Post Tagged with: "網民"

【有片】8歲小朋友留長髮兩年     捐患癌兒童感動網民
by / on 17/09/2016 at 8:14 am

【有片】8歲小朋友留長髮兩年 捐患癌兒童感動網民

小朋友嘅品格比學業成績更加重要,呢個8歲嘅外國小朋友Thomas Moore就好有同理心,有日佢見到媽咪睇Facebook嘅一段片,講及一個女仔因為癌病治療而無晒啲頭髮,跟住佢就決定要出一分力!之後兩年佢不斷將自己嘅頭髮留長,然後剪嚟捐比有需要嘅小朋友。最後佢嘅頭髮足足夠整三個假髮,而且仲係爆炸頭,型!佢呀姨Amber Ray將before同after剪髮相放上Twitter後即刻被熱傳,大家都俾呢個小朋友嘅行為感動,入嚟仲有片睇。BTW,我都好想好似佢咁多頭髮。

Read more ›

【IQ題】30秒答啱IQ有130 數學題日本網民瘋狂玩
by / on 13/09/2016 at 7:12 am

【IQ題】30秒答啱IQ有130 數學題日本網民瘋狂玩

呢條數學題好簡單,不過個標題就引到好多日本網民入去睇,題目係:「據講30秒解答到嘅人IQ有130」。利申,我用咗20秒就解咗,不過,之後發現答錯咗!唉。有無人同我一樣計錯數?入嚟有答案。不過大家留言唔好穿答案,淨係講自己答啱定答錯好嘞。

Read more ›
日本網民熱傳希拉里係外星人 爬蟲人變種?
by / on 12/09/2016 at 7:13 am

日本網民熱傳希拉里係外星人 爬蟲人變種?

距離美國大選仲有兩個月唔夠,本來被睇高一線嘅希拉里最近成為日本網民熱烈討論對象。啱啱出席9.11紀念活動嘅佢突然不適,醫生話佢肺炎,日本網民就好擔心,話佢喺選舉前被發現身體狀況咁差,好大機會令特朗普當選。又有就話佢果然係被外星人攻佔,會咁講全因早幾日佢出席另一個活動時,喺飲水嘅期間被拍到吐出綠色嘅不明物體出嚟,日本網民開始話佢其實係爬蟲人,話佢已經被操蹤,有人甚至話佢其實係美國最新型嘅機械人,不過其實有人話佢吐出嚟嘅只係一種咀嚼式嘅牙刷(Rolly Brush),應該唔似啦,你信唔信?入嚟有回帶。

Read more ›
日本網民大掃除 4隻喵裝裝吓超可愛Twitter熱傳
by / on 11/09/2016 at 11:37 am

日本網民大掃除 4隻喵裝裝吓超可愛Twitter熱傳

星期日好適合留喺屋企大掃除,尤其是有養貓嘅,成屋都係毛係時候清潔吓。日本有網民打掃屋企時順手影咗屋企班喵星人嘅反應,由於太好笑,好快喺Twitter熱傳。睇到班喵星人又要驚又要睇,4個喵頭迫住喺門隙度裝裝吓,咦,睇真啲原來有5隻喵!好明顯後面嗰隻係大佬,見慣世面淡定啲喎。

Read more ›
【真係同一個人?】日本網民公開cosplayer真身     PS技術太高
by / on 04/09/2016 at 11:38 am

【真係同一個人?】日本網民公開cosplayer真身 PS技術太高

真係同一個人?我到呢一刻都唔係好信,不過日本2ch網民講到言之鑿鑿,而且睇返對眼同個鼻‥‥‥又真係似。有網民放咗幾張相上討論區,話而家嘅cosplayer啲PS技術實在太強,話以後乜嘢都唔會再信。睇相見到前後對比唔止大,簡直係另一個人。有人仲將佢嘅Twitter公開,呢位@saku93已經有14萬個followers。真係同一個人?

