Post Tagged with: "玩具"

【係愛呀】超可愛壁虎爸IG大熱    攬實玩具囝囝好滿足
by / on 21/05/2017 at 5:19 pm

【係愛呀】超可愛壁虎爸IG大熱 攬實玩具囝囝好滿足

呢隻壁虎會唔會太得意?最近佢喺Instagram好紅,經常笑笑口嘅佢,似乎好鍾意主人買俾佢嘅小玩具迷你壁虎。望住隻玩具嘅時候,佢雙眼會笑到瞇埋,有時仲會擘大口,不過口入面無乜牙好似呀伯。佢有時仲會攬住隻公仔瞓,超可愛,真係唔忍心同佢講:「其實佢唔係你個仔嚟架!」入嚟有多啲圖睇。

Read more ›

【圖集】超強玩具攝影師挑戰「實時」 蟻俠疾走有難度
by / on 01/05/2017 at 4:28 pm

【圖集】超強玩具攝影師挑戰「實時」 蟻俠疾走有難度

  呢位玩具攝影師Mitchel Wu之前都介紹過,主打實時(Real Time)攝影,除咗影胡迪之外,其實佢都影好多Marvel角色,而且IG更新得好密。最近就有蟻俠、蜘蛛俠、美國隊長,連星戰同哥斯拉佢都啱,好明顯佢買好多玩具,入嚟有得慢慢睇。

Read more ›
中國KFC推出「皮卡丘」套餐      比卡超玩具識叫識著燈
by / on 27/04/2017 at 7:54 am

中國KFC推出「皮卡丘」套餐 比卡超玩具識叫識著燈

其實見到皮卡丘個名都係唔慣,最近中國KFC同比卡超合作,推出咗呢個「Pika Pika!春游去」嘅活動,買「皮卡丘套餐」送限量玩具,比卡超識著燈識叫識郁,後面隻瞓緊覺嘅比卡超仲幾可愛添。好多網民買完放咗上網分享,睇片聽到比卡超不停叫Pika Pika,我就幻想好多隻比卡超一齊喺中國KFC入面叫,再加埋嘈吵嘅人聲,應該好震憾!

Read more ›
【媽呀】Thomas火車頭邪惡奸笑    日本主婦俾玩具嚇親
by / on 18/03/2017 at 11:50 am

【媽呀】Thomas火車頭邪惡奸笑 日本主婦俾玩具嚇親

覺唔覺得Thomas火車頭個樣好恐怖?人頭火車身,之前都有唔少網民俾佢嚇親,最近又有受害者。有日本家庭主婦洗完衫返入房,咁啱見到喺陽光照射吓嘅Thomas火車頭玩具,嗰種氣氛同埋Thomas似笑非笑嘅表情,真係嚇到個心離一離。

Read more ›
【圖集】胡迪踩完蕉皮又玩火 玩具攝影師挑戰實時拍攝
by / on 05/03/2017 at 12:54 pm

【圖集】胡迪踩完蕉皮又玩火 玩具攝影師挑戰實時拍攝

胡迪一直係玩具迷嘅影相頭號目標,不過今次玩具攝影師Mitchel Wu呢輯相好正經,而且賣點係「實時(Real Time)」,大部份嘅相都係即時捕捉精彩畫面,例如潑水、火柴點火、倒瀉咖啡‥‥‥難度即時大增,而且之後有排執手尾。輯相玩盡好多日常用品,連牙膏、雞蛋甚至橙都出埋,幾精彩,入嚟有得慢慢睇。

Read more ›
日本攝影高手再出圖 Iron Man新武器係精靈球
by / on 21/02/2017 at 1:37 pm

日本攝影高手再出圖 Iron Man新武器係精靈球

記唔記得約10日前,呢位日本高手影咗一輯用空罐為主題嘅超級英雄玩具相?佢話出咗呢輯相之後,ig嘅follower一個周末就多咗4000人,去到2萬人!可能想大家都欣賞吓佢啲舊作,於是出咗幾輯「過去に撮った写真」,係正嘅。

Read more ›

【奇妙的玩具】米妮老鼠口中發強光 日網民諗起田中星人
by / on 14/02/2017 at 3:31 pm

【奇妙的玩具】米妮老鼠口中發強光 日網民諗起田中星人

玩具嘅嘢真係可以好奇妙,之前有旋轉比卡超,又有閃燈跳舞版……今次就輪到米奇老鼠個女朋友米妮,佢識得擘大個嘴,個嘴入面識發光……我同嗰位日本網民都一樣,諗起《Gantz》入面嘅田中星人……我唔想變西丈一郎呀呀呀……

Read more ›
【青梅竹馬】日本喵星人與咸蛋超人    由細玩到大超有愛
by / on 11/02/2017 at 3:22 pm

【青梅竹馬】日本喵星人與咸蛋超人 由細玩到大超有愛

呢隻日本喵星人好多人都見過,佢本來係隻流浪貓,之後俾主人收養咗,主人仲介紹咗自己心愛嘅咸蛋超人俾佢識,兩個仲做埋好朋友經常一齊玩一齊瞓。眨吓眼原來呢隻喵仔已經一歲嘞,身型仲越嚟越漲爆!入嚟有佢哋嘅新舊相同埋影片睇,真係好可愛呀!

