Post Tagged with: "扭蛋"

船橋市梨精玩運動    金色隱藏版激罕
by / on 02/10/2014 at 12:36 pm

船橋市梨精玩運動 金色隱藏版激罕

日本嘅船橋市梨精紅到開巷,喺香港都越嚟越多fans。最近佢又有新扭蛋出,第三彈嘅主題係「運動之秋」,睇見梨精乖乖哋學人打棒球、哥爾夫球、網球同足球,好健康,好唔襯佢,因為佢最叻嘅運動應該係跳高或者跨欄。吖,另外仲有一款金色嘅錢罌隱藏版,齋坐無做運動,不過由黃色變金色,一樣吸引。扭蛋10月發行,每扭一次200円。我最想係扭佢塊面。

Read more ›

Macross Q版扭蛋 有機體/有人仔
by / on 19/08/2014 at 10:31 am

Macross Q版扭蛋 有機體/有人仔

  今朝一起身就發現好東西! Macross Q版扭蛋! 一套6隻, 分別有ラインナップはリック・ハンター、VF-1S、VF-1A、VF-1J、バトルポッド、デストロイド・トマホークを, 其實Macross嘢一向唔太多, 尤其係蛋嗰邊, 最正係一条輝都有, 好期待之後會唔會有明美、阿大嬸、黑珍珠……數吓數吓, 如果一蛋跟一隻人仔嘅話, 會唔會好大Project呢!? 不過我願畀囉! 今次係慶祝30周年第一蛋, 會喺嚟緊12月開賣, 好期待。

Read more ›
新片速報 日本奇妙扭蛋 上鏈阿蟬 隨時感受夏日氣息
by / on 11/08/2014 at 5:45 pm

新片速報 日本奇妙扭蛋 上鏈阿蟬 隨時感受夏日氣息

日本嘅玩具,就係咁有創意。呢套全7種200円扭一次嘅扭蛋「ゼンマイで鳴くセミのマスコット」已經出咗,就係一隻上鏈嘅蟬,上咗鏈之後,佢會發出好似蟬叫嘅聲,一隻唔係好似,但一堆就好似,令玩家可以感受到30秒炎夏嘅氣息,嘩好青春呀,我好想要呀!

Read more ›
綠兵變動物    北極熊猩猩陀槍打仗
by / on 29/07/2014 at 9:15 am

綠兵變動物 北極熊猩猩陀槍打仗

一直都好鐘意日本「熊貓的穴(パンダの穴)」出嘅無厘頭扭蛋玩具,玩創意唔會交行貨。之前有反肚動物同埋拱橋嘅自由女神,最新就玩《反斗奇兵》入面嘅綠兵,不過係動物版。新系列叫「Green Green Army」,一班動物包括猩猩、北極熊、烏龜等8種動物全部變晒綠色軍團,著晒軍服陀晒槍,連張海報都特別設計過,好正。預計8月底出貨,每扭一次盛惠200円。

Read more ›
新圖發佈   《街霸》角色跪地磕頭  奇譚土下座8月推出
by / on 27/07/2014 at 10:07 am

新圖發佈 《街霸》角色跪地磕頭 奇譚土下座8月推出

奇譚玩具出嘅土下座扭蛋系列好受歡迎,之前宣佈同Street Fighter合作推出特別篇,終於等到7月就嚟推出,之前都公佈過,而家又有新相。主角阿龍、Ken、春麗、E.Honda、軍佬、蘇聯佬全部跪地磕頭,最正都係印度佬,隻手夠長,有成10公分,勁搶眼!一套總共9款角色,預計8月頭推出,開價300円。

Read more ›
《神奇小子》排排坐     隨蛋附送水管一條
by / on 18/06/2014 at 8:03 am

《神奇小子》排排坐 隨蛋附送水管一條

藤子·F·不二雄除咗《多啦A夢》勁受歡迎之外,《神奇小子》(パーマン,Perman)都係好多人嘅童年回憶,之前出咗隻figure好多人都有買,最近佢又有扭蛋推出,一式五款,得意在可以放佢喺枱邊或電腦notebook邊排排坐,另外隨蛋附送一條水管,坐厭咗枱邊都可以轉坐水管,預計8月推出。

Read more ›

日本紅爆OL杯緣子   新款玩壓扁
by / on 23/05/2014 at 8:36 am

日本紅爆OL杯緣子 新款玩壓扁

專門惡搞,鐘意喺杯邊攀爬嘅OL杯緣子(コップのフチ子),喺日本紅到連《火影忍者》同埋《One Piece》都抄佢,至今出售超過600萬個扭蛋,成績驚人!最近玩無可玩,呢位OL決定唔玩杯邊玩杯底,變成被壓扁嘅杯緣子,效果超搞笑。總共有6個款式加1個隱藏款,預計8月出。壓扁咗嘅杯緣子肥肥哋好得意,一啲都唔失禮。

Read more ›
頹爆ONE PIECE第3彈   路飛扮喊 / 白星公主大尺寸登場
by / on 10/05/2014 at 1:25 pm

頹爆ONE PIECE第3彈 路飛扮喊 / 白星公主大尺寸登場

有時不得不讚日本人設計玩具(或者搵錢)嘅心思,好似ONE PIECE玩具扭蛋,出到厭出到悶,仲點樣有新意?偏偏有人諗到出返個頹爆系列,一班主角跪地一副頹樣,大受歡迎不特止,眨吓眼仲出到第3彈SP系列。今次唔單止跪地嗑頭,路飛學人坐喺地扮喊,不過最吸引係白星公主會推出全長80mm嘅大尺吋特別版,一副楚楚可憐樣,頹到喊。預計9月發貨,夥伴們到時留意吓玩具舖啦。

