Post Tagged with: "熱傳"

《多啦A夢》中學時代圖日本熱傳     大雄玩伴各散東西
by / on 17/02/2019 at 4:36 pm

《多啦A夢》中學時代圖日本熱傳     大雄玩伴各散東西

有無幻想過大雄同佢班朋友大個咗會點?日本插畫家「むだ」最近分享咗幾張圖,有大雄、多啦A夢、胖虎、小夫、靜香同出木杉,變晒中學生嘅佢哋好似拉長咗,不過細心留意就會發現佢哋讀唔同中學,所以啲校服都唔同,同埋靜香點解同出木杉出雙入對架?大雄你仲笑? 

Read more ›

【新片速報】日本貓犯人偷食斷正 咬實唔放零悔意Twitter熱傳
by / on 11/02/2019 at 7:51 am

【新片速報】日本貓犯人偷食斷正 咬實唔放零悔意Twitter熱傳

又有喵星人忍唔住犯案,今次事發地點係日本嘅鳥根縣,貓犯人被發現偷咗兩個饅頭,斷正「人贓並獲」,但係犯人堅持雙手拎住、個口咬住兩個饅頭,而且個樣零悔意,超搞笑!入嚟有片睇,仲有贓物嘅殘渣睇。

Read more ›
【新片速報】日本又有公關災難 7-11職員出事片Twitter熱傳
by / on 09/02/2019 at 2:46 pm

【新片速報】日本又有公關災難 7-11職員出事片Twitter熱傳

早兩日先有日本嘅「くら寿司」出事,職員喺垃圾筒拎魚生出嚟,搞到好大件事,估唔到事隔兩日‥‥‥今次地點係7-11便利店,有職員用筷子夾起前面嘅食物直接放入口,之後熱得滯吐返出嚟,轉頭好開心咁喺度跳舞,仲拎埋後面煙架上啲煙出嚟玩。雖然災難程度無「くら寿司」咁高,不過喺日本發生,官方應該都有排搞,唔知會唔會好似「くら寿司」咁又話係兼職員工嘅問題?段片已經有180萬次瀏覽,入嚟有片睇,有得回帶睇埋網民出嘅回應圖。

Read more ›
超靚「冰蘋果」網上熱傳     蘋果熟透掉地剩返個殼
by / on 09/02/2019 at 2:19 pm

超靚「冰蘋果」網上熱傳 蘋果熟透掉地剩返個殼

見到冰蘋果,有無諗起當年嘅經典日劇《戀愛世紀》(Love Generation)?有日本網民喺Twitter分享咗圖,據講個蘋果結咗冰,之後腐爛跌咗落地,但個冰殼就保留喺樹上,仲見到中間吊住個蘋果掟,好神奇!事發地點係美國嘅密芝根州,外國人稱佢為Ghost Apple,因為落雨令蘋果表面結冰,但蘋果熟透之後掉地,大部份都會連表層嘅冰一齊跌,只有少部份會剩返個冰蘋果殼,勁靚!搵相嘅時候睇返當年嘅木村,真係超靚仔,入嚟有回帶。

Read more ›
型男爆肌VS西裝圖集 日本Twitter熱傳
by / on 08/02/2019 at 11:57 am

型男爆肌VS西裝圖集 日本Twitter熱傳

年初四睇呢啲相係咪精神啲?平時見親呢班外國男星都係爆晒肌唔著衫,見到佢哋著晒西裝反而唔係幾慣。呢幾張圖最近喺日本Twitter熱傳,主角包括雷神Chris Hemsworth、巨石強森Dwayne Johnson、水行俠Jason Momoa、最型光頭《狂野時速8》Jason Statham,著起西裝嘅佢哋竟然睇落幾纖瘦,不過都係型到爆,好想睇返佢哋爆開件西裝。

Read more ›
【新片速報】日本妹妹手指篤穿紙門   平息怒氣備用片Twitter熱傳
by / on 07/02/2019 at 10:42 am

【新片速報】日本妹妹手指篤穿紙門 平息怒氣備用片Twitter熱傳

之前日本有幾隻專抓爛紙門嘅喵,仲紅到出書,其實鍾意搞事嘅又點止佢哋?日本有網民分享咗段片,有個小妹妹用手不停篤篤篤,搞到個紙門全部都係窿,本來係好嬲嘅,不過見到小妹妹個天真可愛嘅笑容‥‥‥又的確好難嬲得落。段片喺Twitter已經過咗300萬瀏覽,樓主話每次當佢好嬲時就會睇呢段片,似乎有治癒效果,鍾意小朋友嘅可以save底備用。

Read more ›

日本東京超靚月亮     人氣攝影師新相Twitter熱傳
by / on 03/02/2019 at 12:01 pm

日本東京超靚月亮 人氣攝影師新相Twitter熱傳

喺唔喺東京?喺嘅話噚晚有無見到咁特別嘅月亮?日本超人氣攝影師KAGAYA就影到東京埼玉縣呢幾風景圖,不過要用超望遠鏡Telephoto校啱角度同時間先影到嘞。入嚟有得回帶睇返KAGAYA嘅其他作品,超推介!

