Post Tagged with: "喵星人"

【新片速報】日本喵星人第一次遇見雪 超興奮飛撲抓雪
by / on 24/01/2016 at 12:11 pm

【新片速報】日本喵星人第一次遇見雪 超興奮飛撲抓雪

日本呢幾日都有落雪,Twitter有網友放咗呢段喵星人影片上網,影低屋企隻喵第一次遇見雪嘅反應,影片好快已經超過2萬個RT,好受歡迎。片中嘅喵星人唔怕凍亦唔怕雪,反而覺得好好奇,不停伸手想抓住啲雪,單身抓唔到就改為雙手抓,之後仲飛身撲起,不過結果梗係乜都抓唔到。

Read more ›

【攀山涉水】帶喵星人去旅行 被遺棄貓貓變旅行伴侶
by / on 23/01/2016 at 2:01 pm

【攀山涉水】帶喵星人去旅行 被遺棄貓貓變旅行伴侶

喵星人唔似狗狗要散步,不過間中有主人都會蹓貓帶佢哋散步。但呢兩隻喵星人Bolt同Keel有啲唔同,因為佢哋去咗行山、露營、划獨木舟,由森林到雪地都挑戰過。呢對喵星人兄弟本來被遺棄喺公園嘅垃圾筒,有好心人發現咗佢哋,諗住送佢哋去附近嘅動物收容所,點知假期無開喎,於是就決定帶埋佢哋繼續自己嘅野外行程。由於本來無預備帶喵星人,所以途中就放佢哋喺外套入面或者背囊內,佢哋仲幫呢兩兄弟開咗個Instagram,直擊佢哋去旅行冒險嘅點滴,好刺激呀!

Read more ›
【嘩7度】喵星人取暖大法 捐入被竇鑽入毛毛boots
by / on 23/01/2016 at 1:00 pm

【嘩7度】喵星人取暖大法 捐入被竇鑽入毛毛boots

今朝起身望一望部手機,嘩,氣溫跌到7度!即刻捐返入暖笠笠嘅被竇,好彩今日係星期六唧。喵星人都好怕凍,網上搜羅咗大量喵星人取暖嘅圖片,捐入被竇捲實自己、瞓喺暖爐頂、鑽入毛毛Boots入面‥‥‥作為一個負責任嘅貓奴,快啲幫主子開個暖爐同冚張毯啦,又或者係時候出去買個毛茸茸嘅屋仔比佢嘞。

Read more ›
【喵美瞳】雙色瞳喵星人網上熱傳 網民:「好似望到宇宙。」
by / on 22/01/2016 at 7:13 am

【喵美瞳】雙色瞳喵星人網上熱傳 網民:「好似望到宇宙。」

貓眼好靚,望入去好似望唔到盡頭,千變萬化,有唔少喵星人都有雙色瞳,兩隻眼唔同色,睇落好靚,醫學上叫呢種做「雙眼虹膜異色症」(Binocular Heterochromia),不過亦有一啲情況係同一隻眼有兩種顏色,稱為Sectoral Heterochromia。最近網上好多人share嘅呢隻喵就屬於後者,佢一隻眼入面一半係黃一半係藍,好特別,網民話望住佢對眼直情好似望到宇宙咁,好誇張。順帶一提,專家話如果喵星人天生兩隻眼唔同色嘅話,唔駛擔心,佢哋嘅視力唔會受影響。不過如果佢哋本來係普通顏色,但之後開始變色嘅話,就要同佢哋去睇醫生嘞,因為可能係Horner Syndrome或虹膜毛樣體炎,各位貓奴記住多啲留意主子對眼嘞。

Read more ›
【真‧朋友】三隻雪橇一隻喵 雪地上喪跑唔怕凍
by / on 21/01/2016 at 7:12 am

【真‧朋友】三隻雪橇一隻喵 雪地上喪跑唔怕凍

作為主人,當然想屋企嘅喵星人同狗狗可以做好朋友,如果好似呢3隻雪橇同喵星人Rosie咁friend就更好嘞。喵星人Rosie六個月前被收養,成為家庭一份子,當時病重嘅佢得到幾位狗友嘅悉心照顧,睇佢由之前嘅貓BB變成而家嘅肥美巨喵,就知佢嘅生活有幾爽。佢哋幾個好朋友仲經常出雙入對出街玩,最新嘅短片就見佢哋一齊出雪地探險,可惜喵星人Rosie腳仔短行得比較慢,但佢唔怕凍,睇見4個肉球喺雪地上印吓印吓,都打咗個冷震。

