Post Tagged with: "日本"

日本怕凍貓坐太近暖爐 貓鬚鬈晒好可憐
by / on 19/01/2019 at 11:22 am

日本怕凍貓坐太近暖爐 貓鬚鬈晒好可憐

嚟緊幾日天氣又開始凍返,貓奴們應該會開暖爐嘞,不過要注意唔好俾啲喵走咁近。日本有網民分享咗佢屋企隻喵嘅慘況,因為走得太埋搞到啲貓鬚鬈晒,慘慘。至於右邊張圖係其他網民分享嘅,隻喵喺火場救出嚟,所以啲毛鬈嘅級數強好多。BTW,笑還笑,記住留意唔好俾啲貓坐咁近暖爐呀!

Read more ›

日本網民BB車裝電腦     搭電車超尷尬
by / on 18/01/2019 at 7:58 am

日本網民BB車裝電腦 搭電車超尷尬

香港都有唔少主人會用BB車嚟裝寵物出街,不過日本呢位網民再特別啲,佢用嚟載部電腦機箱去秋葉原整,途中搭電車嘅時候仲超尷尬,由於佢要按實部機以免佢跌低,其他人眼中就覺得佢好似當咗個電腦係自己仔咁‥‥‥唔少網民出圖回應,有人仲搵到之前告示有過類似嘅構想圖!入嚟有回帶。

Read more ›
【多圖】日本超可愛「小藪貓」  天然呆Twitter熱傳
by / on 18/01/2019 at 7:50 am

【多圖】日本超可愛「小藪貓」 天然呆Twitter熱傳

又係多摩動物公園嘅藪貓呀!之前都介紹過佢有好多fans,最近公園仲多咗啲新成員,係出世無耐嘅小藪貓,超可愛!有日本網民影咗張佢嘅新相,攬住條樹幹嘅小藪貓個樣矇矇哋超得意,張相喺Twitter勁多人RT,入嚟仲有多啲佢哋嘅寫真睇,得意到癲。 

Read more ›
超有型不可思議動物 日本網民:「好似寵物小精靈!」
by / on 18/01/2019 at 7:44 am

超有型不可思議動物 日本網民:「好似寵物小精靈!」

真係超似寵物小精靈呀,日本Twitter最近熱傳呢幾張圖,圖中嘅動物外框有強勁嘅白色毛圍邊超有型,有人話佢勁似《寵物小精靈》入面嘅精靈,有人話佢似Capcom遊戲《大神》。咁究竟佢係咩動物?入嚟有答案。

Read more ›
【新片速報】日本貓奴買玩具 喵星人超冷漠反應Twitter熱傳
by / on 18/01/2019 at 7:37 am

【新片速報】日本貓奴買玩具 喵星人超冷漠反應Twitter熱傳

作為貓奴,應該試過好多次呢啲經驗。有日本網民買咗件貓玩具,說明書仲話「貓貓會對啲預計唔到嘅動作表現得好興奮」,不過當佢開出嚟玩時,隻貓嘅表情就好似諷刺緊主人,同埋想講:「你真係覺得好好玩咩?」網民都忍唔住cap圖,仲話隻貓對眼好入戲。之後有其他網民分享咗類似嘅經驗,入嚟有得睇。

Read more ›
【有片】日本阪神大地震24週年 電視台回帶睇當年災情
by / on 17/01/2019 at 7:23 am

【有片】日本阪神大地震24週年 電視台回帶睇當年災情

時間過得好快,原來當年日本嘅阪神大地震已經發生咗24年。1995年1月17日早上5時46發生嘅7.3級地震,由於神戶人口密集,事件造成至少6千人死亡,超過4萬人受傷。日本媒體NHK放咗段片上Twitter,睇返地震當時嘅一刻同埋之後嘅破壞嚴重程度,兵庫県伊丹市公園亦有追悼活動,入嚟有回帶。

Read more ›

今年流行Skeleton? 日本網民懷舊mode啟動Twitter分享
by / on 17/01/2019 at 7:14 am

今年流行Skeleton? 日本網民懷舊mode啟動Twitter分享

據講今年潮流會興返透明Skeleton嘅設計,有日本網民就享咗佢細個用過嘅產品,有N64、Mac機、Gameboy等等,回憶返晒嚟。之後好多網民出圖回應,仲有人post返Switch嘅透明版本圖,好想要。睇返網民分享嘅懷舊產品,當年真係好流行呢類設計,入嚟有回帶,大家屋企有無珍藏咗幾件?