Read more ›
【有片】嚇親日本網民 左邊素顏右邊化妝影片熱傳
by / on 31/08/2016 at 7:13 am

【有片】嚇親日本網民 左邊素顏右邊化妝影片熱傳

化妝前後睇得多,不過今次依然要介紹,因為唔止日本網民嚇親,我都嚇一跳,雖然有埋片,但係都唔相信係同一個人。今次玩法係左邊素顏右邊化妝,當事人拍埋片示範,但係喺討論區入面無人信係同一個人,因為實在好震憾‥‥‥日本網民都一呼百應,瘋狂回帶分享經典案例,網民嘅留言好真心:「女人係面部欺詐師」、「超強畫家」、「簡直係恐怖片」,自問大膽嘅可以入嚟睇。

Read more ›

日本原宿出現賣火柴的「女孩」 網民:「根本係大媽」
by / on 30/08/2016 at 7:13 am

日本原宿出現賣火柴的「女孩」 網民:「根本係大媽」

唔知係咪睇得童話故事多,日本原宿最近出現咗呢個賣火柴的「女孩」,手上拎住一個藤藍,入面裝滿火柴,每支賣10円,而且真係有人買。日本2ch網民嘅留言都好精警,例如:「我想喺佢旁邊賣打火機」、「咁大量應該抵觸咗消防法」、「一支火柴賣10円簡直係暴利」、「應該冬天先賣」、「根本係大媽」。呢排去開日本不妨留意吓,睇吓撞唔撞到呢位賣火柴的「女孩」嘞。

Read more ›
日本網民熱傳最新車款 寶馬乘Benz史上「最速」?
by / on 18/08/2016 at 7:13 am

日本網民熱傳最新車款 寶馬乘Benz史上「最速」?

寶馬同Benz聯乘嘅機會接近零,不過靠自己一樣可以做到。日本有網民最近喺Twitter放咗呢張相,相中嘅私家車車頭大大隻字寫住寶馬「BMW」,不過喺BMW下面又有個Benz圓形經典招牌,下面仲寫住「ベンツ」(Benz),係咪「最速」就要跑過先知,但我反而幾欣賞佢喺兩盞車頭燈度畫咗個交叉。咁搶眼,唔知出街被截查嘅機會會唔會大增?

Read more ›
【新片速報】日本網民神級iPhone密碼 圓周率小數點後300個位
by / on 17/08/2016 at 7:13 am

【新片速報】日本網民神級iPhone密碼 圓周率小數點後300個位

都話高手在民間,呢段影片最近喺Twitter熱傳,有日本網民分享佢哥哥iPhone入密碼嘅事,原來佢哥哥嘅iPhone解鎖密碼係圓周率小數點後嘅300個位,影片拍攝佢哥哥嘅解鎖過程,單單係輸入密碼已經要接近一分鐘,玩到咁大,入面應該收埋咗國家機密資料。

Read more ›
日本網民搭飛機被檢查    「This is a pen」被瘋傳
by / on 16/08/2016 at 7:14 am

日本網民搭飛機被檢查 「This is a pen」被瘋傳

有好多嘢細個學咗但成世人都未必用到,其中一個例子就係英文語句「This is a pen」嘞。不過呢位日本網民唔同,佢搭飛機經過安全檢查時,職員突然拎起呢支嘢問佢係乜嘢嚟嘅,機會嚟喇飛雲!於是佢生平第一次終於可以講:「This is a pen.」由於太開心,佢仲將呢件事放上Twitter,可能網民都替佢高興,個post短時間已經超過6萬個RT,好誇張。如果你都想學好外語,下次搭飛機記住帶支古怪嘅筆嘞。

Read more ›
【新片速報】靚到似夕陽 日本網民飲酒加料藍變粉紅
by / on 15/08/2016 at 7:13 am

【新片速報】靚到似夕陽 日本網民飲酒加料藍變粉紅

呢段影片最近喺Twitter好多人分享,網民同朋友去咗飲酒,嗌咗杯淺藍色嘅飲品,之後店員比咗樽透明液體佢加入個杯度。當佢倒入去之後,神奇嘅事發生嘞,杯飲品慢慢由藍色變做粉紅,佢話靚到好似夕陽一樣,堅靚!好少飲酒嘅我唔知,香港有無啲類似嘅飲品?