Read more ›
有片:喵星人拒絕接吻!表情動作超嫌棄
by / on 20/01/2016 at 8:00 pm

有片:喵星人拒絕接吻!表情動作超嫌棄

睇完呢條片,我先知原來喵星人係咁抗拒接吻嘅,輕則扭頭避開兼用個籮柚頂住你,重則直接跳開逃避你,更甚者用手手腳腳撐開你塊面,誓死唔畀主人哄塊面埋嚟,你可能都試過……一向都話喵星人可愛得嚟孤高,有片為證嘞。

Read more ›

【失散兄弟】《星戰》Kylo Ren同喵星人撞樣 9成相似網民熱傳
by / on 20/01/2016 at 7:15 am

【失散兄弟】《星戰》Kylo Ren同喵星人撞樣 9成相似網民熱傳

今集《星戰》做新奸角Kylo Ren嘅Adam Driver,個樣生得幾特別,估唔到咁都會撞樣,而且係同隻喵星人撞。隻喵星人叫Corey,今年兩歲半,無論眼、耳、口同鼻,同Adam Driver都真係好相似,件事最先係由《xoJane》嘅編輯Marci Robin放上Twitter引發,之後好快被網民瘋傳。不過呢隻喵星人唔係壞人所以有好下場,本來喺Monmouth County SPCA動物收容所嘅佢,最近已經俾人領養咗嘞。講真,佢個樣好有個性,應該有喺網絡走紅嘅潛質,加上《星戰》電影嚟緊仲會不停上映,睇好你呀喵星人。

Read more ›
【亂瞓】喵星人瘋狂睡姿圖集     爛瞓動物話瞓就瞓
by / on 16/01/2016 at 12:15 pm

【亂瞓】喵星人瘋狂睡姿圖集 爛瞓動物話瞓就瞓

天寒地凍,每朝早起身都好似酷刑一樣,所以好佩服今個星期日去跑馬拉松嘅各位跑手,預祝當日有好天氣,大家都跑到好成績啦!之所以有感而發,因為見到外國網站搜羅咗大批動物嘅瘋狂睡姿,呢類型嘅題材百看不厭,今次主打喵星人同狗狗,佢哋瞓嘅位置好奇特,例如鑽入臭鞋入面瞓、攤喺主人嘅屁股上面瞓,拉長吊喺梳化邊瞓,攤喺燒烤爐旁邊瞓、甚至食食吓嘢喺食物盤入面瞓‥‥其實我都好想好似佢哋咁,隨時隨地話瞓就瞓,尤其是逢星期一至五。

Read more ›
【喵間有愛】喵星人照顧受傷狗BB 攬住瞓幫舔毛視如己出
by / on 13/01/2016 at 7:13 am

【喵間有愛】喵星人照顧受傷狗BB 攬住瞓幫舔毛視如己出

呢隻比特犬BB Nicolas條命好慘,首先佢出世時有8兄弟,但其中3個已經俾媽媽食咗,之後佢媽媽仲想食埋佢,好彩有人發現將佢救出,之後由網民aleovir收養咗。點知當時得1個月大嘅佢,經常咬自己隻前腳,搞到隻腳受晒傷要包紥,好彩屋企嘅幾隻喵星人好錫佢,成日幫佢舔毛,又會攬住佢一齊瞓,直情當佢係自己個女咁,睇相都覺得好溫馨,邊個話喵星人冷漠架?而家狗狗Nicolas經過悉心照顧,已經健康成長,仲越嚟越大隻,好幸福。

Read more ›
【無得輸】暖男與喵星人IG圖集 囡囡睇到心都融埋
by / on 13/01/2016 at 7:12 am

【無得輸】暖男與喵星人IG圖集 囡囡睇到心都融埋

有愛心又鍾意小動物嘅男人特別吸引,如果個樣又靚仔,仲有一身結實肌肉,嗚呀,真係無得輸!Instagram有個專頁叫「hotdudeswithkittens」,入面有大量暖男同喵星人影嘅合照,好可愛呀!我指啲喵咋!而家個IG已經有超過4萬個followers,鍾意貓嘅囡囡應該會睇到個都融埋。咩話你係男人?咁當參考吓啦,可能攞到靈感幫自己個FB轉頭像喎。

Read more ›
【真‧旅遊達人】喵星人都有passport 兩歲仔遊山玩水
by / on 12/01/2016 at 7:14 am

【真‧旅遊達人】喵星人都有passport 兩歲仔遊山玩水

做貓做到有自己嘅passport,就算唔係BNO都係威嘅。呢隻只得兩歲嘅西伯利亞貓Gandalf個樣雖然串串貢,但抵佢得戚。佢喺韓國被收養,而家住喺美國加州,主人喺佢幾星期大時發現佢好鐘意出街,之後經常帶佢周圍玩,冰天雪地、森林,上山下海,而家已經去咗美國嘅9個州份遊覽,嚟緊仲諗住舉家移民去紐西蘭,好幸福。BTW,佢個樣真係好有個性,又霸氣又型。