Read more ›
超有型!日本網民咁樣玩 英雄 + 空罐廢物利用
by / on 11/02/2017 at 11:58 am

超有型!日本網民咁樣玩 英雄 + 空罐廢物利用

如果有創意,真係身邊任何嘢都可以拎嚟玩得好型好開心,就算係飲完就唔要嘅空罐。呢位日本網民就拎咗啲空罐俾班超級英雄玩,影咗一輯相,好有氣勢仲好有力量感,超多RT啦!

Read more ›
【全部都係Melody】My Melody出層層叠迷你玩具 單眼伸脷扮可愛
by / on 02/01/2017 at 12:05 pm

【全部都係Melody】My Melody出層層叠迷你玩具 單眼伸脷扮可愛

終於都到My Melody嘞!呢款層層叠迷你玩具勁受歡迎,之前出過Star Wars、比卡超、Little Twins Star、龍貓、魔女宅急便,最近終於輪到好受女仔歡迎嘅My Melody。有齊紅色同粉紅色兩款,款款唔同表情動作,連單眼伸脷都有,擺明扮可愛!不過想買都要等多兩個月,因為2017年3月先推出。BTW,全部都係Melody,好暈呀!好嘈呀!

Read more ›
日本玩具迷自製平價懸浮裝置     玩具擺設凌空吊起
by / on 22/12/2016 at 7:21 am

日本玩具迷自製平價懸浮裝置 玩具擺設凌空吊起

有時買落啲細細隻嘅公仔,要擺放都幾難。其中一個方法就係用透明膠箱裝起佢,最近有日本玩具迷諗到另一樣工具,可以將啲公仔凌空吊起,就係超強力磁石同埋鎖匙圈,扮懸浮效果,平平哋但睇落又幾正喎!

Read more ›

日本玩具解剖可愛牛仔   食燒肉前學習部份名稱
by / on 12/12/2016 at 7:15 am

日本玩具解剖可愛牛仔 食燒肉前學習部份名稱

有時日本人嘅邏輯有啲難明,最經典例子係燒肉店會用隻好可愛嘅牛公仔嚟做吉祥物,睇完點忍心食?今次呢個係認識燒肉嘅拼圖「一頭買い!特選焼肉パズル-ウシ-」,由日本玩具公司MEGAHOUSE推出,一隻好可愛嘅牛公仔,每個部份都有特定嘅名,等你可以好似砌圖咁砌返入去,同時學習每個部位嘅名稱,下次去燒肉店就知道點嗌嘞。另外每個部份嘅砌圖拎上手仲會變色,做到好似燒肉由生到熟嘅效果,係咪好奇妙?

Read more ›
【新片速報】日本貪玩鸚鵡瘋狂碌     廁紙筒當玩具Twitter熱傳
by / on 26/09/2016 at 7:12 am

【新片速報】日本貪玩鸚鵡瘋狂碌 廁紙筒當玩具Twitter熱傳

一開始睇呢段片嘅時候,會以為個主人虐待隻鸚鵡,將佢放喺用完嘅廁紙筒入面碌呀碌,不過睇到後段就會發現,其實係隻鸚鵡仔自己貪玩。睇佢碌完幾個圈出返嚟之後,又忍唔住捐返入去再碌,玩得超開心,估唔到平平哋就可以整到個玩具俾佢,抵。

Read more ›
邱福龍割愛珍藏 港漫收藏家專區周日搞玩具開倉日
by / on 24/09/2016 at 6:15 pm

邱福龍割愛珍藏 港漫收藏家專區周日搞玩具開倉日

相信有睇《鐵將縱橫》都知,邱福龍喺早三兩期「福龍週記」已經話打愛割愛私人珍藏,仲登埋相自己如何用手推車車走玩具添。咁啲玩具究竟擺喺邊寄賣呢?答案係「港漫收藏家專區」,而為此,老闆Dicky仲破例禮拜日繼續營業,好方便一眾只有周日先得閒嘅合金、模型、手辦愛好者。至於抵唔抵買、有幾絕版、有幾新淨等等問題,真係要研究吓,不過有唔少Hot Toys好嘢,亦都見到隻3A Metal Gear REX全新賣$2,400,都平過有啲網拍,同埋直接有現貨冇麻煩。都係嗰句,上去參觀吓都好,同Dicky打個招呼都好,當然有幫襯就龍哥……吖,唔係,應該係龍嫂至啱,都會大大聲叫好喇。

Read more ›
【終於到你】Pokemon出「危機一発」玩具 比卡超彈彈吓
by / on 24/09/2016 at 12:10 pm

【終於到你】Pokemon出「危機一発」玩具 比卡超彈彈吓

日本TAKARA TOMY出品嘅「危機一発」玩具,之前出過進擊之巨人同黑武士,最近終於有人氣超強嘅Pokemon。玩法同之前嘅一樣,都係輪流插支嘢入個酒桶,邊個唔好彩插中機關,比卡超就會彈出嚟,最啱一班朋友圍埋依嘩鬼叫一齊玩。可惜10月27日先發售,如果之前早啲出,就可以一邊捉Pokemon Go一邊圍爐玩嘞。

Read more ›

本週人氣

7548 views

《銀魂》完結篇最後畫面 原來……

7056 views

Nintendo Switch Online遊戲列表 20隻經典周三有得玩

6352 views

日本長壽動畫聲優高齡化 列表中大量60歲以上

5921 views

新片速報 陳年街機合作幾打 《Capcom Belt Action Collection》網上連線

4756 views

理想與現實 日本宅男形象圖Twitter熱傳