Post Tagged with: "可愛"

【新造型】超可愛日本鸚鵡仔 加塊布性感又可愛
by / on 16/02/2017 at 7:15 am

【新造型】超可愛日本鸚鵡仔 加塊布性感又可愛

小小嘅道具,就可以令呢兩隻日本嘅鸚鵡仔脫胎換骨!佢嘅主人對佢哋好好,諗到幫佢哋加塊布仔轉個新造型,睇落性感得嚟又可愛,受歡迎程度即時上升!有無人有興趣試吓?

Read more ›

【相集】日本可愛狗狗又變裝 天氣凍化身街頭小食檔主
by / on 13/02/2017 at 8:02 am

【相集】日本可愛狗狗又變裝 天氣凍化身街頭小食檔主

之前都介紹過呢兩隻日本狗狗,主人最近又幫佢哋轉新造型,趁天氣凍佢哋化身做街頭賣小食嘅店主,不過咁凍都要開工,佢哋個樣似乎好無奈。不如玩完快啲餵佢哋食零食,再開著個暖爐慰勞吓佢哋啦。入嚟仲有幾個古怪造型睇,連龍珠同ONE PIECE都扮埋,今個月主人明顯好得閒。

Read more ›
【超可愛】六隻黑喵待領養 媽媽被遺棄獲好心義工照顧
by / on 12/02/2017 at 7:12 am

【超可愛】六隻黑喵待領養 媽媽被遺棄獲好心義工照顧

今次真係名副其實買一送六嘞。呢隻黑色喵星人Belle嘅前主人因為搬屋而遺棄佢,好心嘅鄰居一直有餵佢,直至發現佢原來有咗BB。由於天氣越嚟越凍,鄰居最終通知咗動物協會LAPS幫忙。最近呢隻黑貓媽媽Belle生咗6隻B,全部都係烏黑嘅毛色,企埋一齊影相超可愛。據知佢哋雖然貓仔細細,但就好大食。希望佢哋快啲搵到新主人,過住幸福快樂嘅生活啦。

Read more ›
【新片速報】超可愛狗狗反肚「請請」  唔准停任摸唔嬲
by / on 12/02/2017 at 7:11 am

【新片速報】超可愛狗狗反肚「請請」 唔准停任摸唔嬲

太得意嘞!唔分享出嚟真係對唔住大家。段片喺IG好多人睇,片中住喺韓國嘅狗狗唔止反肚任摸,仲識做「請請」手勢。每當主人摸摸吓停手時,佢就會做「請請」動作,似乎想叫主人唔好停繼續摸,個樣仲好嘆好可愛,睇完我都想摸吓佢呀!入嚟仲有多啲佢嘅近照睇,圓頭圓面圓鼻,可愛到暈。

Read more ›
【圖集】超可愛「正方動物」系列    四四方方似《塊魂》
by / on 10/02/2017 at 11:12 am

【圖集】超可愛「正方動物」系列 四四方方似《塊魂》

唔知係咪玩得《塊魂》多,呢位印尼藝術家Aditya Aryanto好沉迷於立方體,仲整咗個相集系列,將不同嘅動物用Photoshop變成四四方方。好考功夫仲好花時間,受到佢加工嘅動物包括有狗仔、北極熊、長頸鹿、貓頭鷹、老虎、企鵝等等,效果超得意!

Read more ›
【圖集】日本可愛黑貓扮接待員 伸懶腰超奔放
by / on 10/02/2017 at 7:17 am

【圖集】日本可愛黑貓扮接待員 伸懶腰超奔放

一直都好鍾意黑貓,呢隻日本喵星人雖然毛色黑黑,但表情好豐富,眼仔碌碌好似漫畫樣,而且肢體動作好美妙。有網民去咗呀妹屋企,見到呢隻可愛貓仔,見到佢坐得咁直,仲同佢玩開店關店扮reception。不過好快喵星人有啲悶就走咗去伸懶腰同賣萌,啲相超可愛,睇見都想摸吓佢呀!

Read more ›

【新片速報】日本網民同雞仔玩「捐山窿」 超可愛排隊玩
by / on 09/02/2017 at 10:00 am

【新片速報】日本網民同雞仔玩「捐山窿」 超可愛排隊玩

細細個返嫏下,見到啲出世無耐嘅雞仔真係覺得佢哋好得意。不過大個咗成日食佢哋,而家都唔好意思同佢哋玩。日本呢位網民就唔同,養咗4隻雞仔,行路彈吓彈吓好得意,佢仲同佢哋玩「捐山窿」,將隻手弓起俾佢哋捐,估唔到4隻雞仔咁乖排住隊入去,段片喺Twitter好受歡迎,不過有網民就留言討論雞肉乜嘢時候食最正‥‥‥

Read more ›
【新片速報】日本可愛雀仔被笠頭    寵物唔易做
by / on 08/02/2017 at 9:00 am

【新片速報】日本可愛雀仔被笠頭 寵物唔易做

  今時今日做寵物真係唔易,經常要陪主人玩啲無聊遊戲。呢段片喺Twitter好多人分享,主人專登畫咗呢隻雀仔嘅卡通面相,之後整成個紙筒,然後就不停重覆笠喺雀仔個頭上。而隻雀仔全程都交足戲,睇落好似玩得好開心咁。好嘞,玩完係時候餵我食嘢嘞!

