Post Tagged with: "紀錄"

ZOZOTOWN創辦人Twitter派100萬円 x100    破全球紀錄3日500萬轉發
by / on 08/01/2019 at 7:53 am

ZOZOTOWN創辦人Twitter派100萬円 x100 破全球紀錄3日500萬轉發

日本時裝購物網Zozotown嘅宣傳一向唔錯,之前聯乘Pokemon推出過懷舊8bit產品,又試過送緊身衣幫客人量度呎吋,最近佢哋嘅創辦人兼CEO前澤友作趁新年喺Twitter搞咗個派利是活動,由於新年期間銷售額突破100億円,佢親自拎每人100萬円出嚟派俾100個網民。參加方法就係轉發佢個帖同埋follow佢帳戶,由1月5日開始為期兩日,直至今日已經有超過560萬個轉發,打破咗全球Twitter最高轉發次數!而佢嘅帳戶followers亦由50萬左右跳升到超過600萬,好誇張!

Read more ›

日本Sharp推出智能貓廁所 紀錄尿量/逗留時間
by / on 15/06/2018 at 7:21 am

日本Sharp推出智能貓廁所 紀錄尿量/逗留時間

你睇隻貓個樣幾驚?要監視住屋企隻喵星人嘅健康狀況,可以由廁所入手。最近日本SHARP公佈呢個貓廁所,可以紀錄貓嘅尿量、次數、逗留時間、體重等等資料,仲有溫度調節,最多可以對應3隻喵(會有頸圈俾貓帶住識別)。如果發現佢尿量多咗、逗留時間長咗,主人就要帶佢去睇醫生嘞。對應手機App,體積380×576×188mm,售價24800円,7月30日推出,可惜無拍片功能,其實我好鍾意睇佢哋去廁所好認真個樣。

Read more ›
【相集】日本攝影師超靚相集 東京大雪全紀錄
by / on 09/02/2018 at 7:44 am

【相集】日本攝影師超靚相集 東京大雪全紀錄

早前東京落大雪,仲係近4年最大風雪嘅一次,無去到嘅都好想睇吓究竟大雪成點?日本攝影師横田裕市最近分享咗輯相,佢喺嗰幾日冒住大雪去咗幾個東京著名景點,包括淺草寺雷門、新宿、渋谷等地方,大雪之下每個人都搭住把遮,成條街白茫茫一片,好靚,仲同平時嘅東京好唔同,入嚟有得睇。

Read more ›
【相集】日本京都懷舊小店    過200張iPhone拍攝全紀錄
by / on 16/09/2017 at 8:09 am

【相集】日本京都懷舊小店 過200張iPhone拍攝全紀錄

日本京都仲保留好多舊嘅特式小店,雜誌《Kyoto Journal》創立人John Einarsen喺一年前開始,每朝踩單車途中用佢部iPhone影低當地嘅小店,而家儲埋超過200張好有紀念價值嘅相,當中有髮型屋、小食店、賣和菓子嘅店舖,全部都好有特式,令人好懷念香港都曾經有過嘅小店。

Read more ›
有片:痴線的!嫌命長!下爬頂木門玩命!
by / on 13/08/2016 at 9:15 am

有片:痴線的!嫌命長!下爬頂木門玩命!

好驚!既驚佢條頸斷,又驚佢下爬甩,更驚佢牙骹散。大佬,話晒都係一度厚實木門,就算出術中間係空心嘅,就有番咁上下重量吖,單單用下爬托住真係好牙煙。呢啲紀錄真係唔破好過破,根本就係玩命,先唔講下爬有幾實淨,承唔承受到咁重一度門,如果一個唔好彩度門一跣,之後又再唔好彩一Chok,分分鐘會Chok斷條頸、撞斷鎖骨、扯甩牙骹,仲要頂成分鐘咁耐,惟有寫個服字畀佢喇。

Read more ›
有片:破紀錄!邊玩呼拉圈邊除約束衣
by / on 27/06/2016 at 10:00 am

有片:破紀錄!邊玩呼拉圈邊除約束衣

唔好講話鬥快破紀錄,淨係叫你自己除綁到實一實嘅約束衣都難,何況仲要邊玩呼拉圈邊除?片中人係勁,無手用吖嘛,開波咪先用頸玩呼拉圈囉,之後為遷就除衫動作,不停用腰、用胸、又用番頸,有幾下仲疑似用埋籮柚添,總之去到尾個呼拉圈都無跌過落地,係抵佢個樣咁招積嘅。

Read more ›

本週人氣

10696 views

日本怕凍貓坐太近暖爐 貓鬚鬈晒好可憐

8110 views

本名再現!25歲三上悠亜出圖回憶成人式

7779 views

睇咗未?36歲深田恭子新日劇開播 網民截圖話好可愛

6258 views

【有片】全100期《Gundam MS Bible》 每期一機體超詳盡介紹

5663 views

今個月有得扭 扭蛋球狀變高達頭