Post Tagged with: "日本"

新片速報 日本10號 香川真司現身小學生比賽
by / on 06/09/2013 at 11:48 am

新片速報 日本10號 香川真司現身小學生比賽

如果踢踢吓波見到換人,而換入嘅竟然係國寶級球員,小學生會有咩反應?呢條片就係香川真司幫「toto WEB」拍嚟宣傳志願活動嘅影片,兩隊小學生喺度踢緊波,期中一隊嗌換人,換入嘅竟然就係曼聯嘅香川真司!

Read more ›

日本的士創新服務   失物自動響鬧
by / on 06/09/2013 at 7:03 am

日本的士創新服務 失物自動響鬧

日本嘅的士司機好專業,著晒黑西裝gel晒頭又有禮貌,極之專業,難怪日本的士收得特別貴。最近日本的司界又有新招,名為Kokusai Motorcars Co.嘅日本的士公司,預計下年初為旗下3100部的士增設「失物提醒服務」,車上會裝有四個鏡頭,當乘客落車漏低嘢,車嘅鏡頭偵察到車入面多咗嘢就會自動響鬧,為咗保護私隱,乘客嘅相貌會透過面部偵測系統馬賽克咗。比在喺香港,要裝四個鏡頭喺車司機分分鐘罷駛抗議,裝四部手機喺車狂接order就得。

Read more ›
日本人的想像力 懷舊奇特發明圖集
by / on 05/09/2013 at 11:40 am

日本人的想像力 懷舊奇特發明圖集

日本一向係發明大國,而且當中仲有好多奇特嘅發明,見到你會覺得好實用,但其實你又唔會用……外國網啱啱做咗個專題,集合咗壞舊發明圖,當中有兩個鑊形助聽器、美腿膝枕、食拉麵專用臉頭箍、行動人力洗衣機等等……最正係一個將5個指甲鉗整埋一齊嘅五指齊發指甲鉗,令我諗起聞西。

Read more ›
【有片】日本名古屋暴雨水浸 櫪木縣又有龍捲風
by / on 04/09/2013 at 9:49 pm

【有片】日本名古屋暴雨水浸 櫪木縣又有龍捲風

呢排日本都真係多災多難,噚日有埼玉縣越谷市首次出現龍捲風,今日中午就有栃木県矢板市有龍捲風!福島又話大量輻射水流入海……講大雨,前兩星期大阪梅田先大雨到水浸,今日就輪到名古屋。據知大雨到馬路同地下鐵地下街都水浸,而且仲曾經發出避難同停電警告,Twitter又有網民分享咗啲圖,原來今朝我哋返工都係濕濕碎。

Read more ›
日本2ch熱選 超巨型「大盛り」
by / on 04/09/2013 at 9:29 pm

日本2ch熱選 超巨型「大盛り」

感覺上,日本人好似唔係食好多嘢,但係偏偏有個大胃王小林尊,仲有啲「大盛り」菜式。日本2ch就有好多網民應主題post咗超誇張嘅「大盛り」相片,有滿到瀉嘅拉麵,熱氣到爆嘅吉列,仲有超巨型壽司,我相信冇乜幾個人有信心可以食得晒。  

Read more ›
日本網民又玩出禍 橫濱擒車尾 交通局追查
by / on 03/09/2013 at 5:48 pm

日本網民又玩出禍 橫濱擒車尾 交通局追查

又要出阿寶,人類真係好鍾意犯同樣錯誤。話說早前繼一連串匿入雪櫃、瞓麵包、Pizza敷臉相片之後,最近又有一條亡命之徒擒咗上架巴士後面,俾人影咗張相放上網……不過睇嚟佢都有麻煩喇,因為橫濱市交通局嘅9月2日已經呼籲各位目擊者提供資料,話呢個係絕對危險嘅行為,隨時會發生意外,搵到佢之後,唔知會唔會告佢呢……

Read more ›

新片速報 17噸重巨型甲蟲 識行可載6個人
by / on 03/09/2013 at 11:07 am

新片速報 17噸重巨型甲蟲 識行可載6個人

呢隻超巨型甲蟲,其實喺2009年已經完成,不過啱啱又喺茨城縣古河市展出,超有型!話說呢位製作者叫高橋均,佢本身係一個工程師,喺佢50歲時,佢同太太講:「我想整隻巨型甲蟲俾你坐。」太太答佢:「聽落好好玩喎。」所以就開始做第一代,去到2000年就有Kabutom RX-02第二代,直至2009年60歲,終於有呢隻完成度極高嘅Kabutom RX-03,重17噸,可以載6個成年人,佢o依家仲會喺日本各地巡迴展出,超勁!BTW,如果你同你女友講你想整隻巨型甲蟲俾佢坐,唔知佢會咩反應呢?

