Post Tagged with: "攝影師"

京都街貓生活照      晨早探貓影靚相
by / on 25/11/2013 at 7:38 am

京都街貓生活照 晨早探貓影靚相

貓奴們,除咗日常影吓自己隻貓貓,或者去貓cafe探吓貓之外,有無諗過去旅行時搜尋吓街貓幫佢哋影輯靚相?日本攝影師Yutaka Katayama算係半個貓奴,佢嘅flickr戶口放咗大量喺京都出沒嘅街貓靚相,佢仲教路話清晨時份最易影倒靚相,因為遊客一多啲貓貓就會匿埋唔見人。下次去京都旅行,除咗入古廟拜神之外,不妨考慮去探吓呢班貓仔,幫佢哋影輯靚相留念啦。

Read more ›

人狗合一    狗頭人身創意合照
by / on 14/11/2013 at 7:11 am

人狗合一 狗頭人身創意合照

想同狗狗影合照其實仲有好多創意方法,好似加拿大攝影師Zack Rose,就決定將狗主同狗狗二合為一,方法好簡單,就係將相機入面狗狗嘅相變成框架,再套上現實生活中主人嘅身體上面,效果又幾和諧。佢仲用呢個方法幫大量狗主影靚相,作為主人,見倒自己同愛狗二合為一,都咪話唔冧。不過我最想知係佢有無收到Canon錢,全部都係Canon logo嘅?

Read more ›
超可愛!BB相集自砌場景  台灣媽咪出書教學
by / on 27/10/2013 at 3:43 pm

超可愛!BB相集自砌場景 台灣媽咪出書教學

Facebook經常有朋友分享bb仔嘅生活照,我好想介紹埋台灣攝影師Queenie Liao嘅呢輯相比佢哋參考。Queenie用屋企嘅現存物資,趁仔仔Wengenn瞓著時幫佢嘅睡床大執位,天馬行空set晒場景,極有心思。佢仲出咗本叫《Sleepy Baby:可愛寶貝的扮裝寫真》,教大家製作技巧,睇完可以跟住做,不過大前題係屋企個小朋友要好似Wengenn咁爛瞓先得。

Read more ›
外星狗fing頭    超殘忍動物時間
by / on 27/10/2013 at 1:15 pm

外星狗fing頭 超殘忍動物時間

星期日又到動物時間,今次睇嘅係好受歡迎嘅狗狗,不過係嚟自外星嘅,講笑姐,其實係外國好殘忍嘅攝影師,將一班狗狗最盡情嘅Fing頭時刻完美捕捉,睇到狗狗們面容扭曲、毛髮大亂、皮肉分離,好易會誤認佢哋係外星生物。呢位拍攝兇手叫Carli Davidson,聲稱自細被獵豹養大,可能因為咁,佢同狗狗有仇,要報牛。

Read more ›
迷你松鼠超爛瞓      萌爆相集
by / on 22/10/2013 at 7:38 am

迷你松鼠超爛瞓 萌爆相集

呢隻迷你松鼠仔阿Rob勁得意,好適合喺沉悶嘅星期二衝擊心靈。松鼠仔仔本身已經夠細隻,阿Rob仲要係bb仔,一隻手指都捽暈佢。佢今次好好彩,遇著個有愛心嘅BBC電視台攝影師Paul Williams,幫佢搵媽媽不特止,仲影咗輯靚相放上網公諸同好,阿Rob都好識做,每張相都擺晒萌爆甫士,而且仲交足戲瞓得超冧。

Read more ›
大師相集  巨型食物玩得唔食得
by / on 21/10/2013 at 7:29 am

大師相集 巨型食物玩得唔食得

攝影師Christopher Boffoli嘅作品我真心推介,佢嘅成名作品「Big Appetites」系列,所有人類都變成迷你呎吋,不過啲食物就超巨型,最精彩係每張圖都有故事,例如倒瀉嘅牛奶上面有人划艇、朱古力上有人採礦‥‥‥佢嘅作品仲結集成書,amazon有得賣,推介。

Read more ›

動物時間      北極熊hea住游水超爽皮
by / on 19/10/2013 at 2:22 pm

動物時間 北極熊hea住游水超爽皮

又到星期六睇動物時間,日日匿喺香港呢個豆潤咁細嘅地方,睇北極熊對我嚟講實在係好遙遠嘅事,所以見倒攝影師Paul Souders可以去加拿大Churchill兩星期近距離睇北極熊,我真心葡萄。輯相睇倒北極熊自由自由咁游水,超爽皮,個樣仲好得意。至於點解北極熊唔喺北極? 因為溫室效應令到北極冰層融化,所以越嚟越多熊由最北點不斷向南遷移,未來要睇北極熊,分分鐘只可以喺 加拿大先見得倒。

Read more ›
超靚大自然相集     安坐家中欣賞世界靚景
by / on 19/10/2013 at 12:35 pm

超靚大自然相集 安坐家中欣賞世界靚景

大自然有幾靚? 阿媽話你日日對住部電腦知鬼咩? 我又唔係咁諗。上網見倒法國攝影師Yann Arthurs-Bertrand嘅相集,我會用靚到爆燈嚟形容。喺佢嘅鏡頭下,所有風景都好似一幅畫咁靚,難怪佢仲創立埋新聞社Altitude Agency,專門提供大自然靚相比世界各地嘅傳媒使用,只此一間。入嚟仲有得欣賞我哋精選嘅大自然圖集,睇完係時候計劃吓聽日出街親親大自然喇。

