Post Tagged with: "發現"

【新片速報】日本網民打開洗衣機 發現「星之卡比」涼緊沖
by / on 09/09/2018 at 3:35 pm

【新片速報】日本網民打開洗衣機 發現「星之卡比」涼緊沖

星期六日又係洗衫嘅時候嘞,日本呢位網民好幸福,有媽咪幫佢洗,仲連佢隻星之卡比嘅咕臣都洗埋,佢忍唔住打開個蓋,見到個位仲要啱啱好,卡比個頭轉呀轉好搞笑!洗完之後曬乾埋就乾淨晒嘞,不過點解好似淡色咗?

Read more ›

中川翔子參觀「荒木飛呂彦原画展」 JOJO立俾保安發現超尷尬
by / on 22/08/2018 at 7:54 am

中川翔子參觀「荒木飛呂彦原画展」 JOJO立俾保安發現超尷尬

中川翔子又去咗玩嘞!今次係8月24日開展嘅「荒木飛呂彦原画展 JOJO冒険の波紋」,一班嘉賓可以率先預覽,中川翔子仲喺活動場地門口表演JOJO立,不過俾保安人員發現好尷尬,當然唔少得同不老不死嘅荒木飛呂彦合照,仲有見到《鐵拳浪子》千葉徹彌、藤子不二雄Ⓐ,入嚟有多啲場觀入面嘅相睇,超正!準備去或者去唔到嘅都可以率先欣賞吓。提提大家,個展覽去到10月1日,喺東京六本木「国立美術館」舉行,係28年嚟第2位漫畫家可以喺呢度開展覽(第1位係已故嘅手塚治虫老師)。集30年大成,係JoJo最大型嘅原畫展,準備夏天去東京嘅JoJo迷快啲計劃吓嘞。

Read more ›
【有片】日本網民發現「古怪路牌」 神秘「巨頭才」原來超恐怖
by / on 20/08/2018 at 7:55 am

【有片】日本網民發現「古怪路牌」 神秘「巨頭才」原來超恐怖

如果夜媽媽揸緊車見到呢個古怪路牌,你敢唔敢駛入去? 日本有網民分享咗幾張圖,話自己夜晚喺山路附近駕駛,見到路邊有個牌寫住「巨頭才」,似乎駛入去有啲神秘嘢睇。之後引起好多網民留言,原來呢個位於鹿兒島嘅「巨頭才」已經荒廢咗,仲有好多恐怖嘅「都市傳說」,亦有唔少人去過探險,入嚟有文有片,唔怕嘅可以挑戰吓。利申,我好驚,無詳細睇。

Read more ›
【新片速報】日本廣島街頭發現「貓巴士」      單車改裝超想坐
by / on 26/06/2018 at 7:36 am

【新片速報】日本廣島街頭發現「貓巴士」 單車改裝超想坐

睇過動畫《龍貓》嘅都會好想試吓坐貓巴士(唔係貓車呀),最近有網民喺日本嘅廣島居然發然有貓巴士行駛,對眼仲識發光架!睇真啲佢應該係由單車改裝嘅,好多日本網民留言同RT,大家都話好想試吓遇到呢架車,亦有人話好想坐吓,更多人估車入面有無坐人,如果有,會唔會係龍貓呢?

Read more ›
【新片速報】超可愛狐狸仔敲門 發現被拍網上熱傳
by / on 24/06/2018 at 3:27 pm

【新片速報】超可愛狐狸仔敲門 發現被拍網上熱傳

超可愛!英國網民Elaine Stocks有日喺屋企聽到玻璃門外有人敲門,睇真啲原來係兩隻好細嘅狐狸仔,前面嗰隻好積極不停用手爬爬吓,後面嗰隻就拉開佢,好似叫佢:「唔好啦,唔好搞住人哋嘞!」場面超搞笑。估計狐狸仔因為見到玻璃門嘅倒影,好奇所以撲埋去玩。段片喺IG已經有超過40萬瀏覽,入嚟有片睇。

