又係呢位日本神人「空箱職人 はるきる」，擅長將產品嘅包裝盒改裝變模型，今次被神揀選中嘅係呢隻啄木鳥朱古力，完成品變咗隻神獸，但係個樣都保留返係啄木鳥，幾可愛！

之前咪報導過李健良會推出神獸漫畫精品嘅，依家終於聞到樓梯響嘞。神獸系列五合一珍藏套裝分兩個版本，一，普通版，包神獸麒簡介一張、復刻原畫四張、水晶畫板一幅、熨銀封圖，售$600；二，特別版，售$1200，點解貴一倍？因為封套會有李健良親筆手繪神獸，保證個個封套都獨一無二。正唔正先？正就早早落訂啦老友。最後，有個問題想問良哥，畫完麒麟之後，仲有無不死鳥呀、靈龜等等其他神獸出場？

《古生命》好賣，證明畫飛禽走獸一樣有出路，李健良乘勢添食，打算喺10月推出神獸系列漫畫精品。乜類型精品暫時未有詳細資料，但剩係張宣傳海報已經值得大家Save做Wallpaper，唔落顏色一樣咁靚，而照海報睇，神獸應該有神龍、鳳凰、老虎、靈龜、麒麟等等，真心拭目以待。同場加映靚畫一張，漫畫人一日唔畫過公仔係會手痕，李健良都唔例外，畫咗幅疑似King Kong小習作，又係靚到啪啪聲啫。

九尾狐係中國嘅神話動物，估唔到連日本人都識，仲發現到一隻。呢幾張連環圖噚日喺日本Twitter好紅，相中嘅白色喵星人(被迫)變成九尾狐，效果搞笑多個認真，睇佢個樣仲好無奈，玩完未呀？好餵我食嘢喇喎！

新品種！狗狗加雀仔會變成咩？多得偉大嘅Photoshop，我哋可以見倒呢輯神奇PS圖集！呢堆PS神獸由網民創作，有狗身雀頭，亦有雀頭狗身，難得係無違和感，PS功力好強，新品種網名叫「Dirds」，即係Dog加Bird，如果真係有咁神奇嘅品種出現喺現實世界，相信應該會幾嘈吓，飛住吠喎，你驚唔驚？