Post Tagged with: "警察"

日本天氣太熱 新例批準警察當值期間飲水
by / on 08/08/2018 at 7:02 am

日本天氣太熱 新例批準警察當值期間飲水

事緣之前有日本網民去加拿大旅行,見到街邊嘅警察竟然拎住杯咖啡飲覺得好震憾,件事喺日本引起好多人討論,因為日本人嘅角度警察唔應該咁做。咁最近日本天氣熱到暈,警視廳終於修訂條例,俾當值嘅警察帶水,不過暫時只限機動隊員(防暴警察),而且個水樽只限掛喺腰間,同埋只可攜帶膠樽或者保溫杯,佢哋仲研究緊幫警察們加返啲保冷劑,以防大家中暑。

Read more ›

加拿大警察當值飲Starbucks 日本網民熱烈討論
by / on 04/07/2018 at 7:18 am

加拿大警察當值飲Starbucks 日本網民熱烈討論

如果喺街見到警察飲緊Starbucks咖啡,你會覺得點?對日本人嚟講,簡直係難以想像嘅事,因為返工時間飲啲古靈精怪嘢會被認為唔專業,所以佢哋出咁多透明奶茶、可樂,講返正題,咁呢個日本人喺加拿大旅行時,見到警察拎住杯咖啡就好震驚啦,忍唔住分享喺Twitter,仲引嚟好多留言。唔少人都話好奇怪,有人話咁會響咗佢哋應付突發事件嘅速度,不過大部份留言都好正面,有人話親民嘅形象令人放心啲問警察嘢,而且佢哋有時間去Starbucks買咖啡,即係證明治安好好吖。BTW,當日其實係Canada Day,警察見到呢位日本人影相,仲好開心咁同佢講:「Happy Canada Day!」

Read more ›
【有片】為市民服務都有爭議?日本列車出意外 警車送考生去試場
by / on 15/01/2018 at 10:17 pm

【有片】為市民服務都有爭議?日本列車出意外 警車送考生去試場

真係好似拍戲啲劇情咁,早兩日13日日本時間朝早8點,北海道JR室蘭線嘅特急列車發生意外,令到列車停駛,但車上面就有4位考生趕住去試場考試。咁點算呢?警察先生/小姐就決定用警車載同學仔女去試場,最後有1位考生趕得切準時考試,另外3位就遲咗4分鐘,不過試場都另開一間房俾佢哋應考。咁呢件事喺網上就引嚟討論喇,當然有人好似我哋咁諗,覺得警察好好,好識得應變,又幫到無助嘅學生,不過亦都有人話警車唔係的士,唔應該咁樣用喎……其實,幫到人就冇乜問題啦?

Read more ›
型到極限 Devil Toys日本未來警察Figure
by / on 15/11/2017 at 11:21 pm

型到極限 Devil Toys日本未來警察Figure

呢位製作者Devil Toys嘅Johnson Ting,啲插畫已經夠靚,最新仲發佈埋呢隻新Figure,預定2018年第一季推出,價錢約$180美元,造型同配件都超正!

Read more ›
日本大阪警察招募廣告     小朋友扮警察伸張正義
by / on 30/03/2017 at 7:47 am

日本大阪警察招募廣告 小朋友扮警察伸張正義

日本大阪府嘅警察招募廣告經常有驚喜,最近佢哋就搵咗個小朋友扮警察,揸住架小警車出巡捉途人亂拋垃圾,個小朋友個樣超可愛,難怪吸引好多網民RT。唔似東京警局咁嚴肅正經,大阪府廣告入面嘅警察,連捉賊都搞笑過人。好記性嘅應該記得佢哋2015年嘅草食系廣告,影住大隻男人嘅六嚿腹肌,呼籲草食系出嚟做警察,當時好多人RT,今日睇返依然覺得正!