Read more ›
【連環圖】阿部寛都賣萌      可愛狗仔捐褲浪Twitter熱傳
by / on 07/02/2017 at 7:20 am

【連環圖】阿部寛都賣萌 可愛狗仔捐褲浪Twitter熱傳

阿部寛又高大又有男人味,好難同個「萌」字連上關係喎。不過噚日有網民就cap咗電視節目嘅圖上Twitter,將阿部寛極萌嘅一面顯露出嚟。當時阿部寛抱住一隻出世唔夠一個月嘅老虎狗仔,大大隻嘅阿部寛表現得好緊張,之後隻狗仔仲捐入佢嘅褲浪,阿部寛即刻捉返佢出嚟,仲忍唔住好開心咁笑咗出嚟。幾張連環圖喺Twitter好多人分享,講真真係幾可愛嘅,我指隻狗仔同阿部寛。

Read more ›
【圖集】日本喵星人扭蛋 伸懶腰打喊露超可愛
by / on 07/02/2017 at 7:13 am

【圖集】日本喵星人扭蛋 伸懶腰打喊露超可愛

之前出過舔毛貓、坐水煲貓,日本扭蛋公司EPOCH今次出貓奴最愛嘅伸懶腰貓!一式六款,其中三款係坐喺度擘大個口打喊露嘅款式,另外三款係一邊伸懶腰一邊打喊露,各有特色,但全部都勁治癒,好想儲齊一套呀!今個月推出,貓奴要留意嘞。

Read more ›
【新片速報】日本超可愛柴犬彈高打招呼 彈跳力驚人Twitter熱傳
by / on 03/02/2017 at 11:00 am

【新片速報】日本超可愛柴犬彈高打招呼 彈跳力驚人Twitter熱傳

自由嘅空氣真係好可貴架!日本呢段影片最近喺Twitter熱傳,有主人帶隻狗狗散步,途中經過一間有養狗嘅屋,屋入面嘅柴犬狗狗可能悶咗好耐,喺個窗口仔聞兩聞之後就瘋狂彈跳,圍牆好高,但無阻佢嘅熱情奔放,彈到勁高只係為咗同朋友仔say hello,超可愛!希望主人快啲帶佢出街散步見吓啲朋友仔啦。

Read more ›

【圖集】日本超可愛喵星人 捐手袋伸肉球say hi
by / on 01/02/2017 at 11:04 am

【圖集】日本超可愛喵星人 捐手袋伸肉球say hi

呢位日本貓奴養咗5隻喵,平時應該好唔得閒。最近佢將左邊呢張相放上Twitter,即時吸引好多人RT。主人話朝早怱忙趕返工,點知見到隻喵原來捐咗入去佢手袋,佢即刻忍唔住影張相。最正係喵星人咁啱伸咗隻肉球出嚟打招呼,個樣仲笑笑口超可愛。入嚟有多啲呢隻白喵嘅相睇,睇嚟佢性格都幾溫馴。BTW,你哋明白點解貓奴成日遲到啦,臨出門口都俾佢哋引到,好難準時出門架。

Read more ›
【新片速報】日本超可愛鴨鴨    笑住瞓晏覺Twitter熱傳
by / on 31/01/2017 at 10:12 am

【新片速報】日本超可愛鴨鴨 笑住瞓晏覺Twitter熱傳

估唔到鴨仔都有咁嗲咁可愛嘅一面!日本有網民放咗段片上網,佢隻鴨仔四腳朝天坐咗喺佢嘅大髀上面,一邊曬太陽一邊瞓晏覺,個樣仲好嘆。主人間中仲會用手搓吓鴨仔個肚,睇返鴨仔個笑容真係極幸福,喺日本似乎做鴨都特別開心。

Read more ›
【新片速報】日本喵星人自high撳撳 超可愛Twitter熱傳
by / on 26/01/2017 at 11:00 am

【新片速報】日本喵星人自high撳撳 超可愛Twitter熱傳

人哋話喵星人雙手不停交替撳撳,即係表示佢哋好開心,呢隻喵星人最喺日本好紅,佢嘅撳撳片喺Twitter好多人分享。今次佢表演凌空撳撳,好似玩搓手咁,仲開心到撳撳吓翻轉身,睇嚟佢應該自覺好幸福。BTW,如果你隻貓都有呢個癖好,甚至會跳上你個身度撳撳你,真係開心死呀。

Read more ›
【回不去了】日本冬甩獅子加頭箍      一物兩用即時變可愛
by / on 25/01/2017 at 11:00 am

【回不去了】日本冬甩獅子加頭箍 一物兩用即時變可愛

有頭髮邊個想食咖哩?我諗呢隻公仔都係咁諗。認唔認得佢?係賣冬甩嗰隻獅子,不過冇咗個冬甩,於是佢嘅日本主人好細心,見佢個頭圓圓哋光光哋,決定加啲嘢俾佢,就係將條紥頭髮嘅橡筋圈住佢,一物兩用!戴咗頭箍嘅佢即時可愛晒,笑容返晒嚟!啲相放上Twitter後好多人RT,大家都讚佢有心思,至於隻公仔,試過新造型,以後都返唔到轉頭嘞!

Read more ›

人氣話題

1) 【2018出GAME表】 7月至8月 [PS4 / XBox One / Switch / PC / 3DS / PS Vita] - 12622 Views
2) 個樽靚喎!Evangelion x 沙嗲王後日始動 - 10805 Views
3) 【多圖】「店員」Twitter出圖 秋葉原「野郎ラーメン」變《閃乱カグラ》主題店 - 10498 Views
4) 冇電話冇相機點算好?圍影Coser奇妙龍 - 10331 Views
5) 【有片】C94 Coser 又嚟《工作細胞》白血球 - 9365 Views