Post Tagged with: "便利店"

北海道地震便利店被清空 「激辛辣麵」無人買
by / on 08/09/2018 at 1:40 pm

北海道地震便利店被清空 「激辛辣麵」無人買

北海道地震由6.7級更新到7級,地震引發嚴重停電,便利店嘅食物亦被搶購一空,不過有網民發現貨物架上面竟然有嘢剩!就係幾盒寫住「激辛MAX」嘅辣麵。呢幾盒被形容為地獄級辣麵,似乎大家都諗住等到絕境先考慮。咁都係嘅,食完勁辣又要飲大量水,似乎唔適合喺呢個時候挑戰。不過有網民發現其實入面嘅辣醬可以分開落,咁買嚟應急都仲可以嘅,不過自己落調味啦。

Read more ›

日本無良司機亂泊便利店 泊足兩年罰款990萬円
by / on 30/07/2018 at 7:39 am

日本無良司機亂泊便利店 泊足兩年罰款990萬円

去日本自駕遊其中一個好處就係便利店外有大量泊車位,方便駕駛人士買完嘢繼續旅程。不過呢啲免費泊車位都會俾人濫用。7月26日大阪市有單法庭案件,有個車主連續兩年違例將架車泊喺一間便利店門外嘅泊車位,由2013年至2015年總共泊咗超過1萬小時,而且總共係兩架車!便利店職員多次口頭同書面警告事主,不過都無人理。最終法庭判呢位車主要賠償990萬円,即係大概70萬港幣左右,不過事主就無現身法庭。好多網民都質疑便利店最終會唔會收到筆錢。入嚟有更多詳情。

Read more ›
日本7-11有生啤賣 一杯100円超抵飲
by / on 15/07/2018 at 11:34 am

日本7-11有生啤賣 一杯100円超抵飲

日本人鍾意飲啤酒,嚟緊就算去7-11便利店都唔只可以買罐裝,仲可以買杯裝生啤!7月17日即係過兩日就開始有,細杯只係100円,中杯都係190円,夏天熱辣辣隨時飲番杯應該好爽!

Read more ›
【有片】日本專業便利店員 見客人即飛身收銀
by / on 05/07/2018 at 5:05 pm

【有片】日本專業便利店員 見客人即飛身收銀

你有冇試過,拎住支嘢飲去到櫃台,但店員不斷好專心咁做其他嘢,或者好專心咁同另一位職員傾緊計而到你大嗌唔該佢先施施然伸隻手出嚟拎你支嘢去嘟?又有冇試過去到櫃台見冇人,嗌其唔該收錢都係冇人理你,原來店員好專心咁執緊貨?如果去到日本埼玉縣富士見野市呢間便利店,你一定唔會遇到以上情況……只會讚佢太好身手。

Read more ›
幫襯邊間好?日本7-11隔籬又開7-11
by / on 01/07/2018 at 1:05 pm

幫襯邊間好?日本7-11隔籬又開7-11

便利店梗係要便利啦,你喺香港見過最多一條街有幾多間7-11?估唔到係日本咁多地方都會咁樣開。有日本網民出圖,見到一間7-11開正喺另一間7-11隔籬,之後就有其他網民出圖,話其實喺屋企附近都有見過Lawson隔籬有Lawson,原來好多咁嘅情況……如果開咁近,不如另一間叫三哥啦?

Read more ›
又係咁?日本便利店入多貨 店員美圖促銷意粉
by / on 18/05/2018 at 7:29 pm

又係咁?日本便利店入多貨 店員美圖促銷意粉

之前都試過有類似嘅嘢,就係店員入多咗某件貨品嘅貨,之後就出告示話自己入多咗貨,希望大家幫手買啦(有回帶)。咁大家都好樂意出手幫忙嘅,冇所謂啦橫掂都要食嘛。啱啱有日本網民出圖,係附近嘅7-11入多咗肉醬意粉,而且幅圖仲畫得好靚,咁可愛,梗係要幫手啦!亦都有人研究圖中店員手拎住嘅係咩……

Read more ›

日本夏天最強飲品 便利店買3樣嘢自己組合
by / on 27/04/2018 at 12:05 pm

日本夏天最強飲品 便利店買3樣嘢自己組合

好羨慕日本嘅便利店乜都有得買,包括一包包嘅生果同埋冰杯。最近有日本網民分享咗佢嘅夏天消暑秘方,買一包生果(款式隨意),再加多罐Strong Zero同一個冰杯,溝埋一齊就係夏天最強飲品,下次去日本試吓先!不過留意返Strong Zero有9%酒精含量架。

Read more ›
日本超矮細7-11便利店     網民最新觀光地
by / on 14/04/2018 at 8:35 am

日本超矮細7-11便利店 網民最新觀光地

最近日本新潟呢間有一半埋喺地窖嘅7-11便利店成為咗網民焦點,間店外面睇好矮好矮,被形容為「超天井の低いセブンイレブン」。有網民話好似航空管制塔,仲有好多人專程去觀光影相,入嚟有多啲相睇。