Read more ›
日本特製「屎屎emoji雪糕」 原宿竹下通有得買
by / on 16/01/2019 at 7:44 am

日本特製「屎屎emoji雪糕」 原宿竹下通有得買

呢個屎屎emoji平日見得多,估唔到日本雪糕店真係用嚟做雪糕!喺原宿竹下通嘅「Sweet XO Good Grief」有得買,每杯650円,最正係裝住個雪糕嘅「杯」都係廁所嚟嘅,顧客仲可以幫嚿屎屎加唔同嘅toppings,例如心心、皇冠等等,去開日本可以試吓,仲可以大聲叫朋友「食屎啦你」!

Read more ›
日本伊豆「鬼太郎迷你屋」 超平賣130萬円
by / on 16/01/2019 at 7:42 am

日本伊豆「鬼太郎迷你屋」 超平賣130萬円

日本啲屋有時都設計得幾特別,好似最近Twitter熱傳呢間,有人話好似鬼太郎間屋,位於伊豆修善寺車站附近,建於1976年,間屋全靠一支柱支撐,入面有兩層,仲有室內溫泉可以浸浴,售價130萬円 (約港幣9萬円)超抵!不過位置當然偏僻少少,去附近市中心大概駕8分鐘車,行路去最近嘅巴士站就大概10分鐘,入嚟有多啲室內圖可以睇。

Read more ›
【有片】日本狗仔超似「熊」 經常被誤會Twitter熱傳
by / on 16/01/2019 at 7:40 am

【有片】日本狗仔超似「熊」 經常被誤會Twitter熱傳

係熊定係狗?呢位日本主人經常都俾鄰居問佢呢個問題,令佢好無奈。咁又難怪嘅,隻狗個樣真係超似一隻迷你熊,特別係瞓著咗嘅時候,咦,點解個枕頭係熊大嚟嘅?入嚟仲有片睇,超可愛!

Read more ›
【有片】日本超爆笑手機遊戲《Running Sushi》奔跑吧壽司
by / on 16/01/2019 at 7:39 am

【有片】日本超爆笑手機遊戲《Running Sushi》奔跑吧壽司

呢款遊戲Running Sushi真係好有創意,日本Twitter最近熱傳呢段片,聲稱開發中,睇片見到玩家操控住一嚿壽司喺賽道上比賽,撳左撳右就可以轉彎,同場仲有其他唔同款嘅壽司比賽,啲飯粒仲會高速下濺起,好搞笑,入嚟有片睇,睇完好想玩。

Read more ›

【睇片】超靚行駛電車動畫 手繪製作過程超驚人
by / on 15/01/2019 at 9:59 pm

【睇片】超靚行駛電車動畫 手繪製作過程超驚人

呢條女子高生喺電車入面嘅「下校・トンネル」動畫,如果係出自動畫公司,可能你會覺得好普通,但如果出自人手製作?呢位畫師之後仲會有展覽添。

Read more ›
秋葉原多個好去處 日本首間自製Keyboard店
by / on 15/01/2019 at 3:38 pm

秋葉原多個好去處 日本首間自製Keyboard店

去日本旅行,你都可能去過啲咩工房,自製啲嘢留個記念咁。咁如果係自製鍵盤呢?正喎,又實用又好玩。日本秋葉原就開咗間日本初「自作キーボード(PC用)専門店」,名為「遊舍工房」,下次去多個好去處啦。

Read more ›
日本便利店淥杯麵新方法 拎返屋企唔怕倒瀉
by / on 15/01/2019 at 7:56 am

日本便利店淥杯麵新方法 拎返屋企唔怕倒瀉

平時淥杯麵都係打開蓋裝完水,再搵嘢責住個蓋,日本呢位網民就話呀爸教佢喺中間篤穿個窿,然後直接灌熱水,之後拎返屋企途中啲水就唔會咁易瀉出嚟。不過有網民話咁樣拎到返屋企啲麵已經淋晒,樓主回應原來佢屋企同便利店超近,難怪佢可以連煲熱水都慳返。

Read more ›
日本畫家倒瀉咖啡 「少女畫像」變毒蜘蛛Venom
by / on 15/01/2019 at 7:12 am

日本畫家倒瀉咖啡 「少女畫像」變毒蜘蛛Venom

呢位日本畫家平時畫開少女人像,畫偶像超靚,不過最近佢唔小心濺咗啲咖啡喺畫紙上,佢索性將幅畫改造,半邊面變成超邪惡嘅毒蜘蛛Venom!效果超正。入嚟有回帶睇返佢其他人像素描,超靚。

Read more ›

本週人氣

10696 views

日本怕凍貓坐太近暖爐 貓鬚鬈晒好可憐

8110 views

本名再現!25歲三上悠亜出圖回憶成人式

7779 views

睇咗未?36歲深田恭子新日劇開播 網民截圖話好可愛

6258 views

【有片】全100期《Gundam MS Bible》 每期一機體超詳盡介紹

5663 views

今個月有得扭 扭蛋球狀變高達頭