Post Tagged with: "推介"

大阪超正士多啤梨店     日本網民絕密推介
by / on 08/07/2018 at 9:50 am

大阪超正士多啤梨店 日本網民絕密推介

有無發覺日本嘅士多啤梨特別甜特別靚?仲要平香港好多,難怪每次去日本都會忍唔住食。如果你都係士多啤梨迷,下次去大阪旅行記住去埋心齋橋嘅「STRAWBERRY MANIA」,有日本網民喺blog度推介,嗰度有好靚嘅士多啤梨撻(800円)、即日採摘嘅士多啤梨串(300円)、士多啤梨大福(300円),仲有其他士多啤梨蛋糕同大量甜品,睇見都流口水!

Read more ›

日本網民推介銀座餐廳      超正星空佈置Twitter熱傳
by / on 16/06/2018 at 3:07 pm

日本網民推介銀座餐廳 超正星空佈置Twitter熱傳

去日本最重要都係搵嘢食,最近有日本網民推介呢間「アンドピープル銀座店」。位於東京銀座,主要食景,仿星空嘅天花佈置超靚,仲有一個個帳篷設計,吸引好多人RT同埋留言話要去試。推介去食晚餐先感受到個靚景,食物方面主要係西餐類,啲甜品賣相仲好正,人均消費大約3千円左右,唔算貴,去開東京可以試吓。

Read more ›
北海道超靚「芝櫻」花海 遍地開花日本人推介
by / on 20/05/2018 at 4:14 pm

北海道超靚「芝櫻」花海 遍地開花日本人推介

5月東京都已經係雨季,仲睇櫻花?呢度其實係北海道嘅東面網走郡,每年5月底都有芝櫻睇。芝櫻其實係類似櫻花粉紅色嘅花草,每年春天就會遍地開花,吸引大量遊客,除咗著名嘅滝上芝櫻公園,唔少日本人會去呢個「ひがしもこと芝桜公園」,由而家至6月3日仲有芝櫻祭,去開北海道嘅朋友可以考慮吓。

Read more ›
池袋超正沾烏冬麵      日本網民Twitter推介
by / on 10/05/2018 at 7:17 am

池袋超正沾烏冬麵 日本網民Twitter推介

有無人同我一樣好鍾意食沾麵?日本網民最近推介呢間位於池袋嘅「うちたて家」,嚴格嚟講佢賣嘅係沾烏冬而唔係沾麵,睇相見到啲湯汁掛晒喺啲烏冬麵條上面,真係口水都滴埋出嚟,去開日本記住幫我試吓!

Read more ›
日本網民推介「喵星人居酒屋」 邊食Pizza邊玩喵
by / on 09/04/2018 at 7:53 am

日本網民推介「喵星人居酒屋」 邊食Pizza邊玩喵

一班工作勤奮嘅店員,對於公司業績真係有好大幫助。日本嘅貓cafe去得多,貓居酒屋就比較少見,最近有日本網民推介呢間「赤茄子」,位於東京池袋線嘅「江古田駅」附近,佢話一去到已經有隻喵喺樓梯口等緊佢,然後坐底時又有另一隻貓扮friend坐喺佢旁邊,遠處又有幾隻喵望住佢,全程俾喵包圍嘅感覺好幸福。班貓仔完全唔怕人,仲會想食你嘅嘢。居酒屋嘅食物方面好豐富,有pizza、沙律、三文魚等等,仲有得嗌酒精類嘅特飲,不過小心唔好俾班喵星人偷食,有興趣嘅貓奴去開東京可以試吓!

Read more ›
【羽田都有】日本網民推介必買手信 焗棉花糖朱古力撻
by / on 11/02/2018 at 1:28 pm

【羽田都有】日本網民推介必買手信 焗棉花糖朱古力撻

去親日本買手信都係Tokyo Banana、薯條三兄弟,食嘅唔悶買嘅都悶,最近有日本網民就推介呢盒S’MORE,個樣好似芝士撻,其實表層係烘烤過嘅模花糖,下層係朱古力撻,睇見都想試!睇返資料,羽田空港嘅國際線有得買,去開記住買嚟試吓。

Read more ›

日本網民推介「飯盒布甸」    新穎裝法Twitter熱傳
by / on 05/01/2018 at 7:30 am

日本網民推介「飯盒布甸」 新穎裝法Twitter熱傳

呢個睇落似飯盒嘅食品,入面其實裝住好好味嘅布甸。有日本網民最近喺東京嘅酒酒井Shisui Premium Outlets發現咗呢盒布甸,賣2800円,話足夠10人份量,味道仲好好添!日本網民覺得呢種形式嘅布甸好特別,對於香港人嚟講,應該覺得好似一桶桶外賣嘅豆腐花。BTW,呢個酒酒井outlet其實離成田機場大約15分鐘車程,下次去開東京可以買嚟試吓吖,不過盒布甸要冷藏喺零下18度以下,所以都係嗌多啲朋友一齊買嚟試嘞。

