最新資訊

【新片速報】3個扭計骰邊拋邊扭   超越人腦20秒扭完
by / on 18/03/2016 at 7:12 am

【新片速報】3個扭計骰邊拋邊扭 超越人腦20秒扭完

好瘋狂,玩扭計骰已經難,仲要一次過玩3個,仲要一邊拋一邊玩,呢位神人rubocubo真係做到!而且只係用咗20秒,係咪魔術嚟架?有網友話人腦根本唔可能做到,亦有人問係咪將條片倒帶翻播,主角就自己喺YouTube回覆否認咗,佢話如果倒帶嘅話會好唔自然一定會睇得出,成件事好神奇,入嚟睇片研究吓。

Read more ›

宣傳新碟推出 「清水みさと」ig出體操圖
by / on 17/03/2016 at 10:54 pm

宣傳新碟推出 「清水みさと」ig出體操圖

呢位1992年3月5日出生嘅「清水みさと」,啱啱24歲,擁有F Cup身材,2012年11月20日發生第一本寫真《ハニカミ果実》,連續7隻DVD都登上過DVD寫真第1位,嚟緊聽日(18日)就係佢第10作《みさとへ》發售日子,佢喺Instagram放咗兩張新體操服嘅寫真……當然,有大量回帶圖,聽日星期五喇!睇到最後當然有Bonus。

Read more ›
有片:好詭異!將KitKat釀入3 Musketeers!朱古力大手術=植入式廣告?
by / on 17/03/2016 at 9:00 pm

有片:好詭異!將KitKat釀入3 Musketeers!朱古力大手術=植入式廣告?

又手術刀又鐵鉗又砧板又盛,燈光又調校到灰灰暗暗,仲要戴埋手套添,唔知仲以為睇緊甚麼血腥肢解恐怖片。肢解就肢解嘞,不過係肢解朱古力條啫,畫面著實詭異,但見片中人兄煞有介事雕空3 Musketeers,然後將KitKat釀入去,做成一條KitKat心3 Musketeers身嘅朱古力條,感覺有啲似訓棺材,而人兄仲好細心咁「蓋棺」添。成壇嘢玩乜呢?Fake人?無咁聊啩?我諗嘢衰啲,唔通係超另類植入式廣告?

Read more ›
有片:真心覺得型!1000士兵公仔砌國旗!
by / on 17/03/2016 at 8:00 pm

有片:真心覺得型!1000士兵公仔砌國旗!

愛國唔應該淨係得把口,想話畀人知有幾愛國,點都要做番啲嘢,唔使使好多錢,一切講心,花心思整件Artpiece又睇?片中人兄叫Jacob Feazel,佢用1000個細路仔時代成日玩嘅士兵仔玩具,砌出一幅立體美國國旗,向美國士兵致敬咁話喎。製作過程都幾繁複,先要噴底板,之後噴士兵,紅白藍三色分佈要計算得好精準,啲玩具士兵仲要逐隻用膠水黐,少啲心機都唔得。

Read more ›
【有片】太有型 世界最小 日本手錶便當營養均衡
by / on 17/03/2016 at 7:03 pm

【有片】太有型 世界最小 日本手錶便當營養均衡

呢隻表面上係一隻手錶,實際上竟然可以係一個便當?呢條片搵嚟整錶專家、美容外科醫師、中華料理人嚟拍,好認真咁去製作呢隻直徑約3cm嘅「BENTO WATCH」!只要撳一吓機關,就會彈一對伸縮型筷子出嚟,之後打開錶面就可以隨時隨地邊行邊食,係太有型。咁到底呢條片賣咩呢?賣菜。

Read more ›
【有片】日本藍芽Condom盒 一按彈出 電話播歌
by / on 17/03/2016 at 6:54 pm

【有片】日本藍芽Condom盒 一按彈出 電話播歌

記唔記得之前嗰條Condom腰帶?有需要嘅時候,腰帶扣就會自動打開,之後Condom就會彈出嚟,一手接住,成件事有型之餘一氣呵成!你可能會問,點解要咁麻煩?我會答你,為咗有型囉。好喇,同一個宣傳系列,今次就係呢個盒,佢放到一個Condom入去,當你撳個掣又係彈個Condom出嚟同時,個盒同你部電話嘅藍芽連接就會有反應,電話即時會播歌!之後仲會計算到你嘅動作同時間!雖然唔知個感應器喺邊……不過概念嘅嘢……同埋Youtube嚟講,條片都算大膽。

