Post Tagged with: "進擊"

大陸模型狂「進擊之新安州」 新安州變單眼巨人
by / on 13/07/2013 at 12:50 pm

大陸模型狂「進擊之新安州」 新安州變單眼巨人

咩都係進擊,搞到都有少少悶,但呢個有驚喜!噚日喺網上見到呢幾張圖,係大陸上海「CCG Expo」嘅高達模型迷作品。裏頭有城牆有煙,一睇場景都認得係嚟自《進擊之巨人》,但係60米巨人雖然都係紅色,但好似唔同咗樣,原來係《Gundam Unicorn》嘅新安州!至於嗰隻有立體機動裝置嘅訓練兵係咩機體,我睇咗好耐都認唔出,有冇人指教吓?

Read more ›

新片速報 Anime Expo巨人Coser 識噴煙奇行風舞步
by / on 12/07/2013 at 9:00 pm

新片速報 Anime Expo巨人Coser 識噴煙奇行風舞步

近月成日都喺啲活動見到有人Cos 60米巨人,不過之前洛杉磯Anime Expo呢隻就再特別啲,佢除咗識得跟番原著噴煙外,仲有佢嘅肢體動作已經去到極度奇妙嘅境界……通場走嘅佢唔只撩其他訓練兵Coser開拖,仲彈吓彈吓扭動身體,睇完呢條片,我相信大家都感受到艾倫對巨人嗰份憎恨。

Read more ›
《進擊之巨人》 Cute版蛋蛋10月推出
by / on 05/07/2013 at 1:17 pm

《進擊之巨人》 Cute版蛋蛋10月推出

我噚日打籃球,喺籃球場上面班波友,竟然喺度談論最新劇情,其實你哋知唔知有人會未睇?《進擊之巨人》紅到平時冇睇動畫嘅人都會走去睇,玩具產品應該陸續有嚟,我係超期待Medicom幫佢出Figure,係就正咯!不過幻想緊嘅時候,都有啲平玩扭蛋可以考慮,Takara Tomy會喺10月推出Cute版扭蛋,除艾倫等主角外,仲有60米巨人都萌化咗。扭一劑200円,都係買一套啦。

Read more ›
新片速報 超無聊!《進擊之巨人》蟹柳版!
by / on 05/07/2013 at 12:04 pm

新片速報 超無聊!《進擊之巨人》蟹柳版!

無聊,但好笑。想Cosplay《進擊之巨人》60米巨人,何需千里尋良方?只需要打開雪櫃拎包蟹柳出嚟,再撕開佢一片片,將一片片橙紅色加白色嘅蟹柳舖上塊臉度就可以喇。呢個MINIMegwintv頻度就拍咗條片示範,最抵死係砌完之後仲吹啲煙出嚟,好有意境!你話佢浪費食物?你睇到最尾就知……這一天,人類終於吃掉60米巨人了……

Read more ›
日本Lawson x 《進擊之巨人》 期間限定送耳機插 + Wallpaper
by / on 01/07/2013 at 8:30 pm

日本Lawson x 《進擊之巨人》 期間限定送耳機插 + Wallpaper

日本便利店成日都會同唔同動漫畫作品合作,搞活動送精品。最新一輪就係Lawson同《進擊之巨人》,由7月23日至8月5日舉行,買嘢給印花送全4種嘅Cute版角色耳機插,另外仲有Wallpaper可以下載。最後就係HMV都會有限定嘅精品,包括月曆、立體機動裝置嘅掛飾等,10月發售,冇去開嘅就搵舖頭訂囉。

Read more ›
台灣Yahoo!知識 《進擊之巨人》Fans想買立體機動裝置 網民踴躍解答
by / on 30/06/2013 at 11:38 am

台灣Yahoo!知識 《進擊之巨人》Fans想買立體機動裝置 網民踴躍解答

《進擊之巨人》勁紅,動漫迷睇得好投入,我唔知呢位台灣fans係咪講真,不過佢就真係喺Yahoo!知道欄目度開咗個問題,問題如下:「哪裡可以買到?進擊的巨人立體機動裝置,我想買來練練,因為我住台南,聽說巨人是從南方出現的,所以我很擔心!哪天突然出現,我還學不會這項技術,就被巨人吃掉了!請問要哪裡才有賣呢?」之後,一眾網友真心回覆,有人講:「等到你能服兵役的年紀時,記得報名志願役並且要求增設立體機動裝置特訓課程。」「不用怕,我聽說兵長和艾倫也是住台南的~」「我朋友有幫我買,我都跟他在他家頂樓練習,我練得很強了,跟兵長有得比!如果你不懂可以請教我,我最近也還在訓練如何削巨人後頸~」「所謂未雨綢繆,我們志同道合阿!!!!!」「放心 你咬你的拇指就好了啊!」合共有7頁回應,入嚟有Link慢慢笑。

Read more ›

《進擊之巨人》新Tee登場 日本7月3日發售
by / on 27/06/2013 at 3:23 pm

《進擊之巨人》新Tee登場 日本7月3日發售

自從Uniqlo成日出動漫Tee之後,動漫迷都打開咗心扉,好樂意著自己鍾意嘅動漫作品上身。不過今次唔係Uniqlo,而係日本嘅193t出品,有5款近月勁爆人氣嘅《進擊之巨人》Tee,而且唔係就咁印個標題咁行貨,啲設計都幾靚,當中呢件巨人同人類嘅身高比例圖案,唔係行家都唔知係動漫Tee!3,990円,網購啦。

Read more ›
擔當者Twiiter爆料《進擊之巨人》將推出家用機遊戲
by / on 25/06/2013 at 1:18 pm

擔當者Twiiter爆料《進擊之巨人》將推出家用機遊戲

呢張圖係假嘅,但呢個消息就係堅嘅。雖然係意料之內,不過有人出嚟爆料點都實在啲。《進擊之巨人》嘅擔當者責任編輯喺Twitter度爆料,話漫畫版會改篇家用機遊戲,不過開發公司同遊戲類型就未知,總之就唔會係社交遊戲。照咁睇,應該係動作類型多?不如出《Monster Hunter》類協力遊戲啦?再唔係無雙都唔錯……不過連開發廠商都未定,起碼下年……啩?

