Post Tagged with: "法國"

【相集】超靚法國雙色貓 日本攝影師分享靚相
by / on 09/01/2019 at 7:32 am

【相集】超靚法國雙色貓 日本攝影師分享靚相

雙色貓之前都見過,今次呢隻有啲唔同,來自法國,塊臉一半灰一半黑,界線分明,下巴仲有撮白色嘅毛,好靚好高貴!日本攝影師「清水 はるみ」分享咗輯相,話有幸可以幫呢隻靚貓喺法國影相,之後網民都出咗好多雙色/三色貓嘅相,有啲只係下巴雙色‥‥‥之後仲有啲同貓無關嘅動漫角色相,都係雙色嘅,入嚟有回帶,仲可以follow埋呢隻雙色貓Narnia嘅IG。

Read more ›

動漫角色跟「顏色」分類     法國插畫家作品超出色
by / on 02/10/2018 at 7:17 am

動漫角色跟「顏色」分類 法國插畫家作品超出色

將相同顏色嘅動漫角色集合埋一齊,原來效果咁得意!法國插畫師Linda Bouderbala呢個系列嘅作品,將角色分成黑、白、粉紅、綠、紅、紫、藍等等唔同色系,角色由龍珠到星戰到迪士尼都有份,我最鍾意係藍色同綠色嘅作品,大家又一唔一樣呢?

Read more ›
【圖集】法國街頭藝術家 斑馬線變《街霸》戰場
by / on 27/06/2018 at 7:16 am

【圖集】法國街頭藝術家 斑馬線變《街霸》戰場

外國嘅街頭塗鴉特別多,例如法國街頭藝術家OakOak嘅作品就好正,其中佢嘅斑馬線系列,就將街頭嘅斑馬線變成《街霸》嘅戰場,除咗阿龍出波動拳,仲有E.Honda、小飛俠、Donkey Kong,相信司機見到都會忍唔住笑出嚟。入嚟有大量佢嘅作品回帶,除咗斑馬線仲有其他街頭作品,又閃靈又李小龍,推介。

Read more ›
【圖集】巨喵襲地球構想圖    大戰哥斯拉突襲日本
by / on 03/05/2018 at 7:45 am

【圖集】巨喵襲地球構想圖 大戰哥斯拉突襲日本

有無諗過地球有一日俾喵星人襲擊?法國藝術家Frandsita Muafidin喺自己IG創作咗一系列嘅作品,將超巨型嘅喵融入現實環境之中。唔單止阻塞交通,仲同哥斯拉、超人大戰,不過效果一啲都唔恐佈,貓奴應該會好想走去瞓喺佢腳邊。

Read more ›
法國攝影師捕捉「香港天台」    密集式港人生活
by / on 26/04/2018 at 7:47 am

法國攝影師捕捉「香港天台」 密集式港人生活

日日住喺香港嘅我哋,對於風景有啲麻木,不過喺外國人眼中又會睇到另一啲嘢。法國攝影師Romain Jacquet-Lagrèze我哋之前都介紹過,佢影過香港超密集嘅高樓大廈,最近有另一輯「Concrete Stories」嘅相集,主題係舊樓天台,由2014年開始拍攝,佢發現呢個角度可以睇到香港人嘅日常生活面貌,作為香港人睇特別有共鳴,入嚟有回帶。

Read more ›
【新片速報】法國沙灘木屋變《龍珠》神龍 街頭藝術家超強創作
by / on 17/12/2017 at 7:47 am

【新片速報】法國沙灘木屋變《龍珠》神龍 街頭藝術家超強創作

作為《龍珠》fans應該會好想親身去吓!法國街頭藝術家duo Blesea同Baby K自細好鍾意《龍珠》,最近佢哋將法國Réville沙灘嘅一間廢棄木屋重新噴過,變成《龍珠》入面嘅神龍!夠晒巨型仲要喺正岸邊,效果超型!入嚟有埋製作花絮片睇。

Read more ›

【大師級】麥當勞盒加iPhone影人像      超強攝影技網上熱傳
by / on 31/08/2017 at 7:15 am

【大師級】麥當勞盒加iPhone影人像 超強攝影技網上熱傳

平時食完麥樂雞、巨無霸個盒原來可以咁有用!法國著名攝影師Philippe Echaroux用一個麥當勞盒、一支飲管再加支電筒,整咗個影相專用嘅補光器,然後再加部iPhone,用嚟幫唔同嘅人影相,出嚟嘅效果完全係大師級水準!入嚟有得慢慢睇。BTW,佢都有用VSCO、Photoshop FIX同Lightroom嘅手機App執相,全程靠部電話完成。好嘞,晏啲食完麥記可以留返個盒試吓。

Read more ›
裸體雕塑着返衫 法國攝影師神級PS技術
by / on 15/08/2017 at 7:10 am

裸體雕塑着返衫 法國攝影師神級PS技術

係過份嘅,法國攝影師Leo Caillard之前出過呢個系列,將經典雕塑加返件衫,最近推出第二彈,全部雕塑戴晒名錶著晒靚衫,睇落好富貴,仲充滿違和感。BTW要造到呢個效果全靠PS,攝影師邀請咗佢嘅朋友擺返同雕塑一樣嘅甫士然後影相,最後用Photoshop加工合成,技術相當唔錯。