Read more ›
【新片速報】日本福岡再地陷? 警察封路網民熱烈討論
by / on 26/11/2016 at 11:21 am

【新片速報】日本福岡再地陷? 警察封路網民熱烈討論

早前福岡JR博站前大路陷,短短7日就收復好,全世界都讚日本人好厲害。不過啱啱有報告話道路又再陷沒5cm,而家警方已經封路。日本好多網民討論呢件事,有人留言話:「我記得《日經》之前都有問過係咪收復得太快」、「太羞恥了」、「同中國一樣」 、「只要有少少陷沒都很麻煩,遲啲可能會更嚴重」,希望今次徹查清楚,盡快修復問題啦。

Read more ›

有片:絕望了!洗極頭都仲有泡!警察驅趕唔知點算好!
by / on 12/07/2016 at 11:00 pm

有片:絕望了!洗極頭都仲有泡!警察驅趕唔知點算好!

呢個Prank我係睇咁多次都笑咁多次嘅,人好哋哋走去淋水間洗頭,就趁人唔為意整蠱人,係咁加喺頭殼頂加洗頭水,搞到人洗極個頭都仲係起泡,捽到頭皮甩個頭都仲係未乾淨,有被整蠱者不斷WTF,有被整蠱者發脾氣……。呢啲場面,以前睇過,今次新增假扮嘅警察一角色,警察行去淋水間,大條道理用「超過使用時間」、「浪費清水」同「製造水污染」等藉口驅趕,有被蠱者簡直想喊咁滯,想解釋又唔知點解釋好,好無奈……我呢,就笑到Gap Gap聲。

Read more ›
【愛心警察】日本鴨媽媽帶鴨仔過馬路   警察叔叔幫手開路
by / on 30/06/2016 at 7:14 am

【愛心警察】日本鴨媽媽帶鴨仔過馬路 警察叔叔幫手開路

最近日本好多鴨媽媽帶住班鴨仔由孵化嘅地方去返居住地,仲經常行行吓走失幾隻,好彩有好心人幫手救返,入嚟有回帶。最近Twitter熱傳嘅呢張相仲勁,因為班鴨仔竟然有警察叔叔幫佢哋開路!3位警察仲要有晒分工,一個負責趕,一個吹哨子,另一個就拎住紙箱!的確,鴨仔群就咁橫行過馬路對佢哋或者行車人士都好危險,有呢班咁有愛心嘅警察幫忙就唔怕嘞,打橫行都得呀!BTW,日本人對小動物真係好有愛心,抵讚。

Read more ›
外國警察變身蜘蛛俠探病童 「You are our Hero!」
by / on 03/06/2016 at 7:13 am

外國警察變身蜘蛛俠探病童 「You are our Hero!」

外國警察經常都有貼心舉動,之前報導過有位警察將自己珍藏嘅比卡超卡轉送咗比小朋友,最近阿爾巴尼亞嘅警察就喺6月1日國際兒童日,cosplay成蜘蛛俠同蝙蝠俠去醫院探訪病童。佢哋出場仲係喺天台游繩落去,好認真。之後派禮物同寫住「You are our Hero!」嘅襟章俾小朋友,又陪佢哋傾計,帶咗好多歡樂同能量俾呢班病童,You are our Hero!

Read more ›
【有片】9歲Pokemon迷被偷咭 警察叔叔送全套私人珍藏
by / on 26/05/2016 at 7:15 am

【有片】9歲Pokemon迷被偷咭 警察叔叔送全套私人珍藏

美國有個9歳嘅小朋友Bryce係超級Pokemon迷,儲落好多咭,點知有日拎去朋友屋企時俾個唔識嘅細路搶走咗本咭簿,好傷心嘅佢同媽咪商量後決定報警,咁啱26歲負責案件嘅警察James Grotenrath都曾經係Pokemon迷,最後佢將自己珍藏嘅全套Pokemon咭送晒俾Bryce,當中包括一張全球只得10張嘅錯體版咭!佢受訪時話:「我細個都係Pokemon fans,所以好明白唔見咗啲咭有幾傷心。雖然啲珍藏係我嘅無價寶,但係可以見到其他人笑我都好開心。」BTW,最後偷嘢嘅小朋友俾人捉到,不過無被起訴,可惜入面有啲咭唔見咗,呢位小朋友真係曳。

