Post Tagged with: "網民"

【手指有救】日本網民熱傳圖 藥水膠布新貼法
by / on 01/02/2017 at 7:12 am

【手指有救】日本網民熱傳圖 藥水膠布新貼法

最怕手指整親要貼藥水膠布,因為永遠貼得唔好,個頂好似皺埋一團咁好肉酸。日本有網民分享咗個小秘技後喺Twitter熱傳,原來只要喺膠布嘅兩邊剪一刀,之後打個交叉,睇落唔難,包出嚟仲幾靚!下次整親記住試吓嘞。

Read more ›

【郭藹明都玩】日本網民善用美圖App      5000円紙幣完全變臉
by / on 30/01/2017 at 12:24 pm

【郭藹明都玩】日本網民善用美圖App 5000円紙幣完全變臉

美圖APP大家玩得多,如果今次主角換做郭藹明呢?Sorry,應該係日本嘅5000円上面嘅樋口一葉先啱。有日本網民拎咗張銀紙嚟玩,完成圖唔止日本人,相信連劉青雲都認唔到。

Read more ›
【負評?】日本小姐新鮮出爐    網民留言:「完全唔似20歲!」
by / on 27/01/2017 at 7:19 am

【負評?】日本小姐新鮮出爐 網民留言:「完全唔似20歲!」

日本雖然多靚女,但每次選出嚟嘅日本小姐網民都唔係幾鐘意。啱啱又有日本小姐新鮮出爐,今年得獎者係20歲嘅高田紫帆,佢喺大阪大學讀緊2年級。不過網民都係偏向負評,有人留言話:「唔可愛但幾靚,不過完全唔似20歲」、「臉好大,不過身體又太單薄」、「太有威嚴感,好似熟年女優」、 「話係32歲都得」、「睇埋後面嘅參賽者,會覺得佢得獎都好合理」、「好身裁版嘅高橋真麻」,有啲刻薄,不過佢的確唔係幾似20歲嘅‥‥‥

Read more ›
【有片】日本網民瘋狂玩 Google「即時翻譯」功能超好玩
by / on 26/01/2017 at 7:23 am

【有片】日本網民瘋狂玩 Google「即時翻譯」功能超好玩

試咗未?雖然有下載「Google翻譯」呢個App,不過講真平時好少用。呢兩日喺日本Twitter好多人拍晒片玩呢個App嘅「即時翻譯」新功能。揀選相機符號,之後對準物件,就會即時作出翻譯,好神奇。有人試影飲品、書甚至Keyboard,我都開咗個App嚟試玩,雖然唔係好準確,但好好笑,而且真係勁嘅。

Read more ›
一番好意 網民傳J圖俾特朗普被block
by / on 22/01/2017 at 4:17 pm

一番好意 網民傳J圖俾特朗普被block

啱啱上咗任嘅Donald Trump,其實睇佢老婆都大約知佢口味……有唔知係支持佢定想整蠱佢嘅網民就喺Twitter send圖俾佢,水著啫冇嘢吖,但就加多句:「for you daddy.」5分鐘就有回覆喎!Donald叫佢唔好想send啲著得好少衫甚至冇著衫嘅「cartoon women」圖俾佢,仲blocked埋佢添……哦,唔鍾意二次元……

Read more ›
【有片】網民將IKEA燈改裝成「Death Star」 超靚識發光
by / on 18/01/2017 at 7:12 am

【有片】網民將IKEA燈改裝成「Death Star」 超靚識發光

《Star Wars》嘅死星(Death Star)出過唔少產品,不過點都比唔上自己DIY嘅!有外國網民最近改裝咗IKEA出品嘅PS2014 吊燈,自己畫圖案再上顏色,整成超靚嘅發光死星,佢仲放埋上網教大家整,唔算難但好考耐性,不過完成品靚成咁,星戰迷應該好想試!

Read more ›

日本網民熱烈討論 舉V字手勢影相會令指紋被盜
by / on 17/01/2017 at 7:11 am

日本網民熱烈討論 舉V字手勢影相會令指紋被盜

好多人影相鐘意舉V字手勢,原來咁做好危險!日本最近有報導話做V字手勢影相時指紋有機會被盜用,就算離遠3米拍攝都有機會被讀取。被盜嘅話可能令提款咭、手機、電腦以至屋企門鎖都會被有機可乘。講到咁恐怖,日本網民又點睇?2ch好多人討論呢個話題,有人話:「好驚」、「變成可怕嘅時代」、「相機解像度太高嘞」、「反V手勢原來係高度安全手段」、 「呢個時代,原來太陽眼鏡同手套係必需裝備」,以後大家都係舉少啲V字手勢嘞。

Read more ›
【貪平】日本網民500円買錯褲     超長褲腳著起似蛙人
by / on 15/01/2017 at 1:03 pm

【貪平】日本網民500円買錯褲 超長褲腳著起似蛙人

究竟要有幾長嘅腳先可以著到呢條褲? 日本有網民用咗500円買咗條白長褲,係就係幾平,不過就算《ONE PIECE》嘅長腳族都未必啱著。佢仲試吓著上身,效果好似一個蛙人,連佢自己都話可以去潛水‥‥‥

Read more ›
日本「出租女友」網民熱烈討論 大叔都有得租!
by / on 14/01/2017 at 12:15 pm

日本「出租女友」網民熱烈討論 大叔都有得租!