Read more ›
新片速報《進擊之巨人》阿媽fans幫5月大BB變調查兵
by / on 23/06/2013 at 12:47 pm

新片速報《進擊之巨人》阿媽fans幫5月大BB變調查兵

唔好意思,又係佢。《進擊之巨人》13集睇咗未?啱啱又見到條片,今次唔係做立體機動裝置,而係一個阿媽級嘅進擊fans,幫佢5個月大嘅BB整咗一件調查兵制服,一針一線自己搞掂!然後佢仲整咗個巨人口罩俾自己,仲有屋企嘅圍牆、自己用嘅尿片袋,通通都係巨人主題!細細個就要面對巨人嘅恐懼,不過又啱喎,喺呢個可愛BB面前,個個都係巨人嚟……

Read more ›
新片速報 自製《進擊》立體機動裝置 發射噴煙換刀片!
by / on 23/06/2013 at 11:56 am

新片速報 自製《進擊》立體機動裝置 發射噴煙換刀片!

星期日,我又諗起《進擊之巨人》,自從人氣爆發後,好多Cosplayer都鍾意做調查兵,為國王獻出心臟,但都唔夠呢個日本人勁!佢製作咗一個立體機動裝置,唔只個樣似,仲有齊晒功能,包括發射兩個勾出去,仲示範發射插入幅牆,好似有啲危險;最勁之處係射出去嘅勾可以撳個掣索返番嚟!另外佢裝嗰兩罐gas真係gas嚟,後方仲可以噴煙!而兩把刀呢亦可以換刀片,呢條片有晒詳細製作過程,抵讚!

Read more ›
即入即玩 網站即製《進擊之巨人》風格標誌
by / on 20/06/2013 at 3:16 pm

即入即玩 網站即製《進擊之巨人》風格標誌

繼幫你砌貓貓文字、龍珠標誌文字之後,輪到近排最熱嘅《進擊之巨人》字體。你只要入呢個網站就可以輸入自己想要嘅文字,連下面細細行英文都可以自選!之後佢就會整出嚟仲俾埋條link你share,心得就係個「の」字係必要嘅,同埋雖然佢支援英文,但英文都係留番下面細細行會似啲!即玩啦!

Read more ›

新片速報 涉谷轉播8分鐘《進撃之巨人》主題曲完全版
by / on 20/06/2013 at 2:36 pm

新片速報 涉谷轉播8分鐘《進撃之巨人》主題曲完全版

出碟嘛,宣傳囉。噚日東京涉谷大電視就首播咗《進擊之巨人》首狂被人惡搞嘅〈紅蓮之弓矢〉主題曲完全版MV,咁現場就梗係多人圍觀,睇完動畫之後仲有Linked Horizon出場。入嚟睇埋唔同唱片店嘅特典封面,6款組合埋,可以變成一幅畫,又嚟呢招,你好嘢。

Read more ›
新片速報《進擊之巨人》蛋糕 製作影片全程睇
by / on 19/06/2013 at 5:09 pm

新片速報《進擊之巨人》蛋糕 製作影片全程睇

如果你係生活喺《進擊之巨人》嘅世界,你又選擇做兵,你會揀做咩兵?會同主角一樣咁熱血做調查兵?定還是想留喺國王身邊俾三道牆圍住自己?呢位日本fans就將漫畫入面嘅場景重現,整咗一個有三幅圍牆加埋駐屯兵團紋章嘅蛋糕,你都可以一嚐做巨人嘅滋味,逐幅牆消滅佢。入嚟有製作過程嘅影片睇,如果加埋啲人仔喺度就完美喇。

Read more ›
日本Coser《進擊之巨人》調查兵團集結!
by / on 17/06/2013 at 5:09 pm

日本Coser《進擊之巨人》調查兵團集結!

《進擊之巨人》喺日本紅咗好耐,動畫推出後更加爆紅,可以話任何Cosplay活動仲會見到幾個調查兵!早幾日日本活動就見到一整隊,唔……我只能夠講佢哋啲制服同埋個立体機動装置同武器都整得幾靚,造型都幾跟足原著,亦都非常齊人,但係,我嘅三笠應該冇咁茁壯……

Read more ›
扭蛋9月推出《進擊之巨人》三笠、艾倫、60米巨人都有份
by / on 07/06/2013 at 2:19 pm

扭蛋9月推出《進擊之巨人》三笠、艾倫、60米巨人都有份

出到第9集啦,不過又老實講,筆者麻麻哋鍾意睇動畫,最常出現就係影住個唔郁嘅畫面郁嚟郁去,節奏太慢喇……所以,我揀咗忍受諫山創嘅強勁畫功,睇漫畫。好啦,嚟緊就快換主題曲,希望再勁啲又可以惡搞之餘,仲可以買番套扭蛋擺喺枱頭,400円一隻嘅海洋堂Capsule Q扭蛋,一套四款有艾倫有三笠有巨人有蒸氣。

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10805 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10498 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9365 Views