Post Tagged with: "廣告"

新片兩連發 PS Vita割價新廣告 《Soul Sacrifice》新片段
by / on 01/03/2013 at 1:48 pm

新片兩連發 PS Vita割價新廣告 《Soul Sacrifice》新片段

PS Vita喺日本噚日(2月28日)就減價喇,新價19,980円,計番o依家8幾算,千六銀港紙就買到,我知,一日冇芒亨一日冇計傾,但之後《One Piece海賊無雙2》、《Soul Sacrifice》、《討鬼傳》、《Gundam Breaker》等遊戲都玩得過,入手有得諗。日本就狂谷宣傳,搵嚟藝人川平慈英加埋熱門遊戲畫面整咗個新廣告,睇到日文我就興奮起嚟喇。不過,香港官方就話未有減價消息公佈……買日版機玩日服,多啲試玩版都OK嘅。另外,仲有一條介紹遊戲同優惠嘅新宣傳片,裏頭有《Soul Sacrifice》嘅實機遊戲新片段睇。

Read more ›

型爆廣告《紐約時報》飛龍在天
by / on 28/02/2013 at 1:19 pm

型爆廣告《紐約時報》飛龍在天

廣告其實唔一定五顏六色嘈冤巴閉,簡簡單單都可以好有型好搶眼。好似呢個出現喺2月25日星期一《New York Times》嘅廣告,就係《Game of Thrones》回歸HBO頻道嘅廣告,好似一隻飛龍嘅影投射喺普通報紙上面,感覺超奇幻!

Read more ›
女性絕對領域賣廣告 沖繩旅遊局被轟
by / on 01/02/2013 at 9:32 am

女性絕對領域賣廣告 沖繩旅遊局被轟

「絕對領域」,一個神秘莫測,又引人無限暇想嘅地方,日本人用嚟形容女性短裙與長襪之間露出嘅神秘肉地。呢個搶眼位置,最近成為日本廣告勝地。話說沖繩旅遊區為宣傳當地係畢業生嘅旅行勝地 – 絕對領域,於是喺呢個位置賣旅遊廣告,最後收倒多宗投訴,好多人認為用納稅人嘅錢,以呢種方法宣傳沖繩會嚴重影響當地形象。老實,我覺得呢個宣傳方法好對題亦都好啱目標對像,可惜當局已經即時收回廣告,要去絕對領域實在波折重重。

Read more ›
新片速報  槍戰/裸男/大爆破  電視台廣告點擊過百萬
by / on 26/01/2013 at 4:20 pm

新片速報 槍戰/裸男/大爆破 電視台廣告點擊過百萬

王維基開台無晒聲氣,不如睇吓外國電視台宣傳技倆。有無聽過TNT?無唔出奇,佢係外國一個提供電影節目嘅電視頻道,為宣傳即將登陸荷蘭,拍咗個勁爆廣告放上YouTube,兩日點擊過百萬。片段開首路中心有個大掣,箭咀寫住「Push to Add Drama」,一按之下,大事發生!有途人被脅持上車、有槍戰、爆破、sniper,連裸男都出動埋,場面迫真拍得住大電影,王維基「香港電視」不妨學吓嘢。入嚟仲有得重溫上年4月另一條TNT宣傳片,一樣精彩,YouTube點擊率過咗4千萬,厲害!

Read more ›
LEGO懷舊系列  自砌第一代MAC機
by / on 25/01/2013 at 12:09 pm

LEGO懷舊系列 自砌第一代MAC機

如果你係蘋果忠實粉絲,我講嘅唔係iPhone用家喎,呢個用Lego砌嘅Mac機一定勾起你唔少回憶。有外國玩家將蘋果第一部賣廣告嘅Mac機用Lego重新砌出,相似度達90%,另外嗰10%?我會扣咗喺keyboard度,因為少咗幾粒掣。下面有當年蘋果廣告原圖,自己可以入去對比吓。講返網友反應,有人好奇駁電腦同mouse嗰條線點整?唔,你太認真嘞!亦有網友建議呢位仁兄將設計放上LEGO CUUSOO,儲夠支持者令Lego將佢正式量產,如果成事,我都想買返部放喺屋企。

Read more ›
裸體彩繪扮漫畫  藝術家畫上身
by / on 19/01/2013 at 1:45 pm

裸體彩繪扮漫畫 藝術家畫上身

我都掙扎咗一陣寫唔寫呢單news,因為啲女主角面青青有啲驚嚇,但係我諗通咗,藝術係唔應該帶有色眼鏡,而且呢個外國藝術家Emma Hack真係好厲害。先講呢輯名為「Pop!」嘅作品,幾位裸體美女塗上Pop Art(普普藝術)風格嘅服裝,再企喺相似嘅背景板前,將佢哋融入變成漫畫嘅一部份,好醒神好似睇緊真人漫畫一樣。另外,Emma Hack上年仲設計咗一件好勁嘅人體藝術品,搵嚟17位模特兒砌成一架撞毁咗嘅爛車,裡面有圖有片,開吓眼界都好。

