Post Tagged with: "狗"

南韓貓狗Cosplay 簡易壽司DIY
by / on 17/09/2013 at 11:26 am

南韓貓狗Cosplay 簡易壽司DIY

貓壽司,之前日本都睇過,唔駛緊張,係隻貓扮壽司嘅,唔係用貓肉整壽司,你估強國咩。講開又講,頂佢個肺!大陸人可唔可以唔好再食貓食狗,文明啲得唔得?咁多嘢唔食,食貓食狗?好喇,我冷靜番落嚟喇,韓國最近就有人幫自己隻貓同狗扮壽司,好簡單,一條黑色帶,再放一條粉紅色(魚生)或黃色(蛋)毛巾喺佢哋背脊,咁佢哋就成為一件會行會走嘅壽司喇。當然,大前題係你隻貓狗係全白色……咁有少少啡色都OK嘅,當點咗鼓油囉。

Read more ›

新片速報 星期日睇動物 外國狗狗踩板倒立行
by / on 15/09/2013 at 11:17 am

新片速報 星期日睇動物 外國狗狗踩板倒立行

雖然我覺得狗狗唔係加入馬戲團,基本上唔需要識咁多雜技,不過我估佢哋都玩得幾開心,靠自己能力賺零食,做完有嘢落肚更加有滿足感。呢隻外國狗仔就識得雙腳行、倒立行、倒後生、踩板、踩板倒後行,而且條片拍得幾好笑,仲望鏡頭添。

Read more ›
全球首個狗狗電視頻道     DOGTV狗仔睇唔睇?
by / on 18/08/2013 at 6:17 pm

全球首個狗狗電視頻道 DOGTV狗仔睇唔睇?

香港地,想要多個免費電視頻道都難過登天,外國呢,就連狗仔都有專用電視頻道。講緊係呢個號稱全球首個專為狗狗而設嘅電視台DOGTV,屬於美國DirecTV旗下,每個月$10美金可以睇足24小時。節目內容經過多年研究,又有狗專家比意見,仲得到美國人道協會(HSUS)認證,主為要返工嘅主人而設,幫佢哋嘅狗仔排解寂寞,話長遠對狗仔心理有正面影響。我入去睇咗少少節目內容,都係風景、狗仔喺草地玩樂嘅畫面,每條片都有不同功效,好唔好睇?我搵咗屋企隻狗仔做試驗品,佢望兩望就走咗去飲水,好唔俾面。

Read more ›
強國動物園造假    狗冒充獅子
by / on 17/08/2013 at 7:32 am

強國動物園造假 狗冒充獅子

內地人係造假高手,不過今次連動動園都係假,仲引起外國媒體熱烈討論,認真嘆為觀止。事緣有遊客帶小朋友去河南漯河市動物園睇動物,介紹「非洲獅」時,呀仔居然聽倒獅子籠入面有狗吠聲,阿媽本來唔信,睇真啲發現入面嗰隻真係狗,嘩,頂,邊個估倒動物都有假?事件揭發原來唔單止獅子係假,「狼」館入面放嘅原來係一條狗、金錢豹呢就係狐狸,蛇館更加九唔搭八放咗兩隻大老鼠!最正都係動物園嘅解釋,佢話:「非洲獅去配種了,管理人員的朋友出差,藏獒太凶所以暫時寄放在這裡,至於狼和狗放在一起嘛,是想培養出一個新品種‥‥‥」 喂,下次不如放你入去啦,你咁狗。入嚟有詳細訪問,唔睇走寶。

Read more ›
狗仔專用冷氣房    夏天過冷河又爽又環保
by / on 09/08/2013 at 11:53 am

狗仔專用冷氣房 夏天過冷河又爽又環保

大熱天時,人同狗都一樣要涼冷氣!都係日本人對狗仔細心又有環保意識,無理由屋企無人但長開冷氣,不如整個冷氣「狗竇」,等狗仔熱嘅時候可以入去過吓冷河,爽呀!由日本MRT出品,可以設定10度至40度,一個月大約用750円電費,唔貴吖,仲有啡、粉紅同粉藍三隻色揀,可惜只限小型犬使用,賣49800円,為返港幣4千蚊左右,冬天狗狗唔瞓時仲可以當小型雪櫃用,我話嘅!唔係借嚟用吓都詐型啩?

