Post Tagged with: "狗"

日本「渋谷」狗銅像又有貓蹤 大喵細喵瞓晏覺
by / on 16/11/2017 at 7:55 am

日本「渋谷」狗銅像又有貓蹤 大喵細喵瞓晏覺

一睇見呢對銅腳就知道係日本「渋谷」車站出面好有名嘅ハチ公狗狗銅像嘞。呢個銅像下面經常有喵星人出沒,最近又有網民放咗呢兩張相上網,一大一細喵星人瞓晏覺好可愛,仲吸引到好多人RT。咁其實點解ハチ公像經常有貓出沒呢?據講係有位日本嘅退休男士養咗好多貓,經常都會帶佢哋去唔同景點俾人影吓相,希望治癒吓人心,出沒地點除咗「渋谷」車站ハチ公之外,仲有銀座、井之頭公園等等,當然都有啲愛貓之人認為咁做打擾咗啲喵喵,所以每次都會引起少少爭論。

Read more ›

【新片速報】日本可愛水瀨仔 與狗對恃超驚青
by / on 13/11/2017 at 7:00 am

【新片速報】日本可愛水瀨仔 與狗對恃超驚青

呢隻住喺日本嘅水瀨仔好可愛,之前都有介紹過,眨吓眼佢已半歲大嘞。最近主人放咗段新片上Twitter,睇到佢同隻狗狗對恃嘅一幕,好驚青嘅水瀨仔匿埋喺個水盤後面越縮越後,之後仲激動得滯成個盤反轉咗,倒到一地都係水,自己都濕晒,超可愛!留意返,其實隻狗全程無郁過。

Read more ›
【有片】貓貓狗狗做主打 日本被單毛氈攻主子市場
by / on 04/11/2017 at 4:45 pm

【有片】貓貓狗狗做主打 日本被單毛氈攻主子市場

有養寵物嘅,有時真係會覺得最緊要佢哋舒服開心,咁如果揀被單床墊時,你會唔會想諗吓邊張主子們會瞓得舒服啲?呢條片就主攻奴才們嘅市場喇!

Read more ›
【有片】Sony新一代機械狗公佈 19萬円識上網
by / on 01/11/2017 at 5:07 pm

【有片】Sony新一代機械狗公佈 19萬円識上網

aibo!記唔記得?99年推出,06年停產,早幾年唔幫你整,宣佈R.I.P.。原來係為咗新一代aibo(ERS-1000)。今日由平井一夫社長正式公佈,198,000円一隻仲要綑綁式上網3年,月費2,980円,暫時未有計劃賣海外。64位元四核,全身22個活動關節配,兩組6軸感應,180×305×293mm,重2.2kg,充一次電3小時,可以活動2小時。仲有好多嘢嘅,包括兩隻眼係OLED,又鏡頭又收音又盛,仲可以上網用雲端記嘢儲嘢學嘢,頭同背部仲有感應,即係你摸佢會有反應……但點高科技都好,個身硬嘅,冇毛嘅,冇生命嘅,同真正小動物相處嗰份愛,同佢應該建立唔到,所以其實我諗唔明,點解到呢個年代仲會出電子機械狗,出人吖嘛。又如果,真係好鍾意狗又唔養得嘅話,我建議捐咗嗰萬幾蚊出嚟,救貓狗小動物會仲有意義過養假狗。

Read more ›
日本「新小岩駅」防自殺設置 唔望路軌望隻狗
by / on 02/10/2017 at 10:41 am

日本「新小岩駅」防自殺設置 唔望路軌望隻狗

日本「新小岩駅」都係自殺勝地,理由就係因為來往市區同機場嘅成田特快列車,經過「新小岩駅」時時速可以去到120km/h……而且近年都好多人身事故發生。早前車站已經喺月台加咗藍色半透明頂,希望用藍色令人情緒穩定啲、輕鬆啲,除此外,喺車站、月台仲有啲可愛嘅動物相片,即係好似咁,啲座椅唔係向住路軌,而係向狗狗圖。又其實,會唔會試吓放啲性感囡囡大隻囝囝圖?

Read more ›
【新片速報】日本喵星人與狗 超有愛Twitter長期放閃
by / on 14/09/2017 at 7:23 am

【新片速報】日本喵星人與狗 超有愛Twitter長期放閃

貓同狗都可以好friend嘅,日本呢位主人好幸運,佢隻狗狗好錫新加入嘅小喵星人,仲成日post相同片上Twitter放閃。最近有呢段片,狗狗好嘆咁恰緊眼瞓,突然隻喵星人出現,開頭嚇一跳,不過狗狗好快就轉表情,聞吓聞吓仲想舔佢,之後喵星人自動自覺伏上佢個身度瞓,好可愛!入嚟有多啲佢哋嘅生活照睇。

Read more ›

網購悲劇 日本漫畫家有相畫埋圖
by / on 07/09/2017 at 9:39 pm

網購悲劇 日本漫畫家有相畫埋圖

網購出咗事,到貨之後唔啱用唔啱著,可能你都試過。今次輪到日本漫畫家「青色イリコ」,佢似乎係買咗件衫仔俾隻狗仔,但件衫仔似乎細過頭,好彩都著到上身……

Read more ›
【新片速報】無見美國隊長10星期 汪星人激動狂舔片熱傳
by / on 04/09/2017 at 7:40 am

【新片速報】無見美國隊長10星期 汪星人激動狂舔片熱傳

10個星期無見,屋企隻黐身嘅汪星人會點?Chris Evans即係美國隊長就親身示範咗,隻狗狗一嘢撳低佢,之後起勢咁舔,條尾不停咁搖,完全表達到佢掛住主人嘅激動心情。旁邊嘅家人完全無伸出援手,只係不停咁笑‥‥‥下次唔好出門咁耐嘞。