Read more ›

龍如BB賣廣告  紋身穿環sell奶咀
by / on 18/01/2013 at 10:53 am

龍如BB賣廣告 紋身穿環sell奶咀

我已經受夠香港嘅「BB有便便」式反智廣告,其實BB廣告都可以有創意,好似呢個專賣BB產品嘅外國牌子Playtex一系列平面廣告,將可愛嘅BB變身做龍如BB,全部紋晒身穿晒環,賣嘅係專為「difficult little people」而設嘅奶咀,由美國專為健康產品做廣告嘅Grey Healthy People設計,起碼對題、夠搶眼得啖笑,家長見倒都會會心微笑。

Read more ›
《刃牙》作者板垣恵介親繪 PS最新廣告現身JR
by / on 26/11/2012 at 12:43 pm

《刃牙》作者板垣恵介親繪 PS最新廣告現身JR

前排PS推出兩條廣告片(入面有得睇),分別係自由摶擊及摔角手アントニオ猪木同已故摔角手橋本真也嘅廣告,man到震!香港新一代機迷未必識佢哋兩位,但就未睇過都聽過,咩叫《刃牙》,咩叫暴力美學!《刃牙》、《餓狼傳》漫畫家板垣恵介啱啱就畫咗兩幅摔角手嘅廣告,會喺日本JR站大賣!型到爆開呀!

Read more ›
新片打孖 PS新作預告 神秘玩槍玩停電!?
by / on 21/10/2012 at 1:55 pm

新片打孖 PS新作預告 神秘玩槍玩停電!?

喺Playstation嘅官方Youtube頻道,一連發佈咗兩條短片廣告,預告10月23日將會有新料發佈。黑人辣妹打字開門交鎖匙,仲玩抹槍停電吱吱聲……老實講,我真係睇唔明,勁過王家衛,有網友就話希望係《Infamous》 新作公佈……唔係啩?

Read more ›
新片速報 JORDAN CP3.VI短片唔識郁
by / on 15/10/2012 at 5:42 pm

新片速報 JORDAN CP3.VI短片唔識郁

雖然唔係好關遊戲動漫事,但我見到本地小說作家喬靖夫facebook分享咗呢條片,我又忍唔住想借嚟share吓。JORDAN CP3.VI籃球鞋最新宣傳片,搵嚟好多個Chris Paul,好多個籃球同好多人拍咗段唔郁嘅短片《Cut Through L.A.》,唔郁嘅片有幾好睇?睇過就知。

Read more ›
新片速報 Toyota多啦A夢廣告「遙控車」篇
by / on 18/06/2012 at 10:11 pm

新片速報 Toyota多啦A夢廣告「遙控車」篇

Toyota ReBORN廣告系列拍極都有,最新就係大雄等人三字頭系列嘅「遙控車」篇。片中今個月啱啱過咗生日嘅技安(係,我都係叫番佢技安,吹咩。)叫大雄考番個車考去媾女啦,點知大雄睇少自己話實考唔到,呢個時候,阿福(係,我都係叫番佢阿福,吹咩。) 都忍唔住仗義拎架遙控車俾大雄試玩。點知,無論係大大雄或用縮小光線縮小嘅小大雄,都係搞唔掂……最後,又播GREEEEN首名曲〈Kiseki〉囉。

Read more ›

新片速報 多啦A夢TOYOTA CM「小夫美好的兜風」篇
by / on 09/04/2012 at 1:00 am

新片速報 多啦A夢TOYOTA CM「小夫美好的兜風」篇

  多啦A夢即係叮噹即係尚連奴,同大雄等人幫TOYOTA賣廣告都已經一段日子,而剛啱又有30歲時期嘅新片上載。新片好感人,小夫即係阿福又即係山下智久,帶大雄又即係妻夫木聰同叮噹參觀自己個車房晒命,逐一介紹佢嘅愛驅……

Read more ›

人氣話題

14348 views

【2018出GAME表】 7月至8月 [PS4 / XBox One / Switch / PC / 3DS / PS Vita]

10498 views

【多圖】「店員」Twitter出圖 秋葉原「野郎ラーメン」變《閃乱カグラ》主題店

10331 views

冇電話冇相機點算好?圍影Coser奇妙龍

9373 views

【有片】C94 Coser 又嚟《工作細胞》白血球

8405 views

個樽靚喎!Evangelion x 沙嗲王後日始動