Post Tagged with: "日本"

日本水壩變圍場 60米巨人即將現身
by / on 10/09/2013 at 3:53 pm

日本水壩變圍場 60米巨人即將現身

勁咯,位於日本九州東北部嘅大分縣係《進擊之巨人》作者諫山創嘅故鄉,而喺今年9月尾,日田市大山町嘅大山水壩仲會有巨人主題俾你影相!冇錯,就係將個水壩變做城牆,之後就有個巨人頭喺後面,嗚!雖然唔係成個巨人現身,但咁樣喺前面影張相真係超級正點!相信到時一定好多調查兵Coser到場!

Read more ›

日本打機男3個月賺百萬円 每日12小時直播打機
by / on 10/09/2013 at 11:51 am

日本打機男3個月賺百萬円 每日12小時直播打機

呢位日本人Moru,本身係資深機迷,仲曾經參加過國際性比賽。《ArcheAge》嘅遊戲公司就係見佢玩得耐,於是揀咗佢嚟做呢計劃。佢每日要用12個鐘頭喺Niconico直播打機,由夜晚9點至朝早6點,3個月時間日日如是,街都唔出多次就可以賺到100萬円,即係差唔多10萬港幣!日本傳媒去佢屋企訪問佢時,發現佢間房好乾淨整齊,而且最震驚嘅係佢已經結咗婚,而佢老婆都好讚成同支持佢,入嚟可以睇吓佢嘅每日生活時間表同打機裝備相片……其實,如果我3個月可以搵到10萬蚊,我諗連我阿媽都唔會阻住我打機。

Read more ›
新片速報 狂賀2020年東京奧運 3000人砌字慶祝
by / on 08/09/2013 at 8:01 pm

新片速報 狂賀2020年東京奧運 3000人砌字慶祝

日本東京攞到2020年奧運舉辦權,市民梗係高興,喺都廳前一早已經有3000人準備慶祝。到落實勝出之後,除咗放晒彩帶之外,佢哋用人嚟仲砌咗「Thank You」兩隻字添,真係日本人一貫嘅有禮貌喇。講真,東京搞奧運,到時肯定好多人,酒店又貴,睇嚟2020年都唔駛去……不過成7年後,到時情況係點都好難想像……

Read more ›
日本新推咖喱杯飯 208円叮5分鐘即食
by / on 08/09/2013 at 2:25 pm

日本新推咖喱杯飯 208円叮5分鐘即食

日清合味道杯麵,同我度過咗無數個寂寞夜晚,好老實,雖然我唔知佢點諗,但我已經單方面當咗佢係好朋友。喺9月2日,日清喺日本就推出咗咖喱杯飯!有3種口味包括甘口、中辛同辛口,有日本傳媒就買晒3款返嚟試。同一般杯麵一樣,打開加水,放入微波爐叮4至5分鐘,之後撈勻就搞掂,208円,香港應該好快有啦。

Read more ›
奇異日本鐵路便當 原條池魚睇見都腥
by / on 08/09/2013 at 1:09 pm

奇異日本鐵路便當 原條池魚睇見都腥

日本鐵路都會供應鐵路便當,俾啲好忙嘅人或者搭長途車嘅人帶上車食,但係高知縣,最近就出現咗呢個……原條池魚嘅便當。佢奇特在原條魚只係起咗骨同加咗調味,連埋個頭同尾舖喺啲飯上面,再加咗啲芝麻喺面,本人覺得挑戰性同明將係不相上下,不過就霸氣少少。  

Read more ›
面對現實 日本奇異麵包 挑戰角色底線
by / on 07/09/2013 at 5:47 pm

面對現實 日本奇異麵包 挑戰角色底線

日本出過好多動漫人物造型嘅食物,曾經出過事嘅都好多,例如之前嘅初音肉包,又有之前分享過嘅比卡超麵包……日本網站就集合咗網民分享遇到最奇異嘅麵包造型,當中有多啦A夢、Hello Kitty、麵包超人等,仲有船橋市嘅吉祥物Funasshi……其實我唔肯定我自己有冇認錯。

Read more ›

網民驚豔    內地「美女鬼教官」揚威日本
by / on 07/09/2013 at 5:31 pm

網民驚豔 內地「美女鬼教官」揚威日本

中日關係一直緊張,尤其牽汲到軍事問題,不過靚女又唔同講法,內地最近出現一位靚絕軍界嘅女教官,有人將一位女軍官喺街頭演練嘅相片貼上內地嘅貓撲(tt.mop)網站,引起網民大肆討論,大家都話「今屆學弟真幸福!」,幾個日本主要嘅新聞網今日有大篇幅報導,仲形容佢為「美人鬼教官」!老實,我覺得佢真係幾靚,起碼外貌似係純天然,我講「似」,因為內地嘅嘢,我唔敢寫包單。

Read more ›
Hello Kitty 再乘牛奶妹    三宗罪:有口伸脷戴假髮!
by / on 07/09/2013 at 5:18 pm

Hello Kitty 再乘牛奶妹 三宗罪:有口伸脷戴假髮!

