Post Tagged with: "喵星人"

日本最強喵星人     hea坐鋅盆twitter熱爆
by / on 21/05/2015 at 7:06 am

日本最強喵星人 hea坐鋅盆twitter熱爆

喵星人之所以喺網絡上面咁受歡迎,係有原因架,佢哋嘅一舉一動自我得嚟又出人意表,好似喺日本呢兩日最紅就係呢隻灰色貓嘞,張相由主人@kokesukepap放上Twitter,當日佢準備洗碗,點知一行埋去就見到自己隻貓坐喺鋅盆入面,仲要兩隻手吊喺外邊fing fing吓好悠閒,嚇到佢即刻放低碗碟,撲去拎返部相機出嚟影底佢。不過睇嚟喵星人對佢嘅行為似乎無乜反應,btw,乜咁坐舒服啲咩?

Read more ›

新片速報    蠢鈍喵星人追滑鼠游標    玩具錢都慳返
by / on 20/05/2015 at 7:03 am

新片速報 蠢鈍喵星人追滑鼠游標 玩具錢都慳返

喵星人可能天生懶散,所以好憎勤力嘅人類,咁先解釋到點解每次你開電腦,佢唔係瞓上keyboard就係戙喺電腦芒前面,又或者索性撳熄你個電掣。不過講到最經典,應該都係佢哋好找蠢咁追住芒上面嘅滑鼠游標左撲右撲,呢條短片捕捉咗佢哋嘅蠢態,有咗呢個游標,連玩具錢都慳返,不過記住貼芒貼,否則劃花晒個芒,你就算扣佢糧都補唔返。

Read more ›
超爛瞓日本喵星人     瘋狂睡姿網上熱傳
by / on 19/05/2015 at 7:05 am

超爛瞓日本喵星人 瘋狂睡姿網上熱傳

好耐無見過爛瞓得咁徹底嘅喵星人,呢個叫「桶川貓」嘅Twitter最近好多人RT,因為入面有隻睡姿長期都好豪邁奔放嘅貓,佢嘅居住地點係「 桶川スポーツランド」賽車場嘅辦公室,平時最鍾意瞓書枱,而且係反肚瞓,對腳戙起墊住嗰種瞓法,瞓嘅地點仲有影印機頂同紙皮箱,得意程度我敢講係核爆級,瞓醒以為無嘢睇?佢仲會用手撳貓奴嘅頭頂,加埋個不屑表情,無敵,我已經被俘虜了。

Read more ›
超靚喵星人紋身      韓國師傅多女性客
by / on 14/05/2015 at 7:20 am

超靚喵星人紋身 韓國師傅多女性客

有無諗過將屋企隻喵星人紋上身?男女朋友關係會變,但係喵星人唔會喎,一世都跟住你。韓國紋身師傅Soltattoo就好擅長幫人紋屋企隻喵星人上身,手勢好好,仲要係彩色添,加上畫嘅喵星人像真得嚟又有少少cute,女仔實鍾意,除咗喵星人,佢紋花花圖案都好靚,難怪咁多女仔客。BTW,韓國法例規定,紋身師傅一定要係執業醫生,似乎穩陣好多。

Read more ›
新片速報    喵星人玩臭襪實錄    越臭越愛
by / on 13/05/2015 at 8:56 am

新片速報 喵星人玩臭襪實錄 越臭越愛

貓奴可能都會發現,喵星人對臭襪似乎特別有興趣。鍾意行埋去聞、搵頭撞、甚至好似片中嘅喵星人咁,偷偷哋用手掂完之後極速彈走。呢條叫「Cats vs. Socks」嘅短片,專登做埋聲效,睇見班喵星人玩襪嘅情況真係好打耳,我最鍾意都係0:52嘅經典喵表情,睇一次笑一次。

Read more ›
17張喵星人霸氣相集      高高在上貓奴冧爆
by / on 11/05/2015 at 7:14 am

17張喵星人霸氣相集 高高在上貓奴冧爆

網上搜羅咗17張喵星人企喺人類頭頂嘅趣怪相,諗深一層,喵星人出名平衡力超強,而且鍾意企喺高高在上嘅位置,加上唔理人感受嘅性格,所以一切都好合理。重點係每位貓奴都臉露滿足到暈嘅表情 (又或者扮不滿,其實心入面冧爆)。咁難得皇恩浩蕩企喺你個奴才頭頂,的確係應該好感恩嘅,但係,你班喵星人頭先有無肚屙架?同埋點解比例上大部份都係男人嘅?

Read more ›

新片速報     喵星人自己雪櫃自己開     搵食不求人
by / on 07/05/2015 at 7:07 am

新片速報 喵星人自己雪櫃自己開 搵食不求人

貓奴都會有經驗,為防喵星人偷嘢食,所有嘢都要收埋,但係如果佢識開雪櫃呢?呢條片偷影倒幾隻喵星人自己開雪櫃嘅惡法,手法仲好純熟,作為貓奴真係好驚唔知點算好!BTW,千祈唔好比屋企隻喵睇到呢條片,學識咗之後照辦煮碗就大鑊了!仲有,點解我見倒片尾嗰隻黑貓被發現時好似好得戚咁伸脷嘅?

Read more ›
8個月大喵星人做代母      3隻喵B極速混熟
by / on 05/05/2015 at 7:14 am

8個月大喵星人做代母 3隻喵B極速混熟

睇完呢輯相覺得好warm,呢隻只得8個月大嘅喵星人Mikey已經係3隻貓仔嘅媽咪,不過唔係圖中見倒呢3隻。事緣佢嘅3隻貓BB因為早產,啱啱出世就離開咗人間,為咗平伏佢嘅傷痛,附近嘅動物組織幫佢領養咗3隻貓B,呢3隻貓B咁啱都係啱啱出生就比人棄養。當佢哋見面15分鐘後,貓BB已經識跳上養母身上飲奶,Mikey仲幫佢哋舔毛,好似一家人一樣,好溫馨。今次促成呢件好事嘅係美國德州嘅動物組織Dori’s Dalrings,好聰明! 

