Post Tagged with: "足球"

日本國家隊拍片 為泰國被困足球隊加油
by / on 08/07/2018 at 9:57 pm

日本國家隊拍片 為泰國被困足球隊加油

日本隊雖然輸咗波,但係贏得人心,返日本仲有大量球迷接機英雄式歡迎歸國。不過係抵嘅,佢哋輸波後都仲記得做啲有意義嘅事,例如拍片幫泰國被困洞窟嘅少年足球隊加油:「負けるな!頑張れ!」”Hang on! Football Family are with you.” 頭先睇新聞話已經陸續救緊佢哋出嚟喇,希望全員平安!

Read more ›

【有片】18歲女玩花式足球 超強控球力
by / on 26/06/2018 at 10:33 pm

【有片】18歲女玩花式足球 超強控球力

近日成日睇足球,唔爭在繼續睇。呢位Lisa Zimouche,18歲,玩Freestyle好勁,instagram有150萬fans,早前仲去同男足球員玩……

Read more ›
日本足球英雄本田圭佑  可愛敬禮動作Twitter熱傳
by / on 25/06/2018 at 7:58 am

日本足球英雄本田圭佑 可愛敬禮動作Twitter熱傳

噚晚日本隊對塞內加爾場波,32歲本田圭佑臨危受命追返一球,令好多球迷好開心,佢同隊友岡崎慎司嘅敬禮手勢亦都好搶眼。今日喺Twitter就見到大量佢嘅新聞,當然唔少得改圖同插畫啦。今次入波亦證明咗佢嘅實力,雖然係後備身份,不過出場無令人失望,亦用行動反擊返之前鬧爆佢表現差嘅人,勁呀。

Read more ›
法國球員係日本動漫迷 左腳小岡右腳火影
by / on 02/12/2017 at 8:44 pm

法國球員係日本動漫迷 左腳小岡右腳火影

日本動漫文化滲透各地各階層,當然好多運動員都係日本ACG迷,除咗溜冰,足球場上都唔少,好似曾幾何時德國嘅普度斯基都用《足球小將》小志強護脛啦。今次就輪到法甲球隊En Avant de Guingamp嘅26歲球員Nicolas Benezet,佢對手製球鞋,左邊係《Hunter X Hunter》嘅小岡,右邊就係《BORUTO》!再睇番之前,仲有位Bakary Sako,佢對鞋係《龍珠Z》超級撒亞人呀!

Read more ›
【有片】吉祥物謎之儀式 日本足球隊進軍世界盃決賽周
by / on 31/08/2017 at 9:44 pm

【有片】吉祥物謎之儀式 日本足球隊進軍世界盃決賽周

頭先啱啱日本隊喺世界盃外圍賽對澳洲,重要o架,如果贏到就進軍2018年世界盃決賽周喇,不過日本喺世界盃預選賽中同澳洲交手過5次,一次都贏唔到喎……喺埼玉スタジアム球場出面,就見到出名係球迷嘅愛媛縣吉祥物「一平くん」喺度開壇作法,唔係好明呢堆青蛙玩咩,不過可能真係有用,因為最終日本隊以2比0贏咗對手!Yeah!浅野拓磨(41分)、井手口陽介(82分)各入一nnnnnnn粒!

Read more ›
【其實係個波】日本喵星人變身前後 勁似足球Twitter熱傳
by / on 17/06/2017 at 10:33 am

【其實係個波】日本喵星人變身前後 勁似足球Twitter熱傳

的確係好易令人誤會嘅,因為根本就完全一樣!講緊嘅係日本網民最近喺公園影到嘅一張相。左邊睇會以為有個足球,不過變形之後‥‥‥原來又係喵星人!睇嚟佢已經完全進化,而且好似變色龍咁,好適合喺野外生存。

Read more ›

【有片】腳力勁過小志強 《名偵探柯南》又出腳
by / on 29/05/2017 at 1:19 pm

【有片】腳力勁過小志強 《名偵探柯南》又出腳

你以為《足球小將》嘅小志強嘅雷獸射球已經好勁?有睇柯南嘅真係笑而不語。之前佢已經表演過射波救人,今次佢又出腳,喺片中見到佢一球射埋去,大砲都射到歪,之後仲射到個人升上天,火箭咁,其實以佢個外形,係咪可以同閃電十一人合作?

Read more ›
【有片】日本高中生頂波挑戰 女同學關鍵一接大爆炸
by / on 23/05/2017 at 1:03 pm

【有片】日本高中生頂波挑戰 女同學關鍵一接大爆炸

睇呢條片,要留意番音量,尤其最後嗰吓。話說呢間宮崎西高嘅足球部就成班球員玩頂波,由一邊開始一人頂一下球不著地頂到去另一邊,目測有26人,咁最後接波嗰位,就係擬似經理人嘅女同學嚟,一直都好順利,就快完成喇!得喇!就喺最後女同學接波一刻,全部球員被炸飛,到底佢哋嘅反應係代表成功定係失敗?唔透,自己睇。