Read more ›
杯緣子力撐世界盃     高舉日本國旗
by / on 22/04/2014 at 7:13 am

杯緣子力撐世界盃 高舉日本國旗

可以掛喺杯邊嘅扭蛋OL公仔杯緣子「コップのフチ子」喺日本好紅,紅到連《火影忍者》都抄佢。嚟緊奇譚又幫佢出新款,今次同Ultras Nippon日本國家隊後援軍團合作,賀世界盃熱捧日本隊。杯緣子換上一身運動裝好有活力,仲大大力揮舞日本國旗,好有世界盃氣氛,如果你熱捧日本隊嘅話‥‥‥除咗舉國旗,當然唔少得佢嘅經典倒掛,仲有爆炸頭假髮新造型,照舊一式六款,包括一款隱藏角色,每個300円,5月底發售。

Read more ›
女僕托餐具    反手拱橋夠古怪
by / on 13/03/2014 at 7:11 am

女僕托餐具 反手拱橋夠古怪

又嚟喇又嚟喇!呢個古怪騎呢嘅「熊貓的穴(パンダの穴)」扭蛋系列5月又有新作推出,今次主角係女僕,落到佢哋手當然唔荒正常,嚟到第二彈,超萌嘅女僕繼續跳戰人體極限,拱橋拗腰、趴地乜嘢奇怪動作都有齊!仲露底o忝!一式六款,全部都係用嚟承載餐具嘅動作,你夠唔夠膽帶埋佢出去食晏?

Read more ›
龍珠扭蛋遙控車    悟空配筋斗雲
by / on 09/03/2014 at 1:57 pm

龍珠扭蛋遙控車 悟空配筋斗雲

出過大量遙控飛機、遙控車嘅日本玩具公司CCP,最新出品居然係遙控龍珠玩具!名為「ガチャガチャRC」嘅扭蛋遙控車,有齊悟空、比達、菲利、魔人布歐四個款式,扭蛋打開之後,底部就係遙控器,可以操控佢哋周圍走,好方便。四個角色之中,我最鐘意都係悟空同佢嚿筋斗雲,勾起好多童年回憶。

Read more ›

反斗奇兵「走佬」玩具   超罕見迷你巴斯出場
by / on 07/03/2014 at 7:10 am

反斗奇兵「走佬」玩具 超罕見迷你巴斯出場

見倒胡迪我又身痕,好想拎返佢隻山口式出嚟玩吓。今次呢套《反斗奇兵》玩具「Rush Life! Toy Story」特別啲,主題係「走佬」,由TAKARA TOMY旗下嘅扭蛋品牌T-ARTS出品,胡迪大哥抽住頂帽行頭,巴斯光年、綠兵、抱抱龍、豬仔火腿緊接其後,每個角色都做緊奔跑嘅表情動作,好過癮!不過最吸引我唔係呢啲,而係入面居然有個好少見嘅面孔 ─ 迷你巴斯!呢個係短片「ToyStoryToon – Small Fry」出現後大受歡迎嘅角色,今次居然有份,趁啱啱推出,快啲出去搵搵啦。

Read more ›
日本全新扭蛋機 扭蛋變扭蛋卷
by / on 04/03/2014 at 2:29 pm

日本全新扭蛋機 扭蛋變扭蛋卷

自細細個喺書局門口扭蛋,直到大個成套買,我都認定扭蛋係一隻半透明膠蛋。不過呢個概念似乎要改一改喇,因為日本啱啱出咗新嘅扭蛋機,入面啲蛋變晒做蛋卷咁一條條……直徑約6CM,長10CM,咁入面唔同玩具嘅呎碼就更多變啦。預計呢款扭蛋機會收300至500円嘅玩具,第1彈就係《烈車戦隊トッキュウジャー》模型,1次400円,我又諗起機械人條嘢。

Read more ›
騎呢玩具扭蛋    狗仔射尿
by / on 04/03/2014 at 7:03 am

騎呢玩具扭蛋 狗仔射尿

日本玩具商奇譚クラブ嘅玩具一向有創意夠古怪,啱啱公佈嘅呢套狗仔玩具扭蛋,賣點居然係狗仔射尿嘅趣怪動作!總共有8款狗狗再加一個隱藏款,6月底發售,開價200円。雖然平時好鐘意狗,但係對於射尿動作我唔係太接受倒,你點睇?

Read more ›
騎呢扭蛋   香蕉鸚鵡估你唔倒
by / on 14/02/2014 at 12:06 pm

騎呢扭蛋 香蕉鸚鵡估你唔倒

日本EPOCH嘅扭蛋一向以惡搞聞名,之前介紹過有天壇大佛頭嘅柴犬,最近公佈今年5月會推出呢款香蕉鸚鵡扭蛋,夠膽死將香蕉同鸚鵡兩樣完全無關嘅嘢結合,但係效果又無違和感,仲幾得意,搞到我都好想買返隻。一式6款,普通高度45mm,但係仲有隻迷你版25mm,得意到暈!個人認為要買嘅,梗係揀最classic嘅黃色版香蕉啦!

Read more ›

本週人氣

7835 views

日本調查 最多人搜尋明日花 松下紗栄子最啱老人家

7496 views

千年一遇橋本環奈 肥肥哋好可愛

4870 views

重口味AV版《屍殺片場》 女優風間由美致敬作

4666 views

【超難】「童星點心麵」官網小遊戲 搵返特定麵條

4552 views

日本「無印良品」超實用擴充袋 電腦袋變行李袋