Post Tagged with: "神人"

日本紙盒神人新作    啄木鳥朱古力變神獸
by / on 10/02/2019 at 10:32 am

日本紙盒神人新作 啄木鳥朱古力變神獸

又係呢位日本神人「空箱職人 はるきる」,擅長將產品嘅包裝盒改裝變模型,今次被神揀選中嘅係呢隻啄木鳥朱古力,完成品變咗隻神獸,但係個樣都保留返係啄木鳥,幾可愛!

Read more ›

有片:日本橡皮章神人 自己雕自己印超自癒
by / on 28/01/2019 at 7:55 pm

有片:日本橡皮章神人 自己雕自己印超自癒

橡皮章,相信小學時代嘅你上啲甚麼勞作堂都玩過,雕出獨一無二嘅花紋圖案,再印喺紙上面,係幾過癮兼有滿足感嘅。日本橡皮章神人有呢個田口奈津子,自己雕圖案,線條極密難度極高,一層又一層好複雜;單個章印得,幾個章拼埋一齊印亦得,印完疊喺上面再用另一個章印都仲得,五顏六色效果極正斗,感覺好治癒。藝術,簡直就係藝術,好佩服。

Read more ›
台灣扭汽球神人 20小時扭出超3D麒麟
by / on 10/01/2019 at 10:45 am

台灣扭汽球神人 20小時扭出超3D麒麟

睇完台灣國三生面書專頁「洪呆呆氣球工坊」,我都呆咗。普通婚宴用新郎新娘氣球公仔已經好小兒科,甚麼死侍、雷神、Iron Man等超級英雄亦難唔到呢個扭氣球神人;再升Grade,用汽球扭件真係著得上身嘅One-Piece裙亦得;再升多一個Grade,有呢隻花咗20小時完成嘅超立體麒麟,好巨形,雖然話係空氣,但一個人拎起都應該好甘頂。不過話時話,俗語有謂火麒麟周身癮,點解唔用紅色橙色或金色氣球扭嘅?

Read more ›
日本神人重製「樂天熊仔餅」 熊仔打鼓超可愛
by / on 05/01/2019 at 7:26 am

日本神人重製「樂天熊仔餅」 熊仔打鼓超可愛

又係呢位日本神人,佢最擅長係將品客薯片罐變成品客叔叔,前排重製過牛奶妹,最新作品係「樂天熊仔餅」,見到熊仔頭大身細仲學人打鼓,超可愛!入嚟有得回帶睇返佢2018年嘅精選作品。

Read more ›
日本神人又出動    牛奶妹零食盒變少女模型
by / on 15/12/2018 at 3:14 pm

日本神人又出動 牛奶妹零食盒變少女模型

又係呢位日本勁人,之前用品客薯片個筒砌咗個西裝男出嚟嗰個呢。今次佢又出動,而主角就係大家由細睇到大嘅「牛奶妹」。個吉盒經佢手重製之後,竟然變成個又瘦又高嘅牛奶妹,留意條裙邊係裝食物個袋嘅邊嚟嘅,好精緻!不過牛奶妹塊臉瘦晒就令人有啲唔慣‥‥‥入嚟有得回帶睇返佢其他作品。

Read more ›
【新片速報】日本洗面膏「起泡神人」 徒手打出超豐富泡沫
by / on 19/10/2018 at 7:50 am

【新片速報】日本洗面膏「起泡神人」 徒手打出超豐富泡沫

洗面膏有起泡功能,不過通常我哋都係加幾滴水係咁意起少少泡就算,但係日本呢個「起泡神人」有啲唔同,佢嘅特技係將一小粒嘅洗面膏徒手打成一嚿好大好豐盈嘅泡沫,入嚟有片睇。網民留言話佢好似表演魔術咁,仲有啲似壽司師傅,有人話期待佢將蛋白徒手打成整蛋糕整用嘅「蛋白霜」!BTW,佢唔係淨係一個品牌嘅洗面膏先做到呢個效果,入嚟有得睇埋第二段片。

Read more ›

日本神人又出動     品客薯片筒變西裝男
by / on 17/10/2018 at 7:03 am

日本神人又出動 品客薯片筒變西裝男

呢位日本神人之前都試過將朱古力紙盒變成一隻船,今次佢再挑戰自己,將一筒品客薯片改裝,變成一個著西裝、model身型嘅品客叔叔,效果超正!雖然個頭都仲係又圓又大。入嚟有多啲close up圖,同埋有得回帶睇返佢其他作品,推介。

Read more ›
日本神人出手DIY 朱古力盒變超靚飛船
by / on 30/09/2018 at 2:15 pm

日本神人出手DIY 朱古力盒變超靚飛船

呢款日本嘅「アルフォート」朱古力餅好多人都鍾意食,朱古力面仲有一隻隻船嘅圖樣,有日本網民就將食完嘅盒整成一架飛船,超精細超靚,似乎用盡晒盒嘅每一分每一吋,啲相吸引好多人喺Twitter熱傳,有人仲話想要一架擺喺屋企做擺設品。

