Post Tagged with: "喵星人"

【又一單】喵星人成功上樓    瘦蜢蜢變大肚腩
by / on 06/12/2015 at 1:51 pm

【又一單】喵星人成功上樓 瘦蜢蜢變大肚腩

又一單喵星人騙案,又一隻喵星人成功上樓!外國呢隻被主人稱為「史上最驚青」嘅喵星人,最近主人Ventsislava Yaramova將佢喺新屋露出嘅真面目相放上網。話說當日呢隻喵俾兩隻惡狗恰,有個女人好心將佢救出送去動物協會,之後就比呢位新主人收養咗嘞,開頭佢都好驚青,頭兩日只係匿喺梳化底,不過好快佢已經適應咗同人類相處嘅生活,仲越嚟越hea,由以前嘅瘦蜢蜢變成而家嘅大肚腩,好好肉地,證明有人錫嘅貓真係好幸福,有能力嘅都收養吓喵星人,比個機會佢哋上樓啦。

Read more ›

【日本街頭騙案】喵星人成功上樓     瞓暖爐進駐豪宅
by / on 05/12/2015 at 1:20 pm

【日本街頭騙案】喵星人成功上樓 瞓暖爐進駐豪宅

大家都睇慣日本街頭嘅喵星人騙案,今次呢隻仲威威,因為佢搵到間大富之家,入咗豪門以後有排嘆。話說樓主話呢隻喵星人晚晚都喺停車場叫,於是帶咗佢返屋企,之後就放咗好多喵星人喺屋企變大爺嘅相,網友就見到佢屋企原來有個好大嘅暖爐(有火嗰種傳統火爐,勁!),屋企睇落仲好大,喵星人發現自己入咗豪門都好囂張,長期喺火爐前,加埋頸上面個新買嘅噹噹,即刻升價十倍!嚟到冬天,希望有更多街頭騙案發生,多啲喵星人成功上樓啦!

Read more ›
【伸展大法】喵星人做瑜伽 動物瑜伽十式圖集
by / on 01/12/2015 at 7:12 am

【伸展大法】喵星人做瑜伽 動物瑜伽十式圖集

成日做鍵盤戰士嘅我哋,唔計打FIFA、NBA嗰啲,真係好日都唔做吓運動。呢輯動物瑜伽相,有無燃起你做運動嘅熱誠?有做開瑜伽伽都知,唔少招式都係取材自動物,例如貓式(Cat Pose),有網民就將唔同動物嘅古怪動作圖同瑜伽招式做對比,果然,喵星人嘅筋骨係最軟柔嘅,難度達9級半嘅瑜伽動作都輕鬆完成,至於我,照舊睇咗當做咗啦,睇都攰呀!

Read more ›
【根本係人扮】喵星人反肚曬太陽 Twitter熱傳超嘆日光浴
by / on 27/11/2015 at 7:19 am

【根本係人扮】喵星人反肚曬太陽 Twitter熱傳超嘆日光浴

貓奴唔喺屋企嘅時候,都會諗吓隻衰喵喺屋企做咩呢?可能,佢就好似呢隻日本喵星人咁,大字型攤喺度曬緊太陽享受日光浴!呢隻喵星人嘅twitter一向有好多fans,強項係反肚賣萌,最近主人話返到屋企以為佢唔知去咗邊,不過用心一睇,就發現佢原來攤咗喺枱面曬太陽,好識嘆,根本就係人扮嘅!入嚟有多啲佢嘅反肚相反肚片睇,好可愛!

Read more ›
【超可愛】京都「站立喵」爆紅        望窗扮文青天生鍾意企
by / on 25/11/2015 at 7:18 am

【超可愛】京都「站立喵」爆紅 望窗扮文青天生鍾意企

之前都見過唔少鍾意企起身嘅喵星人,不過好似呢隻,一邊企一邊憂鬱咁望窗外風景嘅喵星人,格外有情調。呢隻住喺京都嘅喵星人最近呢幾張相喺Twitter好多人RT,有眼利網民仲發現佢就係之前摷櫃筒喺網上爆紅嗰隻喵,入嚟有回帶,原來佢真係好鍾意企起身。睇完想探佢其實唔難,原來佢而家住喺京都嘅一間貓cafe「Cat Apartment Coffee」,去開京都記住探吓佢喇!

