Post Tagged with: "日本"

日本超特別郵件 紙盒貼滿645個2円郵票
by / on 15/02/2019 at 7:58 am

日本超特別郵件 紙盒貼滿645個2円郵票

好有心思!有日本網民收到個包裹,個盒貼滿晒2円嘅白兔仔郵票,表面同背面都滿佈晒,打開個盒,裡面係大呎吋嘅白兔仔咕臣!樓主本身係一個白兔迷,連Twitter張profile pic都係兔仔。BTW有網民數過,足足有645個郵票,即係總共1290円嘅郵費,唔知郵局職員會唔會數到頭痛呢?

Read more ›

日本傳統人偶「蝙蝠俠」版 售價30萬円超矜貴
by / on 15/02/2019 at 7:15 am

日本傳統人偶「蝙蝠俠」版 售價30萬円超矜貴

日本好多呢類傳統嘅人偶公仔,通常係紀念傳統節日,例如女兒節就會有,公仔著晒華麗嘅宮廷服,睇落仲有啲恐怖。最近創立於1711年嘅傳統人偶店 「吉德大光」同Batman合作,製作咗兩款蝙蝠俠人偶公仔,一款係62cm高嘅站立姿勢,另一款就坐喺度,背後仲有個蝙蝠俠標記同埋黑門,手工超細緻,不過價錢都好貴,每個賣30萬円,即係2萬蚊港幣左右,預計3月1日起開始接受預訂,入嚟有link。

Read more ›
【有片】日本超強3D立體畫 百事可樂像真度100%
by / on 15/02/2019 at 7:07 am

【有片】日本超強3D立體畫 百事可樂像真度100%

好耐無睇呢類3D畫嘞,最近日本嘅kouki畫咗呢張百事可樂3D圖,像真度超高,喺Twitter好多人RT。入嚟有得睇埋其他角度同埋過程圖,仲有段動畫睇,如果唔係支鉛筆喺上面平滑地碌過,都好難相信支可樂係畫出嚟嘅,入嚟睇完就明。

Read more ›
【有片】日本神還原「海豹狗」    實體化模型Twitter熱傳
by / on 14/02/2019 at 7:59 am

【有片】日本神還原「海豹狗」 實體化模型Twitter熱傳

又係呢位日本模型達人,好鍾意睇佢嘅Twitter,因為佢嘅強項就係將網絡上人氣嘅動物圖實體化。最新作品有呢隻圓咕碌嘅「海豹狗」。段「海豹狗」剪毛片喺兩星期前Twitter爆紅,已經有超過4百萬瀏覽,入嚟有回帶。隻狗狗被剪毛剪到變咗海獅樣,超搞笑。而今次呢位日本達人就重製咗呢隻「海豹狗」嘅迷你模型,成粒蛋咁超像真!入嚟有多啲回帶相同片睇。

Read more ›
日本橫濱「大便展」吉祥物有手尾     拎住廁所四圍走
by / on 14/02/2019 at 7:49 am

日本橫濱「大便展」吉祥物有手尾 拎住廁所四圍走

好玩唔玩,玩屎?日本人一向百無禁忌,嚟緊東京橫濱市就有個大便展「Unko Musemu」舉行 (喺日本,大便嘅發音係Unko(うんこ)),到時會有不同裝置嘅大便小遊戲、影相區,仲有當然唔少得有吉祥物!個人認為隻吉祥物好高質,仲好衞生。外型有啲似米芝蓮人,特徵係長期會帶住個廁所四圍走,咁就唔會周街屙喺地嘞。展覽由3月15日至7月15日期間限定舉行,去開日本又想開吓眼界可以去行吓。

Read more ›
日本超正扭蛋「機械臂袖套」     中二病患者啱用
by / on 13/02/2019 at 7:49 am

日本超正扭蛋「機械臂袖套」     中二病患者啱用

呢款扭蛋好啱中二病嘅朋友,而且平平哋玩吓都無妨,總共一式六款嘅機械手臂袖套,實用啲嚟講可以防曬,踩單車或者行山都用得,其實仲可以cosplay。EPOCH公司推出,預計5月發售,去開日本可以留意吓。

Read more ›

【新片速報】日本網民分享 「人工智障」     超正動態wallpaper
by / on 13/02/2019 at 7:43 am

【新片速報】日本網民分享 「人工智障」     超正動態wallpaper

之前都有初音版,睇完段片好想講:「每日開電腦見到呢個場面其實都幾開心!」有日本網民最近喺Stream買咗款新嘅動態wallpaper,係3個虛擬YouTuber絆愛「人工智障」一齊出現,不過更瘋狂嘅係嗰首歌,配合埋佢哋嘅表情,難怪喺Twitter超多人RT,入嚟有片睇,仲有link可以買。

Read more ›
【凌凌漆級數】日本「香蕉攜帶型廁所」 集資超額完成
by / on 13/02/2019 at 7:08 am

【凌凌漆級數】日本「香蕉攜帶型廁所」 集資超額完成

表面上佢係一條蕉,點估到打開佢之後其實係一個流動廁所?由韓國品牌Juju出產,最近傳到去日本集資,反應好熱烈,打開條蕉就變成一個圓形坐廁,下面有個兜,加個袋就可以用嚟裝排泄物,當然都係要自己倒返,適用於戶外活動例如露營、音樂節、坐長途車同埋訓練小朋友去廁所。重320克,最高負重80kg,仲有5隻色揀,而家已經集資成功,本來目標係5萬円但已經去到130萬円,入嚟有多啲資料同埋示範片睇。