Read more ›
日本便利店新款「便當」 單手拎住食超方便
by / on 22/02/2018 at 7:09 am

日本便利店新款「便當」 單手拎住食超方便

去親日本旅行,總會有幾餐喺便利店食,最常買應該係飯團或者便當?最近便利店Mini Shop推出咗呢款便當,一塊大紫菜,入面包住飯、炸魚、竹輪、雞蛋同埋鰹魚碎,方便啲人用一隻手就可以食到,最啱趕搭車趕shopping想快趣搞掂一餐嘅人,睇落仲幾好味。而家開始喺Mini Shop有得買,每個260円,去開日本可以試吓吖。

Read more ›
日本便利店名物 士多啤梨三文治試過未?
by / on 26/01/2018 at 7:39 am

日本便利店名物 士多啤梨三文治試過未?

有無人食過呢款士多啤梨三文治?睇落有啲怪其實勁好味。呢款三文治喺日本嘅便利店經常出現,而且好受歡迎。有網民fans就放咗張相上Twitter,有齊幾間主要嘅便利店嘅士多啤梨三文治,包括7-11、Family Mart、Lawson同Mini Stop,價錢最貴係Family Mart嘅Premium,賣369円,不過睇落嚿士多啤梨紅啲大粒啲,應該會甜啲!另外,原來上年栃木同茨城嘅7-11仲出過黑色特別版,麵包係朱古力味嘅,樓主話好好味。

Read more ›
「星之卡比」肉包Lawson有得買      唔算崩壞喜出望外
by / on 21/11/2017 at 7:17 am

「星之卡比」肉包Lawson有得買 唔算崩壞喜出望外

今年係星之卡比嘅25周年紀念,之前公佈咗同日本便利店Lawson合作推出一系列精品,其中當然唔少得經常崩壞嘅話題作品 ─ 肉包!之前大家都見識過唔少失敗作,最經典當然係史萊姆,咁今次效果又點呢?噚日開始發售,有日本網民買咗個返屋企,睇落又唔差喎,起碼仲係圓形,眼耳口鼻都齊整,簡直可以用靚字嚟形容。至於餡方面就係雞肉蕃茄味,去開Lawson記住挑戰吓。另外現場仲有大量精品發售,包括杯、文具、掛飾,甚至盆栽都有。

Read more ›

【呢招好笑】便利店又落錯單 運程表促銷 11星座食佢有好運
by / on 13/11/2017 at 3:16 pm

【呢招好笑】便利店又落錯單 運程表促銷 11星座食佢有好運

日本好多店舖都會落錯單入錯貨,真定假唔係重點,重點係佢哋有咩手法促銷。之前就喺網上求救啦,最新就係放個運程表喺隔籬,寫住12星座入面,11個星座嘅幸運物件都係呢款「緑のたぬき」蕎麥麵……咁剩番個星座呢?巨蟹座係要食「かにぱん」喎,唔通呢個都多貨?

Read more ›
日本便利店「劍道初段」店員     木刀成功嚇走賊仔
by / on 17/10/2017 at 7:49 am

日本便利店「劍道初段」店員 木刀成功嚇走賊仔

學劍道唔止身體健康啲,見到有賊個人都大膽啲。最近日本新聞報導喺靜岡市嘅OK便利店有賊,不過個店員係「劍道初段」,竟然拎出把木刀出嚟,之後成功嚇退賊人。件事喺Twitter好多人RT,係型嘅,不過似乎有啲危險。

Read more ›
遲早冇店員?日本便利店變自動售賣機
by / on 19/09/2017 at 2:00 pm

遲早冇店員?日本便利店變自動售賣機

早幾日先見到話大陸會有無人便利店,自己買嘢自己嘟,如果國民質素高,自律性好,係得嘅。日本啱啱都有類似嘅嘢,就係將便利店變成自動售賣機店,不過其實有時夜欄人靜,落便利店冇個店員見吓,問吓你要唔要膠袋儲唔儲,感覺會唔會更加寂寞肚餓凍?

Read more ›
便利店有柴賣 日本網民:「好出奇咩?」
by / on 05/09/2017 at 3:57 pm

便利店有柴賣 日本網民:「好出奇咩?」

香港嘅某啲便利店,好似都有炭賣,要嚟燒嘢食嘛。不過柴就真係唔會啦。不過喺日本人眼中,便利店有柴賣就唔算好特別,有網民話喺仙台嘅便利店會有,隔籬山形縣嘅都會有,秋天、「芋煮会」舉行季節時都好普通……

Read more ›

本週人氣

9666 views

【有片】可愛到癲!「你點解嚟日本?」節目 日本網民狂讚16歲波蘭妹妹

7902 views

日本「裝銀仔」神器 網民推介Twitter熱傳

7521 views

Nintendo Switch Online遊戲列表 20隻經典周三有得玩

6591 views

我就是高達!舞台劇《機動戰士Gundam 00》角色登場

6263 views

機迷出圖 如果出Marvel’s Iron Man遊戲