Read more ›
【喵星人反恐】Twitter一人一張貓相 反恐網民混淆視聽
by / on 24/11/2015 at 7:16 am

【喵星人反恐】Twitter一人一張貓相 反恐網民混淆視聽

比利時布魯塞爾依然維持最高級別恐襲警戒,不過而家上Twitter搜尋#BrusselsLockdown嘅時候,就會發現大量喵星人嘅相,原來當地國防部長Steven Vandeput最近喺Twitter留言,呼籲民眾唔好喺社交網站張貼同警方動態有關嘅內容,以免洩露風聲,咁網民都好合作,仲一呼百應齊齊貼喵星人嘅相混淆思聽,啲相有喵星人拎槍、戴頭盔、包頭巾、戴面具等,配合埋「你已經曝光喇」等搞笑caption,將緊張氣氛稍為緩和。

Read more ›

【勁樣衰】有片 喵星人fing頭超慢鏡 寫真集高清特寫
by / on 23/11/2015 at 7:15 am

【勁樣衰】有片 喵星人fing頭超慢鏡 寫真集高清特寫

  作為貓奴,呢本寫真集要買,就算唔買,都要睇吓條宣傳短片,好好笑!名為《Shake Cats》(《ぶるにゃん》),由女攝影師Carli Davidson操刀,特寫咗大量喵星人嘅fing頭相,將佢哋最忘形、最盡情、最樣衰嘅一面高清重現,嫌睇相唔夠喉可以睇埋高清慢動作影片,真係睇一次笑一次架。11月24日發行,日本amazon有得買,售價16000円,同日仲有本fing頭狗寫真《ぶるわん》,一樣忘晒影。

Read more ›
【喵星人襲地球】20種另類喵星人 野生貓種大公開
by / on 23/11/2015 at 7:10 am

【喵星人襲地球】20種另類喵星人 野生貓種大公開

一講起喵星人,自不然諗起唐貓、英短、摺耳呢啲品種,外國網就搜羅咗20款其他種類嘅野生貓,大部份都聞所未聞,最常見應該係藝人周慧敏都有養嘅豹貓,其餘沙漠貓(Sand Cat)同黑足貓(Black-footed Cat)都好得意,仲有個樣惡得嚟又奇特嘅獰貓(Caracal)、蠢蠢哋嘅漁貓(Fishing Cat),入嚟仲有維基解說,大開眼界。

Read more ›
【有片】喵星人闖入G20國際會議 台上亂走突破防線
by / on 18/11/2015 at 7:14 am

【有片】喵星人闖入G20國際會議 台上亂走突破防線

G20係一個好重要而且嚴肅嘅國際會議,偏偏今次出現咗3隻喵星人,仲走咗上台玩!早兩日喺土耳其舉行嘅G20,美國總統奧巴馬、俄羅斯總統普京、英國首相卡麥隆都有出席, 有影片拍到喺開場前有一隻大貓喺布簾後施施然走出嚟,之後又有兩隻小喵喺台上走嚟走去玩,場面好搞笑。場外都一樣喵蹤處處,有人影到開場前班保安喺門口等緊大人物出場時,突然間又有隻喵星人好囂張咁行過,所以都話喵星人有性格,咩大場面未見過呀!喵!

Read more ›
【新片報報】喵星人超正聖誕廣告 闖禍燒屋800萬點擊熱爆
by / on 17/11/2015 at 7:13 am

【新片報報】喵星人超正聖誕廣告 闖禍燒屋800萬點擊熱爆

越嚟越多廣告搵喵星人做主角,今次呢個好勁,影片4日已經過咗800萬點擊,片中嘅主角係英國家傳戶曉嘅喵星人Mog,搵咗名作家Judith Kerr改編,講Mog喺平安夜發噩夢,闖禍破壞聖誕樹,仲連間屋都燒燶埋,特技做得好精彩,最後帶出聖誕節係一個「分享」嘅節日,即係叫大家去多啲消費囉。廣告主係英國第二大超市Sainsbury’s,佢哋仲特別出咗本插畫喺超市入面賣,收益會捐去Save the Children幫助小朋友,做慈善做全套。

Read more ›
有片:喵星人嚇到彈開幾呎!究竟驚青瓜啲乜?
by / on 16/11/2015 at 8:15 pm

有片:喵星人嚇到彈開幾呎!究竟驚青瓜啲乜?