Read more ›
日本「神人」畫雪豹 超像真Twitter熱傳
by / on 26/09/2018 at 7:44 am

日本「神人」畫雪豹 超像真Twitter熱傳

日本經常有畫畫神人出現,最近有呢位網民,佢用木顏色筆畫出隻雪豹出嚟,細緻度極高,無論毛髮、眼珠以至所有紋理都好似超高清嘅相片一樣,好快就喺網上熱傳。佢仲分享埋製作影片同相片,入嚟仲有佢其他作品分享。

Read more ›
日本神人畫「3D串燒」 超像真睇到流口水
by / on 21/07/2018 at 10:37 am

日本神人畫「3D串燒」 超像真睇到流口水

星期六又係放假食好西嘅時候,日本呢位網民展現佢嘅超強畫功,5條串燒由起稿到完成嘅過程都有得睇,完成品真到令人流口水,留意返紙上仲有倒影,同埋專登留咗幾滴汁喺紙上面,勁立體,加埋杯啤酒就完美嘞!

Read more ›
【新片速報】日本銀仔神人新片 枱布凌空飄浮靠力學
by / on 17/06/2018 at 7:48 pm

【新片速報】日本銀仔神人新片 枱布凌空飄浮靠力學

仲記唔記得日本呢位能夠將銀仔叠高嘅勁人「た ぬ」?最近佢唔玩銀仔轉咗玩櫈仔,呢個示範好神奇。櫈仔上面有塊餐布,餐布上放咗玻璃杯同碟,之後佢一拉,枱布好似凌空浮起一樣,相信背後都係利用咗佢最強嘅力學原理,唔知枱下面係咪一樣有個銀仔陣?入嚟有片睇。

Read more ›

日本「羊毛氈」神人      專整動物「刺猬仔」超像真
by / on 13/06/2018 at 7:26 am

日本「羊毛氈」神人 專整動物「刺猬仔」超像真

又係日本呢位整「羊毛氈」嘅勁人,呢間叫「yucoco cafe」嘅日本教室專門教人製作羊毛氈,除咗刺猬仔,仲有貓呀、狗呀、狐狸呀之類嘅動物。最近佢就收集咗幾款近來好多人RT嘅作品,全部動物都好似真嘅一樣,仲好可愛!入嚟有回帶。

Read more ›
【有片】日本LEGO神人超強創作    扶手電梯Twitter熱傳
by / on 12/03/2018 at 7:45 am

【有片】日本LEGO神人超強創作 扶手電梯Twitter熱傳

成日都覺得LEGO嘅高手在民間,日本仲特別多,最近有日本網民分享咗佢嘅創作,係一條扶手電梯呀!雖然條梯短短哋,但就裝咗摩打真係識郁,好正,而且應該好安全。除咗電梯之外呢位網民仲分享埋其他作品,都係電動嘅,超勁,入嚟有片睇。

Read more ›
日本神人超強手藝 石頭變貓頭鷹極像真
by / on 21/01/2018 at 12:13 pm

日本神人超強手藝 石頭變貓頭鷹極像真

又係呢個日本超強嘅石頭雕刻師,上次佢將塊石頭變成隻好靚嘅藍色雀,像真程度超高。啱啱佢又有新作品,今次將塊石頭變成貓頭鷹,完成品勁高質,特別係對眼,真嘅一樣,就算放大嚟睇都會以為係真嘅貓頭鷹,好勁!入嚟有回帶睇返佢之前嘅作品。

Read more ›
【新片速報】日本扮聲神人Twitter熱傳 男/女/電車都係佢
by / on 15/01/2018 at 7:33 am

【新片速報】日本扮聲神人Twitter熱傳 男/女/電車都係佢

係神技呀,日本電視節目《テンション上がる会》請咗個扮聲高手,模仿「大阪御堂筋線」地下鐵由中津站到西中島南方嘅一段。唔單止聲演車長,佢仲聲演埋架車,由到站前經過路軌,以至剎車聲都扮到真嘅一樣,唔止現場嘉賓覺得震驚,放上網後網民都狂RT,之後有另一位網民放咗佢扮「日比谷線」由六本木去神谷町嘅情況,扮完男再扮女,日文之後到英文,超正!入嚟有得睇。

Read more ›

本週人氣

19245 views

日本打機YouTuber Tenchim出圖 理想與現實的女Gamer

12007 views

《多啦A夢》中學時代圖日本熱傳     大雄玩伴各散東西

8112 views

十萬個激嬲女友的理由出Boardgame 情侶啱玩

5436 views

日本網民嚇醒 阿媽Cos《JoJo奇妙冒險》「Crazy Diamond」現身

5202 views

下周六「高達UC馬拉松」 8個鐘戲院睇《機動戰士高達 UC》全7集