Read more ›
【有片】日本男有愛心 水道單手救狗
by / on 27/08/2017 at 10:48 am

【有片】日本男有愛心 水道單手救狗

外面天氣咁差,如果咁啱見到有需要幫助嘅人,梗係要幫,見到小動物,都要幫。呢位日本男就見到有隻狗跌咗落水上唔番嚟,於是佢就冒險摛出去,一隻手扶住石壆,半個人落咗去再單手拉番隻狗上嚟!之後跟進嘅情況係餵咗狗狗食嘢啦,而隻狗都冇骨折或者嚴重受傷!呢啲好人好事係值得表揚嘅。

Read more ›
日本網民分享白狗假髮圖 勁似《鋼鍊》合成獸
by / on 15/08/2017 at 7:22 am

日本網民分享白狗假髮圖 勁似《鋼鍊》合成獸

有睇《鋼之鍊金術師》應該都會對入面嘅合成獸有好深刻嘅印象,諗起都毛管楝。最近呢張相喺Twitter熱傳,相中嘅白色狗狗被迫戴咗個黑色長假髮,網民話即時諗起鋼鍊嘅合成獸,有人又話好似貞子,總之就見到都心寒。BTW,最先其實先有黑色狗狗戴黑長假髮嘅相流出,大家都讚好之後有網民就試吓出動自己隻白狗,點知‥‥‥

Read more ›
【有片】日本無奈黑貓 狗狗當枕頭逆來順受
by / on 29/07/2017 at 2:40 pm

【有片】日本無奈黑貓 狗狗當枕頭逆來順受

睇呢啲貓狗相處片,多數都係啲喵恰啲狗狗,今次其實都係,隻狗諗住錫吓攬吓隻喵,點知黑貓就擰住頭喵佢,不過可能佢反應比較遲鈍,一嘢就枕咗個頭落隻喵度,你睇吓佢個樣!

Read more ›

【新片速報】汪星人識騎馬 仲會帶馬仔散步
by / on 21/07/2017 at 7:52 am

【新片速報】汪星人識騎馬 仲會帶馬仔散步

係威嘅,我都未騎過馬,但呢隻汪星人唔止識騎馬,仲會間中「放馬」,即係帶隻馬去散吓步咁,睇片都覺得佢好有型呀!事發地點係美國嘅克薩斯州,隻拉布拉多獵犬似乎訓練有素,隻馬仔都好聽佢話。原來佢唔係第一隻識騎馬嘅狗狗,入嚟仲有另一段片睇。

Read more ›
【係愛呀】雪橇狗狗出走為見好友 攬到實太癡纏
by / on 14/07/2017 at 7:16 am

【係愛呀】雪橇狗狗出走為見好友 攬到實太癡纏

睇到呢幾張連環圖令人好感動。呢兩隻狗狗啡色嘅叫Messy,雪橇叫Audi,佢哋嘅主人係鄰居,間中會見面。Messy個樣一睇就知好脾氣多朋友,其中Audi就好鍾意佢嘞,為咗見佢有日仲趁主人無閂實圍欄,把握機會衝出家門嚟搵Messy,之後就出現咗呢個掘到實嘅感人場面嘞。希望雙方家長以後俾多啲機會佢哋見面啦。

Read more ›
【有片】超可愛狗狗坐單車 手仔狂郁幫手踩
by / on 09/07/2017 at 12:51 pm

【有片】超可愛狗狗坐單車 手仔狂郁幫手踩

揹住個袋帶狗仔踩單車好似都幾爽,不過呢隻狗狗就好懂性,可能知道主人踩得攰,所以想幫手踩出一分力……咁佢都幫到手嘅,起碼搞到主人同睇片嘅我哋好開心。

Read more ›
【紅到日本】狗狗坐擁超肥美pet pet 眼矇腿粗IG大人氣
by / on 04/07/2017 at 7:15 am

【紅到日本】狗狗坐擁超肥美pet pet 眼矇腿粗IG大人氣

呢隻狗狗Chowchow最近紅到去日本,全因為佢有個大pet pet同埋好萌嘅睡姿。當大家睇埋佢個樣,矇豬眼再加埋個蓬鬆嘅髮型,肥到好似粒棉花糖咁,可愛到暈。而家佢住喺馬來西亞,來自中國嘅佢好彩有幸成為寵物而唔係食物,只得半歲大嘅佢而家喺IG好高人氣,入嚟有多啲相睇。

Read more ›

人氣話題

14409 views

【2018出GAME表】 7月至8月 [PS4 / XBox One / Switch / PC / 3DS / PS Vita]

10498 views

【多圖】「店員」Twitter出圖 秋葉原「野郎ラーメン」變《閃乱カグラ》主題店

10331 views

冇電話冇相機點算好?圍影Coser奇妙龍

9373 views

【有片】C94 Coser 又嚟《工作細胞》白血球

8405 views

個樽靚喎!Evangelion x 沙嗲王後日始動