Read more ›
【新片速報】日本「拒否犬」雪地狂奔    超開心賣萌Twitter熱傳
by / on 13/02/2019 at 7:01 am

【新片速報】日本「拒否犬」雪地狂奔 超開心賣萌Twitter熱傳

柴犬本身已經好得意,仲要喺雪地奔跑賣萌嘅柴犬,難怪喺Twitter咁受歡迎。主角係日本超高人氣嘅「散歩拒否犬」、7歲嘅柴犬「ハナ」,見朝早太陽出咗嚟,主人帶佢出街散吓步,成地積雪但係「ハナ」超鍾意,一路跑一路鑽個頭落雪地,可愛到暈!入嚟有片睇,仲有佢最近嘅生活照回帶,最近落雪佢特別開心,仲有,佢塊臉真係超圓!

Read more ›
【新片速報】日本網民搞笑發現 豆腐鍋變人樣口擘擘
by / on 12/02/2019 at 7:46 am

【新片速報】日本網民搞笑發現 豆腐鍋變人樣口擘擘

細心留意嘅話,日常生活好多嘢都會好得意。好似日本有網民分享咗段片,佢煮嘅豆腐咁啱好似人樣,一邊煮個口仲一邊擘大,超搞笑!段片喺Twitter好多人RT,入嚟有片睇,其實都幾治癒,最啱返工返到悶悶哋睇吓。

Read more ›
【連環圖】日本黑貓超嗲人 攬實主人唔放行
by / on 12/02/2019 at 7:35 am

【連環圖】日本黑貓超嗲人 攬實主人唔放行

黑貓個樣雖然cool cool哋,但心入面其實好熱情嘅。好似日本網民分享嘅呢幾張連環圖,隻喵喺佢腳邊望住佢,當佢起身諗住走嘅時候,隻貓居然捉實佢隻腳唔放,超冧!作為貓奴應該會被徹底融化。

Read more ›

【新片速報】日本「去死去死團」渋谷遊行 高呼:「粉碎情人節!」
by / on 12/02/2019 at 7:29 am

【新片速報】日本「去死去死團」渋谷遊行 高呼:「粉碎情人節!」

情人節就到,又係「去死去死團」出動嘅時候。啱啱星期六日本團體「革命的非モテ同盟」(即係不受社會歡迎人士嘅聯盟)就去咗渋谷遊行抗議,佢哋拎住「情人節粉碎!」嘅標語橫額浩浩蕩蕩遊行,當中仲有一位係女士嚟嘅。佢哋高呼打倒資本主義下嘅浪漫、唔好俾糖果製造商控制、唔好因為情人節無收朱古力而判斷他人嘅價值!好有型!當日寒流侵襲得零度,但係一班人就好熱血,唔好放棄革命呀!入嚟有片睇。

Read more ›
【新片速報】日本貓犯人偷食斷正 咬實唔放零悔意Twitter熱傳
by / on 11/02/2019 at 7:51 am

【新片速報】日本貓犯人偷食斷正 咬實唔放零悔意Twitter熱傳

又有喵星人忍唔住犯案,今次事發地點係日本嘅鳥根縣,貓犯人被發現偷咗兩個饅頭,斷正「人贓並獲」,但係犯人堅持雙手拎住、個口咬住兩個饅頭,而且個樣零悔意,超搞笑!入嚟有片睇,仲有贓物嘅殘渣睇。

Read more ›
日本政府教育小朋友防災害    超萌自衞隊card game誕生
by / on 11/02/2019 at 7:43 am

日本政府教育小朋友防災害 超萌自衞隊card game誕生

都話日本「萬物皆可萌」,最近岡山縣政府為咗提高小朋友對自然災害嘅防範意識,特別同日本自衞隊合作作,設計咗災害自衞隊嘅card game遊戲,特別之處係成員全部都係動畫女角色,而且身穿不同制服代表海軍、陸軍同空軍,暫時只得上年發生過強烈颱風災害嘅岡山縣可以玩到,遲啲會推廣到其他縣。網民對於呢款card game反應都好正面,仲有人留意到所有角色都有一半美國血統,入嚟有詳情。

Read more ›
超正C-3PO日本武士版figure     拎紙扇拎盔甲下見零件
by / on 11/02/2019 at 7:34 am

超正C-3PO日本武士版figure 拎紙扇拎盔甲下見零件

Bandai嘅「魂ウェブ」系列之前都出過Star Wars武士版figure,當年有黑武士、白兵同埋Boba Fett,等咗幾年,終於等到呢隻最夾嘅C-3PO出場嘞!著起全身武士裝嘅C-3PO感覺零違和,武士盔甲下睇到佢平時嘅機械服,全身都可動,連眼同嘴都郁得。配件方面,腰部有個紅色葫蘆掛住,仲有把紙扇可以玩,連背部都造得都勁靚勁細緻,賣9504円,入嚟有link。

Read more ›

本週人氣

6095 views

【有片】真心佩服!外國推出成人版「The Laygo Movie」

5255 views

「國寶級美尻」倉持由香廁所曝光 原來全部都係DQ

5166 views

日本超正扭蛋「機械臂袖套」     中二病患者啱用

5004 views

超靚「冰蘋果」網上熱傳 蘋果熟透掉地剩返個殼

4193 views

日本網民嚇醒 阿媽Cos《JoJo奇妙冒險》「Crazy Diamond」現身