Read more ›
老鼠唔一定污糟噁心 鼠類寫真集展現另一面
by / on 21/07/2017 at 7:16 am

老鼠唔一定污糟噁心 鼠類寫真集展現另一面

好多人一講起「老鼠」就驚驚,法國攝影師Diane Özdamar想扭轉大眾呢個諗法,花咗好多年時間影咗呢個「鼠類寫真集」,每隻老鼠仔喺佢嘅鏡頭下都好得意,佢仲鼓勵大家多啲收養寵物鼠,話佢哋唔係想像中咁污糟噁心,入嚟有多啲相可以慢慢睇。

Read more ›
【新片速報】熊本熊出trip遊法國馬賽  好守規矩無搞事
by / on 13/07/2017 at 7:26 am

【新片速報】熊本熊出trip遊法國馬賽 好守規矩無搞事

好耐無見嘅熊本熊前排原來出咗Trip,最近朝日新聞社發佈咗佢嘅旅行短片,原來佢去咗法國好出名嘅港口城市馬賽。咁難得出trip梗係玩盡佢,去完名勝景點之後同鬼妹握握手,之後又坐免費觀光巴,仲發現司機位居然夠佢坐,勁開心。另外又去埋「地中海文明博物館」,之後再去漁市場參觀。可能人生路不熟,熊本熊今次唔敢太放肆,全程都好守規矩無搞事,入嚟有片睇!

Read more ›
【型到咁】法國塞納河船上做gym     靠運動力運行船隻
by / on 31/12/2016 at 2:45 pm

【型到咁】法國塞納河船上做gym 靠運動力運行船隻

有無諗過呢幾日假做吓運動?老實講我無,但係都覺得法國巴黎呢架健身船幾特別。由意大公司Carlo Ratti Associati研發,可以載45人,重點係利用船上做gym嘅動力運行架船,咁問題嚟嘞,如果唔夠人做gym,架船咪開唔郁?原來佢哋都有後備電力應付呢種情況。可以沿住塞納河一邊望住巴黎鐵塔一邊做運動,諗起都浪漫。而家計劃仲係構思階段,預計18個月後正式推出。

Read more ›

【禪即是萌】日本網民公審法國留學生    留學日本因為修禪?
by / on 12/04/2016 at 7:15 am

【禪即是萌】日本網民公審法國留學生 留學日本因為修禪?

其實鍾意動漫無乜問題吖,尤其是外國好多年青人都係因為崇尚日本文化所以去留學,不過今次呢位法國男仔就因為唔老實,所以俾日本網民公審。話說日本電視台訪問時問佢點解會嚟日本留學,著住動漫tee嘅佢答話因為想學習襌心所以嚟。日本網民就留言問:「係咪禪中有萌、萌中有禪?」、「係咪坐喺電腦前修練?」,亦有人留言話:「一眼就睇穿佢講大話」、「禪嘅世界真係好深奧」。其實鍾意咪鍾意,呢個大話係偏離咗主題少少嘅。

Read more ›
【玩命】同鯊魚一齊瞓 Airbnb又有新主題房
by / on 01/04/2016 at 7:13 am

【玩命】同鯊魚一齊瞓 Airbnb又有新主題房

Airbnb經常有啲奇特嘅房租住,之前有阿爾卑斯山嘅纜車或者梵高名畫主題房,最近就有法國水族館呢間海底主題房,可以同35條鯊魚一齊瞓,睇相都覺得刺激。間房入面得張雙人床,唔算大,旨在睇吓景。另外鯊魚教練Fred Buyle仲會教住客鯊魚知識,Airbnb而家搞緊個活動,贏咗就可以喺4月11日至13日晚免費喺呢間房住,不過住喺入面真係瞓得著覺?

Read more ›
【相集】日本福島被撤離者重臨舊地   法國攝影師相集足本睇
by / on 24/03/2016 at 7:14 am

【相集】日本福島被撤離者重臨舊地 法國攝影師相集足本睇

唔經唔覺,日本福島核災已經發生咗5年,時間過得好快,但對於當日被迫撤離家園嘅人嚟講,呢幾年過得好漫長。法國攝影師Carlos Ayesta及Guillaume Bression呢輯相集「Retrace our steps …」好有意思,佢哋搵嚟當日撤離嘅居民重返福島災區,做返日常嘅動作表情,就好似所有事從未發生過一樣,出嚟嘅效果好震憾,重返嘅現場包括超級市場、洗衣場、辦公室、彈珠遊樂場,睇完令人好感慨,可惜唔係所有嘢都可以重頭嚟過‥‥‥

Read more ›
【真‧貓奴】失明喵星人感人故事 愛心主人無慮收養
by / on 11/03/2016 at 7:18 am

【真‧貓奴】失明喵星人感人故事 愛心主人無慮收養

好感人嘅故事,呢隻叫Jasmine嘅喵星人塊面有啲似鍾無豔,但一對眼仔碌碌好可愛,可惜佢雙眼係失明嘅。主人Sandra Coudray喺法國動物收容所嘅facebook第一眼見到呢隻喵已經決定收養佢,因為佢之前養過一隻貓,年老時都失明,所以佢有信心可以照顧好呢隻可愛嘅喵星人。而家失明喵星人由當初好怕人,變到而家勁鍾意親近主人,睇相都感覺到佢好幸福。各住貓奴,有能力嘅話記住幫多啲需要照顧嘅喵星人呀。

Read more ›

本週人氣

14579 views

日本怕凍貓坐太近暖爐 貓鬚鬈晒好可憐

11853 views

【日本投選】動畫史上最強機械人 第1位果然係佢!

9493 views

本名再現!25歲三上悠亜出圖回憶成人式

9424 views

睇咗未?36歲深田恭子新日劇開播 網民截圖話好可愛

6770 views

【有片】全100期《Gundam MS Bible》 每期一機體超詳盡介紹