Read more ›

推理小說真人電影 《ハルチカ》橋本環奈/佐藤勝利主演
by / on 17/03/2016 at 6:47 pm

推理小說真人電影 《ハルチカ》橋本環奈/佐藤勝利主演

「橋本環奈」初次主演嘅電影《水手服與機關槍》,有報道話票房大爆死……不過,佢拍嘅電影就啱啱宣佈有第二套。改編自「初野晴」著嘅推理小說《ハルチカ》,男主角就係Sexy Zone嘅「佐藤勝利」。故事講美少年「上條春太」同青梅竹馬嘅「穗村千夏」,立志進入管樂聖殿「普門館」,但社團人手短缺,佢哋要喺學校搵音樂奇才……個故事……4月開拍,青春囉。

Read more ›
【喪屍咩味?】Capcom出《Biohazard》「T- virus」香水
by / on 17/03/2016 at 11:22 am

【喪屍咩味?】Capcom出《Biohazard》「T- virus」香水

香水嘅嘢,各有所好,嚟緊3月26日,Capcom就會推出《Biohazard/Resident Evil》香水,咁係咩味?係「T-ウィルス」味……我即時諗起《The Walking Dead》入面主角們搽啲喪屍血上身就好似著咗光學迷彩嘅情景……4,200円,限定生產。不過,如果你身邊嘅係Rebecca或者Ada,小心佢爆你頭……

Read more ›
尋找VR眼罩的樂趣 玩家完全無防備
by / on 17/03/2016 at 11:00 am

尋找VR眼罩的樂趣 玩家完全無防備

VR眼罩好玩,自己玩開心,其實睇人玩都係一種享受,尤其係……日本有網民就突破盲腸,就係玩緊VR遊戲時,玩家睇唔到出面世界,係完全處於無防備嘅狀態,而且動作仲會極度忘我……講開又講,我哋都拍過一條囡囡試玩片,係,的確係,到時買咗一定要邀請多啲女機迷返屋企試機。

Read more ›
有片:手指踩迷你滑板 唔使去Skate Park
by / on 17/03/2016 at 9:30 am

有片:手指踩迷你滑板 唔使去Skate Park

此玩意叫「Fingerboard」,即「指板」,即係用手踩滑板,用手?仲要「踩」?嗯,個動詞可能會令人誤會,準確啲講,即係以手指扮用腳玩迷你滑板。呢條片拍得都幾有動感,而迷你滑板亦真係好迷你,應該唔長過三吋,又跳又滑又鏟又撞,唔使真正去Skate park,喺轉盤擺啲障礙物就可以開波玩嘞,Grab、Flip等真正滑板招式亦模仿得似無似樣,想玩得純熟都要下一番苦功。不過我想問,咁樣玩滑板,真係有癮咩?

Read more ›
有片:好膽識不過唔好身手!打後空翻著牛仔褲失敗
by / on 17/03/2016 at 9:00 am

有片:好膽識不過唔好身手!打後空翻著牛仔褲失敗

點解要咁做呢?好型咩?咁又係幾型嘅,如果成功的話。玩乜?好簡單之嘛──先係原地跳,之後玩埋進階版,即坐跑,衝前,踏步,起跳,一腳撐牆,打後空翻,落地著褲,精準啲講,係落地嗰陣雙腳企圖插入牛仔褲褲管,結論係──無一次成功,有一嘢仲好唔小心,一腳兜中幫佢拎住牛仔褲嘅人添。呢下無情力,力度堪比王小虎之裂頭腳,捱呢一腳,都應該幾痛。