Read more ›
床下底發現貓媽媽產子        外國導演突然成為貓爸爸
by / on 01/06/2018 at 7:38 am

床下底發現貓媽媽產子 外國導演突然成為貓爸爸

如果有一日你返上樓拎返件褸,點知發現床下底有隻貓媽媽啱啱生咗幾隻細貓,你會點?住喺英國嘅Paris Zarcilla就遇到呢個情況,本身係導演加編劇嘅佢,影咗相放上Twitter,之後超多人RT,最後佢取消晒當日行程,接受自己最新嘅「Cat Dad」身份。期間佢不斷出新圖,將自己嘅心路歷程講出嚟,本身係編劇嘅佢寫嘢又幽默又真誠,將初為人父嘅心路歷程表達晒出嚟,好好睇,加上又有片有相,所以吸引好多人留言。最新情況係有人提議佢要帶隻貓媽媽去做檢驗,又有人話可能隻貓係鄰居嘅,佢就話好唔捨得交返啲貓出嚟,不過都會接受命運嘅安排,睇佢嘅post可以感受到佢已經完完全全成為咗一個貓奴,阿門。入嚟有回帶。

Read more ›

【生活智慧】日本網民新發現 錫紙剝皮超實用
by / on 14/05/2018 at 7:09 am

【生活智慧】日本網民新發現 錫紙剝皮超實用

日本人好鍾意玩錫紙,之前有人將錫紙搓成鐵球,最近有日本網民發現可以用佢嚟剝姜皮。方法好簡單,用錫紙包住嚿姜,之後不斷磨擦,完成品好乾淨!有其他網民試咗,發現用嚟剝薯仔皮都得,今晚返屋企教吓媽咪先。

Read more ›
日本發現真實版「蜘蛛伯伯」 可愛笑臉似真人Twitter熱傳
by / on 03/05/2018 at 8:25 am

日本發現真實版「蜘蛛伯伯」 可愛笑臉似真人Twitter熱傳

蜘蛛俠大家見得多,呢隻日本網民發現嘅再老啲,係隻真蜘蛛,但就有個好似伯伯一樣嘅笑臉,得意得嚟又有啲詭異。其實佢嘅品種係ハナグモ(花蜘蛛),出名個樣似人,不過今次呢隻就可愛啲,似一個笑緊嘅伯伯。有網民話佢似日本漫畫家「チャーリー野沢」,亦有人話似《薩爾達傳說》入面嘅金克爾。BTW,香港之前都出現過一隻人臉黃蜘蛛,入嚟回帶影片,睇到人心都寒埋。

Read more ›
【新片速報】日本貓奴發現超強紙門 喵星人敗走片Twitter熱傳
by / on 27/03/2018 at 7:15 am

【新片速報】日本貓奴發現超強紙門 喵星人敗走片Twitter熱傳

日本嘅喵星人好鍾意抓爛紙門,之前仲有喵紅到出書,咁作為主人點算好呢?最近有日本網民發現咗隻超強嘅膠紙門,可以防水,仲可以防止喵星人抓破,呢段片就睇到隻曳貓不停抓都抓唔爛嘅過程,睇見佢越抓越快,越抓越炆憎。點解今次抓唔爛嘅?唔通我啲爪崩咗?樓主仲分享咗之前俾呢隻喵抓爛咗嘅紙門,當時隻喵個樣係好得戚嘅!

Read more ›
【撞樣】日本網民熱傳    Rihanna條裙超似「厚燒玉子」
by / on 13/03/2018 at 8:19 am

【撞樣】日本網民熱傳 Rihanna條裙超似「厚燒玉子」

好多嘢都真係一線之差,好似最近日本網民就發現歌手Rihanna行紅地毯時嘅嗰條黃色裙,居然同日本嘅厚燒玉子好相似!唔講唔覺,一講就回不去了。而家每次望住條裙都覺得好肚餓‥‥‥之後有網民改圖,變咗做Pizza、奄列、粟米湯,其實仲可以做埋煎蠔餅、蛋角。