Read more ›

日本網民浴室被嘲似《生化危機》場景 網民:「會越沖越污糟!」
by / on 12/08/2016 at 7:16 am

日本網民浴室被嘲似《生化危機》場景 網民:「會越沖越污糟!」

日本網民浴室被嘲似《生化危機》場景 網民:「會越沖越污糟」 印象中日本人好整潔,浴室一塵不染,不過凡事都有例外。最近有位日本網民放咗自己浴室嘅相上網,話同學嚟佢屋企見到之後話好似遊戲《生化危機》嘅場景。由於張相的確太震憾,有其他網民質疑係網上流傳圖,最後要樓主親自影張有自己討論區編號嘅相作證,仲解釋自己住緊嘅係昭和40年建造嘅市營住宅。講返網民留言,有人話:「好似遊戲《Silent Hill》」、「喺度沖涼應該會越沖越污糟」、「太恐怖啦!」樓主自己都好傷心,話媽咪已經成日清潔,但都係咁污糟‥‥‥

Read more ›
【圖集】日本網民瘋傳「戴利」相集 最強小鮮肉名草有主
by / on 10/08/2016 at 7:13 am

【圖集】日本網民瘋傳「戴利」相集 最強小鮮肉名草有主

又到體育時間,呢兩日大家都狂睇中國隊傅園慧嘅GIF圖,另一邊廂,日本網民就對戴利(Thomas Daley)呢塊小鮮肉好瘋狂。呢幾張圖喺Twitter被瘋傳。呢位英國跳水運動員啱啱拎咗奧運銅牌,最重要係雙眼又大又圓,笑起上嚟好陽光,喺IG已經有140萬粉絲,香港都有好多豬妹fans。其實佢喺6歲已經開始跳水生涯,今年22歲嘅佢最擅長十米跳台,另外佢已經名草有主,上年宣佈同金像編刻男友Dustin Lance Black訂婚,夠晒true。

Read more ›
【新片速報】日本網民衣架彈琴Twitter熱傳    完美《魔王》無甩音
by / on 07/08/2016 at 12:57 pm

【新片速報】日本網民衣架彈琴Twitter熱傳 完美《魔王》無甩音

音樂嘅嘢我唔係好識,不過睇到呢段喺Twitter熱傳嘅片都感覺到演奏者嘅創意。呢位日本網民喺屋企彈奏緊舒伯特嘅經典名曲《魔王》,不過可能太難彈,佢居然諗到用個衣架幫手,而且全程無甩音,好勁,入嚟有片睇。

Read more ›
日本網民亂發Twitter被捕 訛稱熊本地震有獅子走失
by / on 21/07/2016 at 7:13 am

日本網民亂發Twitter被捕 訛稱熊本地震有獅子走失

  喺網上世界亂發訊息被捕?日本呢位20歲嘅網民佐藤一輝最近正式被起訴,佢涉嫌喺熊本地震時喺Twitter發放假訊息,話附近動物園嘅獅子逃走咗,之後好多人信以為真喺網上瘋傳。今次係日本首宗因為「災害時期造謠妨礙業務」而起訴網民嘅個案。疑犯就話自己只係因為貪玩而咁做。網民一面倒唔撐佢,但就問其實佢妨礙咗邊個業務?其實當日佢發放訊息後,附近水前寺嘅動植物園同警局收到過百個電話,喺災難發生時仲要應付呢啲謠言,的確唔啱。

Read more ›

本週人氣

7548 views

《銀魂》完結篇最後畫面 原來……

7056 views

Nintendo Switch Online遊戲列表 20隻經典周三有得玩

6352 views

日本長壽動畫聲優高齡化 列表中大量60歲以上

5921 views

新片速報 陳年街機合作幾打 《Capcom Belt Action Collection》網上連線

4756 views

理想與現實 日本宅男形象圖Twitter熱傳