Read more ›

日本推出游水專用「過膝襪」 囡囡超人氣泳衣配搭
by / on 17/03/2016 at 7:14 am

日本推出游水專用「過膝襪」 囡囡超人氣泳衣配搭

日本近年好流行水中寫真,水中囡囡著泳衣加過膝襪拍寫真,攝影師古賀学一手帶起呢股熱潮,仲連出三本寫真,三本都好有人氣,我哋之前都有介紹,入嚟有回帶。咁各位想學嘅囡囡,而家可以買呢啲用泳衣物料製造嘅及膝襪嘞,每對3024円,有好多款式揀,係就係貴啲,但配埋泳衣的確幾靚,雖然實用度應該無乜。

Read more ›
【其實佢都唔想】宇宙最曳喵星人 唔摸得瘋狂抓傷主人
by / on 17/03/2016 at 7:13 am

【其實佢都唔想】宇宙最曳喵星人 唔摸得瘋狂抓傷主人

一睇呢隻喵星人Bradley個樣就知佢曳,不過有時啲貓好曳,可能係佢細個受過創傷令佢出現精神問題。Bradley之前俾女主人Zoe領養,返屋企途中喺架車上面已經用盡方法跳出貓籠,之後擒上揸緊車嘅Zoe膊頭再幫佢不停響號打燈,返到屋企後唔止抓到佢受傷入院,亦將屋企嘅地毯瘋狂破壞。由於佢表現得好唔鍾意新屋,Zoe被迫將佢帶返收容所,負責人Andy話當日收留Bradley已經發覺佢性情好奇怪,唔摸得而且具攻擊性,不過情況時好時壞,所以試吓比Zoe收養,但最終都失敗。佢哋估計Bradley應該被領養前受過創傷,唔願意同人接觸,好彩,而家佢哋已經搵到個適合嘅地方俾Bradley,就係一個農場家人嘅屋企,以後Bradley可以喺戶外地方生活放養,亦唔需要同人類有太近嘅接觸,希望呢種方式會真正適合佢。不過無論動物點都好,主人都有責任要照顧佢一生一世,呢個係對自己同對動物嘅承諾,大家千祈唔好隨便棄養。

Read more ›
【有片】5歲妹妹自認鴨媽媽   由細玩到大超溫馨
by / on 17/03/2016 at 7:12 am

【有片】5歲妹妹自認鴨媽媽 由細玩到大超溫馨

每次睇完呢啲新聞我都唔係好想食燒味住。今次嘅主角係5歲嘅小妹妹Kylie Brown同佢好得意嘅鴨仔Snowflake,佢哋由細一齊長大,夏天會一齊游水;冬天就一齊滑雪,感情勁好,每日兩個都形影不離,當鴨仔唔見Kylie時就會不停叫同埋好緊張,小妹妹訪問時仲好肯定話自己就係鴨仔嘅媽咪,超可愛!(雖然鴨仔心裡面可能會諗:「She’s Not My Biological Mom!」) 不過話時話,專家講當鴨仔孵化時第一眼見嘅唔係自己親身媽媽,就會自自然然跟住佢見到而又嘅識郁嘅嘢,亦即係Kylie喇,btw,相信呢位小妹妹呢世都唔會食鴨。

Read more ›
【新片速報】日本瘋狂演奏家 表演太投入Twitter熱傳
by / on 17/03/2016 at 7:12 am

【新片速報】日本瘋狂演奏家 表演太投入Twitter熱傳

最近日本Twitter熱傳以下呢段片,睇得出片中主角對音樂好有熱誠,事發場地喺演奏廳,一隊管弦樂團做緊表演,不過鏡頭就集中一喺一個定音鼓鼓手身上,佢唔止投入,演出仲好別樹一格,睇到最尾你會好佩服佢嘅投入感,係咪演奏嘅一部份嚟架?

Read more ›

本週人氣

8052 views

《銀魂》完結篇最後畫面 原來……

7478 views

Nintendo Switch Online遊戲列表 20隻經典周三有得玩

6359 views

新片速報 陳年街機合作幾打 《Capcom Belt Action Collection》網上連線

5971 views

日本「裝銀仔」神器 網民推介Twitter熱傳

5218 views

機迷出圖 如果出Marvel’s Iron Man遊戲