Post Tagged with: "設計師"

【圖集】超強設計師 電影角色變可愛蜜蜂仔
by / on 24/07/2018 at 7:10 am

【圖集】超強設計師 電影角色變可愛蜜蜂仔

呢位加拿大設計師Camilla d’Errico最近嘅作品好正,佢將大量電影角色或者英雄人物變晒做蜜蜂,超可愛,但又令人一睇就認得出係邊個角色,好正!大量角色例如死侍、Batman、Joker、小丑女、比卡超,甚至連星戰嘅Obi Wan都出動埋!

Read more ›

日本超正設計師 「真實8bit食物圖」唔靠Photoshop
by / on 01/06/2018 at 7:57 am

日本超正設計師 「真實8bit食物圖」唔靠Photoshop

日本有好多好嘅設計,呢位美術總監「吉田ユニ」經常幫雜誌做美指,亦有做唔同嘅平面廣告創作,佢嘅作品偏向大膽搶眼,佢自己都話希望作品會令人忍唔住望然後欣賞。其中呢個8bit系列就好正嘞,將漢堡包、蘋果、香蕉變成8bit,不過唔係用Photoshop,而係真真正正用返食物去造類似8bit嘅效果,好正!入嚟仲有多啲佢嘅作品回帶。

Read more ›
日本知名設計師新作 腳趾尾都要戴頭盔
by / on 22/05/2018 at 2:35 pm

日本知名設計師新作 腳趾尾都要戴頭盔

安全第一,最細小嘅腳趾尾都應該受到周全嘅保護,日本設計師Yoshida最近整咗呢頂地盤安全帽俾腳趾尾用,喺Twitter好多人RT,佢之前仲設計過秋葵形狀嘅垃圾埇,可以篤穿嘅紙門日曆,全部都好受歡迎,入嚟有回帶。

Read more ›
喵星人「畢業生」專用頸圈 設計師大量作品回帶
by / on 11/03/2018 at 1:34 pm

喵星人「畢業生」專用頸圈 設計師大量作品回帶

嚟到日本嘅畢業季節,屋企嘅主子都要湊吓熱鬧換吓裝嘅。日本設計師木野聡子專門為喵星人製作特別款式頸圈,全部都勁靚,之前都介紹過,今次呢個畢業生頸圈戴喺黑喵身上特別有型,好想買返個!入嚟有木野聡子最近嘅作品回帶,全部都好靚呀!

Read more ›
【設計師要買】日本傾斜型手寫畫板Twitter熱傳 舒服之餘改善坐姿
by / on 15/09/2016 at 7:15 am

【設計師要買】日本傾斜型手寫畫板Twitter熱傳 舒服之餘改善坐姿

對於用電腦做設計,經常要用手寫畫板嘅設計師嚟講,呢個可以傾斜嘅畫板的確好吸引。可能其他國家都出過,但日本出品又有信心多啲,難怪一放上Twitter就被瘋狂RT。用咗佢,以後望住個芒都可以挺直條腰做人,對改善不良坐姿都有幫助,有無人想買?

Read more ›
迪士尼興建《龍貓》區不是夢? 設計師概念圖宮崎駿都知
by / on 21/04/2016 at 7:12 am

迪士尼興建《龍貓》區不是夢? 設計師概念圖宮崎駿都知

如果迪士尼真係有呢個龍貓主題樂園,相信好多人都想去玩。沿途坐住貓巴士去晒龍貓嘅主要場景,諗起都開心。不過呢個暫時只係迪士尼動畫兼主題公園設計師John Ramirez嘅概念圖,佢話已經多次向宮崎駿提出呢個概念,不過每次都俾對方婉拒,但佢話永不放棄喎。話時話,「三鷹之森吉卜力美術館」嗰個識郁,仿照動畫設計嘅龍貓展品都好正,諗起都想再去睇多次。未去過嘅下次一定要去,但記緊入面唔可以拍片影相呀。

Read more ›

【霸氣喵】蒙羅麗莎「貓抓板」 點抓都得喵權至上
by / on 16/04/2016 at 2:35 pm

【霸氣喵】蒙羅麗莎「貓抓板」 點抓都得喵權至上

係串嘅,貓奴設計師Erik Stehmann為咗令喵星人嘅地位進一步提高,設計咗呢款獨一無二嘅蒙羅麗莎名畫貓抓板,掛喺牆上面,喵星人可以隨便亂抓。唔止蒙羅麗莎,其他名畫例如Vermeer嘅The Girl with the Pearl都有得抓,開價歐羅169,好貴。不過記住之後唔好帶隻喵星人去真嘅藝術館。

Read more ›
【甜到漏】IG超人氣巴黎甜品師    靚鞋襯甜品
by / on 14/03/2016 at 7:13 am

【甜到漏】IG超人氣巴黎甜品師 靚鞋襯甜品

鍾意食甜品嘅入呢個IG前要小心,因為佢會令你好肚餓。今次介紹嘅呢位Tal Spiegel係一位巴黎甜品師傅,亦係一個設計師兼鞋痴。知道佢呢3個嚐好之後,就會明白點解佢會開呢個IG。入面每張相都係一幅甜品,每件甜品唔止靚,仲同佢對鞋襯到絕,相信佢屋企嘅鞋同佢鍾意嘅甜品一樣,數之不盡。就算唔鍾意食甜品嘅,當去欣賞吓巴黎嘅超靚甜品都係一件賞心樂事。

