Post Tagged with: "送"

日本《幼稚園》雜誌送拉打扭蛋機 成人網民超想要
by / on 11/09/2018 at 7:53 am

日本《幼稚園》雜誌送拉打扭蛋機 成人網民超想要

日本啲雜誌附送嘅禮物一向好驚人,今次呢本《幼稚園》嘅10月號仲誇張,居然送咗部扭蛋機!主題仲要係拉打《仮面ライダージオウ》!成部機用咭紙砌成,入面跟埋扭蛋,係8隻紙咭製嘅拉打手錶,可以用嚟玩board game,價錢絕對高過書價940円。唔止小朋友想要,好多大人都留言話超想買!

Read more ›

Burger King員工每日送漢堡包俾患癌狗狗    網民感動熱傳
by / on 21/07/2018 at 3:54 pm

Burger King員工每日送漢堡包俾患癌狗狗 網民感動熱傳

最近有個網民分享咗佢嘅故事,話說佢隻10歲嘅狗狗Cody最近被診斷出有癌症,只係剩返1-3個月命,為咗令佢剩低嘅日子過得開心啲,佢哋每日都會去附近嘅Burger King買個plain cheeseburger俾狗狗送藥食。有日其中一位店員就好奇問佢哋點解會點無任何醬料嘅plain cheeseburger,狗主就講咗Cody嘅事比店員知,而店員轉身同經理傾咗幾句之後,就問咗狗主人嘅姓名,然後同佢講,嚟緊佢再買俾Cody嘅plain cheeseburger都會係免費嘅。呢位狗主人好感動,將件事放咗上Twitter,吸引好多人留言。大家都讚Burger King做得好好,而Burger King嘅官方帳號亦喺個帖下面留言話:「呢個世界需要多啲仁慈及同情,多謝你俾機會我哋為Cody做少少嘢。」回應大方得體又恰到好處,下次都買返個Burger King包食吓先。

Read more ›
搬新屋有驚喜       前主人送隻貓做禮物
by / on 10/07/2018 at 7:24 am

搬新屋有驚喜 前主人送隻貓做禮物

搬新屋送隻貓,的確係好驚喜嘅。最近有網民搬屋,到埗時發現前屋主留咗張紙條,話後園多年嚟有隻貓住緊,不過超怕生保,佢哋每日都會餵糧同水俾佢,冬天同落雨天會搭間屋仔俾佢,希望新主人都可以幫手照顧呢隻喵。估計前屋主都想帶走呢隻喵但失敗咗。咁呢位新主人都好樂意照顧埋呢隻喵,仲放咗幾張呢隻喵嘅相上網,超可愛,入嚟有得睇。

Read more ›
日本災民強烈建議:「唔好送紙鶴」 網民提議用錢摺
by / on 10/07/2018 at 7:13 am

日本災民強烈建議:「唔好送紙鶴」 網民提議用錢摺

日本人有個摺紙鶴嘅傳統,摺滿1千隻就可以有祈福嘅作用。最近西日本豪雨超過百名死傷者,不過Twitter就有人出咗個Post,叫大家千祈唔好摺紙鶴送去,引起好多人討論。原文出自之前3.11地震嘅受害者,佢哋話災區出現大量紙鶴好難處理,更有人話試過挨咗兩日肚餓,最後收到救援物資,但係打開全部都係紙鶴‥‥‥大家都建議送現金或者食物最好,或者只係送一隻紙鶴表達心意再搭配食物就夠。亦有網民突破盲點,建議大家用錢嚟摺紙鶴‥‥‥

Read more ›
【有片】日本麥當勞送1億3千萬杯咖啡 記住嗌埋肉桂捲
by / on 12/10/2017 at 7:32 am

【有片】日本麥當勞送1億3千萬杯咖啡 記住嗌埋肉桂捲

日本嘅麥當勞咖啡一直聲譽麻麻,為咗吸納一班咖啡迷,佢哋嚟緊會推出號稱史上最好嘅咖啡,最威係會有1億3千萬杯免費提供!而家日本人口大約1億2千7百萬,即係每人一杯計埋遊客都有找,好大手筆。由10月16日至20日,連續5日每日下午3-7時免費提供。想飲咖啡配返少少嘢食嘅,記住嗌埋佢哋絕咗版嘅シナモンメルツ,即係麵包淋上熱嘅肉桂醬,好多之前試過嘅人都話超正。去開日本記住試吓。

Read more ›

本週人氣

7503 views

《銀魂》完結篇最後畫面 原來……

7040 views

Nintendo Switch Online遊戲列表 20隻經典周三有得玩

6324 views

日本長壽動畫聲優高齡化 列表中大量60歲以上

5907 views

新片速報 陳年街機合作幾打 《Capcom Belt Action Collection》網上連線

4726 views

理想與現實 日本宅男形象圖Twitter熱傳