Read more ›
【新片速報】日本「八字眉」喵星人     扮嬲戚臉片Twitter熱傳
by / on 02/02/2019 at 12:43 pm

【新片速報】日本「八字眉」喵星人 扮嬲戚臉片Twitter熱傳

都話喵星人喺網上特別受歡迎,最近有日本網民放咗呢段片上網,隻喵星人本身八字眉已經超可愛,仲要唔覺意整咗個嬲樣出嚟,好快段片已經喺Twitter熱傳,入嚟有片睇,唔覺唔覺又睇咗幾次。

Read more ›
【新片速報】日本海龜仔沖涼片熱傳    手仔向後拗超合作
by / on 30/01/2019 at 7:32 am

【新片速報】日本海龜仔沖涼片熱傳 手仔向後拗超合作

估唔到海龜仔啲肢體動作會咁得意。日本Twitter最近熱傳呢段片,喺「小笠原海洋中心」住嘅海龜仔沖緊沖,當職員幫佢抹身嘅時候,佢好自然咁將兩隻手仔向後拗,好合作,仲超可愛!入嚟有片睇。

Read more ›
外國學生住中國醫院發現「字條」    有預謀「殺人」Reddit熱傳
by / on 30/01/2019 at 7:30 am

外國學生住中國醫院發現「字條」 有預謀「殺人」Reddit熱傳

最近Reddit熱傳呢件事,話說有位外國留學生去到中國醫院住院,期間收到呢張好搞笑嘅字條,由於姑娘唔太識英文,於是用圖畫表達,大概係話今晚10點後唔好食嘢飲水,因為第二朝8點要做手術。張紙條放咗上Reddit之後爆紅引起好多人討論,有人話係有預謀嘅殺人計劃,有人話聽朝要攞呢位學生嘅器官。估計呢位護士諗起「開刀」呢個詞語,所以就自自然然畫咗把刀出嚟,難怪外國人睇落會覺得咁搞笑嘅。

Read more ›
日本中二生超強 「巴別塔」    木工作品Twitter熱傳
by / on 28/01/2019 at 7:49 am

日本中二生超強 「巴別塔」 木工作品Twitter熱傳

真係中二生,係日本嘅中學二年級生,估唔到佢哋細細個已經咁勁,呢兩位「田町立世田米中學校」特設木工部嘅兩位學生,一齊製作咗呢個「巴別塔」出嚟,參加「第42回全国児童・生徒木工工作」比賽,佢哋嘅作品手工超靚,難以想像係由中學生製作出嚟,入嚟有得睇埋同一間中學另外三位同學創作嘅「時之回廊」,一樣超正,似乎呢間中學人才輩出喎!

Read more ›

【新片速報】日本喵星人出醜扮無事 完美動作Twitter熱傳
by / on 27/01/2019 at 1:54 pm

【新片速報】日本喵星人出醜扮無事 完美動作Twitter熱傳

有無發覺喵星人好鍾意做蠢事,然後出咗醜之後扮無嘢?日本呢隻喵星人就示範咗嘞。行兩步撻低,然後反身舔毛,點知失控打咗個筋斗,好醜怪嘅佢扮無嘢直接飲水,一氣呵成,滿分!

Read more ›
日本喵星人站立扭腰           古怪動作超似浮世繪風
by / on 25/01/2019 at 7:20 am

日本喵星人站立扭腰 古怪動作超似浮世繪風

喵星人嘅行為好多時都好古怪,好似最近有日本網民放咗張相上網,隻喵企起身扭晒腰,好有日本浮世繪嘅風格,由於姿勢太潛力,好快有網民出手改圖,仲有唔少人貼圖回應,入嚟有回帶。

Read more ›
【有片】喵星人手仔「越長越強」 超搞笑打交片Twitter熱傳
by / on 23/01/2019 at 7:53 am

【有片】喵星人手仔「越長越強」 超搞笑打交片Twitter熱傳

越長真係越強?呢段喺Twitter熱傳嘅短片。片中兩隻貓扮打架,不過每當右邊隻喵想出手,就俾左邊隻黑喵輕輕鬆鬆咁出手撳住佢個頭,嗰種從容不迫嘅感覺,就好似武林高手一樣,似乎手長真係有著數,不過臨尾‥‥‥入嚟有片睇。

Read more ›
日本超人氣「紅蘿蔔先生」 無處不在Twitter熱傳
by / on 21/01/2019 at 7:51 am

日本超人氣「紅蘿蔔先生」 無處不在Twitter熱傳

又係呢隻紅蘿蔔!我哋噚日都介紹過,呢幾日佢喺日本Twitter超人氣,來自日本英文公開試嘅一道試題,將幾種蔬果擬人化,其中紅蘿蔔仲成功跑出,有人製作咗3D公仔出嚟,有人喺京都大學發現佢嘅踪影,LINE又見到佢嘅sticker,有網民仲將呢4兄弟合而為一,變成超古怪生物‥‥‥入嚟有回帶。

Read more ›

本週人氣

17864 views

日本打機YouTuber Tenchim出圖 理想與現實的女Gamer

11437 views

《多啦A夢》中學時代圖日本熱傳     大雄玩伴各散東西

6840 views

十萬個激嬲女友的理由出Boardgame 情侶啱玩

6672 views

【有片】真心佩服!外國推出成人版「The Laygo Movie」

6334 views

日本超正扭蛋「機械臂袖套」     中二病患者啱用