又有喵星人忍唔住犯案，今次事發地點係日本嘅鳥根縣，貓犯人被發現偷咗兩個饅頭，斷正「人贓並獲」，但係犯人堅持雙手拎住、個口咬住兩個饅頭，而且個樣零悔意，超搞笑！入嚟有片睇，仲有贓物嘅殘渣睇。

之前都有唔少貓奴分享過，啲喵星人特別鍾意瞓神枱，最近有日本網民分享，話屋企神枱位嘅水成日無晒，有次俾佢捉到嘞，原來屋企隻喵成日上去偷水飲！今次仲要斷正俾佢影埋相。張相放上Twitter後好多人RT，仲有網民分享佢屋企隻貓嘅相同罪行，好多罪證！入嚟有得睇。

今次真係斷正無得抵賴嘞，日本呢隻喵星人竟然學人偷食炸雞！仲俾主人影到佢個摛青樣。根據主人匯報，事發時間係下午13時04分，當時隻喵被發現偷食緊嚿炸雞，想即時毁屍滅跡，無奈嚿炸雞實在太大佢吞唔落，於是出現呢個尷尬樣，最後當然係俾人逮捕，然後困咗入籠坐監，不過犯人一啲悔意都無，之後仲搵律師保釋佢，入嚟有相睇。

3歲定80，呢位小妹妹大個咗相信都會係咁為食架喇。日本Twitter最近熱傳呢段片，片中嘅小朋友扮晒睇電視，對腳仲冚住張被仔。不過原來被入面收埋咗包薯片！睇片見佢得閒攞兩嚿食吓，之後又收返埋，動作流暢，演技一流，臨尾仲扮撥頭髮，好明顯係慣犯。可惜全程已經俾人拍低咗，喂，有好嘢食要分埋俾其他小朋友架喎。

有養喵嘅就知，屋企經常會發生失竊事件，尤其是細件嘅嘢一定要收好。不過好似今次呢隻咁古惑就比較少見嘞。事發地點喺日本，有貓奴發現唔見咗個結他pick，之後發現隻貓古古怪怪，好斯文咁叠埋雙手坐喺地扮無嘢，打開對手一睇，原來佢夾住咗收埋咗個結他pick，超古惑！張圖喺Twitter好多人分享，下次唔見嘢第一時間都係檢查吓手仔先！

喵星人好鍾意打字，尤其是趁主人唔留意嘅時候就會偷偷發訊息同朋友聯絡。最近日本有貓奴親眼目擊事發經過，隻喵仔喺佢嘅Twitter打咗一段外星文，之後突然發現主人原來喺後邊。點算好？佢選擇沉默扮無辜。其他網民都留言話呢位犯人好可愛，可惜無人類解讀到呢句喵星文嘅意思。

太曳嘞！呢隻日本喵星人周圍捐窿捐罅，居然俾主人發現佢出現喺廚房嘅米缸入面！仲要突咗個頭出嚟個樣鬼鬼祟祟。咁網友都好好奇究竟佢點樣走入去，入嚟有答案。

根據維基記載，呢隻動物叫寵物貂，又名雪貂、地中海雪貂，不過我最鍾意係佢另一個名：「矇眼貂」！最近日本呢隻矇眼貂就威嘞，喺Twitter狂俾人RT，因為佢偷食烏冬斷正！主人仲一手的起佢，佢個口依然吊住條長長嘅烏冬，一面無辜，好可愛！睇返佢嘅Twitter有大量生活照，原來佢平時都好為食，仲有好強嘅破壞力，個樣真係得意到癲。

星期日睇動物已經成為我嘅嚐好！今日喺YouTube發現咗隻為食貓，佢偷食嘅唔係魚而係Pizza，又幾識食喎！不過貓仔嘅偷食惡行就「斷正」，仲比主人捉起佢拍片示眾，但佢堅持咬住唔放，超得意。不過網民就狂插話主人唔應該捉住貓嘅後頸的起佢，不過亦有人反駁貓嘅後頸厚肉係唔會痛，仲幾舒服o忝！貓奴點睇？