Hello Kitty,我一直原諒你有啲隨便,好鍾意同人聯乘,但係今次你真係玩大咗,你睇你自己,紮孖辮都算喇仲多咗個口,仲學人伸脷O忝!你唔好見牛奶妹伸脷你就學人,上次聯乘你都無伸脷o格,你要認真考慮吓啱唔啱自己,fans接唔接受倒嘛。好啦,雖然我鬧完你,但係睇多兩眼我覺得你個樣又好似幾無辜,隻貓耳又好似幾古惑,好啦,我買排試吓啦,有兩款禮盒裝嘛,10月8日出嘛,跟糖送貼紙嘛,但係你下次真係唔好再咁樣嚇我喇,知無?

Read more ›
有片   日本爆笑廣告     打火機Jii攬女食煙爆紅
by / on 07/09/2013 at 5:03 pm

有片 日本爆笑廣告 打火機Jii攬女食煙爆紅

瘋狂搞笑嘅日本廣告,好耐無睇過咁瘋狂搞笑嘅日本廣告,所以雖然已經係一年前,都忍唔住要分享吓。影片主角係一隻叫Jii(讀音: G)嘅打火機,佢唔單止係打火機,打開隻腳之後仲係USB,不過係用嚟叉電,等個火機長著長有。影片好睇在阿Jii演出奔放,又攬女食煙又坐海賊船揚帆出海,而且首主題曲勁洗腦,「A B C D E F Jii」,雖然有啲爛,但無宜家傢俬首廣告rap歌咁抽水,睇完我心情好舒暢,難怪影片有過百萬views,有品味!

Read more ›
日本新設計雙扣Bra 食飽飯要解扣
by / on 07/09/2013 at 1:32 pm

日本新設計雙扣Bra 食飽飯要解扣

有冇試過食得太飽,要將皮帶鬆一格?女仔未必有皮帶,但都總有嘢箍住自己,無錯喇,係個Bra。呢個日本Une Nana Cool出品嘅新設計Bra就叫做「one more dish」,簡單嚟講,就係前面會加多咗個扣,如果食得太飽,就可以解開呢個扣鬆一鬆,原理係點可以入嚟睇,以免必要時解錯。BTW,乜食得太飽個胸會大o架咩?

Read more ›
新片速報 日本10號 香川真司現身小學生比賽
by / on 06/09/2013 at 11:48 am

新片速報 日本10號 香川真司現身小學生比賽

如果踢踢吓波見到換人,而換入嘅竟然係國寶級球員,小學生會有咩反應?呢條片就係香川真司幫「toto WEB」拍嚟宣傳志願活動嘅影片,兩隊小學生喺度踢緊波,期中一隊嗌換人,換入嘅竟然就係曼聯嘅香川真司!

Read more ›

日本的士創新服務   失物自動響鬧
by / on 06/09/2013 at 7:03 am

日本的士創新服務 失物自動響鬧

日本嘅的士司機好專業,著晒黑西裝gel晒頭又有禮貌,極之專業,難怪日本的士收得特別貴。最近日本的司界又有新招,名為Kokusai Motorcars Co.嘅日本的士公司,預計下年初為旗下3100部的士增設「失物提醒服務」,車上會裝有四個鏡頭,當乘客落車漏低嘢,車嘅鏡頭偵察到車入面多咗嘢就會自動響鬧,為咗保護私隱,乘客嘅相貌會透過面部偵測系統馬賽克咗。比在喺香港,要裝四個鏡頭喺車司機分分鐘罷駛抗議,裝四部手機喺車狂接order就得。

Read more ›
日本人的想像力 懷舊奇特發明圖集
by / on 05/09/2013 at 11:40 am

日本人的想像力 懷舊奇特發明圖集

日本一向係發明大國,而且當中仲有好多奇特嘅發明,見到你會覺得好實用,但其實你又唔會用……外國網啱啱做咗個專題,集合咗壞舊發明圖,當中有兩個鑊形助聽器、美腿膝枕、食拉麵專用臉頭箍、行動人力洗衣機等等……最正係一個將5個指甲鉗整埋一齊嘅五指齊發指甲鉗,令我諗起聞西。

Read more ›
【有片】日本名古屋暴雨水浸 櫪木縣又有龍捲風
by / on 04/09/2013 at 9:49 pm

【有片】日本名古屋暴雨水浸 櫪木縣又有龍捲風

呢排日本都真係多災多難,噚日有埼玉縣越谷市首次出現龍捲風,今日中午就有栃木県矢板市有龍捲風!福島又話大量輻射水流入海……講大雨,前兩星期大阪梅田先大雨到水浸,今日就輪到名古屋。據知大雨到馬路同地下鐵地下街都水浸,而且仲曾經發出避難同停電警告,Twitter又有網民分享咗啲圖,原來今朝我哋返工都係濕濕碎。

Read more ›
日本2ch熱選 超巨型「大盛り」
by / on 04/09/2013 at 9:29 pm

日本2ch熱選 超巨型「大盛り」

感覺上,日本人好似唔係食好多嘢,但係偏偏有個大胃王小林尊,仲有啲「大盛り」菜式。日本2ch就有好多網民應主題post咗超誇張嘅「大盛り」相片,有滿到瀉嘅拉麵,熱氣到爆嘅吉列,仲有超巨型壽司,我相信冇乜幾個人有信心可以食得晒。  

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10805 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10496 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9363 Views