Post Tagged with: "貓"

【有片】終於識講嘢 喵星人講:「I Love You!」
by / on 29/11/2013 at 1:31 pm

【有片】終於識講嘢 喵星人講:「I Love You!」

主人佢平時沉默寡言,最鍾意都係瞓吓覺食吓嘢曬吓太陽,好少同人講嘢,不過,原來佢係識地球話o架。呢位主人就喺貓奴引導之下講出「I Love You!」三個字,聽落都幾似,星期五,我被及時治癒了。

Read more ›

全員惡貓 日本黑道貓大集合
by / on 27/11/2013 at 8:29 pm

全員惡貓 日本黑道貓大集合

有冇睇北野武啲戲?知唔知日本黑道啲人惡之餘,仲形於外,表情好誇張地惡?原來日本貓都一樣,有外國網站就做咗個專題,帶大家睇日本嘅惡貓樣,真係個個都兇神惡煞,堪稱貓中之龍,咩呀!咩呀!

Read more ›
新片速報 以下犯上!真貓版《Super Mario 3D World》
by / on 27/11/2013 at 5:33 pm

新片速報 以下犯上!真貓版《Super Mario 3D World》

好大嘅膽!呢個貌似寶萊烏版Mario大叔嘅人,玩玩吓Wii U新出隻《Super Mario 3D World》,竟然搵自己隻貓嚟玩。雖然今集遊戲Mario可以變貓,但呢隻著咗Mario衫嘅貓就唔多想同佢玩。咁樣對主人,死罪。不過放心,玩吓啫,最後掉去垃圾桶嗰隻係假貓嚟。

Read more ›
【有片】星期日睇動物 偷食天才 蠱惑的貓偷狗糧
by / on 24/11/2013 at 3:15 pm

【有片】星期日睇動物 偷食天才 蠱惑的貓偷狗糧

貓俾人嘅印象係蠱惑,狗就忠心,所以,雖然狗狗大隻啲,但永遠都係俾貓恰。呢條片呢隻貓見到大狗隔籬有兜狗糧喎,就扮晒嘢瞓埋去,之後伸手偷狗糧……第一次,失敗,狗狗突然醒咗,佢衰到即刻唔郁以免打草驚蛇,等狗狗瞓番之後……

Read more ›
貓奴聖誕咭    掃QR Code睇貓貓影片
by / on 23/11/2013 at 10:47 am

貓奴聖誕咭 掃QR Code睇貓貓影片

好懷念細過親手寫聖誕咭嘅日子,每年聖誕過後會數吓自己收咗幾多張聖誕咭。突然咁感性,因為見倒張貓奴一定鐘意嘅聖誕咭,呢張「Say It With A Cat」嘅咭,打開入面有個QR Code,用手機掃吓就會見倒貓貓影片,旁邊仲有用貓做主題嘅聖誕詩,一張大約港幣60蚊,包運費。起碼仲會收到張真實紙印嘅聖誕咭,開心過打開email見倒嘅一大堆e-card吖。MERRY CATMAS!

Read more ›
新片速報 主人新玩具 紙箱內的喵
by / on 18/11/2013 at 11:08 pm

新片速報 主人新玩具 紙箱內的喵

貓奴們,又要買嘢俾主人玩喇!呢個扮紙箱嘅玩具,撳個掣,喺入面有隻玩具貓仔會伸隻手出嚟,好可愛呀呵?但主人見到開頭就有啲驚,觀察咗一陣先夠膽研究吓,去到中段,已經自己伸手去撳掣玩,超搞笑!

Read more ›

貓奴注意!hea爆貓手機托12月底推出
by / on 06/11/2013 at 8:04 am

貓奴注意!hea爆貓手機托12月底推出

貓奴注意!日本又有古怪貓擺設推出,今次啲貓貓全部姿勢極奔放,大字型攤開,原來背面有吸盤,可以比你放手機。雖然現實生活中,幾識嘆嘅貓都好少擺呢款姿勢,不過睇見佢呢個任人魚肉嘅樣,真係認唔住笑咗出嚟。今次一次過推出兩個系列,大字型今年12月底推出,至於好似釘十字架嗰款就下年2月出,身高55mm,細細隻擺枱頭啱啱好。

Read more ›
新片速報 狗床貓佔 狗狗會點做?
by / on 20/10/2013 at 2:49 pm

新片速報 狗床貓佔 狗狗會點做?

