Post Tagged with: "道理哥"

《火武耀揚》汗青超重口味床上戲 道理哥終於醒番
by / on 25/01/2018 at 9:18 pm

《火武耀揚》汗青超重口味床上戲 道理哥終於醒番

今期第953期《火武耀揚》睇到我嘩嘩聲,邱瑞新久唔久就曬鹽花,呢招唔出奇,出奇在竟然如此重口味,安排汗青同一個肥婆交配,啲肢體動作仲要畫得極其露骨,甚麼五十路呀、肥痴女呀嘅日本怪癖類AV味道完全出晒嚟,我坐地鐵睇書,登時覺得有啲尷尬。今期除咗妖女搶眼外,丹心表現都唔差,估唔到佢手底功夫咁好,下下分筋銼骨,打到班新記爛仔斷手斷腳。咁當然,最震撼係道理哥醒番喇,我幾驚呢個角色以後都唔出場呀,你知喇,瑞新啲伏線有時伏伏吓會伏到無影架嘛。

Read more ›

《火武耀揚》震撼一期 跪求瑞新唔好整死飛龍
by / on 06/12/2017 at 11:01 pm

《火武耀揚》震撼一期 跪求瑞新唔好整死飛龍

久違了的激動,今期第946期《火武耀揚》睇到我好激動,忍哥呢個角色煲咗二十期左右,證明係煲得起嘅。睇完上期,原本諗住死嘅係佢,心底有啲Sad,點知今期一個屈尾十,死嘅居然係飛龍,仲要極諷刺地唔係被鐵頭勇一幫劈死,而係好唔覺意地俾差佬開槍殺死。下期直頭叫〈飛龍歸天〉,唔通大大話話出咗三四百期嘅新記第二把交椅真係要死得咁不明不白?唔知點解,心底下好唔捨得大環山飛龍打柴添。希望喇,我知機會甚渺茫,希望瑞新可以高抬貴手放佢一條生路喇,道理哥一槍爆面都唔死得,照計飛龍都可以嘅啫──呵?

Read more ›
《火武耀揚》加價至$20 汗青究竟幾多歲Die?
by / on 26/01/2017 at 9:00 pm

《火武耀揚》加價至$20 汗青究竟幾多歲Die?

剛剛睇完901-902期新春合併號《火武耀揚》,有兩樣嘢想講。一,瑞新喺書末話:「農曆年假期順延一星期,二月八日星期三隆重出版,調整售價,每冊二十元正。」終於同其他港漫睇齊賣$20,瑞新加價都算加得遲咯,一蚊唔夠下午茶餐A加杯凍飲,我決定繼續撐,唔知大家點睇。二,捉錯處,故事講到道理哥帶漏口仔拜汗青,靈位明明寫住「生於一九七四年六月十日,死於一九八二年九月九日,愛兒王汗青之靈位」,但書中汗青回憶一段又有對白寫:「我得十歲……得十幾咋。」照計1982-1974=8,即係話汗青應該得8歲就魂歸天國,睇怕瑞新一時唔為意,計錯數。

Read more ›
The city is dying 邱瑞新與道理哥對談
by / on 02/03/2016 at 9:00 pm

The city is dying 邱瑞新與道理哥對談

雖則好多人話《火武耀揚》拖橋,五大天王講成二三百期先捨得完,但邱瑞新有樣嘢同牛佬一樣,係好值得敬佩嘅──敢言。今期第854期《火武耀揚》無咗開書版頭畫,換來嘅係瑞新同尖東之王道新記坐館道理哥對談,談話內容圍繞依家香港局面,結論係──「東方之珠已經褪色!我最怕係佢會時光倒流,返番六十年代,The City is dying。」返番六十年代又點?六十年代香港係未成立ICAC嘅,咁你可以想像係點嘞。之後語帶雙關,將故事重新納入赤柱同盟打大Boss林國魂身上。就係呢種表態,我會Keep住每個禮拜繼續畀$17瑞新賺。

Read more ›
暴力王終於打柴 《火武耀揚》開新故事
by / on 25/02/2016 at 9:45 pm

暴力王終於打柴 《火武耀揚》開新故事

睇完今期第853期《火武耀揚》,我終於鬆咗一口氣,玩咗過百期嘅暴力王金剛終於收皮,俾隻揪王真秋哥割下首級,身首異處死無全屍。太耐喇,實在拖得太耐喇,五大天王大大話話講咗二三百期,真係有啲膩,暴力王為咗個仔要稱霸江湖呢個Point亦唔多合理,家陣華興會一眾大佬傷嘅傷,殘嘅殘,故事到此總算可以告一段落,對讀者嚟講都係一個解脫。書末,道理哥預言:「This city is dying。」話香港黑社會已經玩完,我就真心希望瑞新可以開過第二條線講古仔,唔好再圍繞隻揪王寶座呢條大橋轉圈圈,加油呀瑞新。

Read more ›

本週人氣

7609 views

Nintendo Switch Online遊戲列表 20隻經典周三有得玩

6519 views

新片速報 陳年街機合作幾打 《Capcom Belt Action Collection》網上連線

6248 views

《銀魂》完結篇最後畫面 原來……

6205 views

日本「裝銀仔」神器 網民推介Twitter熱傳

5338 views

機迷出圖 如果出Marvel’s Iron Man遊戲