Post Tagged with: "動物園"

【新片速報】日本動物園超可愛「小熊貓」   爛瞓片Twitter熱傳
by / on 07/01/2019 at 7:54 am

【新片速報】日本動物園超可愛「小熊貓」 爛瞓片Twitter熱傳

呢隻住喺日本動物園嘅「小熊貓」最近喺Twitter好紅,佢段瞓覺片揭露咗佢有幾爛瞓。睇片見佢全身放鬆,只係將個頭放上條樹幹度,之後仲要瞓到左搖右擺,超搞笑。想探佢可以去「群馬野生動物園」,入嚟有片睇。

Read more ›

【新片速報】日本動物園貓科「兔猻」 玩老鼠影片Twitter熱傳
by / on 04/11/2018 at 2:09 pm

【新片速報】日本動物園貓科「兔猻」 玩老鼠影片Twitter熱傳

呢隻叫「兔猻」嘅貓科動物,個樣好似一個智慧老人咁,不過行為都好小朋友嘅。日本有網民去咗動物園「那須どうぶつ王国」探佢,發現佢間玻璃屋前面有條透明管道,入面有老鼠走嚟走去引佢,不過隔住個窗嘅佢抓極都抓唔到,好可憐呀!入嚟有片睇。

Read more ›
【有片】日本動物園「藪貓」 耳仔又圓又高超可愛
by / on 30/05/2018 at 7:33 am

【有片】日本動物園「藪貓」 耳仔又圓又高超可愛

日本動畫《動物朋友》入面有藪貓,現實生活都有,而且佢哋真係好得意!有日本網民放咗愛媛縣「とべ動物園」嘅新相上Twitter,隻藪貓仲食緊草好得意!吸引好多人RT。其實佢哋係產自非洲嘅中型貓科動物,體長85cm,平均壽命有12-20年。出名腿長尾短,最得意係對耳又高又圓,鍾意貓嘅朋友應該會特別鍾意佢哋。

Read more ›
日本超驚嚇動物園告示牌 松鼠張牙舞爪咬BB
by / on 26/03/2018 at 8:42 am

日本超驚嚇動物園告示牌 松鼠張牙舞爪咬BB

日本經常會有畫晒公仔嘅指示牌提醒遊客,有時啲畫仲幾迫真。最近有日本網民分享咗東京「町田リス園」嘅一塊告示牌,呢個係松鼠樂園,不過園方就提醒遊客,話部份松鼠會對BB作出攻擊性嘅行為,叫大家小心啲。留意返隻松鼠個樣,真係畫得超兇狠,張牙舞爪,唔好話BB,連個大人都嚇到啲頭髮豎起晒,不過又畫得幾搞笑嘅。

Read more ›
動物園吸煙房出現「瀕臨絕種動物」介紹牌 超搞笑Twitter熱傳
by / on 10/12/2017 at 2:09 pm

動物園吸煙房出現「瀕臨絕種動物」介紹牌 超搞笑Twitter熱傳

日本嘅煙民為數眾多,不過近年政府開始收緊條例,例如加煙草價格同埋減少吸煙場地,日本煙民有望越嚟越少。最近有網民就放咗張動物園常見嘅「動物介紹牌」上Twitter,話之前喺某動物園嘅吸煙玻璃房外出現過,張介紹牌嘅主角係「煙民(喫煙者)」,話佢哋係瀕臨絕種嘅靈長類動物,簡介話佢哋分佈全球,而日本嘅數目就越嚟越少,佢哋平時會吸食煙草,唔食會出現異常行為,食咗就會好開心咁。張相喺Twitter好多人分享,大家都讚好幽默,好想放張喺公司嘅吸煙房,不過據講張牌好快已經喺動物園內被消滅嘞。

Read more ›
日本動物園不可思議事件 走失30隻松鼠尋回38隻!
by / on 15/11/2017 at 7:07 am

日本動物園不可思議事件 走失30隻松鼠尋回38隻!

今日好多日本網民談論呢單新聞,話說井之頭公園因為颱風破壞咗啲籠,令到動物園裡面30隻松鼠仔逃走咗。工作人員四出拯救佢哋,最終捕獲返38隻松鼠再送返去動物園度。網民都好驚訝點解捕獲嘅數量會多咗!唔通有啲之前逃走咗嘅被遣返?又或者本來自由自在嘅而家被誤捉咗?無論如何,相信都可以寫入松鼠仔嘅黑歷史入面。

Read more ›

【新片速報】日本動物園熊貓片Twitter熱傳     媽媽超緊張突然彈起
by / on 11/11/2017 at 12:02 pm

【新片速報】日本動物園熊貓片Twitter熱傳 媽媽超緊張突然彈起

日本人一向好鍾意熊貓,最近日本嘅上野動物園就多咗隻熊貓B嘞,而家接近半歲,啱啱動物園嘅官方Twitter就放咗好多新相新片,其中一段影到熊貓媽媽同熊貓B嘅日常生活,當時媽媽坐喺到開緊餐,可能聽到後面有啲聲,太緊張嘅佢即時大動作彈起,係愛呀!仲超可愛!段片喺Twitter好多人RT,去開東京記住去探吓佢哋嘞。

Read more ›
【連環圖】日本動物園雪豹仔學跳躍    驚驚青青超可愛
by / on 07/11/2017 at 7:40 am

【連環圖】日本動物園雪豹仔學跳躍 驚驚青青超可愛

日本嘅多摩動物公園好多得意動物,最近受囑目嘅就有呢隻雪豹仔。最近連環圖見到大豹教佢跳落地,佢似乎好驚好驚,大豹仲用心推一推佢,跟住佢兩腳一伸,係勇氣呀!不過真係超可愛!

