Post Tagged with: "扭蛋"

日本喵星人扭蛋 捐紙巾盒傻喵超可愛
by / on 18/10/2017 at 7:27 am

日本喵星人扭蛋 捐紙巾盒傻喵超可愛

喵星人最鍾意捐紙盒, 日本扭蛋公司奇譚之前都出過呢款捐紙巾盒嘅喵扭蛋,見反應好今次再推出第二彈!紙盒顏色同貓樣都唔同晒,買齊五個仲可以叠高佢,貓奴見到應該好開心。

Read more ›

日本超可愛「倉鼠屁屁」扭蛋 鑽鞋鑽杯露屁屁
by / on 15/10/2017 at 1:00 pm

日本超可愛「倉鼠屁屁」扭蛋 鑽鞋鑽杯露屁屁

倉鼠好可愛,尤其是佢哋鑽入啲乾草,然後露出個屁屁搖吓搖吓嘅時候。日本扭蛋公司EPOCH推出咗呢款倉鼠屁屁系列,有媽媽倉鼠同小倉鼠,分別鑽入鞋同杯入面,超可愛,10月中推出,鍾意倉鼠嘅記住留意吓。

Read more ›
喵星人萬聖節很忙 日本扭蛋又有「貓變裝」
by / on 03/10/2017 at 7:58 am

喵星人萬聖節很忙 日本扭蛋又有「貓變裝」

喵星人嘅災難又嚟嘞,不過今次唔係專出貓頭套嘅奇譚(Kitan)出品,而係另一間公司NECOS嘅產品,預計10月發售,等大家喺萬聖節時可以幫主子變裝。有兔耳款、小紅帽款同埋搶眼嘅紳士帽款,同奇譚嘅產品相比明顯無咁搞笑,不過就靚啲可愛啲。

Read more ›
日本貓樣廁紙套扭蛋 300円抽一次好可愛
by / on 27/09/2017 at 9:31 am

日本貓樣廁紙套扭蛋 300円抽一次好可愛

如果你覺得啲廁紙就咁一卷卷放喺度唔好睇,又或者你想可愛啲,入到廁所見到都開心啲,咁呢套扭蛋你就要有喇,或者你女神都要有喇。「mimi papier toilette(ミミ パピエトワレット)」,套上卷廁紙度就好可愛,10月2日日本有得扭,全6種各300円,希望香港都會有啦。

Read more ›
八哥變四方狗 日本扭蛋一式6款層層叠
by / on 20/09/2017 at 7:26 am

八哥變四方狗 日本扭蛋一式6款層層叠

日本扭蛋公司奇譚嘅出品一向唔錯,除咗成日有貓主題扭蛋之外,狗狗都有。好似今次呢個八哥玩具咁,全部八哥變晒四方形,原來喺日本「八哥」嘅發音同「箱」好相近,所以就洐生咗今次呢套作品嘞。最正係幾個正方形八哥仲可以叠高,好治癒!啱啱開始發售,鍾意八哥嘅應該會好想儲齊一套。

Read more ›
日本傳統貓奴怪 奇譚新扭蛋夠古怪夠特別
by / on 20/09/2017 at 7:25 am

日本傳統貓奴怪 奇譚新扭蛋夠古怪夠特別

又貓又妖怪,今次日本專出扭蛋嘅奇譚又新嘢玩,用咗繪本作家石黒亜矢子最擅長嘅喵同妖怪結合嚟做題材,一式七款,好有傳統風味,鍾意儲古怪特別扭蛋嘅朋友應該會鍾意,預計9月底正式推出。

Read more ›

日本插畫大師「招財喵」扭蛋 超可愛12月推出
by / on 07/09/2017 at 7:45 am

日本插畫大師「招財喵」扭蛋 超可愛12月推出

日本插畫大師佐藤邦雄擅長畫動物,特別係喵星人,之前同海洋堂出過招財貓扭蛋系列,最近公佈推出第二彈,今次照舊有5隻喵星人,表情都係咁天真可愛,最重要係有肉球,反轉就會望到嘞!另外留意最右邊嗰隻白貓,個樣好倔強好可愛,每扭一次400円,預計今年12月推出,貓奴記住留意嘞。

Read more ›
【多圖】韓國超可愛扭蛋 狗雀合體夠奇妙
by / on 05/09/2017 at 7:38 am

【多圖】韓國超可愛扭蛋 狗雀合體夠奇妙

韓國扭蛋比較少介紹,不過今次呢間Third Stage嘅產品好得意,佢將雀仔同狗仔結合,即係個樣係狗仔,但下半身就變咗雀仔。一共有6個款式,最後意係頭圓圓好似個波咁嘅嗰款啦。呎吋方面1/5超迷你。呢個系列之前都有出過,仲有手機殼,入嚟有回帶。