「出租女友」日本有,淘寶都有。最近有日本網民cap咗幾張日本網站嘅出租女友圖喺2ch分享,引起熱烈討論。好多人讚質素幾好,留言話:「好可愛」、「唔錯喎,幾錢?」、「可以俾錢嘅水平」,不過有眼利網民發現中間夾雜咗個大媽。另外而家做緊冬季減價,最平4000円一小時,不過有網民就話其實一次約會大概要用3萬円。但係最正都係有網民分享另一個「出租大叔」嘅網頁,有人問:「唔知乜嘢人會租用?」,仲有人留言話:「我想租個大叔傾吓人生」,下次去日本試吓吖,我指租個大叔。

Read more ›
指原莉乃放相上IG被網民抨擊   「7500円嘅裙好平好可愛」?
by / on 12/01/2017 at 7:22 am

指原莉乃放相上IG被網民抨擊 「7500円嘅裙好平好可愛」?

7500円一條裙算唔算貴?指原莉乃就覺得好平,仲因為咁而俾部份網友抨擊佢離地。事緣佢放咗自己嘅全身相上IG同Twitter,讚自己條裙只係7500円,好抵好可愛,而對鞋嘅嘴唇圖案佢都好鐘意。BTW,7500円 (約港幣$500),其實對於年收入6800萬円 (約港幣$456萬)嘅指原莉乃嚟講,的確係唔貴嘅。

Read more ›
日本網民發現梳化凹陷    兩隻喵星人瞓凹梳化好識嘆
by / on 09/01/2017 at 7:32 am

日本網民發現梳化凹陷 兩隻喵星人瞓凹梳化好識嘆

呢張連環圖喺日本Twitter好多人RT,屋主話發現梳化頂有兩個凹陷位,原來‥‥‥之前兩隻喵星人喺呢個位置瞓覺!兩隻喵,一黑一白,仲要睡姿都一樣,好可愛。唔知係兩隻喵重定係張梳化軟,凹陷程度都幾誇張,亦可能因為咁,個位先咁受喵星人歡迎,包住全身應該好舒服。

Read more ›

【天才發明】日本較剪激嬲網民 要用剪先要有一把剪
by / on 09/01/2017 at 7:19 am

【天才發明】日本較剪激嬲網民 要用剪先要有一把剪

發明呢個包裝嗰位真係天才,最近有兩個日本網民不約而同放咗把較剪圖上網,奇妙在於兩把較剪都用膠條封實咗,即係話要用呢把較剪,首先你要有另一把較剪開佢‥‥‥把較剪背面仲有埋圖解。多謝你呀!有無太陽能電筒賣?

Read more ›
【學術研究】日本網民熱烈討論:「真係有女仔著內褲直接坐?」
by / on 08/01/2017 at 11:15 am

【學術研究】日本網民熱烈討論:「真係有女仔著內褲直接坐?」

唔講真係無乜留意,講起又好多人想研究吓。日本網民最近研究女學生喺動漫入面「坐」嘅細節,發現啲女生如果裙太短,會變成著住內褲直接坐喺枱面,於是問現實生活會唔會發生?有人留言話:「咁坐會好凍喎」、「夏天就得,冬天太凍」、「根據我嘅經驗,女校會發生」、「好污糟喎」、「少數人會咁做」、「用男人比喻嘅話,大概等於除咗條褲小便」、「踩單車好多都係咁樣直接坐」。有圖有真相,除咗漫畫圖仲有真人圖。BTW,其實好多女仔短裙入面著咗打底褲,大家諗多咗啫。

Read more ›
【新片速報】日本網民用手機「畫」漫畫      睇落唔難Twitter熱傳
by / on 05/01/2017 at 7:11 am

【新片速報】日本網民用手機「畫」漫畫 睇落唔難Twitter熱傳

用手機畫漫畫,聽就聽得多,見都係第一次。呢位日本網民喺Twitter放咗段片,親身示範幫動漫角色嘅頭髮畫線條,要每下都準確落筆,加上線條又比較粗,睇落都幾考功力,段片喺Twitter吸引好多人RT。BTW,原來用手機畫可以不斷touchscreen調控方向,又係另一種方便。

Read more ›
日本網民電子鐘驚現「12月32日」   一朝起身自動好返
by / on 01/01/2017 at 2:08 pm

日本網民電子鐘驚現「12月32日」 一朝起身自動好返

每次由12月31日跳到去1月1日,都會出現大大小小嘅bug。今次出事嘅係日本網民屋企個MAG品牌電子鐘,踏入1月1日,顯示嘅日期居然係「12月32日」,仲唔知點解變咗星期四(木),咁難得一見嘅場面當然要影低佢放上Twitter呃吓like。不過佢今朝起身嘅時候已經變返1月1日,亦自動跳返去星期日(日),一天都光晒!

Read more ›

本週人氣

10196 views

【有片】可愛到癲!「你點解嚟日本?」節目 日本網民狂讚16歲波蘭妹妹

8119 views

【有片】日本狂人搗亂Family Mart 網民:「激似《人中之龍6》!」

7757 views

日本網民自製「LED眼鏡」 發光效果勁似「碇司令」

7410 views

我就是高達!舞台劇《機動戰士Gundam 00》角色登場

6095 views

黃符遮三點 超性感殭濕子Figure