Read more ›
【日本警察唔易做】著水手服扮露底 真人示範性犯罪案例
by / on 28/11/2015 at 1:12 pm

【日本警察唔易做】著水手服扮露底 真人示範性犯罪案例

日本好多古怪性癖愛好者,洐生出好多古怪行業,例如有店舖就提供比人偷竊囡囡底褲嘅服務,間舖最近俾警察冚咗,起出大量女裝內褲同埋水手服,不過日本警察就要真人示範,著返套水手服扮露底案件重演,網民大叫重口味,仲留言問點解唔係搵女警示範,亦有富同情心嘅網民幻想呢位可憐嘅示範警察俾上司迫佢上鏡嘅可憐情景,不過我其實幾欣賞呢班日本警察嘅專業精神。

Read more ›

【瘦到見骨】可憐狗狗被領養 越養越肥笑騎騎
by / on 22/09/2015 at 7:19 am

【瘦到見骨】可憐狗狗被領養 越養越肥笑騎騎

睇見呢啲好人好事,心情都好啲。呢兩隻狗仔之前好可憐,喺7月時比芝加哥嘅警察發現佢哋喺一楝棄置嘅大廈入面,當時佢哋瘦到得返排骨,睇相見到啲骨現晒出嚟,令人好心痛。最近有人放咗佢哋嘅近照上網,兩隻狗狗經過獸醫嘅悉心照顧,而家已經肥肥白白,連個樣都開心埋,影相識得笑騎騎。而家啡色嘅Emma比其中一位獸醫診所嘅職員收養咗,至於白色嘅Oscar就等緊人領養,相信佢好快會搵到個好家庭,睇嚟佢哋都好有肥嘅潛質,仲越嚟越肥,以後應該餐餐都可以食飽飽。

Read more ›
有片:反智的社會 無話可說的《黑警與胸》
by / on 15/08/2015 at 9:00 am

有片:反智的社會 無話可說的《黑警與胸》

官字兩個口,但無把口講嘢似人話,警棍就係警察手臂之延伸,胡亂藕人無罪;胸脯擺明係身體嘅延伸,卻成為兇器,襲警有罪。《黑警與胸》由Mustc x 山卡啦創作,原曲《風箏與風》,句句歌詞都好精警,聽完,深感呢壇嘢7出國際,作為香港人,生存喺如此反智社會,真係無話可說。觀今法律無用,想撥亂反正,唔通真係要冀求聖人出?

Read more ›
【無間道】有片   警察扮地盤工人     新招捉司機玩手機
by / on 01/08/2015 at 2:00 pm

【無間道】有片 警察扮地盤工人 新招捉司機玩手機

一邊揸車一邊玩手機真係好危險,不過要捉到都唔易,因為司機離遠見到有警察咪即刻收手囉。所以美國喬治亞洲嘅城市瑪麗埃塔嘅警察就好醒,扮成地盤工人,喺馬路捉違規司機!雖然唔知最終捉到幾多個,不過相信好多司機會中招,事關喺馬路見到有地盤工人好合理,繼續發訊息都好合理,衰喺佢哋手,抵啦。

Read more ›
大肥豬驚現邪惡笑容     坐警車搞事
by / on 05/06/2015 at 7:06 am

大肥豬驚現邪惡笑容 坐警車搞事

一開始我都係比呢張相吸引住,一隻大肥豬坐喺車尾露出邪惡嘅笑容,而佢坐緊嗰架仲要係警車。事緣美國密西根州最近有人發現流浪豬,於是打911報警求助,隻170磅嘅肥豬好乖無掙扎,跟咗警察叔叔上車返警署報到,臨走前仲喺車尾回眸露出奸詐嘅笑容。點知原來好戲在後頭,當佢哋去到目的地,司機一打開車門,居然發現‥‥‥喂肥豬仔,要罰錢架喎!

Read more ›

本週人氣

7712 views

《銀魂》完結篇最後畫面 原來……

7188 views

Nintendo Switch Online遊戲列表 20隻經典周三有得玩

6031 views

新片速報 陳年街機合作幾打 《Capcom Belt Action Collection》網上連線

5101 views

日本「裝銀仔」神器 網民推介Twitter熱傳

4858 views

理想與現實 日本宅男形象圖Twitter熱傳