Read more ›

有片:喵星人開飯 不忘祝大家2016新年快樂
by / on 11/01/2016 at 8:45 pm

有片:喵星人開飯 不忘祝大家2016新年快樂

容我在此大聲疾呼,貓係好可愛好可愛嘅動物,就算唔係貓奴都好應該尊重生命,虐貓殺貓毒貓吊貓者,本人咒佢天誅地滅,不得好死,兼享長命百歲,六十歲開始坐輪椅,八十歲開始長訓床打點滴,打到一百歲為止……Sorry,一時火燒心離題咗,正式介紹番呢個YouTube頻道「10 Cats.」,有極多喵星人短片睇,又係貓奴必看,而本人則甚鍾意呢條短片,一隻二隻貓掛住耷低頭食糧,不覺主人已經透過糧兜擺放位置,利用佢哋身軀砌咗「HAPPY NEW YEAR 2016」字樣,貓仔祝你新年快樂,Like。

Read more ›
【新片速報】喵星人試玩BB-8 Droid合集 原來個頭好易甩
by / on 10/01/2016 at 3:14 pm

【新片速報】喵星人試玩BB-8 Droid合集 原來個頭好易甩

呢隻BB-8 Droid都出咗一段時間,可以用手機操控走嚟走行,聽講唔少貓奴都乘機買咗隻返去同喵星人玩。咁究竟班主子玩唔玩呢?之前都有唔少試玩片,最近外國有人一次過將好多段喵星人嘅試玩後片剪接成一段2分半鐘嘅短片,比準買家參考吓。睇片見班喵星人都好好奇,會追住隻BB-8嚟抓,不過BB-8 Droid個頭就好易甩。另外我哋發現玩得最開心嘅唔係一班喵星人,而係控制住隻BB-8嘅主人,佢哋玩到依娃鬼叫,擺明就係利用喵星人比個藉口自己買新玩具啦。

Read more ›
【洋貓】英國喵星人火速走紅 長駐超市監視人類
by / on 09/01/2016 at 2:56 pm

【洋貓】英國喵星人火速走紅 長駐超市監視人類

最近呢隻喺倫敦超級市場Sainsbury’s被發現嘅6歲肥喵Olly Oliver好紅,最先係上年11月佢被發現喺超市入面周圍巡遊,之後俾職員趕走咗,不過佢無放棄,之後每日都要去超市行一次先安樂,有時會居高臨下企喺貨架頂監察人類買嘢,有時又會跳入貨架休息,職員都無佢符,而當地顧客亦習慣咗佢嘅存在。好嘞,咁究竟肥肥白白嘅佢喺邊度嚟?後來有人發現原來佢係有人養嘅,主人屋企就喺超市旁邊,屋企仲有隻灰色毛嘅喵星人兄弟。唔,果然外國嘅空氣係自由啲,唔止人類,連貓都生活得自由自在,好羨慕!

Read more ›
【有片】單眼喵星人變滑浪高手    無懼風浪超勇敢
by / on 08/01/2016 at 7:13 am

【有片】單眼喵星人變滑浪高手 無懼風浪超勇敢

Nanakuli係一隻好英勇嘅喵星人,佢之前被遺棄,好彩之後有好心人Alexandra Gomez同Krista Littleto收養。由於眼部受感染,最終佢要做手術移除其中一隻眼。喺療養期間,主人幫佢沖涼時發覺佢原來好鍾意水,所以當佢好返之後,主人就決定帶佢出海滑浪慶祝!睇片見佢坐喺塊滑板上一臉威風就戥佢開心。不過話就話滑浪,主人其實都係放佢喺浮板做吓樣影吓相,而喺片中仲見唔怕死喺海中暢泳,同一般怕水喵星人唔怕,好勇敢。有咁錫自己嘅主人,以後幾大風浪都唔駛怕喇!

Read more ›

本週人氣

24282 views

千年一遇橋本環奈 肥肥哋好可愛

9177 views

到底係咩?日本Gundam迷發現 元祖高達從未立體化裝備!

6282 views

日本調查 最多人搜尋明日花 松下紗栄子最啱老人家

6127 views

男女性搜尋成人關鍵字係咩?女性第2位竟然係「痴漢」

4867 views

日本網民熱傳Cara Delevingne中性造型 皇室婚禮成焦點