Read more ›
日本網民推介     北海道機場必買芝士牛奶蛋糕
by / on 05/11/2017 at 10:29 am

日本網民推介 北海道機場必買芝士牛奶蛋糕

嚟緊去北海道又無諗到買咩手信嘅可以留意吓,最近有日本網民推介呢款喺新千歲機場3樓有得買嘅牛奶芝士蛋糕,佢話又軟又滑又好味,睇見都流晒口水超想食!賣1600円,要冷藏,如果返香港可以比多少少錢要埋5小時專用嘅保冷劑,去開北海道記住買嘞。

Read more ›
東京超邪惡「鐵板Pancake」 網民推介極美味
by / on 28/10/2017 at 3:00 pm

東京超邪惡「鐵板Pancake」 網民推介極美味

鐵板Pancake,睇個名都覺得好吸引!最近有日本網民分享咗呢幾張相,喺Twitter勁多人討論。有唔少人試過都大讚,首先面層有脆脆口感嘅焦糖面,pancake好香牛油味,仲有最頂層嘅雲呢拿雪糕,簡直係邪惡嘅根源,每份600円,去開東京記住要試!

Read more ›
日本網民推介平價旅館 3000円一晚佈置超可愛
by / on 27/10/2017 at 7:21 am

日本網民推介平價旅館 3000円一晚佈置超可愛

平遊日本除咗搭廉航,識揀間平嘅酒店都好重要。有日本網民住咗呢間喺池袋嘅旅館,可以住16個人,每人住3晚都係9100円,除返開每晚200蚊港幣左右,佈置仲幾可愛,好似一間間屋仔咁,如果同一班朋友一齊去旅行可以考慮吓喎!

Read more ›
【食肉獸時間】日本網民推介 大阪任食放題1350円狂食肉
by / on 06/10/2017 at 7:57 am

【食肉獸時間】日本網民推介 大阪任食放題1350円狂食肉

最近有日本網民推介呢間喺大阪梅田嘅「麵牛」,入面嘅任食放題每位1350円,可以食足90分鐘,又牛又雞又腸,食量大嘅都一定飽。樓主話好高質,咁其實睇相都真係流晒口水。入嚟有地址,去開大阪嘅食肉獸可以試吓。

Read more ›

日本網民推介高級壽司放題 4000円任食拖羅/海膽
by / on 31/08/2017 at 7:23 am

日本網民推介高級壽司放題 4000円任食拖羅/海膽

海膽、拖羅、魚子‥‥‥齋睇相都覺得肚餓,日本有網民推介呢間任食高級壽司,放咗啲相上Twitter後好多人RT。地點喺新宿歌舞技町附近,成人4000円任食,即係3百蚊港紙左右,佢話最推介中拖羅,自問大食嘅去到應該可以回本嘞。

Read more ›
日本網民推介「壽司放題」     3500円任食推介煮穴子壽司
by / on 19/06/2017 at 7:06 am

日本網民推介「壽司放題」 3500円任食推介煮穴子壽司

呢間「築地玉壽司」之前杜如風都喺節目推介過,相信好多香港人都試過,以為只得遊客去?又唔係喎。最近有日本網民去食放題仲影埋相放上Twitter,吸引好多網民留言。佢去嘅係台場分店,推介「煮穴子」同埋「醬漬吞拿魚」壽司,睇相都令人流晒口水。呢間壽司店喺全日本有大量分店,不過放題而家就只限銀座、台場、橫濱等5間分店,女性每位3500円任食,男士每位4500円。睇完又好想飛去日本瘋狂食嘢嘞!

Read more ›
【求FB大神】世界冬甩日圖集 香港有無好味冬甩店?
by / on 06/06/2015 at 3:06 pm

【求FB大神】世界冬甩日圖集 香港有無好味冬甩店?

唔講唔知,原來今日係世界冬甩日!外國網搜羅咗好多得意冬甩,入嚟有得慢慢睇。其實,日本同美國人都好鍾意食冬甩,近近哋嘅台灣都有好多冬甩店,可惜香港人似乎唔多鍾意食,之前都開過喺香港嘅Krispy Kreme,7間分店最終全線結業,唯有去旅行時食多啲啦。除咗Krispy Kreme,其實Mister Donut都好好味架,講講吓又肚餓,唉,好想食冬甩呀!求FB大神,香港有無好味嘅冬甩店推介?

Read more ›
好想去!CNN嚴選日本31個最靚景點   《幽靈公主》森林/ 馬騮浸溫泉
by / on 05/04/2015 at 2:38 pm

好想去!CNN嚴選日本31個最靚景點 《幽靈公主》森林/ 馬騮浸溫泉

盡可能都避免復活節外遊,人多價錢貴,今年據聞好多人去日本大阪,可能機票平匯率低,搞到我都心郁郁好想去。CNN網站最近揀咗31個日本最靚嘅地方,除咗比較熟悉嘅北海道小樽雪路、京都嘅嵐山竹林,仲有馬騮雪猴都浸溫泉嘅「地獄谷野猿公苑」(長野縣),我最想去係宮崎駿《幽靈公主》入面嘅白谷雲水峽森林(鹿兒島),靚到震!另外富士芝櫻節(山梨縣)都好想去,每逢四月底芝櫻開到好似一張紫粉紅色嘅地毯咁,配埋富士山靚景,勁吸引!睇咗當去咗,復活節好似我咁無得去旅行嘅,睇完心情都靚啲。

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10805 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10498 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9364 Views