一模一樣嘅紀念海報返屋企。講明數量有限,送完即止,所以我好驚派晒呀喂。

Read more ›
《山海逆戰》一書一立體海報$68 家陣開訂
by / on 22/05/2018 at 7:00 pm

《山海逆戰》一書一立體海報$68 家陣開訂

嚟緊第80期《山海逆戰》要留意,因為有特別版推出,一書一立體海報套裝盛惠$68,有A同B兩款選擇,各限量200本。海報有3D效果,構圖係大大個蚩尤,靚到啪啪聲之作,值得捧福龍場。

Read more ›

邱福龍元祖版《鐵將縱橫》6月出版
by / on 16/05/2018 at 6:00 pm

邱福龍元祖版《鐵將縱橫》6月出版

之前講過邱福龍會復刻元祖版《鐵將縱橫》,家陣有進一步消息,全17册,一書雙封面,邱福龍會重新繪畫封面加埋元祖版封面,快嘞,6月推出,價錢未知,不過賣幾錢都要撐,因為可以買番回憶,係咪咁講先?

Read more ›
福龍出席Toys Collector Market玩具收藏家販售展 談玩具經
by / on 18/04/2018 at 8:36 pm

福龍出席Toys Collector Market玩具收藏家販售展 談玩具經

正呀喂,又有機會見偶像喇,邱福龍剛Sure咗會出席「Toys Collector Market玩具收藏家販售展」,同現場朋友吹水,估計簽名拍照走唔甩。吹水內容係喺《山海逆戰》「福龍周記」都略講過一二嘅收藏玩具經歷,亦會大談熱血機械人動畫,唔知到時會唔會透露少少關於大作《大拳》嘅動向呢?Fans們,係時候朝聖喇。

Read more ›
邱福龍復刻元祖版《鐵將縱橫》 港漫迷開心到癲
by / on 18/04/2018 at 2:51 pm

邱福龍復刻元祖版《鐵將縱橫》 港漫迷開心到癲

好消息,邱福龍決定復刻《鐵將縱橫》,留意番,係三十年舊著嗰套元祖版,佢喺面書留言話只出自己編寫部份,清兒接手嗰Part無份:「原汁原味另加新封面,舊封面也會出,一本書有新舊封面」云云,仲登埋兩幅新創作草圖封面畀大家睇睇添。留言一出,港漫迷齊聲讚好,Stanley Yim咁話:「咪就係經典足廿幾三十年囉!龍哥!」、Wing Fung Wong又咁話:「新舊鐵縱橫對比,見證龍哥三十多年後的畫功精進不少。」、Ka Ka Chan咁話:「睇返舊,都應該幾過癮。」係,真係好過癮,呢單News,令我好興奮。

Read more ›
白蓮聖上突入《山海逆戰》? 跪求唔好整死于若蘭!
by / on 16/03/2018 at 9:11 pm

白蓮聖上突入《山海逆戰》? 跪求唔好整死于若蘭!

今期第68期《山海逆戰》有新角色登場,新角色係海底鑄兵秘窟主人,無論服飾同面相都九成似《龍虎門》白蓮聖上,係多咗啲鬚咁解啫,唔知仲以為東方無敵突入《山海逆戰》添。另,書末「下期預告」有我最唔想見到嘅封面,構圖係炎帝仰後出劍,于若蘭胸前中劍,前入後出,書名仲要叫〈若蘭花落〉。福龍諗住賜呢個行道會幫主一死?唔好啩?求神拜佛只屬製造高潮,千其唔好嚟真……其實可唔可以咁諗?大我唔到嘅,勾徹都未正式嗒于若蘭隻豬,斷估呢個第一女主角無咁易死嘅……嗯,希望喇。

Read more ›

本週人氣

13476 views

日本熱傳小情侶插圖 表面純愛暗藏歡樂

5268 views

【相集】「超級英雄BB」系列 蜘蛛俠B倒吊好曳

3878 views

被惡搞 地下偶像變《遊戲王》「封印されしエクゾディア」

3528 views

【有片】日本機迷發現 任天堂DS隱藏彈射功能?

3404 views

【撞樣】名牌手袋超似「拉打」Decade 相似度100%日本Twitter熱傳