Post Tagged with: "強國"

【有片】中國謎之意外真定假 三車繁忙路口浮空關咩事?
by / on 28/11/2015 at 9:29 pm

【有片】中國謎之意外真定假 三車繁忙路口浮空關咩事?

英國傳媒《Daily Mail》都有報道呢件事,就係呢條喺中國「邢台市」拍到嘅監察影片中,一單好離奇嘅交通意外發生喺3部車身上。留意係紅圈位置嘅輕型貨車,當佢臨駛過斑馬線時,突然後輪升起浮空,之後旁邊嘅汽車都出現同樣情況,再過右手邊一架對頭車都有微微升起!當然有好多人都話係造假嘅影片,亦有人話係外星生物搞嘅事,而警方到場後就有個比較合理嘅解釋,就係要留意最右手邊嗰架大貨車……

Read more ›

【有片】中國神秘粉末 瞬間令死魚復活
by / on 23/11/2015 at 6:02 pm

【有片】中國神秘粉末 瞬間令死魚復活

外國傳媒報道,呢條片中用嘅粉末,係中國製造嘅,可以令啲死咗嘅魚翻生,感覺好新鮮……片中見到兩條魚都分別喺水入面唔郁,但當有人放呢啲白色粉末落水之後,條魚竟突然生猛咗一陣……當然,好多人懷疑呢啲粉末會令啲魚肉變有毒;又當然,有所謂專家話冇事……

Read more ›
【奇妙中國】河北省壞交通燈 年輕人人肉操控防意外
by / on 29/10/2015 at 7:01 pm

【奇妙中國】河北省壞交通燈 年輕人人肉操控防意外

呢兩位年輕人,係值得表揚嘅,因為佢哋見到呢個路口嘅交通燈壞咗成個月都未整番好,而又發生過交通意外,於是諗到喺繁忙時間拎埋呢個自己「紙箱交通燈」去指揮交通,每90秒就轉動一次,佢哋早幾日星期一第一次咁做,話大部份司機都有遵守「燈號」喎。咁都諗到,抵你兩個威嘅!而呢個地方就係中國河北省石家莊市,經過中國傳媒報道之後,當地政府話會盡快維修好呢盞交通燈喎……

Read more ›
【有片】大量目擊 中國江西天空現「天空城市」
by / on 19/10/2015 at 11:13 am

【有片】大量目擊 中國江西天空現「天空城市」

早幾日喺中國江西省佛山市,有好多民眾都睇到影到天空出現一座城市咁款!呢個時候梗係有請專家啦,氣象專家就話其實只係「海市蜃樓」,即係地面反射嘅倒影,但有啲網民就唔信,覺得自己見到嘅係平行世界,咦咁咪可以解決到土地問題?

Read more ›
【有片】世界末日喪屍片?航拍中國塞車影片超恐怖
by / on 08/10/2015 at 7:11 pm

【有片】世界末日喪屍片?航拍中國塞車影片超恐怖

紅磡隧道口日日塞車,如果相比起「回京高峰期」嘅京港澳高速公路,紅隧堪稱交通暢順車都唔多架……有外國網站出咗條航拍中國京港澳高速嘅航拍片,勁闊嘅路面勁多車,畫面係咪好似喺邊度見過?末日電影同喪屍電影囉。

Read more ›
【國情】未有自由先有女神 中國酒店山寨「自由神像」
by / on 27/09/2015 at 2:16 pm

【國情】未有自由先有女神 中國酒店山寨「自由神像」

中國山寨貨成日都見,不過山寨呢啲理論上同實際上同具體上自己都冇嘅嘢,成件事好有深層嘅意義。喺雲南大理市一間酒店,就出現咗呢個10呎高嘅偽自己女神像,唔知為乜,如果係為咗得到國際級恥笑嘅話,佢就成功咗喇,因為英國同日本網站都有報道。