Read more ›
有片   肥喵重型鼻鼾    嘈到拆天
by / on 09/08/2013 at 7:10 am

有片 肥喵重型鼻鼾 嘈到拆天

打定底,唔係新片不過我啱啱先睇倒。本來逢周六日先係動物時間,不過今個星期五我心情好輕鬆,所以提早出片。貓狗有鼻鼾唔係新鮮事,但好似呢隻肥喵Lil Bub咁嘈到拆天真係好少見,最搞笑係主人嗌佢時,佢即刻張開眼,然後唔夠一秒又極速再打鼻鼾,爛瞓程度達到十級!搵返資料,原來佢下顎移位而且無牙,所以導致佢有重型鼻鼾,好彩有主人錫錫,難怪可以瞓得咁冧。

Read more ›

新片速報 感人 當兵後回家 貓狗大分別
by / on 28/07/2013 at 5:26 pm

新片速報 感人 當兵後回家 貓狗大分別

之前網上有段片,係輯錄咗唔狗主當完兵之後返到屋企,同狗狗久別重逢一刻嘅感人時刻,啲狗瘋狂咁錫主人,又撲又跑又跳……可能見到呢啲片段,於是呢位西人又學人拍段片,佢當兵半年後返到屋企:「我返嚟喇!」不過佢隻寵物唔係狗狗,而係喵,結果……

Read more ›
新片速報 感人!奇蹟狗狗 四腳義肢又跳又跑
by / on 28/06/2013 at 4:12 pm

新片速報 感人!奇蹟狗狗 四腳義肢又跳又跑

狗係人類好朋友,冇人性冇愛心冇智慧嘅人先會走去食佢哋!呢隻叫Nakio嘅狗狗,喺佢幾個月大嗰陣就俾人遺棄咗喺美國Nebraska一間破屋嘅地窖,當時佢已經凍到僵晒,而佢媽媽仲已經凍死咗……有愛心嘅獸醫將佢救番,但係就因為四隻腳都凍傷咗而要截肢……咁等佢傷口埋口之後,獸醫嘅助理Christie Pace就決定收養佢,仲幫佢籌款整咗呢4隻義肢,最後,睇呢條片就知,Nakio可以跑可以跳好開心,成為世界上第1隻裝上4隻義肢嘅狗狗,忘記咗痛苦嘅童年!令人感動!最後,我想講啲獸醫唔好成日叫人俾啲狗安樂死!我身邊都有好多案例,主人決定唔聽獸醫叫安樂死,最後救得番狗狗,仲可以活多幾年,成日叫人道毀滅,生命嚟o架仆街!

Read more ›
瘋狂狗Cosplay     麥當娜Lady Gaga狗仔服網上有售
by / on 09/06/2013 at 9:33 am

瘋狂狗Cosplay 麥當娜Lady Gaga狗仔服網上有售

呢幾隻狗嘅cosplay造型,係我見過最瘋狂嘅。有假髮不特止,仲有埋假胸,扮緊嘅分別有Lady Gaga、麥當娜、瑪麗蓮夢露,連革命家哲古華拉都有份!當中又以瑪麗瑪麗蓮夢露烏低身露事業線最有諗頭。嗱,笑吓好喇,千祈唔好迫你隻狗著上身,你諗吓,著成咁,無晒狗尊嚴,一世喺狗朋友面前都抬唔起頭,好陰功o架!

Read more ›
狗仔變流動WiFi熱點    登記人數激增
by / on 07/06/2013 at 7:04 am

狗仔變流動WiFi熱點 登記人數激增

香港人多數手機有無限上網,好少用流動WiFi服務,不過最近泰國電訊Dtac就力推流動WiFi,hotspot接收點唔係電話亭,而係一隻隻好可愛嘅狗仔。呢班穿著職員嘅狗職員出現係泰國街頭巷尾,只要靠近佢就可以免費取得WiFi服務。呢個宣傳手法好成功,超過50萬人影相放上網分享,仲多咗一萬人登記Dtac嘅服務。愛狗之人一致激賞,不過我好好奇狗狗有無人工收,有無最低工資,大熱天時,點都要請佢食返杯雪糕補數喎。

