Post Tagged with: "攝影師"

【呀婆走得快】日本89歲老頑童攝影師 新宿寫真展12月開幕
by / on 13/11/2017 at 7:47 am

【呀婆走得快】日本89歲老頑童攝影師 新宿寫真展12月開幕

都話阿婆走得快,一定有古怪。今年89歲嘅婆婆西本喜美子喺網上好紅。70幾歲先學攝影嘅佢為人好玩得,睇佢嘅相就會明。之前出過本攝影集《ひとりじゃなかよ》,喺台灣書網都有得買,嚟緊12月15日至2018年1月8日喺新宿會有佢嘅攝影展『遊ぼかね』,免費入場,去開日本玩嘅朋友可以去欣賞吓!

Read more ›

【相集】人氣IG攝影師 專影落雨後風景倒影
by / on 25/09/2017 at 7:39 am

【相集】人氣IG攝影師 專影落雨後風景倒影

唔一定要玻利維亞嘅天空之鏡先有好靚嘅倒影,外國攝影師@guigurui就喺自己嘅IG分享世界各地嘅風景倒影。每次落雨後見到水氹佢都會好開心,然後走埋去有咁近得咁近影相,用嘅係手機Google Nexus 5,出嚟嘅效果好正,鍾意嘅記住follow埋佢IG。

Read more ›
【大師級】麥當勞盒加iPhone影人像      超強攝影技網上熱傳
by / on 31/08/2017 at 7:15 am

【大師級】麥當勞盒加iPhone影人像 超強攝影技網上熱傳

平時食完麥樂雞、巨無霸個盒原來可以咁有用!法國著名攝影師Philippe Echaroux用一個麥當勞盒、一支飲管再加支電筒,整咗個影相專用嘅補光器,然後再加部iPhone,用嚟幫唔同嘅人影相,出嚟嘅效果完全係大師級水準!入嚟有得慢慢睇。BTW,佢都有用VSCO、Photoshop FIX同Lightroom嘅手機App執相,全程靠部電話完成。好嘞,晏啲食完麥記可以留返個盒試吓。

Read more ›
【相集】日本「貓貓拳」攝影師新作 肥貓跳躍姿勢優雅
by / on 24/08/2017 at 7:13 am

【相集】日本「貓貓拳」攝影師新作 肥貓跳躍姿勢優雅

專影貓貓拳嘅日本攝影師「アクセント」之前都介紹過,佢專影流浪貓跳躍的迅間,仲威到出書。最近佢嘅Twitter又有大量新作,今次呢隻睇落好肥美,好彩都仲跳得幾高,而且姿勢幾優雅,配合埋少少晨光,好有美感!入嚟有多啲新作可以慢慢睇。

Read more ›
裸體雕塑着返衫 法國攝影師神級PS技術
by / on 15/08/2017 at 7:10 am

裸體雕塑着返衫 法國攝影師神級PS技術

係過份嘅,法國攝影師Leo Caillard之前出過呢個系列,將經典雕塑加返件衫,最近推出第二彈,全部雕塑戴晒名錶著晒靚衫,睇落好富貴,仲充滿違和感。BTW要造到呢個效果全靠PS,攝影師邀請咗佢嘅朋友擺返同雕塑一樣嘅甫士然後影相,最後用Photoshop加工合成,技術相當唔錯。

Read more ›
【侷住】香港攝影師劏房相集    《National Geographic》深入採訪
by / on 31/07/2017 at 10:34 am

【侷住】香港攝影師劏房相集 《National Geographic》深入採訪

作為香港人,睇到呢啲相應該好感觸,仲有啲憤怒。成日聽人講籠屋、劏房,但實際環境有幾惡劣?香港攝影師Benny Lam呢輯相令市民睇得深入啲,仲吸引到外國嘅《National Geographic》採訪。攝影師自己都話影完返到屋企忍唔住喊咗出嚟。用咗4年時間走訪超過100間舊居劏房,屋內尺寸由15尺去到120尺,睇完記得follow埋佢嘅facebook page「SOCO Trapped 侷住」,可以留言發聲、參加簽名運動、攝影比賽或者做義工。

Read more ›

老鼠唔一定污糟噁心 鼠類寫真集展現另一面
by / on 21/07/2017 at 7:16 am

老鼠唔一定污糟噁心 鼠類寫真集展現另一面

好多人一講起「老鼠」就驚驚,法國攝影師Diane Özdamar想扭轉大眾呢個諗法,花咗好多年時間影咗呢個「鼠類寫真集」,每隻老鼠仔喺佢嘅鏡頭下都好得意,佢仲鼓勵大家多啲收養寵物鼠,話佢哋唔係想像中咁污糟噁心,入嚟有多啲相可以慢慢睇。

Read more ›
荷蘭攝影師「東京寫真」 捕捉渋谷街頭靚景
by / on 17/07/2017 at 7:14 am

荷蘭攝影師「東京寫真」 捕捉渋谷街頭靚景

東京大家去過好多次,亦都影過好多靚相,不過出自專業攝影師雙手又完全唔同。荷蘭攝影師Patrick Ebu-Mordi最近去咗東京旅行,仲影咗好多靚相,每張無論色調以至構圖都好有特色,同我手機入面儲落嗰啲好唔同,入嚟有回帶。