Read more ›
日本爸爸拎錯喼 開會發現入面係cosplay服
by / on 24/02/2018 at 12:13 pm

日本爸爸拎錯喼 開會發現入面係cosplay服

的確係幾尷尬嘅,日本Twitter網名@komugimaimai嘅cosplayer,佢爸爸要出trip去做presentation,將所有嘢放晒入喼,點知出發時拎錯咗呀女裝cosplay服裝個喼。最慘係佢無返酒店,直接拖喼去開會場地,然後喺眾目睽睽之下打開咗個喼‥‥‥入面有套《光之美少女》系列嘅cosplay服!如果係你你會點做?樓主無特別講明係邊個角色,不過大部份都係粉紅色,好多喱士同蝴蝶結,圖中有幾張俾大家感受吓。

Read more ›

狐狸仔扮喵星人 偷闖入屋瞓貓床被發現
by / on 12/12/2017 at 7:31 am

狐狸仔扮喵星人 偷闖入屋瞓貓床被發現

天寒地凍,有咩爽得過匿喺間貓屋度瞓覺?呢隻狐狸仔都有同感,所以試圖偷走入人哋屋企扮喵。因為外國好多屋企都半放養俾隻貓出花園,所以就俾隻狐狸有機可乘,貓主人Meloney Blayze話夜媽媽見到貓屋上有隻動物,不過點解隻耳仔咁大嘅呢?之後睇真啲就發現係狐狸,但無論主人點樣叫佢走,隻貓點樣fee fee聲叫,隻狐狸都係賴死唔走,最後主人幾經辛苦先趕得走佢。不過唔少網民就有啲同情隻狐狸仔,咁佢個樣又的確幾可愛嘅。

Read more ›
日本超可愛17歲「偽娘」被朋友發現 威脅陪出街先肯封口
by / on 27/11/2017 at 7:42 am

日本超可愛17歲「偽娘」被朋友發現 威脅陪出街先肯封口

日本偽娘我哋都介紹過好多,不過呢位17歲嘅偽娘真心覺得可愛,難怪連佢朋友都忍唔住。話說日本網民@Edmon_0715間中會放自己男扮女裝嘅相上網,不過最近竟然俾佢個朋友發現咗,因為對方認得樓主間屋嘅擺設!之後仲講笑叫樓主用呢個打扮同佢出街,佢先會將件事保密。樓主將對話cap圖放上網後好多人share,仲令佢嘅followers數目由4千激增至4萬7。之後有網民就將個故事畫成漫畫,講樓主一邊換衫一邊諗點樣襯好,似乎會發展出一段純愛嘅超友誼,超搞笑,入嚟有得慢慢睇。仲有得回帶睇返之前我哋介紹過嘅偽娘。

Read more ›
【撞樣】日本網民大發現 沙地富豪勁似果醬
by / on 08/11/2017 at 8:32 am

【撞樣】日本網民大發現 沙地富豪勁似果醬

唔講唔覺,一講就好覺嘞!最近有日本網民發現沙地亞拉伯嘅富豪嘅頭部裝飾,其實同士多啤梨果醬好似‥‥‥張相喺Twitter好多人RT,有人仲發現沙地亞拉伯王子原來同歌手Zayn Malik都好似樣。

Read more ›
日本網民又發現 Google地圖電單車炒車意外
by / on 20/10/2017 at 7:17 am

日本網民又發現 Google地圖電單車炒車意外

Google Street街道實景圖經常影到特別嘢,之前有人踩踩吓單車跌落坑,今次就有呢輯電單車倒地相。地點係國道425號,睇相都覺得好痛。

Read more ›

本週人氣

10196 views

【有片】可愛到癲!「你點解嚟日本?」節目 日本網民狂讚16歲波蘭妹妹

8119 views

【有片】日本狂人搗亂Family Mart 網民:「激似《人中之龍6》!」

7757 views

日本網民自製「LED眼鏡」 發光效果勁似「碇司令」

7410 views

我就是高達!舞台劇《機動戰士Gundam 00》角色登場

6095 views

黃符遮三點 超性感殭濕子Figure