Read more ›
【感受氣氛】廣州恒大平價季票?奇妙座位有聲冇畫面
by / on 09/04/2017 at 6:51 pm

【感受氣氛】廣州恒大平價季票?奇妙座位有聲冇畫面

呢幾張圖,喺日本twitter見到,據講係廣州恒大主場其中兩個座位。又據講有人買咗平價嘅季票……咁雖然睇唔到,但可以感受吓氣氛嘛,或者一路睇電話直播囉。

Read more ›
有片:似異形破體而出 充氣谷爆足球+欖球
by / on 09/02/2017 at 7:45 pm

有片:似異形破體而出 充氣谷爆足球+欖球

YouTube頻道「The Slow Mo Guys」今次簡單啲,玩充氣谷爆足球同欖球。唔知點解爆波個畫面,令我聯想到破人體而出嘅異形,卜一聲,好彩裏面無爆腸,不過爆內膽一樣壯觀。

Read more ›
有片:史達寧射中九宮格 奇雲迪布尼罰球射中銅鑼
by / on 15/02/2016 at 7:15 pm

有片:史達寧射中九宮格 奇雲迪布尼罰球射中銅鑼

一代球星Show腳法,足球Trick Shot一類嘅短片一向好睇,今次有曼城翼鋒史達寧(Raheem Sterling)挑戰「Painting the Corners」,即係射簡化版龍門九宮格,只射上下左右中五格,全中!之後有阿仙奴防中法明尼(Mathieu Flamini)挑戰「Gong on the Volley」,即係接應傳球球不著地射銅鑼,照中!再之後有曼城進攻中場奇雲迪布尼(Kevin De Bruyne)挑戰「The Long Gong」,即係遠距離射罰球省中掛喺龍門右上角嘅銅鑼,好準繩;阿仙奴翼衞張伯斯(Calum Chambers)都唔弱,挑戰「The Four Block Smash」,一腳射中戙高咗嘅四個紙箱。不過講到最搞笑,都係史達寧一腳命中五個人守龍門嘅十二碼,都有難度架。

Read more ›

日本足球隊新波衫發表 白色作客幾有型
by / on 12/11/2015 at 12:58 pm

日本足球隊新波衫發表 白色作客幾有型

講起日本波衫,我最記得《我們的足球場》年代嗰套,即係兩邊膞頭有團火嗰套,真係型到爆開。之後就已經冇乜大感覺喇。嚟到今日,日本國家隊嘅新波衫又登場,藍色主場白色作客,主場嗰件唔睇心口個章真係唔多覺佢係日本隊,反而白色作客就幾靚。

Read more ›
【有片】子彈就是紅牌?巴西球證球場抆槍
by / on 30/09/2015 at 3:16 pm

【有片】子彈就是紅牌?巴西球證球場抆槍

球證喺球場上面,最勁都係攞張紅牌出嚟啫?但係當球員連紅牌都唔驚嘅時候可以點?可以令把槍出嚟。呢場係巴西一場低級別賽事,由「Brumadinho」對「Amantes da Bola」,據講球證先生佢被「Amantes de Bola」球員踢同掌摑,咁正職係做警察嘅佢,就衝入更衣室拎咗把槍出嚟「保護自己」,最後,旁證出嚟勸阻球證,話用支旗同佢交換把槍……最後嗰句我自己作嘅。

Read more ›
【有片】狂人希基達 49歲再施「蝎子救波」必殺技
by / on 09/09/2015 at 5:18 pm

【有片】狂人希基達 49歲再施「蝎子救波」必殺技

記唔記得,除咗喺《足球小將》出現超必之外,現實中都曾經有位門將有招超必?雖然佢招超必唔會令佢救波快咗勁咗,但型囉。講緊係前哥倫比亞門將希基達(José René Higuita Zapata)。今年已經49歲嘅佢,搞緊咩呢?嘆緊囉,你睇佢喺泳池邊都不忘施展一吓呢招絕技,型到咁,出碟都得。

Read more ›
【體育精神】日本網民讚有禮 柬埔寨國家隊輸場波贏掌聲
by / on 04/09/2015 at 9:07 pm

【體育精神】日本網民讚有禮 柬埔寨國家隊輸場波贏掌聲

今日都有一張關於香港隊、中國隊嘅相片被瘋傳……先唔好講邊隊好波啲,總之公平競賽90分鐘,結果係0比0,結果就係我守得住,你攻我唔入,鬧人都冇用o架?咪自己丟架?體育精神,從來都係最重要。好似呢張直播cap圖咁,喺日本網絡引起話題,就係噚日(3日)日本對柬埔寨世盃外圍賽賽後嘅情況,柬埔寨雖然淨輸3球,但賽後都去日本嘅後備席道謝,日本網民話即時對佢哋好感度大增。大家比賽,主客和都要互相尊重嘛。

Read more ›

本週人氣

7698 views

Nintendo Switch Online遊戲列表 20隻經典周三有得玩

6645 views

新片速報 陳年街機合作幾打 《Capcom Belt Action Collection》網上連線

6399 views

日本「裝銀仔」神器 網民推介Twitter熱傳

6320 views

《銀魂》完結篇最後畫面 原來……

5435 views

機迷出圖 如果出Marvel’s Iron Man遊戲