TV動畫《進撃の巨人》Season3聽日(22日)就開播喇，咁今次嘅OP係「YOSHIKI feat. HYDE」嘅〈Red Swan〉，啱啱有特別影像公開，聽歌先！正！

好多貓奴屋企都有買呢啲「自動餵食器」，定時定候出糧比隻喵星人，去旅行最啱。而隻喵通常都會忍唔住搵隻手撩吓佢偷糧，但係日本呢隻喵就再進擊啲，竟然衝埋去撞部機，仲要起跑再發力撞埋去，撞到部機左搖右擺，可惜，結果佢都係拎唔到任何餅餅，睇嚟部機都幾穩陣，暫時。

《進撃の巨人》動畫第3季7月就開播，所以又出嚟搞合作活動喇。最新係6月7日開始同丼飯連鎖店「なか卯」合作，有產品換之餘，店內仲有「エレン」聲優梶裕貴把聲！合作期至7月4日。.

呢個Twitter本身都好好笑，自我介紹係呢位上年9月出世嘅「超小型巨人」，而「育児観測中」嘅就係媽媽調査兵。啱啱就見到有呢張圖，囝囝佢竟然一嘢錫落「ハンジ・ゾエ」度，個畫面又好夾……雖然覺得佢有啲前途，不過年輕人始終都係年輕人，對大人嚟講，真人版石原さとみ會唔會吸引啲？

好耐冇睇「AWE me」呢個頻道，今次佢就打咗把《進擊之巨人》嘅片手劍「スナップブレード」出嚟，而且仲真係可以換刀片！不過最好睇都係試劍一刻啦，你睇Mikasa幾肉緊幾兇狠？

第一集有冇玩？逆無雙玩法嘅動作遊戲，官方宣佈會推出第2集，而且亦都有新片睇喇。《進撃の巨人2》，2018年發售，最後嗰吓好型喎。

真係好識玩先至會咁玩。早幾個月開始，《進撃の巨人》喺富士急樂園有主題機動遊戲，咁亦都有啲巨型宣傳板啦。唔知係咪太愛兵長嘅關係，竟然有人錫咗落去兵長個嘴度，仲有大大個唇印。當然，好快就刪咗post喇，就算你愛，都要自制先得o格，唔係同禽獸有咩分別啫？

今日又好猛太陽又好熱啦，係咪好想食西瓜？日本就有高手雕咗個進擊之巨人西瓜，而且仲可以切出嚟當面具……

究竟有啲咩令到呢幾隻住喺日本嘅倉鼠仔咁進擊？估計都係食物居多嘞。呢位日本網民同時都係飼養主，佢間中都會同班倉鼠仔玩，今次就一齊爬上去佢嘅手臂，佢仲用「交通大擠塞」嚟形容呢個場面。希望排最後嘅朋友仔唔好心急，條路咁窄記住唔好打尖。入嚟仲有呢班倉鼠仔嘅生活照有得慢慢睇，每隻都好可愛。

喵星人為咗上樓可以去到幾盡？之前日本都有唔少成功例子，可能喺網上睇到，呢隻土耳其嘅流浪貓Leo都有樣學樣，而佢嘅方法就係跳上每日嚟餵流浪貓嘅義工架車度嘞。首先喺車入面嘅車頭位置邊晒太陽邊瞓覺，之後坐埋上司機位，再之後直情去埋車尾嘅位置瞓覺兼舔毛。咁進擊，人類即時被徹底融化，而家佢成功上樓好幸福，證明幸福係要靠自己爭取架！而佢嘅進擊過程亦被拍片兼放上YouTube，片尾仲有個訊息：「Never give up hope.」好勵志！BTW，各位想養喵嘅朋友，記住選擇領養，等多啲貓貓可以成功上樓喇！

即日至7月14日，日本東京Skytree就有呢個「350m級大型巨人からスカイツリーを奪還せよ！　『進撃の巨塔』 attack on SKYTREE」活動，有日本傳媒就去咗拍片，除咗啲畫同片外，隻立體巨人頭都幾有幻想空間，當然都係影相最重要。

《進擊之巨人》動畫2期嚟喇，東京Skytree都有活動，由後日4月10日至7月14日，就會有呢個「350m級大型巨人からスカイツリーを奪還せよ！　『進撃の巨塔』 attack on SKYTREE」活動，見到個名咁長都知佢好有誠意。除咗有嘢睇有影相位外，cafe都有特別嘢食，亦都有精品賣，如果你未去過Skytree，順便去埋都幾好。至於點解係350米？因為「東京スカイツリー天望デッキ」就係喺350米嘅高度，可以幻想吓望出窗就見到巨人喇。

上年街機展已經展出過，今次終於落機舖！早兩日，27日開始，呢隻Capcom出嘅《進撃の巨人 TEAM BATTLE》就現身「東京・プラザカプコン吉祥寺」，日本《Fami通》有現場報道，本地Akibaya DX都喺日本，仲拍埋片，亦都睇到操控器實物。留意番，如果下個星期喺大阪，2月3日至2月5日就會去到「大阪・ラウンドワン千日前店」！

下年4月終於有TV動畫《進撃の巨人》Season 2開播，第1輯最尾講到邊都有啲唔記得，係時候翻煲。官方啱啱出咗第1彈PV，都有同大家溫吓書。唔知到時會唔會有第1輯咁熱爆呢？

靠動畫將人氣推到最高嘅《進撃の巨人》，等咗咁耐，第2期動畫終於有放送日期，就係2017年4月。咁想重溫吓嘅，仲有3月15日出嘅BD/DVD BOX。另外仲同時宣佈埋會舞台劇化，有轟音、爆風、蒸氣等效果，2017年夏天公映。