Read more ›

【品味】再次_出國際 中國食物頭飾剪蛋燒雞翼
by / on 23/09/2015 at 3:34 pm

【品味】再次_出國際 中國食物頭飾剪蛋燒雞翼

日本網絡又流傳新嘢喇,繼之前頭上面生草之後,強國fashion又嚟喇,今次原創設計嘅頭飾係多款食物,包括有蝦、煎蛋、腸仔、雞翼、排骨等,就淨係爭碗白飯啫。到底係覺得好得意吖?定覺得好可愛呢?中國嘅嘢就係唔需要你明白,唔需要理人感受,唔需要同人交代,唔需要怕醜。淘寶有得賣,幾蚊人仔一款。

Read more ›
【有片】揚威日本 中國真人版《多啦A夢》預告 主角堅係一隻喵
by / on 22/09/2015 at 4:14 pm

【有片】揚威日本 中國真人版《多啦A夢》預告 主角堅係一隻喵

喺中國,冇嘢係冇可能嘅。呢套應該係一套電影,名為《拜託了小叮當》,到底咩係「小叮當」呢?我諗即係叮噹啦?而最奇趣係佢有大雄、靜香等真人主角外,阿「小叮當」真係一隻貓,我唔知有冇機械喺入面,總之外表就係一隻貓啦。呢條預告片已經好快紅到去日本網站,網民最關心都係到底有冇攞版權?張海報連鹹蛋超人都有一隻喺度,我諗……

Read more ›
【潮到日本】中國四川奇妙潮流 花花草草戴上頭
by / on 28/08/2015 at 1:10 pm

【潮到日本】中國四川奇妙潮流 花花草草戴上頭

我本來想話,今次中國終於唔跟人,係自創潮流……但係當我諗起「天使得得B」……據講喺中國四川成都,近日興起呢種被稱為「豆芽花」嘅頭飾,戴咗上頭之後就好似個腦生草或者開花一樣,男女老少都一樣易襯衫。喺微博出咗好多相之後,終於流傳到去日本,有Twitter用戶放咗幾張相,都過萬個RT,有人問日本有冇得買,有人問使唔使喺個頭上面施肥……其實潮流嘅嘢……

Read more ›
【朋友咪走雞】中國濱州炒車倒瀉幾萬雞仔 村民群起大量執雞
by / on 25/08/2015 at 9:14 pm

【朋友咪走雞】中國濱州炒車倒瀉幾萬雞仔 村民群起大量執雞

好壯觀,就係因為太壯觀,呢條新聞好快已經傳到去日本網站。據新京報報道,喺今日(25日)中午,山東榮烏高速濱州沾化區段,我簡稱「濱州段」啦,就有一架裝咗幾萬隻雞仔嘅貨車翻側,大量雞仔奪車而出喺公路上面同斜坡,嘩!以中國人熱愛小動物嘅性格,梗係第一時間「救」啲雞仔啦,附近嘅村民仲有啲揸埋三輪車嚟「救」,救得幾多得幾多,公安都話阻止唔到……據車主話,呢車雞仔值5萬蚊……而亦因為太多人落車「救」雞仔返屋企,公安亦都封路清理,搞到成幾十公里路塞車喎……日本網民就話:「太可愛,亦太可憐。」「村民今晚有好嘢食喇。」喂你哋唔識唔好亂講,梗係養大佢地先……

Read more ›
【瀨尿牛丸唔怕醜】強國新主機網上集資  PS4溝Xbox One變「坦克遊戲機」
by / on 17/08/2015 at 5:03 pm

【瀨尿牛丸唔怕醜】強國新主機網上集資 PS4溝Xbox One變「坦克遊戲機」

強在咩?一向就係強在唔怕醜,正所謂無恥便無敵吖嘛。嗱,山寨喺大陸真係唔算咩出奇事,但佢夠薑用PS4嘅外型加Xbox One嘅凸紋設計同手掣(仲有名,叫「X9黑武士」),仲要話自己用咗1年3個月去製作,當中用6個月時間先諗到呢個「獨特嘅設計」出嚟,仲出埋製作呢部主機幾條友嘅相同資料,真係唔怕人鬧又唔怕狗吠……性能唔駛講啦,呢部「OUYE坦克遊戲機」只係一部Android遊戲機,仲可以好似小米盒子咁上網睇片喎。o依家喺網上集資開發,目標10萬人仔,不過就連大陸自己嘅機迷都負評佢,知咩事啦?盲o架咩?