星期日睇動物,作為主人,貓連人都當奴僕,狗喺佢哋眼中又算啲咩?貓狗同屋,好多貓都會走去霸咗狗狗張床,有啲狗會好唔安樂四圍行,有啲就瞓喺格嚟發脾氣,有啲就算喇,去瞓番隻貓張床,但係貓床好細張喎!睇完條片,我好想幫啲狗出番啖氣。

Read more ›
【有片】《進擊之巨貓》OP 自家惡搞貓奴心聲
by / on 19/10/2013 at 4:48 pm

【有片】《進擊之巨貓》OP 自家惡搞貓奴心聲

動畫第一季都完咗幾個星期,o依家先嚟玩〈紅蓮之弓矢〉OP?呢位日本貓迷係就係遲咗啲,但係都叫惡搞得幾好笑,將屋企隻貓變成巨貓,貓奴嘅心聲盡情傾訴,睇嚟,人類總有一日會被貓星人統治……

Read more ›
魔女專用!?日本黑貓Cafe開業
by / on 18/10/2013 at 6:32 pm

魔女專用!?日本黑貓Cafe開業

日本有好多貓Cafe,等屋企養唔到貓嘅人都可以去同啲貓玩吓,一嚐做貓奴嘅滋味。上個月尾9月25日,喺兵庫縣姬路市就開咗一間貓Cafe,最特別係佢全店都只係黑貓,名為「cat cafe ねこびやか -黒猫cm(センチメートル)-」一粒鐘1,000円,之後每30分鐘500円,有嘢飲,亦都有嘢食俾你買嚟餵貓。

Read more ›
新片速報 貓奴意外 主人被轟飛
by / on 14/10/2013 at 12:39 pm

新片速報 貓奴意外 主人被轟飛

貓身手好靈活,但面對突如奇來嘅環境變動,可能都會中招……呢條片個貓奴推開張枱,準備練一練呢個唔知係咪Break dance嘅動作,點知主人一個唔小心諗住跳埋去……

Read more ›

超萌!四川忌廉哥熱爆    40萬粉絲紅到日本
by / on 07/10/2013 at 7:16 am

超萌!四川忌廉哥熱爆 40萬粉絲紅到日本

香港有忌廉哥,大陸都唔輸蝕,最近呢隻名為「紅小胖Snoopy」(snoopybabe)嘅肥貓紅到連日本網站都介紹佢,instagram有19萬個fans追蹤,新浪微博都有27萬個粉絲,極之威威,雖然我有啲唔明,Snoopy明明係一隻狗。呢隻現居於四川成都嘅異國短毛喵,得意在於塊面超大超圓,眼仔碌碌,扁口扁面超可愛,唔知以為PS過。見倒佢有咁多內地粉絲我好開心,起碼呢27萬人應該唔會食貓肉啩。

Read more ›
狗仔戴condom   SPCA新廣告嚇壞人
by / on 02/10/2013 at 7:26 am

狗仔戴condom SPCA新廣告嚇壞人

見倒呢個動物condom廣告,我當堂嚇一跳!狗仔貓仔喎,condom喎,邊個同佢戴?點樣戴?上到去官網,發現有條香蕉,仲有寫明「how to put on a pet condom」嘅短片,似乎可以解除我心中疑惑,點知一按掣,就彈出一句:「方法只有一個,為你的寵物絕育吧。」一矢中的,好嘢!呢個係SPCA嘅最新宣傳活動,提醒各位主人,要為自己嘅貓狗做好安全措施,有創意又有心思,Like。

Read more ›
潮貓時裝年曆  靚衫著完要還
by / on 30/09/2013 at 8:13 am

潮貓時裝年曆 靚衫著完要還

呢班潮貓最近幫時裝品牌United Bamboo拍攝2014年曆,全部換晒秋冬新裝,網上仲做咗票選,最後由紅色漁夫外套嘅一月之星大比數勝出!我最有興趣反而係佢哋嘅幕後拍攝花絮,原來所有著上身嘅衫都唔係送比佢哋嘅,情況就好似一般模特兒工作咁啦。另外拍攝時最興奮就係見倒裝衫個盒,可以跳入去玩餐飽。拍完之後佢哋嘅酬勞就係主人請佢食零食,噢,得過做字,唔公平啊!

Read more ›
貓奴必睇 日本retweeted最多貓樣
by / on 27/09/2013 at 11:56 pm

貓奴必睇 日本retweeted最多貓樣

日本人愛貓,唔會吓吓又話要捉佢哋,虐待更加唔多見。日本Twitter不時都出現啲超可愛貓相,繼之前乜都放上個頭嘅爛瞓貓之後,有網站做咗個retweeted最多貓相專題。聽日開始放假,貓奴們今晚治癒吓一個星期嘅忙碌,聽朝早啲起身服侍主人啦!

Read more ›

人氣話題

14409 views

【2018出GAME表】 7月至8月 [PS4 / XBox One / Switch / PC / 3DS / PS Vita]

10498 views

【多圖】「店員」Twitter出圖 秋葉原「野郎ラーメン」變《閃乱カグラ》主題店

10331 views

冇電話冇相機點算好?圍影Coser奇妙龍

9373 views

【有片】C94 Coser 又嚟《工作細胞》白血球

8405 views

個樽靚喎!Evangelion x 沙嗲王後日始動