拿,唔好笑我,我唔係貓奴,唔熟貓事,所以睇完呢條《Cats VS Cucumbers》,我認真地上網查資料,但搵嚟搵去都搵唔到貓驚青瓜嘅資料。照計青瓜形狀唔恐怖,又唔會郁,又唔曉發聲,顏色又無乜點,因乜解究喵星人一見到就彈開幾呎呢?仲要係好驚好驚嗰隻彈起,彈到撞埋牆撞中門都在所不惜。虛心求問,有無人知道答案呢?

Read more ›

【手短不是罪】日本喵星人輸在起跑線  Twitter熱傳欺凌圖
by / on 11/11/2015 at 7:19 am

【手短不是罪】日本喵星人輸在起跑線 Twitter熱傳欺凌圖

隻手生得短唔係罪,不過就會俾人笑。好似呢隻日本白喵,同屋企隻豹紋貓玩鬥抓,人哋一手拍落佢個頭度,當佢想還擊時就發現自己隻手太短,只可以凌空拍空氣,好陰功豬呀!呢3張連環圖放上twitter後好快有過萬個RT,入去佢嘅Twitter仲見到有下集,兩個都玩到反晒肚,好可愛。入面仲有好多呢兩隻喵星人嘅生活照,其實佢哋平時好friend,經常互相舔毛,白喵嘅額頭中間仲有撮深色咗嘅毛,令佢睇落懵懵哋好搞笑。

Read more ›
【冬天喵星人要新屋】超級粗冷織貓兜 貓狗合用暖笠笠
by / on 11/11/2015 at 7:11 am

【冬天喵星人要新屋】超級粗冷織貓兜 貓狗合用暖笠笠

噚日落吓雨又凍返少少,屋企隻喵星人有無貼住你瞓取暖?其實都係時候幫佢哋整返間屋過冬,網上見倒呢款用超級粗冷織成嘅貓兜,瞓上去應該暖笠笠好舒服,唔止喵星人,狗狗都啱瞓,有無高手識得自己織?如果懶又唔想自己整,都可以直接上Etsy網站店舖「Ohhio」買,港幣$644(未包運費),設計師Anna Mo之前都用過呢款超粗冷織過冷衫、頸箍、梳化墊,上網都有得買,不過睇落都係呢個貓兜最實用。如果隻喵星人肯瞓嘅話。

Read more ›
喵星人睡姿10式 霸晒成個枕頭 踢貓奴落床
by / on 08/11/2015 at 11:44 am

喵星人睡姿10式 霸晒成個枕頭 踢貓奴落床

作為貓奴,有乜好得過隻喵星人晚晚跳上床同你瞓?不過都要睇佢爛唔爛瞓,睡姿過唔過份。外國網Catsass嘅貓插畫一向好抵死,最近就有呢個「與喵同眠」嘅特集,搵咗10款喵星人床上睡姿同大家研究吓,有霸晒成個枕頭、瞓上你個身、踢你落床、夾喺你同佢之間,搵唔搵到你屋企嗰隻嘅睡姿?BTW,佢嘅網站入面有好多幽默喵插畫,貓奴必睇。

Read more ›
【救命呀喵】喵星人出醜時刻圖集 貓奴第一時間影相share
by / on 06/11/2015 at 7:16 am

【救命呀喵】喵星人出醜時刻圖集 貓奴第一時間影相share

喵星人經常出醜,通常因為佢哋唔知驚、玩得盡又曳,佢哋唔介意你點睇,出咗事亦唔會學精,下次一樣照樣亂玩,網上搜羅咗大量喵星人出醜相,全部都係一班貓奴出賣主人貼上網嘅,最常見係比嘢卡住個頭或身,亦有不自量力跳得太高嘅搞笑相,睇見佢哋出事,貓奴第一時間梗係影咗相放上網先啦,我諗班喵星人都慣晒。「喂,影完好救啲我嘞喵!」

Read more ›

本週人氣

10196 views

【有片】可愛到癲!「你點解嚟日本?」節目 日本網民狂讚16歲波蘭妹妹

8119 views

【有片】日本狂人搗亂Family Mart 網民:「激似《人中之龍6》!」

7757 views

日本網民自製「LED眼鏡」 發光效果勁似「碇司令」

7410 views

我就是高達!舞台劇《機動戰士Gundam 00》角色登場

6095 views

黃符遮三點 超性感殭濕子Figure