Read more ›

【揚威日本】中國玻璃圖書館 睇書擔遮擋陽光 日網民留言恥笑
by / on 06/08/2015 at 8:06 pm

【揚威日本】中國玻璃圖書館 睇書擔遮擋陽光 日網民留言恥笑

首先就係個設計啦,天然光係好,但設計者有冇諗過日頭點算?人就當然曬到熱,書本咁樣曬都唔好嘛;第二勁,勁在佢哋諗到室內擔遮呢一招!兩個點加埋,令到日本網民對呢間深圳圖書館非常好奇,有人話:「對於使用圖書館嚟講,時候太早?」「我估去出面睇書仲涼快啲。」「唔爆炸就已經好好啦。」「可能啲遮會爆。」咁我諗有冷氣點都好過冇冷氣嘅……同埋我都幾欣賞佢哋嘅好學同堅持……

Read more ›
【媽啊】中國首個城市英雄 「天津俠」凸肚 「上海俠」「南京俠」陸續嚟
by / on 25/07/2015 at 8:37 pm

【媽啊】中國首個城市英雄 「天津俠」凸肚 「上海俠」「南京俠」陸續嚟

我記得,李修賢做過套《中國超人》。估唔到咁多年後,中國又有英雄誕生,就係呢個「天津俠」,嗱,我估佢本身係一個中年漢,因為暴飲暴食而有肚腩,所以決定著件制服出嚟焗吓汗減吓肥。好喇,我亂講完喇,到官方亂講,佢話天津俠創作初衷係一個潮流年輕人無意中進入異空間,獲得正能量,化身超級英雄保衛城市……而呢位英雄就喺噚日(24日)喺河西區青少年活動中心嘅「潮玩漫控主题特展」亮相。其實我最想知佢嘅絕招會係咩呢?據講之後仲會有「南京俠」、「上海俠」出嚟,咁點解佢後面有啲擬似Iron Man呢?因為呢個展有展出Marvel英雄Figure,但你睇後面,相當之甩皮甩骨,山寨到出面。呢,呢幾張圖就係話模擬緊佢救一位跌倒嘅途人喎。唉,講真,我想請問啲怪人或怪獸喺邊?我好想佢哋贏,我想佢哋統治地球呀,唔該先。

Read more ›
【有片】中國兵擲手榴彈訓練 甩手跌面前好驚險
by / on 22/07/2015 at 2:09 pm

【有片】中國兵擲手榴彈訓練 甩手跌面前好驚險

我以為呢啲橋段只會出現喺爛片入面,但原來喺中國都會發生……喺外國最近就出現呢條片,片中兵仔佢準備擲手榴彈,當佢掉出去時,個手榴彈甩手,就跌喺佢哋三位前面……到底佢哋點樣執番身彩呢?

Read more ›
【中國好品味】衛生巾廣告_出國際 戴上頭隊紅酒
by / on 18/07/2015 at 6:16 pm

【中國好品味】衛生巾廣告_出國際 戴上頭隊紅酒

黃子華真係講得冇錯,若要人不知……網絡年代做咗蠢事,真係唔會冇人知。大陸呢個廣告,賣衛生巾嘅,我唔知點解大陸傳媒形容為「日系風格鮮明、面向中國市場嘅廣告」,我淨係知啲人個頭變晒做衛生巾呢件事真係冇品味冇笑位,最犀利一幕,個人覺得係佢哋舉杯飲紅酒……而主角產品就一大支隊,仲有你睇啲英文字幕……日本網站都有報道喇,笑囉。

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10805 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10496 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9363 Views