Read more ›
超重磅高危喵星人     重33磅毛都舔唔倒
by / on 30/04/2015 at 7:13 am

超重磅高危喵星人 重33磅毛都舔唔倒

喵星人出名為食,但係食得太飽都不適宜,好似呢隻黑白色肥貓Sprinkles只得4歲大,但重量居然去到33磅!即係等於一個人應該只得180磅,但就肥到600-700磅,比正常肥3倍,問你怕未?呢隻肥喵上星期去咗收容所,佢嘅前主人應該放任佢大吃大喝,令佢而家肥到連毛都舔唔到,動物組織S.O.S. Sea Isle City Cats收留佢時,佢個肚同耳仔都生滿蚤,好陰功。希望佢快啲減肥成功,以後健康幸福咁生活落去。

Read more ›
人氣喵星人經常企起身      獸醫:「可能前腳有問題!」
by / on 23/04/2015 at 7:25 am

人氣喵星人經常企起身 獸醫:「可能前腳有問題!」

呢隻叫George嘅喵星人最近喺網上好紅,因為佢經常用兩隻後腳企起身,主人Egzo多次偷影倒佢,仲喺網上放咗好多相同大家分享。好多人都大讚貓貓超得意,仲話好似真人版嘅嘉菲貓,不過有獸醫就留言話貓貓經常企起身,有機會係因為前腳有嚴重問題,導致佢四腳著地時會痛。希望主人見倒留言儘快安排貓貓去檢查,如果大家下次見倒相似情況都記住提醒身邊嘅貓奴朋友,就算無事,檢查吓都起碼安心啲。

Read more ›
對付喵星人新利器 假Notebook偷呃拐騙大行動
by / on 21/04/2015 at 8:30 pm

對付喵星人新利器 假Notebook偷呃拐騙大行動

  打字上網用電腦時, 你隻貓會跳上keyboard嘛!? 用Desktop機感受未必咁深, 但如果係Notebook, 咁係九死一生, 尤其是冬天! 以我經驗, 我覺得切忌開住文書軟件走入廁所, 因為我試過出嚟之後, 家中喵星人幫我打咗14大板鬼劃符, 相信就算交畀有幾十年經驗嘅校對老先生, 都冇法破解到當中文意!

Read more ›

復活「喵」被出賣相集    喵星人被迫變兔仔
by / on 06/04/2015 at 7:46 am

復活「喵」被出賣相集 喵星人被迫變兔仔

貓奴可能都試過,將喵星人兩隻耳仔拉高,其實都幾似白兔o架!趁復活節,好多貓奴就同屋企嘅主子賀一賀,網上搜羅咗大量喵星人復活節被迫扮兔仔嘅相,睇佢哋個個眼啤啤,應該諗緊點報仇。話時話,除咗扮兔仔,其實隻耳垂落嚟仲可以扮狗仔、拉高又可以扮狐狸仔,有無試過?

Read more ›
喵星人與BB溫馨相集    「唔好掹我啲鬚!」
by / on 01/04/2015 at 7:09 am

喵星人與BB溫馨相集 「唔好掹我啲鬚!」

一直都覺得喵星最怕嘅生物就係小朋友,你知啦,小朋友會掹喵星人啲鬚、撳佢哋啲肉球、扯佢哋條尾‥‥‥呢個係我嘅第一印象,不過原來事實唔係咁,網上搜羅咗大量喵星人同人類BB嘅融洽相處圖,直情好似一家人咁,好溫馨。BTW,我睇過有報導話自細養寵物嘅屋企,小朋友患鼻敏感嘅機會會大減,所以千祈唔好因為懷孕而棄養寵物嘞!

Read more ›
喵星人瘋狂轉表情     奸笑萌爆笑無聊笑
by / on 24/03/2015 at 7:04 am

喵星人瘋狂轉表情 奸笑萌爆笑無聊笑

喵星人經常都係睨嘴串串貢,想睇佢哋E起棚牙笑?發夢啦!打個喊露比你嘆吓就有。Reddit最近有個叫Luke_Hero嘅用戶分享咗呢幾張喵星人相,好多網友都讚超得意。佢用張紙用支筆,幫屋企隻喵星人換表情,有笑到見牙唔見眼、有歪嘴奸笑、有cool爆無奈笑‥‥‥睇完好想返去同隻喵玩吓,希望佢唔會喵一聲走開或者打喊露掃我興。

Read more ›
新片速報    喵星人有仇必報    虐貓者即刻有報應
by / on 22/03/2015 at 5:10 pm

新片速報 喵星人有仇必報 虐貓者即刻有報應

呢條片我翻睇咗兩次,每次都忍唔住想拍手,大快人心。片中嘅殘暴結他手,粗暴對待坐喺椅上嘅喵星人,用結他聲嚇完佢再推走佢,臨尾仲伸多腳,勁賤,睇到我嬲嬲哋。好彩無幾耐就見倒報應嚟嘞,我唔劇透,淨係想講句:「抵呀,喵星人好波!」

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12616 Views
2) 個樽靚喎!Evangelion x 沙嗲王後日始動 - 10805 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10496 Views
4) 冇電話冇相機點算好?圍影Coser奇妙龍 - 10329 Views
5) 【有片】C94 Coser 又嚟《工作細胞》白血球 - 9355 Views