Post Tagged with: "燒肉"

到底點樣燒?東京燒肉店巨肉Twitter熱傳
by / on 14/10/2018 at 3:12 pm

到底點樣燒?東京燒肉店巨肉Twitter熱傳

喺Twitter,早兩日有日本網民出咗張燒肉圖,係喺東京錦糸町「とんつう」影嘅,咁大嚿肉放上個爐度,到底燒幾耐先熟?不過原來呢個燒肉都唔係新嘢,睇番之前都已經有人出過圖,據講係要預訂先有得食嘅,入嚟有店舖資訊,準備同幾個朋友去旅行嘅可以考慮番……

Read more ›

日本京都燒肉店 推出「藍色燒肉」撐國家隊
by / on 16/06/2018 at 4:10 pm

日本京都燒肉店 推出「藍色燒肉」撐國家隊

講真,幾鍾意食燒肉都好,見到藍色嘅燒肉,真係會唔知自己食緊咩?到底係咩嘅肉?其實呢款「青いホルモン」都係正常燒肉嘅肉嚟,不過就加入由藍色海藻螺旋藻提取嘅天然色素同埋薄荷製成。咁點解要藍色呢?撐世界盃日本隊嘛!即日喺京都市中京區嘅「焼肉バルやる気四条河原町店」、「先斗町焼肉やる気」有得食,506円一份。同期仲有其他藍色特飲登場。

Read more ›
【一個人的燒肉】日本網民出韓國圖 原來日本都有
by / on 10/01/2018 at 8:19 pm

【一個人的燒肉】日本網民出韓國圖 原來日本都有

喺香港,如果真係想一個人食燒肉(唔係燒味部嗰啲),應該都幾難搞。喺韓國呢?有日本網民出咗兩張舊圖,話係韓國嘅一人燒肉店,個格局幾正喎,放工一個人去都爽喎。之後就有日本網民指出,其實日本都有,例如一間喺福岡市JR南福岡駅附近嘅「カルホ亭」……如果香港搞,有冇得諗呀?

Read more ›
【犯規】日本「黑毛和牛燒肉熱狗」賣300円 京都車站附近有得食
by / on 25/03/2017 at 1:00 pm

【犯規】日本「黑毛和牛燒肉熱狗」賣300円 京都車站附近有得食

咁好食嘅嘢唔可以只有我見到嘅!有日本網民喺京都車站附近發現呢款「黑毛和牛燒肉熱狗」,佢試完話好好味,而且只係賣300円!睇見塊燒肉同啲燒汁已經感覺到好好味,難怪張相喺Twitter被熱傳,樓主都分享埋店名,去開日本記住試吓!

Read more ›
【肉全部都係肉】日本超巨型燒肉 睇見流口水Twitter熱傳
by / on 23/01/2017 at 7:11 am

【肉全部都係肉】日本超巨型燒肉 睇見流口水Twitter熱傳

食肉獸見到呢個場面應該好興奮!有日本網民去咗東京一間燒肉店,仲影咗相放上Twitter。睇相見到佢食緊塊超大嘅靚牛肉,成團肉放上燒爐好壯觀!之後睇住啲肉慢慢燒到燶燶哋,肉汁四溢,睇相都覺得好肚餓!睇樓主嘅相,最後應該鯨吞咗全嚿肉,至於間燒肉店就位於錦糸町站徒步5分鐘就到。好多人問樓主店名,不過佢一直未有回覆,有好嘢要同人分享吓喎!

Read more ›
日本玩具解剖可愛牛仔   食燒肉前學習部份名稱
by / on 12/12/2016 at 7:15 am

日本玩具解剖可愛牛仔 食燒肉前學習部份名稱

有時日本人嘅邏輯有啲難明,最經典例子係燒肉店會用隻好可愛嘅牛公仔嚟做吉祥物,睇完點忍心食?今次呢個係認識燒肉嘅拼圖「一頭買い!特選焼肉パズル-ウシ-」,由日本玩具公司MEGAHOUSE推出,一隻好可愛嘅牛公仔,每個部份都有特定嘅名,等你可以好似砌圖咁砌返入去,同時學習每個部位嘅名稱,下次去燒肉店就知道點嗌嘞。另外每個部份嘅砌圖拎上手仲會變色,做到好似燒肉由生到熟嘅效果,係咪好奇妙?