Read more ›
驚嚇相集   馬騮戴面具細膽勿入
by / on 17/10/2013 at 7:37 am

驚嚇相集 馬騮戴面具細膽勿入

日日開著電視都見倒羅蘭姐跳舞,哈囉喂似乎同我好有關係。不過要我覺得都係留喺屋企上網安全啲,點知又比我見倒芬蘭攝影師Perttu Saska呢輯好似《娃鬼回魂》嘅驚嚇相集,認真時運低呀!講返輯相,全部嘅model都係馬騮仔,不過著咗套人類嘅服裝,再笠咗個面具,場景仲要陰森恐佈,驚嚇怪異程度爆燈,自認大膽嘅先好入嚟睇,睇完今晚發惡夢唔好賴我呀。

Read more ›
動感牛奶妹年曆   真牛奶潑上身
by / on 11/10/2013 at 7:12 am

動感牛奶妹年曆 真牛奶潑上身

呢輯相我睇完再翻睇再翻睇,對我嚟講似乎有好大嘅吸引力。你唔覺咩?啲牛奶幾有動感?點解撥喺身嘅牛奶可以剛剛好變成一條裙?呢輯牛奶妹相集叫「Milky Pinups」,出自倫敦攝影師Jaroslav Wieczorkiewicz手筆,每張相真係有撥牛奶上身,不過要做到咁密集效果要靠後期加工,裙身加左幾十層牛奶layer先做倒咁實色嘅效果。仲有,睇making of相片見倒model有著褲仔,都好正常吖。攝影師已經決定將呢輯相製成2014年年曆發售,造福人群。

Read more ›
廁所玩大佢     變身沙灘/ 喪屍竇/ 戰場
by / on 14/09/2013 at 2:17 pm

廁所玩大佢 變身沙灘/ 喪屍竇/ 戰場

廁所有乜好玩?原來除咗辦公,仲有好多新奇刺激嘢可以發掘,例如變沙灘、喪屍竇、地盤、辦公室甚至二次大戰現場。呢對外國攝影師組合Gerben Grotenhuis同Marc Marselje ,有日無無聊無乜job接,決定想將影樓入面嗰兩格廁所玩大佢,仲整咗個網站叫Toilet Diaries不停舖相,所有廁所變晒大大佈景,全部一級製作好認真,推介。唯一擔心係佢哋兩個去邊度解決大小事‥‥‥

Read more ›

父子拼圖相集   相似度99.99%
by / on 11/09/2013 at 7:40 am

父子拼圖相集 相似度99.99%

你同阿爸似唔似樣?有幾似?有無佢哋咁似?英國攝影師Craig Gibson搵咗好多對父子返嚟影相,再將佢哋合併成一幅相,等你一眼睇晒兩父子究竟有幾似樣,有啲真係接近一模一樣,我有少少懷疑其實係同一個人嚟嘅。

Read more ›
重製《ET外星人》海報    山頂捕足自拍真實版
by / on 26/08/2013 at 7:18 am

重製《ET外星人》海報 山頂捕足自拍真實版

《ET外星人》張海報堪稱電影中嘅經典,月亮前嘅一架單車剪影令人印象深刻。估唔倒瑞士攝影師Philipp Schmidli居然有膽量挑戰,用同樣構思重新拍攝一張致敬作,效果超靚,睇到我眼定定。佢先喺山上搭建一個斜台,再請嚟三位單車手踩過斜版跳起扮ET入面嘅o靚仔Elliot,最難係要校啱月亮升降時間同時跳起,為咗更像真,車頭仲裝埋個籐籃學到足,好細心。配備方面,用Canon 1D X DSLR加2x Teleconverter,鏡頭方面就用800mm f/5.6L IS,不過香港地,要搵到位置試仲難過上太空。

Read more ›
專業攝影師 火燒牛追動人時刻
by / on 18/08/2013 at 12:58 pm

專業攝影師 火燒牛追動人時刻

無論做咩職業,只要認真去做,都值得尊敬。外國網站就做咗個專題,集合攝影師們冒住各種危險影相嘅一刻,原來冒死捕捉動人影像嘅身影,先至係最動人。

Read more ›
糖果陣相集   罕見粉藍三角朱古力現身
by / on 15/08/2013 at 7:33 am

糖果陣相集 罕見粉藍三角朱古力現身

外國攝影師好鐘意影呢類排列整齊嘅物品相,幾得意,不過諗主題都唔易。攝影師Emily Blincoe最近影咗輯「Suger Series」嘅相集,將不同糖果以顏色分門別類,排得整整齊齊再影成一幅相,入面有好多款我未見過嘅糖,例如粉藍色嘅三角朱古力。全個系列總共有十幅圖十種主題顏色,每張都咁靚咁繽紛,睇完心情靚晒。

Read more ›

本週人氣

12528 views

【有片】可愛到癲!「你點解嚟日本?」節目 日本網民狂讚16歲波蘭妹妹

7872 views

【有片】日本狂人搗亂Family Mart 網民:「激似《人中之龍6》!」

7332 views

我就是高達!舞台劇《機動戰士Gundam 00》角色登場

6629 views

日本網民自製「LED眼鏡」 發光效果勁似「碇司令」

6529 views

黃符遮三點 超性感殭濕子Figure