Read more ›
日本動物園「豚鼠」排排企    超可愛似迴轉壽司
by / on 23/09/2017 at 7:38 am

日本動物園「豚鼠」排排企 超可愛似迴轉壽司

豚鼠同倉鼠有啲似樣,不過再肥啲,感覺再蠢少少。最近「日立市かみね動物園」放咗佢哋啲相上Twitter,一班豚鼠一字排開超可愛,好似排緊隊咁好有秩序,有人話似燒肉卷,有人話似迴轉壽司,似乎大家都好肚餓喎!

Read more ›
日本金沢動物園 超可愛樹熊表情勁似改圖
by / on 09/09/2017 at 11:41 am

日本金沢動物園 超可愛樹熊表情勁似改圖

一日都係張改圖,而家每似見到樹熊,都好自然諗起「唔L係啩」。日本嘅金沢動物園最近有幾隻樹熊加入成為新成員,職員幫佢哋量體重,仲放咗幾張相上Twitter,好可愛。但係你睇吓右下角嗰隻?係咪又諗起張改圖先?

Read more ›
日本動物園「藪貓」食飽潛力圖     Twitter熱傳網民狂貼圖
by / on 30/05/2017 at 12:11 pm

日本動物園「藪貓」食飽潛力圖 Twitter熱傳網民狂貼圖

自從《動物朋友》之後,藪貓越嚟越受歡迎,喺日本嘅多摩動物公園都有一隻,最近仲成為咗網民焦點。事緣有網民拍攝到佢開餐嘅一幕,飼養員吊起塊生肉俾佢食,伸直跳起嘅佢,食完之後居然做咗個挺胸收腹嘅動作!由於動作太特別太具潛力,網民開始不停貼圖改圖,有人話好似C朗,有人貼撒亞人,最後連龍珠嘅破壞神都出埋,好正,入嚟慢慢欣賞。 

Read more ›

日本企鵝爺爺愛上《動物朋友》 動物園抽水出苦戀特飲
by / on 21/05/2017 at 4:55 pm

日本企鵝爺爺愛上《動物朋友》 動物園抽水出苦戀特飲

仲記唔記得呢隻陷入二次元苦戀嘅日本企鵝爺爺?佢同《動物朋友》紙牌女嗰段愛情故事令佢茶飯不思繼而被隔離,好彩最近佢情況好轉出咗獄。至於東武動物公園方面,見件事反應咁好,都用盡企鵝爺爺做宣傳,除咗精品部用咗爺爺做特寫之外,仲出咗杯葡萄雪糕特飲,期間限定賣400円。好多網民都話要去試吓。可憐嘅企鵝爺爺,唔止得唔到愛情,仲被瘋狂抽水,慘慘豬。

Read more ›
名古屋動物園新Menu    「樹熊雪糕」理想與現實?
by / on 20/05/2017 at 2:23 pm

名古屋動物園新Menu 「樹熊雪糕」理想與現實?

有無去過名古屋嘅「東山動物園」?最近佢哋推出咗幾款美食,全部以動物做主題,有樹熊、長頸鹿、老虎、羊咩,每款都好高質,而且唔算貴,我最鍾意都係朱古力樹熊雪糕,圓得嚟仲有兩塊餅仔食吓。不過有網民放咗另外一款樹熊雪糕嘅圖出嚟,睇完即時噴水。之後有網民放咗另一張真實圖,還原度都好高,去開名古屋記住試吓嘞!

Read more ›
【新片速報】日本水豚溫馨進食片      一條草兩份食超sweet
by / on 22/04/2017 at 11:55 am

【新片速報】日本水豚溫馨進食片 一條草兩份食超sweet

喺日本做水豚真係好爽,冬天可以浸溫泉,嚟到春天又可以悠悠閒食吓草。呢段片影住兩隻水豚瞇晒眼食草,不過留意佢哋其實食緊同一條草,即係好似一齊食一支百力滋咁sweet。條草就越食越短,最後佢哋會唔會唔覺意kiss咗?入嚟有片睇。

Read more ›
日本Cosplay闖入動物園影相 角色太似動物職員勸阻
by / on 22/04/2017 at 11:43 am

日本Cosplay闖入動物園影相 角色太似動物職員勸阻

最近日本2ch網民熱烈討論呢輯相,話說有cosplay成《動物朋友》(けものフレンズ)角色サーバル嘅日本女仔去咗動物園影相,可能佢太似貓科動物藪貓,有人作出舉報,之後職員好快手跑過嚟,再帶佢哋去無動物嘅場所。網民都大讚好好笑,有人留言話:「會嚇親啲動物哦」、「好慘佢唔被當成cosplay」、「咁樣係妨礙營業,要判死刑」,怪只怪今次實在太似動物同類嘞。

Read more ›

本週人氣

10696 views

日本怕凍貓坐太近暖爐 貓鬚鬈晒好可憐

8110 views

本名再現!25歲三上悠亜出圖回憶成人式

7779 views

睇咗未?36歲深田恭子新日劇開播 網民截圖話好可愛

6258 views

【有片】全100期《Gundam MS Bible》 每期一機體超詳盡介紹

5663 views

今個月有得扭 扭蛋球狀變高達頭