Read more ›
日本「排隊喵」扭蛋 全部貓排排企超可愛
by / on 28/08/2017 at 7:39 am

日本「排隊喵」扭蛋 全部貓排排企超可愛

專出奇怪扭蛋嘅日本奇譚又有新嘢,今次係排隊喵星人,之前出過樹熊版,仲有高度分,今次到喵星人,有4種顏色,企最前嗰隻叉腰,最尾嗰隻就垂直雙手企到直一直,好似朝早開早會咁,識玩嘅一定係買多幾隻排個長龍出嚟,好可愛!預計12月發售。

Read more ›
【圖集】日本喵星人戴「兔耳」想殺人   受害喵照片大公開
by / on 16/08/2017 at 7:01 am

【圖集】日本喵星人戴「兔耳」想殺人 受害喵照片大公開

都話奇譚呢個扭蛋系列係喵星人嘅惡夢,有日本網民買咗「兔耳」系列,即係左邊嗰幅圖啦,黃色耳仔戴咗上去之後隻貓直情想殺人咁款!張相喺Twitter勁多人RT,網民個個都話隻喵嘅殺意好濃,好憤怒,之後有其他網民放其他受害喵嘅相,有啲扮羊咩,有啲扮兔仔,仲有之前嘅賊仔款,基本上全部都係好無奈或者好呆,入嚟有得回帶笑吓。

Read more ›
喵星人惡夢      萬聖節奇譚加推新扭蛋
by / on 15/08/2017 at 7:05 am

喵星人惡夢 萬聖節奇譚加推新扭蛋

10月31日又到萬聖節,點可以只有你自己cosplay?有喵星人惡夢之稱嘅奇譚扭蛋系列又有新嘢,嚟到第11彈,今次主題係萬聖節,4款喵星人頭套,有齊女巫、蝙蝙、南瓜同鬼,最正都係紫色尖頂嘅女巫款,戴住佢應該呆咗唔識郁。另外後面蝙蝠嗰款都好有特色,最適合配白貓,9月初推出。BTW,我成日諗呢張宣傳相究竟係真戴定係合成嘅呢?

Read more ›

日本奇譚喵頭套扭蛋 今次扮Hello Kitty吉蒂貓
by / on 22/07/2017 at 11:58 am

日本奇譚喵頭套扭蛋 今次扮Hello Kitty吉蒂貓

奇譚呢款貓頭套扭蛋真係長出長有,之前有賊仔款、船梨精、生果主題,連兔仔都扮埋,最近終於輪到扮貓嘞,不過係扮吉蒂貓Hello Kitty!今次同Sanrio合作,除咗Hello Kitty之外仲有布甸狗、小惡魔Kuromi等等,可惜要等到10月頭先正式推出,呢排俾隻喵抖吓先,遲啲先同你大變身!

Read more ›
超可愛日本柴犬扭蛋 爛瞓6式不同睡姿
by / on 19/07/2017 at 7:05 am

超可愛日本柴犬扭蛋 爛瞓6式不同睡姿

柴犬仔好得意,特別係瞓着覺嘅時候。日本扭蛋公司EPOCH經常出柴犬扭蛋,最近出到「柴犬5」,今次用瞓覺做主題,6款柴犬有唔同顏色唔同睡姿,有啲打橫瞓,有啲伏喺度瞓,全部都好可愛,每扭一次200円,柴犬迷記住儲嘞。

Read more ›
【又嚟】 日本喵星人頭套扭蛋   「水族館」主題扮魚仔
by / on 18/07/2017 at 7:10 am

【又嚟】 日本喵星人頭套扭蛋 「水族館」主題扮魚仔

呢款貓頭套扭蛋之前都出過唔少款式,有賊仔頭巾、水果主題,今次輪到水族館嘞。都係日本嘅奇譚扭蛋出品,一共有6個款,最無奈應該係魚仔嗰款,明明食魚嘅喵星人俾條魚騎住,睇得唔食得,難怪黑晒面嘞。今個月中推出,每扭一次300円,去開日本記住扭俾喵星人做手信嘞,雖然佢唔想要。

Read more ›
【十字旋風捲電線】實用蘇聯佬 《Street Fighter II》扭蛋圖流出
by / on 10/07/2017 at 2:20 pm

【十字旋風捲電線】實用蘇聯佬 《Street Fighter II》扭蛋圖流出

有實用功能嘅扭蛋一向受歡迎,嚟緊預定10月就會有呢套喇,係《Street Fighter II》嘅蘇聯佬Zangief,最正梗係出Double Lariat轉轉轉嗰吓,可以捲住你條USB線喎!仲有十字旋風撻就係筆座,至於勝利動作就可以放首飾,真係男女合用,好實用嘅蘇聯佬呀!

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10807 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10498 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9367 Views