Read more ›
新片速報 狗狗專用攝錄機 柴犬帶你遊日本
by / on 02/06/2013 at 12:28 pm

新片速報 狗狗專用攝錄機 柴犬帶你遊日本

又到星期日,又係我最鍾意分享寵物治癒系新聞嘅時候。話說Sony推出咗一部攝錄機HDR-AS15,佢有超輕機身仲防水防塵,而且仲特別推出咗狗用嘅攝錄機扣帶,可以俾狗狗孭上背,拍出佢嘅睇到嘅世界!咁官方就搵咗隻柴犬示範,整咗段片放上YouTube,呢個宣傳方法梗係Work啦,之後就有好多狗主買咗,仲拍埋片,見到日本啲狗狗喺日本街頭閒逛,又去效外睇櫻花,真係好爽!仲有我最鍾意嘅小牧!

Read more ›

狗狗耳機插 500円一隻超可愛
by / on 26/05/2013 at 5:40 pm

狗狗耳機插 500円一隻超可愛

有啲朋友話睇我哋個網成早都淨係見到貓貓嘅產品,太過偏心。其實,我內心覺得忠心嘅狗狗先係最可愛嘅,日本柴犬梗係係無敵。呢幾款日本新推出嘅狗狗耳機插,每個500円,一套3,000円,暫時見到日本網上有得賣,香港唔知返咗貨未,巡開場留意吓先!但係……我部手機個插有個蓋封住喎……

Read more ›
貓狗鴨兔恰眼瞓 超可愛治癒系gif樁樁吓
by / on 26/05/2013 at 5:33 pm

貓狗鴨兔恰眼瞓 超可愛治癒系gif樁樁吓

星期日下晝,個人懶洋洋真係咩都唔想做。但奇就奇在就算噚晚睇波捱夜,放假都唔會恰眼瞓,而就算今晚幾早瞓,聽日開工全日都係好攰好冇精神……冇諗住去研究奇妙嘅人體構造,只係想share呢班小動物恰眼瞓嘅gif俾大家,星期日睇吓啲超可愛嘅動物樁樁吓,係最佳治癒方法。

Read more ›
獵奇新片 狗狗兄弟情 導盲憑聲帶上岸
by / on 14/03/2013 at 12:25 pm

獵奇新片 狗狗兄弟情 導盲憑聲帶上岸

唔記得幾多年前開始,我冇再鬧人係狗,因為狗其實係好過好多人,鬧人係狗,尤其係賤人,其實變成一種讚美。呢對英國嘅狗兄弟,冇血緣關係但一齊長大,齊齊爭咬狗玩具。但係7歲嘅拉布拉多Eddie幾年前盲咗睇唔到嘢,自此之後,6歲大嘅混種狗狗Milo就成為Eddie對眼睛!呢條片就睇到Milo帶Eddie散步出去玩,Eddie又曳喎,睇唔到嘢都要落水玩,玩到搵唔到路上番岸,呢個時候Milo就大發神威……佢哋個45主人Baker-Stedham話:「瞓覺嗰陣Milo都會挨喺Eddie身上,隨時都俾到安全感佢。」嗚!好感人呀!

Read more ›
獵奇影片 狗狗打噴嚏 9萬幾個Views
by / on 11/03/2013 at 3:33 pm

獵奇影片 狗狗打噴嚏 9萬幾個Views

成日喺facebook見到有人因為大肚呀分手呀搬屋呀唔要啲狗狗,仆你個街養咗幾年冇感情o架?睇見都嬲!所以要睇番啲得意影片輕鬆番,狗狗有幾得意呢?可能因為空氣質素越嚟越差,連啲狗狗都頂唔順要狂打乞嚏,打到Fing甩個頭咁濟!呢次真係同啲網絡紅人一樣,打個乞嚏都10萬個Views呀!勁!

Read more ›

人氣話題

14348 views

【2018出GAME表】 7月至8月 [PS4 / XBox One / Switch / PC / 3DS / PS Vita]

10498 views

【多圖】「店員」Twitter出圖 秋葉原「野郎ラーメン」變《閃乱カグラ》主題店

10331 views

冇電話冇相機點算好?圍影Coser奇妙龍

9373 views

【有片】C94 Coser 又嚟《工作細胞》白血球

8405 views

個樽靚喎!Evangelion x 沙嗲王後日始動