Read more ›

【肉全部都係肉】肉肉LINE貼圖睇見都飽 超像真款式特多
by / on 13/10/2016 at 7:14 am

【肉全部都係肉】肉肉LINE貼圖睇見都飽 超像真款式特多

肉全部都係肉!LINE嘅貼紙一向都好正,今次呢個「肉くん」喺Twitter都好多人談論,首先啲肉超像真,面層有反光效果,睇見都飽。其次肉嘅種類極多,梗有一款啱你心水。但問題又嚟嘞,究竟乜嘢時候會想send呢嚿肉比人呢,如果send,你又會想send俾邊個?

Read more ›
小倉優子拉麵店菜單 日本網民:「有無小倉優子食?」
by / on 10/09/2016 at 1:28 pm

小倉優子拉麵店菜單 日本網民:「有無小倉優子食?」

小倉優子有唔少男fans,最近有網民放咗張有佢樣嘅拉麵店菜單上2ch討論區,話係佢經營嘅拉麵店,網民就讚佢價錢合理,得閒會去試吓,有人問:「有無小倉優子食?」亦有人留言:「係咪一直煎餃子所以老公有外遇?」日本網民都好不值佢老公趁佢大肚時有外遇,仲叫佢老公應該要去拉麵店工作,唔係要小倉優子一個人努力搵錢。BTW,之前小倉優子都有開過間燒肉店,不過似乎已經結業。

Read more ›
一個人食燒肉 日本網民暖爐當烤爐
by / on 27/02/2016 at 4:57 pm

一個人食燒肉 日本網民暖爐當烤爐

一個人出街食燒肉係一個挑戰,咁不如喺屋企食啦?但係冇爐喎?唔緊要,如果你有呢類暖爐,舖張錫紙上去就可以……呢位日本網民認真識食,燒豬燒牛之餘,仲有自家製柚子胡椒做調味。

Read more ›
【食肉獸】日本盛產「生肉蛋糕」 喪屍慶生必備
by / on 04/11/2015 at 7:15 am

【食肉獸】日本盛產「生肉蛋糕」 喪屍慶生必備

你同我身邊都梗有個食肉獸,如果佢生日,大可以考慮送呢個「生肉蛋糕」比佢。日本人好鍾意食肉,尤其是燒肉,所以好多人會喺燒肉店或者屋企同朋友慶祝生日,咁順理成章就會有呢啲變種嘅蛋糕出現嘞!加上日本人包裝出名精緻,所以就算一大堆生肉都會擺得好精美,最常見就係捲到好似玫瑰花咁,仲有啲勁啲嘅就直情砌個生日蛋糕出嚟,雖然成個都係生肉,睇落有啲恐怖‥‥‥BTW,喪屍同Lady Gaga生日都應該訂返個。

Read more ›
【有片】日本「牛角」奇妙新品 好想食「棉花糖壽喜燒」
by / on 26/03/2015 at 6:34 pm

【有片】日本「牛角」奇妙新品 好想食「棉花糖壽喜燒」

  其實我好鍾意去紅磡間「牛角」食燒肉,一來住得近,二來坐得幾舒服,三來嗰個唔知咩豬腸又好好味,四來早啲去又唔駛排隊,五來食完又可以行埋HMV加奇趣天地……好喇,如果香港都有呢個菜式就好喇,日本牛角呢個「わたあめすき焼きカルビ」,有堆綿花糖喺面,放上爐燒一陣再加汁,個樣好味到……未食飯睇呢啲,會令到人寫稿好唔客觀,590円,好想食。

Read more ›

新片速報 聞咗當食咗 日本iPhone專用燒肉送飯app
by / on 02/10/2013 at 4:22 pm

新片速報 聞咗當食咗 日本iPhone專用燒肉送飯app

之前都出過智能手機用,會發放香味嘅裝置,不過呢個「鼻焼肉 Hana Yakiniku」就擺明俾你聞到日式燒肉嘅香味,17g方便攜帶,而且仲有三種香味,包括牛肋骨、牛脷同牛油薯仔……呢條片中有對男女試用,開著個iPhone app,裝上專用裝置,就會散發出燒肉嘅香味,手機畫面仲係燒肉嚟,真嘅一樣,於是,佢哋就可以唔怕貴唔怕肥咁樣聞住燒肉香味食咗一碗白飯……11月15日推出,3,480円,窮人同肥人嘅恩物。

Read more ›

本週人氣

7835 views

日本調查 最多人搜尋明日花 松下紗栄子最啱老人家

7496 views

千年一遇橋本環奈 肥肥哋好可愛

4870 views

重口味AV版《屍殺片場》 女優風間由美致敬作

4666 views

【超難】「童星點心麵」官網小遊戲 搵返特定麵條

4552 views

日本「無印良品」超實用擴充袋 電腦袋變行李袋