Read more ›
【為食發明】套入手指嘅曲奇 點朱古力醬一流
by / on 13/09/2015 at 1:01 pm

【為食發明】套入手指嘅曲奇 點朱古力醬一流

好欣賞呢個設計,呢隻牌子嘅朱古力醬真係毒性超強,買咗返屋企,得閒就會想伸隻手指入去偷食一啖。意大利設計師Paolo Ulian就諗倒設計呢款手指頭形狀嘅曲奇餅,戴住佢就可以直接伸入朱古力醬度點完再食,唔怕整污糟手指,爽!我估我會5隻手指都戴晒曲奇,然後一次過插隻手入朱古力醬度‥‥‥BTW,佢之前仲設計過另一款曲奇杯,飲完嘢可以直接連個杯都食埋,睇落都堅正。

Read more ›
有片:邱彥翔拍片撐設計師
by / on 03/09/2015 at 9:30 am

有片:邱彥翔拍片撐設計師

都唔記得始作俑者係邊個咯,總之呢排就興一句話惹怒乜惹怒物,人人齊心發表意見,喺面書見到好多留言都笑爆嘴。台灣演員邱彥翔唔只留言,直頭拍埋片撐設計師,片中佢七情上面,既肉緊又鬼馬,句句說話都講得似模似樣,片尾以「僅以此片送給所有懷抱夢想努力不懈辛苦的設計師們」作結。我諗,設計師睇到呢條片應該好感動。

Read more ›
【匙羹上的藝術】Batman/老佛爺超精緻   可可粉變藝術品
by / on 03/09/2015 at 8:41 am

【匙羹上的藝術】Batman/老佛爺超精緻 可可粉變藝術品

呢位羅馬尼亞嘅女設計師Ioana Vanc最近好紅,好多網站都轉載佢嘅設計,佢嘅成名作係一系列喺匙羹上嘅食物設計,有Batman、老佛爺Karl Lagerfeld、名廚Jamie Oliver、熊貓、螳螂等,迷你得嚟勁細緻,堅靚!除咗匙羹系列,仲有可可粉創作嘅作品,個人認為仲靚過匙羹系列,入去佢IG有勁多作品睇,可以順手follow埋!

Read more ›

《Naruto》融入家中 鳴門變樹葉/大蛇丸變Headphone
by / on 27/08/2015 at 7:08 am

《Naruto》融入家中 鳴門變樹葉/大蛇丸變Headphone

越南設計師Nguyen Quang Huy我哋之前都介紹過,佢嘅強項係將日常物品融入設計,之前玩過超級英雄,超正,入嚟有回帶。至於今次呢,佢就挑戰動漫迷超鐘意嘅《Naruto》,效果一樣勁正零違和,例如鳴人個頭變咗塊樹葉、我愛羅揹住粒花生、卡卡西頂住個貝殼,重有點解大蛇丸變咗條headphone線‥‥‥

Read more ›
【眼力測驗】樹葉真定假?神級3D繪畫 睇片知答案
by / on 04/07/2015 at 1:01 pm

【眼力測驗】樹葉真定假?神級3D繪畫 睇片知答案

考吓你,圖中呢幾塊葉,有邊塊係真?邊塊係畫上去?呢幅畫出自挪威設計師Dino Tomic手筆,講真比我估,我會估全部都係真嘅,雖然我知道答案可能係全部都係假!入嚟有片可以自己搵真相。原來我錯晒‥‥‥好大打擊。玩完唔夠喉,仲有幅菊花圖可以當第二關,不過呢個嘅答案片就仲未出,估完要再等吓。BTW,佢畫嘅彩色人像素描都超正,片尾有回帶。

Read more ›
超級英雄融入家中    《蜘蛛俠》變‥‥‥荔枝?
by / on 21/06/2015 at 1:22 pm

超級英雄融入家中 《蜘蛛俠》變‥‥‥荔枝?

呢輯相睇得人好開心。呢位叫Nguyen Quang Huy嘅設計師來自越南,好鍾意超級英雄,於是佢就諗倒將日常物品變做超級英雄身體嘅一部份,加上自己手繪嘅插畫,製作咗呢個好精彩嘅專輯。例如變形俠醫個肚變咗鷹標風油精、美國隊長拎住嘅盾變咗樽蓋,而我最鍾意呢,就係蜘蛛俠個頭變咗粒荔枝嗰幅,零違和感,睇一次笑一次呀。

Read more ›
懷舊機迷專用       打機回憶USB主機手掣出齊
by / on 03/05/2015 at 3:06 pm

懷舊機迷專用 打機回憶USB主機手掣出齊

最近發現屋企最多嘅電子產品,居然係USB手指同埋尿袋叉電器,不過得意嘅USB唔嫌多,好似羅馬尼亞設計師Andrei Lacatusu呢個系列嘅USB,用晒老機迷最愛嘅遊戲機主機或者手掣做設計,中間打開就係USB,個名仲食埋字改得好感性,叫「Memories Stick」。我仲見倒《魂斗羅》呀!

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10807 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10498 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9367 Views