Read more ›
新片速報 日本埼玉縣 住宅區現龍捲風
by / on 02/09/2013 at 3:58 pm

新片速報 日本埼玉縣 住宅區現龍捲風

就喺今日(2日)啱啱嘅下午2點鐘,喺埼玉縣嘅越谷市出現咗陸上嘅龍捲風!日本Twitter上面即時好多人上載現場相片,屋頂吹起,就連貨車都吹到翻側!而新聞就話受傷人數有待確定,希望冇事啦。

Read more ›
新片速報 新宿站外RPG宣傳活動 水著30狂舞
by / on 02/09/2013 at 12:30 pm

新片速報 新宿站外RPG宣傳活動 水著30狂舞

呢個活動係喺星期六(8月31日)演出嘅,喺日本新宿站外,突然有兩班人打鬥,打得誇張之仲突然慢鏡頭!之後警察出場,竟然帶頭除晒面衫,男嘅得條三角褲,女嘅就水著上陣,狂跳勁舞。呢個活動係宣傳PC RPG遊戲《マビノギ英雄傳》而搞嘅,你睇唔明?唔緊要,行為藝術係咁,我都唔明。

Read more ›
大丸東京每日限定10個 12倍超巨型銅鑼燒
by / on 31/08/2013 at 5:25 pm

大丸東京每日限定10個 12倍超巨型銅鑼燒

銅鑼燒,即係多啦A夢最鍾意嘅豆沙包,大大細細都買到,不過大到好似呢個咁,就真係未見過喇。由8月21日至9月10日,大丸東京嘅和果子部門就推出咗幾款加大碼食品,當中就有呢個「森幸四郎」嘅超巨型銅鑼燒,比普通版大12倍,重1kg,賣2,500円,每日限定10個。可惜,今日係最後一日喇。

Read more ›
日本動漫多士 兵長當早餐
by / on 30/08/2013 at 12:59 pm

日本動漫多士 兵長當早餐

日本之前出現咗大量動漫Latter咖啡,而最新就有呢位日本Twitter用家「ひっとみー」。佢喺今年初已經開始放啲有動漫人物樣嘅曲奇上Twitter,而近排仲有唔同嘅多士,有兵長啦,有鹹蛋超人啦,佢話佢會先喺塊膠片上面畫咗、剪出個外形先,之後就會灑上朱古力粉整咗線條。至於啲顏色,就仲會用到綠茶粉等食得嘅嘢整……

Read more ›

日本2ch新圖潮 Figure變萌 頭箍變裙
by / on 28/08/2013 at 4:23 pm

日本2ch新圖潮 Figure變萌 頭箍變裙

就喺啱啱過去嘅一日,喺2ch出現咗一張用頭箍套落一隻水著Figure嘅相,好快就形成咗一個潮流,超大量作品即時湧現,就好似張異形呢張,只係放咗幾個鐘,已經有7千幾次retweeted!我諗都係因為頭箍好易搵,可以問阿媽、姐姐妹妹借,而且講真,效果真係好正,我今晚返屋企要試吓先!但係……我一個人住……咁點算?

Read more ›
日本Twitter奇行 妹妹7年狂隊膠
by / on 28/08/2013 at 1:53 pm

日本Twitter奇行 妹妹7年狂隊膠

日本Twitter真係周不時就有啲奇異嘅相片出嚟。好似呢張咁,話說係一個妹妹喺7年間食咗咁多呢隻香口膠,梅味,但啲包裝袋又唔掉,儲儲埋埋可以舖滿成間房……

Read more ›
日本騎呢面膜   戴完再大嗌  瘦面去皺
by / on 28/08/2013 at 7:38 am

日本騎呢面膜 戴完再大嗌 瘦面去皺

又係日本發明,不過七月份真係唔好隨便喺屋企敷呢個面膜,如果你唔係獨居嘅話。今次呢個面膜戴上面後,仲要配合不同嘅誇張表情,聲稱可以促進面部血液循環,緊緻提升,仲可以減少皺紋,每日用5分鐘就得,效果無人知。價錢都唔平,大約港幣450蚊左右,好彩可以洗完再循環使用。不過真係奉勸各位女士,千祈唔好喺男朋友或者老公面前用佢,費事嚇到佢以後唔識返屋企。

Read more ›
放暑假你做甚麼?日本中學生Twitter奇行集
by / on 27/08/2013 at 10:20 pm

放暑假你做甚麼?日本中學生Twitter奇行集

心情好矛盾呢?我都試過,下星期就要開學,但同時間9月14日就有《MH4》,9月17日就有《GTA V》(18禁,其實中學生唔玩得。),10月仲有《Pokemon X‧Y》……好喇,都係時候總結,暑假做咗咩?做晒暑期作業未?日本Twitter暑假就好熱鬧,除咗一系列「阿寶又要出動」匿入雪櫃相片之外,仲有死小孩匿入放食物嘅地方,仲夠薑跳落路軌……不過都有好同學嘅,有兩位同學漏夜喺沙灘執垃圾,之後影咗張相威威。

Read more ›

本週人氣

7548 views

《銀魂》完結篇最後畫面 原來……

7056 views

Nintendo Switch Online遊戲列表 20隻經典周三有得玩

6352 views

日本長壽動畫聲優高齡化 列表中大量60歲以上

5921 views

新片速報 陳年街機合作幾打 《Capcom Belt Action Collection》網上連線

4756 views

理想與現實 日本宅男形象圖Twitter熱傳