Read more ›
【圖集】日本恐怖遊樂園設施 小朋友見到實喊
by / on 10/07/2017 at 7:57 am

【圖集】日本恐怖遊樂園設施 小朋友見到實喊

有無試過夜晚經過遊樂場,見到入面嘅設施覺得有啲恐怖?日本攝影師Kito Fujio呢輯相「公園遊具記錄」好有驚嚇效果,佢夜媽媽走去唔同嘅日本公園影啲設施,之後再P吓圖tune吓啲光暗,出嚟嘅效果小朋友見到都會喊。

Read more ›
【相集】超正LEGO攝影師上山下海    唔靠PS挑戰高難度
by / on 17/06/2017 at 11:06 am

【相集】超正LEGO攝影師上山下海 唔靠PS挑戰高難度

玩具攝影好考心機同功力,外國呢位LEGO迷Benedek Lampert就用咗兩年時間製作咗呢輯相集。LEGO上山下海,仲玩埋Star Wars同二次大戰。由於絕大部份作品都無經過Photoshop PS,所以好花功夫,不過出嚟嘅效果好正。佢仲分享埋Making of嘅相片,鍾意嘅記住follow埋佢嘅facebook,入嚟有多啲相可以欣賞。

Read more ›
【相集】高炒香港樓宇風景     超寫實相集「圍城」
by / on 24/05/2017 at 7:13 am

【相集】高炒香港樓宇風景 超寫實相集「圍城」

香港啲樓起到密密麻麻,偏偏樓價貴到離地,好多人依然買唔起樓,好諷刺。香港攝影師Andy Yeung專影香港風景,最近又有新作「圍城」,今次全部以高炒嘅鳥瞰角度拍攝,俾大家由另一個角度睇香港嘅景色,好特別。入去佢嘅官網仲可以睇到佢之前另一輯香港主題相集「Urban Jungle」,一樣好正,香港人嘅作品,值得推介。BTW,有無人認得呢啲地點喺邊度?

Read more ›

【圖集】超強玩具攝影師挑戰「實時」 蟻俠疾走有難度
by / on 01/05/2017 at 4:28 pm

【圖集】超強玩具攝影師挑戰「實時」 蟻俠疾走有難度

  呢位玩具攝影師Mitchel Wu之前都介紹過,主打實時(Real Time)攝影,除咗影胡迪之外,其實佢都影好多Marvel角色,而且IG更新得好密。最近就有蟻俠、蜘蛛俠、美國隊長,連星戰同哥斯拉佢都啱,好明顯佢買好多玩具,入嚟有得慢慢睇。

Read more ›
超靚日本玻璃球櫻花景      大師級隨便影過萬人分享
by / on 07/04/2017 at 7:49 am

超靚日本玻璃球櫻花景 大師級隨便影過萬人分享

呢位日本攝影師KAGAYA之前都介紹過,佢影嘅風景相好好好靚,靚到好似仙境一樣,出過相集《天空讃歌》,亦經常搞相展。最近東京櫻花盛放,佢都影咗兩張櫻花相,其中呢張喺東京影嘅相,櫻花風景好似鎖住咗喺個玻璃球入面咁,超靚,大師果然係大師,難怪好快已經有近萬個分享。佢嘅相集《天空讃歌》最近推出咗,鍾意攝影嘅記住買本支持吓嘞。

Read more ›
【相集】神級汽車攝影師自製場景 大風雪靠灑糖霜
by / on 04/04/2017 at 11:14 am

【相集】神級汽車攝影師自製場景 大風雪靠灑糖霜

呢位外國汽車攝影師Vatsal Kataria啲相好好睇,勁在全部迷你場景都係自己搭建,而且強調用低成本創作。由石路以至到一草一木都係由佢親自製作,最勁係啲天氣,落雨、大風雪,靠嘅係一個噴水壼同埋灑糖粉!再加埋後期PS加工,每張相都好正,入嚟有得慢慢睇!

Read more ›
日本攝影師超靚街景相     涉谷街頭VS香港高樓
by / on 26/03/2017 at 1:15 pm

日本攝影師超靚街景相 涉谷街頭VS香港高樓

呢位日本攝影師鏡頭下嘅東京,同我哋平時見到嘅有啲唔同,但係效果好正。輯相喺Twitter好受歡迎,好多人留言同佢交流攝影心得。眼利嘅讀者可能會發現第四張相好熟口面,其實取景地點就係香港。另外第一張係渋谷,第二張係新宿西口,第三張係秋葉原。個人好鍾意秋葉原嗰張,好似人中之龍。

Read more ›

人氣話題

14409 views

【2018出GAME表】 7月至8月 [PS4 / XBox One / Switch / PC / 3DS / PS Vita]

10498 views

【多圖】「店員」Twitter出圖 秋葉原「野郎ラーメン」變《閃乱カグラ》主題店

10331 views

冇電話冇相機點算好?圍影Coser奇妙龍

9373 views

【有片】C94 Coser 又嚟《工作細胞》白血球

8405 views

個樽靚喎!Evangelion x 沙嗲王後日始動